လံာ်တၢ်ဟးထီၣ်ကွံာ် 15:8 - Sgaw Karen Common Bible

⁸ နအူထီၣ်ကလံၤလၢပီၣ်လဲၣ်အဖီခိၣ်ဒီးထံပာ်ဖှိၣ်အသးထီၣ်ထီဆူ ထး, ဆၢထၢၣ်ဝဲဘျၢယုၢ်ကလာ်ဒ်တၢ်အဒူၣ်အသိး ဒီးပီၣ်လဲၣ်အလီၢ်ယိာ်ကတၢၢ်န့ၣ်ကဲထီၣ်တၢ်လီၢ်အကိၤလီၤ.

လံာ်တၢ်ဟးထီၣ်ကွံာ် 15:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:16

ပီၣ်လဲၣ်အခံဒးအိၣ်ဖျါထီၣ်ဝဲ, ဒီးဟီၣ်ခိၣ်အခီၣ်ထံးတဖၣ်ဘၣ်တၢ်မၤဖျါထီၣ်အီၤ, ဖဲယွၤသိၣ်ဃီၣ်အဒုၣ်အဒါတဖၣ်ဒီးသါသဖှိဘၣ် အဝဲသ့ၣ် လၢတၢ်သးဒိၣ်အပူၤအခါန့ၣ်လီၤ.

လံာ်စီၤယိၤဘး 4:9

ဒီးကစၢ်ယွၤအတၢ်သးထီၣ်မၤဟးဂီၤကွံာ် အဝဲသ့ၣ်ဒ်ကလံၤမုၢ်အသိးန့ၣ်လီၤ.

စံးထီၣ်ပတြၢၤ 33:7

ပာ်ဖှိၣ်ပီၣ်လဲၣ်အထံခဲလၢာ်လၢတၢ်လီၢ်တပူၤဃီ ဒီးပာ်ပီၣ်လဲၣ်အထံယိာ်လၢ တၢ်ပာ်ဖှိၣ်အလီၢ်တဖၣ်န့ၣ်လီၤ.

စံးထီၣ်ပတြၢၤ 78:13

အဝဲဒၣ်မၤသ့ၣ်ဖးပီၣ်လဲၣ်, ဒီးဒုးလဲၤခီဂာ်အဝဲသ့ၣ်, ဒီးပာ်ဆၢထၢၣ်ထံဒ်တၢ်ဒူၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 14:29

မ့မ့ၢ်ပှၤအံၣ်စရ့လးဖိတဖၣ်ဟးဝဲလၢဟီၣ်ခိၣ်ဃ့ထီအဖီခိၣ် ခီဂာ်ပီၣ်လဲၣ်လၢအအိၣ်ဒီးထံအဒူၣ်ခံခီန့ၣ်လီၤ.

လံာ်ယၡါယၤ 11:4

အဝဲကစံၣ်ညီၣ်ပှၤဖှီၣ်ဖိယာ်ဖိတဖၣ်တီတီလိၤလိၤ ဒီးဒီဒၣ်ခီၣ်ဆၢန့ၢ်ပှၤလၢအမၤစၢၤလီၤအသးတသ့တဖၣ် အတၢ်ခွဲးတၢ်ယာ်န့ၣ်လီၤ. လၢအတၢ်စိတၢ်ကမီၤအကလုၢ်န့ၣ်, ပှၤဂီၢ်မုၢ်ကဘၣ်တၢ်စံၣ်ညီၣ် အီၤ ဒီးပှၤအၢပှၤသီတဖၣ်ကသံဝဲလီၤ.

လံာ်ယၡါယၤ 37:7

ယွၤကပျဲစီၤပၤဖးဒိၣ်နၢ်ဟူဘၣ်တၢ်ကစီၣ်ပစိၣ်ပစ့လၢကဒုးက့ၤ အီၤဆူအထံအကီၢ်ဒၣ်ဝဲ, ဒီးယွၤကပျဲအဝဲကဘၣ်တၢ်မၤသံ အီၤဖဲန့ၣ် န့ၣ်လီၤ.”

လံာ်ဃဘးကူာ် 3:10

တုၤကစၢၢ်ကလိတဖၣ်ထံၣ်ဃီၤနၤဒီးကနိးကစုာ်တ့ၢ်ဝဲ, ဒီးထံဂၢ်လီၤတ့ၢ်အသးလၢ မူခိၣ်အလီၢ်တဖၣ်အပူၤန့ၣ်လီၤ. ထံလၢဟီၣ်ခိၣ်လာ်တဖၣ်သီၣ်ထီၣ်ရုၢ်ရုၢ် ဒီးအလပီတဖၣ်ထီၣ်ထီဝဲလီၤ.

လံာ်ဃဘးကူာ် 3:15

နယီၢ်တံၢ်လီၤပီၣ်လဲၣ်လၢနကသ့ၣ်တဖၣ်, ဒီးထံမိၢ်ပှၢ်အသဘှဲထီၣ်ဝဲလီၤ.

၂ သ့းစၤလနံ 2:8

တုၤနုၤတစုတၢ်အၢတၢ်သီတဂၤန့ၣ်, ကဘၣ်တၢ်လီၣ်ဖျါထီၣ် အီၤလီၤ. ဘၣ်ဆၣ်ဒီးဖဲကစၢ်ယ့ၣ်ၡူးဟဲန့ၣ်, ကမၤသံအဝဲဒၣ်လၢအကိာ်ပူၤအတၢ်သါဒီးကမၤဟးဂီၤအီၤ ခီဖျိအတၢ်အိၣ်ဖျါထီၣ်ဒီးအတၢ်ဟဲန့ၣ်လီၤ.

လံာ်စီၤယိၤၡူ 3:13

ဒီးဖဲပှၤလုၢ်တၢ်အခိၣ် တဖၣ်လၢအစိာ်ဟီၣ်ခိၣ်ဒီဘ့ၣ်အယွၤအတၢ်အၢၣ်လီၤအီလီၤအတလါ, ဒီးယီၢ်လီၤထံစှၤခါန့ၣ်ဒီး, ယၢ်ဒ့ၣ်အထံလၢအယွၤလီၤကအိၣ်ပတုာ်ဝဲဒီးထံလၢအဟဲလီၤလၢထး ခီကအိၣ်ပတုာ်ဝဲဒီးအိၣ်ဖှိၣ်စိထီၣ်န့ၣ်လီၤ.”

လံာ်စီၤယိၤၡူ 3:16

ထံန့ၣ်အိၣ်ပတုာ်ဝဲဒီးအိၣ်ဖှိၣ်စိထီၣ်အသးလၢတၢ်လီၢ်အယံၤဖဲ ဝ့ၢ်အၤဒၣ်လၢအအိၣ်ဘူးဒီးစၤရတၣ်န့ၣ်လီၤ. ထံလၢအယွၤလီၤဝဲဆူပီၣ်လဲၣ်သံန့ၣ်တယွၤလီၤလၢၤဘၣ်အဃိပှၤ ဂီၢ်မုၢ်တဖၣ်ခီဂာ်တၢ်ဆူဝ့ၢ်ယရံၤဃိသ့ဝဲန့ၣ်လီၤ.