လံာ်တၢ်ဟးထီၣ်ကွံာ် 15:7 - Sgaw Karen Common Bible

⁷ နမၤနၢၤကွံာ်နဒုၣ်နဒါတဖၣ်လၢနတၢ်ကဟုကညီၢ်အတၢ်မၤနၢၤလီၤ. နတၢ်သးဒိၣ်ကပျီၤထီၣ်ဝဲဒီးအီၣ်ကွံာ်အဝဲသ့ၣ်ခဲလၢာ်ဒ်ဘုလီၢ် အသိးလီၤ.

လံာ်တၢ်ဟးထီၣ်ကွံာ် 15:7 Iomraidhean Croise

လံာ်စီၤယိၤဘး 9:4

ကစၢ်ယွၤန့ၣ်ကူၣ်ဘၣ်ကူၣ်သ့ဒီးအစိအကမီၤဒိၣ်နီၢ်မးန့ၣ်လီၤ. ပှၤထီဒါအီၤတန့ၢ်နီတဂၤဘၣ်.

စံးထီၣ်ပတြၢၤ 148:13

မ်အဝဲသ့ၣ်ခဲလၢာ်စံးထီၣ်ပတြၢၤယွၤအမံၤတက့ၢ်. အဂ့ၢ်ဒ်အံၤ, အဝဲအမံၤဒိၣ်န့ၢ်ဒံးကယဲၢ်မံၤအဂၤခဲလၢာ်န့ၣ်လီၤ. အလၤကပီၤအိၣ်ထီၣ်ထီဝဲလၢ ဟီၣ်ခိၣ်ဒီးမူခိၣ်အဖီခိၣ်န့ၣ်လီၤ.

စံးထီၣ်ပတြၢၤ 59:13

မၤဟးဂီၤကွံာ်အီၤလၢနတၢ်သးထီၣ်အပူၤ, မၤဟးဂီၤကွံာ်အီၤလၢာ်လၢာ်ဆ့ဆ့န့ၣ်တက့ၢ်. အန့ၣ်ဒီးပှၤကိးဂၤဒဲးကသ့ၣ်ညါလၢ ကစၢ်ယွၤပၢတၢ်လၢအံၣ်စရ့လးအပူၤန့ၣ်လီၤ. အတၢ်ပၢအံၤကတုၤဃီၤဆူ ဟီၣ်ခိၣ်ဒီဘ့ၣ်ညါန့ၣ်လီၤ. စ့လၤ

စံးထီၣ်ပတြၢၤ 68:33

ပှၤလၢအဒိးတၢ်လၢ တၢ်အၢၣ်အပူၤ, တၢ်အၢၣ်လၢပျၢၤန့ၣ်တက့ၢ် ကနၣ်အတၢ်ကိးထီၣ် အသီၣ်ဖးဒိၣ်တက့ၢ်.

စံးထီၣ်ပတြၢၤ 83:13

အိ, ယကစၢ်ယွၤဧၢ, မၤလီၤပြံလီၤပြါအဝဲသ့ၣ်ဒ်ဖ့အသိး ဒီးဒ်လီၢ်အကမူၣ်လၢ ကလံၤအမဲာ်ညါအသိးန့ၣ်တက့ၢ်.

လံာ်တၢ်ဟးထီၣ်ကွံာ် 14:27

မၤသးဒ်န့ၣ်ဒီး, စီၤမိၤၡ့ယူာ်ထီၣ်အစုလၢပီၣ်လဲၣ်ဖီခိၣ်ဒီး ဖဲမုၢ်ဆ့ၣ်ဝါထီၣ်န့ၣ်ထံဟဲက့ၤပှဲၤထီၣ်ဝဲဒၣ်ဒ်အလီၢ်လီၢ်န့ၣ် လီၤ. ပှၤအဲၤကူပတူးဖိတဖၣ်ကျဲးစၢးဒ်သိးကပူၤဖျဲးထီၣ်လၢထံကျါ ဘၣ်ဆၣ်ဒီးယွၤတြူာ်ကွံာ်အဝဲသ့ၣ်လၢပီၣ်လဲၣ်အသးကံၢ်ပူၤန့ၣ်လီၤ.

လံာ်တၢ်ဟးထီၣ်ကွံာ် 5:12

ဒီးပှၤဂီၢ်မုၢ်လဲၤဆူကီၢ်အဲၤကူပတူးဒီဘ့ၣ်ညါဒ်သိးကမၤန့ၢ် ဘုလီၢ်အဂီၢ်လီၤ.

လံာ်တၢ်ဟးထီၣ်ကွံာ် 9:16

ဘၣ်ဆၣ်ယပာ်မူနၤဒ်သိးယကဒုးနဲၣ်နၤလၢယစိယကမီၤဒ်သိးယမံၤ ကဘၣ်တၢ်စံၣ်တဲၤတဲလီၤအီၤလၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်ယၡါယၤ 37:17

ခဲအံၤ, ယွၤဧၢ, ဒိကနၣ်ပှၤဒီးကွၢ်တၢ်လၢအမၤအသးဒီးပှၤတက့ၢ်. ဒိကနၣ်တၢ်ခဲလၢာ်လၢစီၤပၤစီၤစၤနဃ့ရံာ်စံးဝဲလၢကဒုၣ်ဒွဲၣ်နၤ, ကစၢ်ယွၤလၢအမူဝဲတဂၤန့ၣ်တက့ၢ်.

လံာ်ယၡါယၤ 37:23

ပှၤလၢနဒုၣ်ဒွဲၣ်ပယွဲဒီးနနံၤဘၣ်ဖၣ်လဲအီၤန့ၣ်နဆိကမိၣ်အမ့ၢ် မတၤလဲၣ်. နတယူးယီၣ်ပာ်ကဲတ့ၢ်ယၤ, အံၣ်စရ့လးအကစၢ်ယွၤစီဆှံတဂၤန့ၣ်ဘၣ်.

လံာ်ယၡါယၤ 37:29

ယဒိးန့ၢ်တ့ၢ်တၢ်ပာ်ဖျါဘၣ်ဃးဒီးနတၢ်သူၣ်ဒိၣ်သးဖျိး, ဒီးနတၢ်ပာ်ထီၣ်ထီနသးအဝဲန့ၣ်အဂ့ၢ်လီၤ. ဒီးခဲအံၤယကဘျးနနါစ့ၤလၢနီၣ်ကွးတခါဒီးယကဒုးအ့ၣ်နၤလၢ ထးအ့ၣ်တဘိဒီးယကမိၤကဒါက့ၤနၤလၢကျဲတဘိဃီ လၢနဟဲတ့ၢ်နဲန့ၣ်လီၤ.”

လံာ်ယၡါယၤ 37:36

ယွၤအကလူးတဂၤလဲၤဆူပှၤအၤၡူၢ်ဖိတဖၣ်သူၣ်ဒဲအလီၢ်ဒီးမၤသံ သုးဖိတကလီၢ်ဃိးကလးယဲၢ်ကထိဂၤန့ၣ်လီၤ. လၢခံတနံၤဂီၤဂီၤန့ၣ်, အဝဲသ့ၣ်အိၣ်စူၣ်လီၤအသးဖဲန့ၣ်ဒီးသံဝဲခဲလၢာ်န့ၣ်လီၤ.

လံာ်ယၡါယၤ 37:38

ဘၣ်တနံၤဖဲအဝဲဘူၣ်တၢ်ဘါတၢ်လၢအကစၢ်နံးစရိးအတၢ် လုၢ်ဟံၣ်ပူၤအဖၢမုၢ်ဒီးအဖိခွါခံဂၤလၢအမ့ၢ်ဝဲစီၤအဒြၤမ့ၤလးဒီးစီၤ ၡၢ်အ့စ့ၢ်, မၤသံကွံာ်အီၤလၢအဝဲသ့ၣ်အနးတဖၣ်, ဒီးဃ့ၢ်ပူၤဖျဲးကွံာ်ဆူ ကီၢ်အရၤရးန့ၣ်လီၤ. အဖိခွါအဂၤတဂၤလၢအမ့ၢ်ဝဲစီၤအ့ၤစၢ်ဃးဒိၣ် ကဲထီၣ်စီၤပၤဖးဒိၣ်လၢအလီၢ်န့ၣ်လီၤ.

လံာ်ယၡါယၤ 47:14

အဝဲသ့ၣ်ကလီၤဂာ်ဒီးဘုလီၢ်အရ့ၣ်အဒ့ဖိတဖၣ် ဒီးမ့ၣ်အူကအီၣ်ကွံာ်အီၤခဲလၢာ်လီၤ. အဝဲသ့ၣ်အုၣ်က့ၤခီၣ်က့ၤလီၤအသးဒၣ်လဲာ်တသ့ဘၣ်. မ့ၣ်အူလၣ်တဖၣ်ကကိၢ်ကဲၣ်ဆိးလၢအဝဲသ့ၣ်အဂီၢ်ဒီးတမ့ၢ်ဝဲမ့ၣ် အူလၢၤလၢၤတခါလၢအဝဲသ့ၣ်ကဆူးဒီးမၤလၢၤအသးအဂီၢ်န့ၣ်ဘၣ်.

လံာ်ယၡါယၤ 5:16

ဘၣ်ဆၣ်ယွၤသ့တၢ်လၢာ်ကစၢ်ဒုးနဲၣ်အတၢ်ဒိၣ်တၢ်မုၢ်ခီဖျိ အမၤတၢ်အဘၣ်ဒီးအဝဲလီၣ်ဖျါထီၣ်အတၢ်စီတၢ်ဆှံခီဖျိ တၢ်စံၣ်ညီၣ်အပှၤဂီၢ်မုၢ်န့ၣ်လီၤ.

လံာ်ယၡါယၤ 5:24

လၢတၢ်န့ၣ်အဃိအခဲအံၤ, ဒ်ဘုလီၢ်ဒီးကပံာ်ဃ့သွံးထီၣ်ကွံာ် ဒီးမ့ၣ်အူအီၣ်အီၤအသိး, သုဂံၢ်တဖၣ်ကအုၣ်ကကျၣ်ကွံာ် ဒီးသုသိၣ်သုဖီတဖၣ်ကဃ့ထီဒီးဒံကွံာ်ဝဲလီၤ. အဂ့ၢ်ဒ်အံၤ, သုညိကွံာ်တၢ်လၢယွၤသ့တၢ်လၢာ်ကစၢ်, အံၣ်စရ့လးအကစၢ်ယွၤစီဆှံ, သိၣ်လိတ့ၢ်ပှၤအဃိန့ၣ်လီၤ.

လံာ်ယံးရမံယၤ 10:6

ယွၤဧၢ, ပှၤဒ်နၤအသိးတအိၣ်နီတဂၤဘၣ်. နဂံၢ်ဆူၣ်နဘါဆူၣ် ဒီးနမံၤန့ၣ်ဒိၣ်ဝဲဒီးအိၣ်ဒီးအစိအကမီၤလီၤ.

လံာ်မံကၤ 4:11

ပှၤအါကလုာ်ပာ်ဖှိၣ်တ့ၢ်အသးဒ်သိးအကဒုးတၢ်ဒီးသုလီၤ. အဝဲသ့ၣ်စံး, “မ်ဝ့ၢ်ယရူၤၡလ့ၣ်အတၢ်စီဆှံကဘၣ်တၢ်မၤတ ရီတပါကွံာ်အီၤတက့ၢ်. ဒီးပကကွၢ်ဝ့ၢ်အံၤအိၣ်လၢတၢ်ဟးဂီၤအပူၤလီၤ”.

လံာ်စကၤရယၤ 14:3

ဒီးယွၤကဟးထီၣ်ဒီးဒုးတၢ်ထီဒါပှၤကလုာ်တဖၣ်န့ၣ်, ဒ်အဝဲဒုးတ့ၢ်ဝဲလၢခါပူၤကွံာ်တဖၣ်အသိးန့ၣ်လီၤ.

လံာ်စကၤရယၤ 14:8

ဖဲမုၢ်နံၤအဝဲန့ၣ်တုၤဃီၤန့ၣ်, ထံမူကယွၤလီၤဝဲဒၣ်လၢဝ့ၢ်ယရူၤၡလ့ၣ်, တဝာ်န့ၣ်ကယွၤလီၤဆူပီၣ်လဲၣ်သံ, ဒီးအဂၤတဝာ်န့ၣ်ကယွၤလီၤဝဲဒၣ်ဆူပီၣ်လဲၣ်ဖးဒိၣ်မဲးထံးထၢၣ် ရ့နယၢၣ်န့ၣ်လီၤ. ထံမူအံၤကယွၤလီၤဝဲဒၣ်လၢဒီတနံၣ်ညါအတီၢ်ပူၤ, လၢတၢ်ယီၤအကတီၢ်ဒီးတၢ်စူၤအကတီၢ်စ့ၢ်ကီးန့ၣ်လီၤ.

လံာ်စကၤရယၤ 2:8

ပှၤတဂၤဂ့ၤတဂၤဂ့ၤလၢအတီၢ်သုန့ၣ်မ့ၢ်အတီၢ်တၢ်လၢ အလုၢ်ဒိၣ်ပှ့ၤဒိၣ်ကတၢၢ်လၢယဂီၢ်န့ၣ်လီၤ.” လၢတၢ်န့ၣ်အဃိယွၤသ့တၢ်လၢာ်မၢလီၤ ယၤအိၣ်ဒီးတၢ်ကစီၣ်အံၤလၢပှၤကလုာ်တဖၣ်လၢအဂုာ်ဆူၣ် ပျီဆူၣ်အပှၤဂီၢ်မုၢ်အဂီၢ်ဒ်အံၤ,

လံာ်မၤလကံ 4:1

ယွၤသ့တၢ်လၢာ်စံးဝဲ, “မုၢ်တနံၤန့ၣ်ဟဲတုၤဝဲဖဲကယဲၢ်ပှၤလၢအပာ်ထီၣ်ထီအသးဒီးမၤ တၢ်အၢခဲလၢာ်ကဘၣ်တၢ်ဆူးထီၣ်ကွံာ်အီၤဒ်လီၢ်ဧိၤဒံးဧိၤအသိး န့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ်ကဘၣ်တၢ်ဆူးထီၣ်ကွံာ်အီၤ, ဒီးတၢ်တပာ်လီၤတဲာ်ဘၣ်တၢ်နီတမံၤဘၣ်ဃးဒီးအဝဲသ့ၣ်ဘၣ်.

လံာ်မးသဲ 3:12

ကီၢ်လဲၢ်အိၣ်လၢအစုပူၤလၢအကပညၢကွံာ်ဖ့တဖၣ်ဒီး အဝဲကမၤပျီအကြဲၢ်ဒီးဂၢ်ဖှိၣ်က့ၤအဘုလၢဖီပူၤလီၤ. မ့မ့ၢ်ဖ့တဖၣ်န့ၣ်ကဆူးထီၣ်ကွံာ်ဝဲလၢမ့ၣ်အူလၢ အတလီၤပံာ်နီတဘျီဘၣ်န့ၣ်လီၤ.”

မၤတၢ် 9:4

အဝဲဒၣ်လီၤတဲာ်ဝဲလၢဟီၣ်ခိၣ်လိၤဒီးနၢ်ဟူတၢ်အကလုၢ် သီၣ်ထီၣ်လၢအစံးဘၣ်အီၤ, “စီၤစီလူးဧၢ, စီၤစီလူးဧၢ, ဘၣ်မနုၤနမၤအၢမၤနးယၤလဲၣ်.”

လံာ်သိၣ်လီၤသီလီၤတၢ် 33:26

ကီၢ်အံၣ်စရ့လးအပှၤဂီၢ်မုၢ်ဧၢ, ယွၤအဂၤတဒ်သိးဘၣ်သုကစၢ်ယွၤဘၣ်. အဝဲဒိးတၢ်ခီဖျိကွံာ်မူကပိာ်လိၤလၢတၢ်ကဟုကညီၢ်အပူၤ, ဒိးတၢ်ခီဖျိကွံာ်တၢ်အၢၣ်တဖၣ်လၢကဟဲမၤစၢၤသုအဂီၢ်န့ၣ်လီၤ.

လံာ်သိၣ်လီၤသီလီၤတၢ် 4:24

မ့ၢ်လၢ, ယွၤ, သုကစၢ်ယွၤန့ၣ်မၤအသးဒ်မ့ၣ်အူလၢအကဲၤကပျီၤ အသိးအဃိန့ၣ်လီၤ. အဝဲမ့ၢ်ကစၢ်ယွၤတဂၤလၢအသးက့ၣ်တၢ်န့ၣ်လီၤ.

ဧ့ၤဘြံၤ 12:29

အဂ့ၢ်ဒ်အံၤ, ပကစၢ်ယွၤမ့ၢ်မ့ၣ်အူလၢအအီၣ်ကွံာ်တၢ်လီၤ.