လံာ်တၢ်ဟးထီၣ်ကွံာ် 15:5 - Sgaw Karen Common Bible

⁵ ပီၣ်လဲၣ်ယိာ်လုၣ်ဘၢအဝဲသ့ၣ် ဒီးလီၤဘျၢဝဲတုၤဆူအခံဒးဒ်လၢၢ်တဖျၢၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 15:5 Iomraidhean Croise

လံာ်စီၤနဃ့မယၤ 9:11

နမၤတ့ၢ်ကျဲတဘိလၢနပှၤဂီၢ်မုၢ်အဂီၢ်လၢပီၣ်လဲၣ်ပူၤ ဒီးဆှၢခီဖျိအဝဲသ့ၣ်လၢဟီၣ်ခိၣ်ဃ့အလိၤန့ၣ်လီၤ. ပှၤတဖၣ်လၢအလူၤအဝဲသ့ၣ်န့ၣ်လီၤအုးကွံာ်လၢထံယိာ်အပူၤ ဒ်လၢၢ်တဖျၢၣ်လီၤဘျၢကွံာ်လၢပီၣ်လဲၣ်လၢအလပီဒိၣ်အပူၤအသိး န့ၣ်လီၤ.

စံးထီၣ်ပတြၢၤ 106:11

ဒီးထံလုၣ်ဘၢသံကွံာ်အဒုၣ်အဒါတဖၣ်, ဒီးလၢအကျါပှၤတအိၣ်လီၤတဲာ်နီတဂၤဘၣ်.

လံာ်တၢ်ဟးထီၣ်ကွံာ် 14:28

ထံဟဲက့ၤကဒါက့ၤဒီးလုၣ်ဘၢကွံာ်လ့ၣ်ကဟၣ်ဒုးသုးတဖၣ်, ပှၤနီၣ်တၢ်တဖၣ်ဒီးကယဲၢ်ပှၤအဲၤကူပတူးအသုးမုၢ်လၢအလူၤထွဲ ပှၤအံၣ်စရ့လးဖိတဖၣ်အခံဆူပီၣ်လဲၣ်ပူၤန့ၣ်လီၤ. ပှၤတဂၤဒၣ်လဲာ်တအိၣ်တ့ၢ်ဘၣ်.

လံာ်တၢ်ဟးထီၣ်ကွံာ် 15:10

ဘၣ်ဆၣ်ဒီးယွၤဧၢ, နတၢ်သါထီၣ်တဘီမၤလီၤအုးသံကွံာ်ပှၤ အဲၤကူပတူးဖိတဖၣ်လီၤ. အဝဲသ့ၣ်လီၤဘျၢဝဲဒ်စၢၢ်လၢထံ လီၤပျံၤလီၤဖုးအပူၤအသိးန့ၣ်လီၤ.

လံာ်တၢ်ဟးထီၣ်ကွံာ် 15:16

တၢ်ပျံၤတၢ်ဖုးနးနးကလဲာ်လီၤဘၣ်လၢအဝဲသ့ၣ် အလိၤလီၤ. အဝဲသ့ၣ်ထံၣ်ဘၣ်နဂံၢ်နဘါ, ယွၤဧၢ. ဒီးဆၢထၢၣ်လၢတၢ်မၤနၢၤတအိၣ်ဘၣ်အပူၤဃုာ်ဒီးတၢ်ပျံၤတၢ်ဖုး တုၤနပှၤဂီၢ်မုၢ်လဲၤထီၣ်ပူၤကွံာ်ဝဲတစု, နပှၤဂီၢ်မုၢ်လၢနမၤထူၣ်ဖျဲးထီၣ်အီၤလၢကုၢ်အလီၢ်န့ၣ်လီၤ.

တၢ်ကတိၤဒိ. 8:24

ယအိၣ်ဖျဲၣ်ထီၣ်တ့ၢ်လၢပီၣ်လဲၣ်တဖၣ်အမဲာ်ညါ, ဖဲထံမူထီၣ်ပၢၢ်တအိၣ်ဒံးဘၣ်ဒၣ်လဲာ်န့ၣ်လီၤ.

လံာ်ယဃ့းစက့လး 27:34

ခဲကနံၣ်အံၤ နဟးဂီၤလၢပီၣ်လဲၣ်အပူၤလံ. နလီၤဘျၢကွံာ်လံလၢ ပီၣ်လဲၣ်ဖးဒိၣ်အတၢ်ယိာ်ပူၤ, နတၢ်ဖိတၢ်လံၤတဖၣ်ဒီးပှၤတဖၣ်လၢ အမၤတၢ်လၢနဂီၢ်န့ၣ်လီၤ. မၢ်ကွံာ်ဃုာ်ဒီးနၤလၢပီၣ်လဲၣ်အပူၤ ခဲလၢာ်လံ.

လံာ်ယိၤနါ 2:2

စံးဝဲဒၣ်, “လၢယဘၣ်တၢ်နးတၢ်ဖှီၣ်န့ၣ်ယကိးထီၣ်နၤ, ဒီးနစံးဆၢယၤလီၤ. ယကိးထီၣ်လၢတၢ်သံအတၢ်ယိာ်ပူၤဒီးနနၢ်ဟူ ယကလုၢ်လီၤ.

လံာ်မံကၤ 7:19

နကသူၣ်ကညီၤသးကညီၤဒံးကဒီးပှၤတဘျီလီၤ. နကယီၢ်တံၢ်ပတၢ်ဒဲးဘးတဖၣ်လၢနခီၣ်အဖီလာ်ဒီးကွံာ်လီၤကွံာ် အီၤဆူပီၣ်လဲၣ်အခံဒးလီၤ.

လံာ်မးသဲ 18:6

ပှၤတဂၤဂၤလၢအဒုးလီၤဃံၤပှၤအဆံးဒ်သိးအံၤတဂၤလၢအသုတနာ် ယၤလၢၤတဂ့ၤန့ၣ်, ဆၢၣ်ဂူာ်လၢၢ်ဖးဒိၣ်တဖျၢၣ်မ့ၢ်ဘၣ်တၢ်စၢထီၣ်အီၤလၢအကိာ်လိၤ ဒီး, မၤလီၤအုးကွံာ်အီၤလၢပီၣ်လဲၣ်အတၢ်ယိာ်ပူၤန့ၣ်, ကဂ့ၤဒၣ်တၢ်တက့ၢ်လီၤ.

လံာ်လီၣ်ဖျါ 18:21

တုၤနုၤတစုကလူးလၢအဂံၢ်ဆူၣ်ဘါဆူၣ်တဂၤဟံးထီၣ်လၢၢ်လၢ အဒိၣ်ထဲသိးဆၢၣ်ဂူာ်လၢၢ်တဖျၢၣ်, ဒီးကွံာ်လီၤအီၤဆူပီၣ်လဲၣ် အပူၤ, ဒီးစံးဝဲ, “လၢကျဲဒ်အံၤအပူၤ, ဝ့ၢ်ဖးဒိၣ်ဘၤဘူၤလိၣ် ကဘၣ်တၢ်တ့ၢ်လီၤအီၤဆူၣ်ဆူၣ်ကလဲာ်, ဒီးတၢ်တထံၣ်န့ၢ်အီၤနီတစုလၢၤဘၣ်လီၤ.