လံာ်တၢ်ဟးထီၣ်ကွံာ် 15:25 - Sgaw Karen Common Bible

²⁵ ဒီးစီၤမိၤၡ့ဘါထုကဖၣ်တၢ်လၢအသူၣ်ကံၢ်သးလဲဆူယွၤအအိၣ် ဒီးယွၤဒုးနဲၣ်အီၤလၢသ့ၣ်တကူးလာ်လီၤ. အဝဲကွံာ်နုာ်ဝဲဆူထံအကျါဒီးထံန့ၣ်ကဲထီၣ်ထံလၢတၢ်အီ အီၤသ့န့ၣ်လီၤ. ဖဲန့ၣ်ယွၤဟ့ၣ်လီၤအဝဲသ့ၣ်လၢတၢ်ဘူၣ်တၢ်ဘါအတၢ်သိၣ်တၢ်သီ တဖၣ်လၢကအိၣ်မူထွဲဝဲအဂီၢ်, ဒီးမၤကွၢ်စ့ၢ်ကီးအဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 15:25 Iomraidhean Croise

လံာ်စီၤပၤခံဘ့ၣ်တဘ့ၣ် 2:21

ဒီးအဝဲလဲၤဝဲဆူထံထီၣ်ပၢၢ်, တ့ၢ်လီၤအံသၣ်ဆူထံကျါဒီး စံးဝဲဒၣ်, “အအံၤမ့ၢ်တၢ်လၢယွၤစံးဝဲလီၤ. ယမၤကဆှီထီၣ်ထံလံ, တဒုးအိၣ်ထီၣ်လၢၤတၢ်သံမ့ၢ်ဂ့ၤ, ပိာ်မုၣ်တဖၣ်အတၢ်ဟုးဟးဂီၤမ့ၢ်ဂ့ၤနီတစုလၢၤဘၣ်.”

လံာ်စီၤပၤခံဘ့ၣ်တဘ့ၣ် 4:41

စီၤအလံၤၡါဃ့တၢ်အီၣ်တနီၤ, တ့ၢ်နုာ်လီၤဝဲဆူသပၢၤပူၤဒီး စံးဝဲဒၣ်, “ဂၢ်လီၤအါထီၣ်ကသူထံတနီၤလၢအဝဲသ့ၣ်အဂီၢ်တက့ၢ်.” အန့ၣ်တစု, ကသူထံန့ၣ်, ဂ့ၤထီၣ်က့ၤဒၣ်တၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 6:6

စီၤအလံၤၡါသံကွၢ်အီၤ, “လီၤတဲာ်ဝဲဖဲလဲၣ်.” ပှၤတဂၤန့ၣ်ဒုးနဲၣ်အီၤတၢ်လီၢ်န့ၣ်ဒီးစီၤအလံၤၡါကျီတဲာ် သ့ၣ်တဘိ, တ့ၢ်လီၤဝဲဆူထံကျါဒီးမၤထီၣ်ဖီက့ၤ, ကွါကနၣ်န့ၣ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 66:10

ကစၢ်ယွၤဧၢ, အဂ့ၢ်ဒ်အံၤ, နမၤကွၢ်တ့ၢ်လံပှၤလံ. နမၤပှံၢ်တ့ၢ်လံပှၤ ဒ်စ့ ဘၣ်တၢ်မၤပှံၢ်အီၤအသိးန့ၣ်လီၤ.

စံးထီၣ်ပတြၢၤ 81:7

လၢသုဘၣ်တၢ်ကိၢ်တၢ်ဂီၤန့ၣ်သုကိးထီၣ်ယၤ, ဒီးယမၤပူၤဖျဲးသုလီၤ. ယစံးဆၢသုလၢလီသီၣ်အလီၢ်ခူသူၣ်, ဒီးယမၤကွၢ်သုဖဲမရံၤဘါအထံထီၣ်ပၢၢ်လီၤ. စ့လၤ

စံးထီၣ်ပတြၢၤ 91:15

တုၤအကိးထီၣ်ယၤန့ၣ်ယကစံးဆၢအီၤ, ယကအိၣ်ဒီးအီၤလၢတၢ်ကိၢ်တၢ်ဂီၤအပူၤ, ယကမၤပူၤမၤဖျဲးအီၤဒီးမၤလၤကပီၤအီၤလီၤ.

စံးထီၣ်ပတြၢၤ 99:6

စီၤမိၤၡ့ဒီး စီၤအၤဟရိၣ်မ့ၢ် အပှၤလုၢ်တၢ်အခိၣ်တဖၣ်, ဒီးစီၤၡမူၤအ့လးမ့ၢ် ပှၤတဂၤလၢ အဘါထုကဖၣ်တၢ်ဆူအီၤလီၤ. အဝဲသ့ၣ်ကိးထီၣ်ယွၤဒီး အဝဲဒၣ်စံးဆၢအဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 14:10

ဖဲပှၤအံၣ်စရ့လးဖိတဖၣ်ထံၣ်ဘၣ်စီၤပၤဒီးအသုးမုၢ်ဟဲဘူး ထီၣ်ဒ်သိးကထီဒါအီၤန့ၣ်, အဝဲသ့ၣ်ပျံၤတၢ်နးနးကလဲာ်ဒီး ကိးပသူထီၣ်ဆူယွၤအအိၣ်လၢတၢ်မၤစၢၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 16:4

ဒီးယွၤစံးဘၣ်စီၤမိၤၡ့, “ခဲကနံၣ်အံၤ, ယကဒုးစူၤလီၤတၢ်အီၣ်တၢ်အီလၢမူခိၣ်လၢသုဝဲခဲလၢာ်အဂီၢ်လီၤ. ပှၤဂီၢ်မုၢ်ကဘၣ်ဟးထီၣ်ကိးမုၢ်နံၤဒီးပာ်ဖှိၣ်တၢ်လၢလၢလီၣ် လီၣ်လၢအနံၤဝဲန့ၣ်အဂီၢ်လီၤ. လၢကျဲဒ်သိးအံၤန့ၣ်, ယမၤကွၢ်အဝဲသ့ၣ်ဒ်သိးယကထံၣ်န့ၢ်အဝဲသ့ၣ်လၢမ့ၢ်အကပိာ်ထွဲ, မ့တမ့ၢ်တပိာ်ထွဲယတၢ်သိၣ်တၢ်သီတဖၣ်အခံဧါကသ့န့ၣ်လီၤ.

လံာ်တၢ်ဟးထီၣ်ကွံာ် 17:4

ဒီးစီၤမိၤၡ့ဘါထုကဖၣ်တၢ်ဆူယွၤအအိၣ်သပှၢ်ပှၢ်ဒီးစံး, “ယကမၤပှၤဂီၢ်မုၢ်အံၤဒ်လဲၣ်. အဝဲသ့ၣ်အိၣ်ကတဲာ်ကတီၤလံအသးလၢကကွံာ်သံယၤလၢလၢၢ်န့ၣ်လီၤ.”

လံာ်တၢ်ဟးထီၣ်ကွံာ် 20:20

ဒီးစီၤမိၤၡ့စံးဆၢဝဲ, “ပျံၤတၢ်တဂ့ၤ. ကစၢ်ယွၤဟဲဒၣ်လၢကမၤကွၢ်သုဒီးပာ်တၢ်ပျံၤဘၣ်အီၤအသးလၢသု ပူၤဒ်သိးသုသုတမၤဒဲးဘးတၢ်တဂ့ၤအဂီၢ်ဧိၤန့ၣ်လီၤ.”

တၢ်ကတိၤဒိ. 17:3

ထူဒီးစ့ဘၣ်တၢ်မၤကွၢ်အီၤလၢမ့ၣ်အူဒီးပှၤကညီတဂၤအသးန့ၣ် ဘၣ်တၢ်မၤကွၢ်အီၤလၢယွၤလီၤ.

လံာ်ယံးရမံယၤ 15:1

အန့ၣ်ဒီးယွၤစံးဘၣ်ယၤ, “စီၤမိၤၡ့ဒီးစီၤၡမူၤအ့လးမ့ၢ် ဆၢထၢၣ်ဖဲအံၤဒီးဃ့သကွံၢ်ကညးယၤဒၣ်လဲာ်, ယတဒုးနဲၣ်ဘၣ်ပှၤဂီၢ်မုၢ် အံၤတၢ်သးကညီၤနီတမံၤဘၣ်. မၢအဝဲသ့ၣ်ဟးကွံာ်တက့ၢ်. မၢအဝဲသ့ၣ်ဟးထီၣ်ကွံာ်လၢယမဲာ်ညါတက့ၢ်.

လံာ်ယံးရမံယၤ 9:7

လၢတၢ်အံၤအဃိယွၤသ့တၢ်လၢာ်စံးဝဲဒၣ်, “ယကပှံၢ်ယပှၤဂီၢ်မုၢ်ဒ်တိၢ်စ့ထးအသိး, ဒီးမၤကွၢ်အဝဲသ့ၣ်န့ၣ်လီၤ. ယပှၤဂီၢ်မုၢ်မၤတ့ၢ်တၢ်အၢတၢ်သီလံ. ယသူအဝဲသ့ၣ်လၢတၢ်အဂုၤအဂၤအဂီၢ်ကသ့ဒ်လဲၣ်.

လံာ်ယဃ့းစက့လး 47:7

ဒီးဖဲယဟဲတုၤဖဲန့ၣ်န့ၣ်ဒီးယထံၣ်ဘၣ်လၢသ့ၣ်တဖၣ်အိၣ်ဝဲအါအါ ဂီၢ်ဂီၢ်လၢထံကျိကၢၢ်ပၤနံၤခံခီလိာ်န့ၣ်လီၤ.

လံာ်ယဃ့းစက့လး 47:8

အဝဲစံးဘၣ်ယၤ, “ထံအံၤယွၤလီၤခီဖျိတၢ်လီၢ်တၢ်ကျဲဆူမုၢ်ထီၣ်တကပၤဒီး ဆူယၢ်ဒ့ၣ်အတၢ်တြီၤပူၤ, ဒီးဆူပီၣ်လဲၣ်သံအပူၤန့ၣ်လီၤ. တုၤအယွၤနုာ်လီၤဆူပီၣ်လဲၣ်သံအပူၤန့ၣ်မၤပှဲၤ က့ၤပီၣ်လဲၣ်န့ၣ်အအံသၣ်ထံအလီၢ်ဒီးထံအဘျါန့ၣ်လီၤ.

1 ကရံၣ်သူး 1:18

အဂ့ၢ်ဒ်အံၤ, လၢပှၤလီၤမၢ်တဖၣ်အဂီၢ်န့ၣ်, တၢ်ကစီၣ်ဘၣ်ဃးခရံာ်အတၢ်သံလၢထူၣ်စုညါအလိၤတမ့ၢ်တၢ်လၢ အခီပညီအိၣ်ဘၣ်. မ့မ့ၢ်, လၢပဝဲပှၤဒိးန့ၢ်တၢ်အုၣ်က့ၤခီၣ်က့ၤတဖၣ် အဂီၢ်န့ၣ်, ခရံာ်အတၢ်သံလၢထူၣ်စုညါအလိၤမ့ၢ်ဝဲကစၢ်ယွၤအစိ ကမီၤလီၤ.

လံာ်သိၣ်လီၤသီလီၤတၢ် 13:3

ကနၣ်ဃုာ်အီၤနီတစဲးတဂ့ၤ. ယွၤသုကစၢ်ယွၤသူအီၤလၢကမၤကွၢ် သုအဂီၢ်, ဒ်သိးကထံၣ်သ့ၣ်ညါဘၣ်ဝဲလၢမ့ၢ်သုအဲၣ်ယွၤလၢသုသးဒီဖျၢၣ် ညါကစီဒီဧါ, န့ၣ်လီၤ.

လံာ်သိၣ်လီၤသီလီၤတၢ် 8:16

လၢပှၢ်မုၢ်ကနၢအပူၤန့ၣ်အဝဲဟ့ၣ်သုကိၣ်မၤနၤလၢသုကအီၣ်အီၤအ ဂီၢ်, ဒီးတၢ်အီၣ်လၢသုမိၢ်ပၢ်ဖံဖုလၢပျၢၤတဖၣ်တအီၣ်ဘၣ်တ့ၢ်နီတစု ဘၣ်န့ၣ်လီၤ. အဝဲဆှၢလီၤတၢ်ကီတၢ်ခဲတဖၣ်လၢသုဖီခိၣ်လၢကမၤကွၢ်သုအဂီၢ် ဒ်သိးလၢအကတၢၢ်န့ၣ်, အဝဲဆိၣ်ဂ့ၤသုလၢတၢ်အဂ့ၤတဖၣ်ကသ့ဝဲအဂီၢ်န့ၣ်လီၤ.

လံာ်သိၣ်လီၤသီလီၤတၢ် 8:2

သ့ၣ်နီၣ်ထီၣ်လၢယွၤ, သုကစၢ်ယွၤဆှၢတ့ၢ်သုဒ်လဲၣ်လၢတၢ်လဲၤကျဲ ဖးယံၤခီဖျိပှၢ်မုၢ်ကနၢလၢအပူၤကွံာ်အနံၣ်လွံၢ်ဆံ, ဒုးကွၢ်ဆၢၣ်မဲာ်သုတၢ်မၤကွၢ်အကီအခဲတဖၣ်ဒ်သိးအဝဲကသ့ၣ်ညါ ဘၣ်ဝဲလၢသုပာ်လီၤသုသးလၢသုကမၤတၢ်မနုၤ, ဒီးမ့ၢ်သုကစူၢ်အဝဲအတၢ်မၤလိာ်တဖၣ်ကစီဒါဧါ, အဂ့ၢ်န့ၣ်တက့ၢ်.

လံာ်ပှၤစံၣ်ညီၣ်ကွီၢ် 2:22

ယကသူပှၤကလုာ်တဖၣ်ဒ်သိးယကသ့ၣ်ညါလၢမ့ၢ်ပှၤအံၣ်စရ့လးဖိတဖၣ်အံၤ ကပိာ်ယကျဲဒ်အမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲအသိး, မ့တမ့ၢ်တပိာ်ဘၣ်ဝဲအဂ့ၢ်န့ၣ်လီၤ.”

လံာ်ပှၤစံၣ်ညီၣ်ကွီၢ် 3:1

မၤသးဒ်န့ၣ်ဒီးယွၤပာ်လီၤတဲာ်ပှၤကလုာ်တနီၤလၢကီၢ်ပူၤဒ်သိး ကမၤကွၢ်ပှၤအံၣ်စရ့လးဖိတဖၣ်လၢအတလဲၤခီဖျိဘၣ်ဒံးတၢ်ဒုး တၢ်ယၤလၢကီၢ်ကနၤဧၣ်အပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 3:4

အဝဲသ့ၣ်ကမ့ၢ်တၢ်မၤကွၢ်လၢပှၤအံၣ်စရ့လးဖိအဂီၢ်ဒ်သိး တၢ်ကထံၣ်ဘၣ်ဝဲလၢ ပှၤအံၣ်စရ့လးဖိတဖၣ်မ့ၢ်အဒိကနၣ်မ့တမ့ၢ် တဒိကနၣ်ဘၣ်တၢ်မၤလိာ်တဖၣ်လၢယွၤဟ့ၣ်လီၤတ့ၢ်အမိၢ်ပၢ်ဖံဖု လၢပျၢၤတဖၣ်ခီဖျိစီၤမိၤၡ့ အဂ့ၢ်န့ၣ်လီၤ.