လံာ်တၢ်ဟးထီၣ်ကွံာ် 15:24 - Sgaw Karen Common Bible

²⁴ ပှၤဂီၢ်မုၢ်ကဒူးကဒ့ၣ်တၢ်ဆူစီၤမိၤၡ့အအိၣ်ဒီးသံကွၢ်ဝဲ, “ပကဘၣ်အီတၢ်မနုၤလဲၣ်.”

လံာ်တၢ်ဟးထီၣ်ကွံာ် 15:24 Iomraidhean Croise

စံးထီၣ်ပတြၢၤ 106:13

ဘၣ်ဆၣ်အဝဲသ့ၣ်သးပ့ၤနီၣ်အဝဲ အတၢ်မၤတဖၣ်ချ့သဒံး ဒီးမၤတၢ်တအိၣ်ဒီးတၢ်ခိး အဝဲတၢ်ဟ့ၣ်ကူၣ်ဟ့ၣ်ဖးဘၣ်န့ၣ်လီၤ.

လံာ်တၢ်ဟးထီၣ်ကွံာ် 14:11

ဒီးအဝဲသ့ၣ်စံးဘၣ်စီၤမိၤၡ့, “လၢကီၢ်အဲၤကူပတူးအပူၤ န့ၣ်မ့ၢ်တၢ်သွၣ်ခိၣ်တအိၣ်ဘၣ်အဃိနဟဲကိးပှၤဆူပှၢ်မုၢ်ကနၣ်အပူၤအံၤလၢပကသံအဂီၢ်ဧါ. ဘၣ်မနုၤလၢနမၤပှၤလၢတၢ်အံၤလၢနထုးထီၣ်ပှၤလၢကီၢ်အဲၤကူပတူးအပူၤန့ၣ်လဲၣ်.

လံာ်တၢ်ဟးထီၣ်ကွံာ် 16:2

ဒီးလၢပှၢ်မုၢ်ကနၢအပူၤန့ၣ်အဝဲသ့ၣ်ခဲလၢာ်ကဒူးကဒ့ၣ်တၢ်ဆူ စီၤမိၤၡ့ဒီးစီၤအၤဟရိၣ်အအိၣ်,

လံာ်တၢ်ဟးထီၣ်ကွံာ် 5:21

ဒီးအဝဲသ့ၣ်စံးဘၣ်စီၤမိၤၡ့ဒီးစီၤအၤဟရိၣ်, “ယွၤထံၣ်တၢ်လၢသုမၤန့ၣ်ဒီးကစံၣ်ညီၣ်သု, မ့ၢ်လၢသုထိၣ်ဂဲၤစီၤပၤဒီးအခ့အပှၤတဖၣ်အသးလၢကသးဟ့ပှၤအဃိန့ၣ်လီၤ. ဒီးသုဟ့ၣ်အဝဲသ့ၣ်တၢ်ပျဲတမံၤဒ်သိးအကမၤသံပှၤန့ၣ်လီၤ.”

လံာ်တၢ်ဂံၢ် 14:22

ပှၤဂီၢ်မုၢ်အံၤတလဲၤနုာ်ဘၣ်ဆူကီၢ်တဘ့ၣ်န့ၣ်အပူၤနီ တဂၤဘၣ်. အဝဲသ့ၣ်ထံၣ်ဘၣ်တ့ၢ်ယတၢ်အိၣ်ယဲအတၢ်ကပြုၢ်ကပြီၤဒီး တၢ်လီၤလးတဖၣ်လၢယမၤတ့ၢ်ယဲလၢကီၢ်အဲၤကူပတူးအပူၤဒီးလၢ ပှၢ်မုၢ်ကနၢအပူၤ, ဘၣ်ဆၣ်ဒီးအဝဲသ့ၣ်မၤကွၢ်တ့ၢ်ယတၢ်သးစူၤ တဘျီဝံၤတဘျီဒီးဂ့ၢ်လိာ်ဝဲလၢကစူၢ်ယၤအဂီၢ်န့ၣ်လီၤ.

လံာ်တၢ်ဂံၢ် 16:11

ဖဲနကဒူးကဒ့ၣ်တၢ်ထီဒါစီၤအၤဟရိၣ်န့ၣ်မ့ၢ်နၤဒီးပှၤပိာ်နခံ တဖၣ်ပူထီၣ်ယွၤနီၢ်နီၢ်န့ၣ်လီၤ.”

လံာ်တၢ်ဂံၢ် 16:41

မုၢ်ဆ့ၣ်ထီၣ်တနံၤန့ၣ်ပှၤဂီၢ်မုၢ်ဒီကရူၢ်ညါကဒူးကဒ့ၣ်တၢ်ထီ ဒါစီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “သုမၤသံတ့ၢ်ယွၤအပှၤဂီၢ်မုၢ်တနီၤလီၤ.”

လံာ်တၢ်ဂံၢ် 17:10

ယွၤစံးဘၣ်စီၤမိၤၡ့, “ပာ်က့ၤစီၤအၤဟရိၣ်အနီၣ်ထိးဘိ လၢတၢ်အၢၣ်လီၤအီလီၤအတလါစီဆှံအမဲာ်ညါတက့ၢ်. တၢ်န့ၣ်ကဘၣ်တၢ်ပာ်အီၤဒ်တၢ်ဟ့ၣ်ပလီၢ်တမံၤဆူပှၤပူထီၣ်ထီ ဒါတၢ်အံၣ်စရ့လးဖိတဖၣ်လၢအဝဲသ့ၣ်အတၢ်ကဒူးကဒ့ၣ်မ့ၢ်တဆိ ကတီၢ်ဘၣ်ဒီးကဘၣ်သံဝဲန့ၣ်တက့ၢ်.”

လံာ်တၢ်ဂံၢ် 21:5

ဒီးကတိၤတၢ်ထီဒါကစၢ်ယွၤဒီးစီၤမိၤၡ့န့ၣ်လီၤ. အဝဲသ့ၣ်ကဒူးကဒ့ၣ်တၢ်စံးဝဲ, “နထုးထီၣ်ပှၤလၢကီၢ်အဲၤကူပတူးဒ်သိးပကသံလၢပှၢ်မုၢ်ကနၢ အပူၤအံၤဖဲတၢ်အီၣ်တအိၣ်ထံတအိၣ်န့ၣ်ဘၣ်မနုၤလဲၣ်. တၢ်အီၣ်တဂိာ်တသီၣ်အံၤ, ပအီၣ်တကဲလၢၤဘၣ်.”

လံာ်မးသဲ 6:25

လၢတၢ်န့ၣ်အဃိ ယစံးဘၣ်သု, သုတဘၣ်ယိၣ်တၢ်လၢတၢ်အီၣ်တၢ်အီလၢ သုသးသမူအဂီၢ်မ့ၢ်ဂ့ၤ, တၢ်ကူတၢ်သိးလၢသုနီၢ်ခိအဂီၢ်မ့ၢ်ဂ့ၤန့ၣ်တဂ့ၤ. နီၢ်နီၢ်တခီသးသမူန့ၣ်အကါဒိၣ်န့ၢ်တၢ်အီၣ်တၢ်အီဒီးနီၢ်ခိအကါဒိၣ်န့ၢ် တၢ်ကူတၢ်သိးတက့ၢ်တမ့ၢ်ဘၣ်ဧါ.

1 ကရံၣ်သူး 10:10

ပတဘၣ်ကအုကစွါဒ်အဝဲသ့ၣ်တနီၤမၤဝဲအသိးဘၣ်. ဒီးအဝဲသ့ၣ်ဘၣ်တၢ်မၤဒၢၣ်ကွံာ်အီၤလၢတၢ်သံ အကလူးန့ၣ်လီၤ.

ဖံလံးပံၤ 2:14

ဖဲသုဖံးတၢ်မၤတၢ်တမံၤလၢ်လၢ်န့ၣ်တဘၣ်အိၣ်ဒီးတၢ်ကဒူး ကဒ့ၣ်ဒီးတၢ်ဂ့ၢ်လိာ်ဘှီလိာ်တဂ့ၤ.

ယူဒၤ 1:16

ပှၤသ့ၣ်တဖၣ်အံၤကဒူးကဒ့ၣ်တၢ်ဒီးပာ်တၢ်ကမၣ်လၢ ပှၤဂၤအလိၤထီဘိန့ၣ်လီၤ. အဝဲသ့ၣ်မၤထွဲအကစၢ်ဒၣ်ဝဲအတၢ်သူၣ်လီသးကွံအအၢအသီ တဖၣ်အခံန့ၣ်လီၤ. အဝဲသ့ၣ်ကတိၤဒိၣ်ကတိၤသွါလီၤက့ၤအသးဒၣ်ဝဲဒီး ကတိၤကဖၢလၢထီၣ်ပှၤဂၤတဖၣ်လၢအဝဲသ့ၣ်အတၢ်ဘၣ်ဘျုးဒၣ်ဝဲအဂီၢ်န့ၣ်လီၤ.