လံာ်တၢ်ဟးထီၣ်ကွံာ် 15:20 - Sgaw Karen Common Bible

²⁰ ဝံမုၣ်နီၢ်မံးရယၣ်လၢအမ့ၢ်စီၤအၤဟရိၣ်အဒီပုၢ်ဝဲၢ်မုၣ်ဟံး ထီၣ်အဒၢတြုၤလၢအစုပူၤဒီးကယဲၢ်ပိာ်မုၣ်ခဲလၢာ်, ပိာ်ထီၣ်အခံအိၣ်ဒီးဒၢတြုၤတဖၣ်ဒီးဂဲၤကလံာ်ဝဲလီၤ.

လံာ်တၢ်ဟးထီၣ်ကွံာ် 15:20 Iomraidhean Croise

လံာ်တၢ်ကဲထီၣ်အခီၣ်ထံး 31:27

ဘၣ်မနုၤလၢနလီယၤဒီးဟးထီၣ်ကစုဒုဒီးတဒုးသ့ၣ်ညါယၤဘၣ် န့ၣ်လဲၣ်. နမ့ၢ်တဲယၤဒီးယကဆှၢနၤလၢတၢ်သူၣ်ခုသးခုအပူၤဒီးသးဝံၣ် တၢ်လၢဒၢဧိၤတြၤဧိၤဒီးတနၢ်သီတူၢ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:20

ဘိးဘၣ်သ့ၣ်ညါအီၤလၢဝ့ၢ်ကၤသးအပူၤ မ့တမ့ၢ်လၢဝ့ၢ်အၤၡးကလိၣ်အကျဲဘိတဖၣ်အပူၤ န့ၣ်တဂ့ၤ. ဒုးသးခုပှၤပိာ်မုၣ်တဖၣ်လၢကီၢ်ဖလ့ၡသးတဂ့ၤ. ပျဲပှၤတစူၢ်တနာ်ယွၤအဖိမုၣ်တဖၣ်သူၣ်ဖှံသးညီတဂ့ၤ.

လံာ်စီၤၡမူၤအ့လးခံဘ့ၣ်တဘ့ၣ် 6:14

စီၤဒၤဝံးကူဒၣ်ထဲတၢ်ကံးယာ်လုၣ်ဖီဝါကဆှၣ်ဖိတဘ့ၣ်လၢအယီၢ် ဒ့လိၤဒီးဂဲၤကလံာ်လၢာ်သူၣ်လၢာ်သးလၢတၢ်မၤလၤကပီၤယွၤအဂီၢ် န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:16

တုၤတလါစီဆှံန့ၣ်ဘၣ်တၢ်က့ၤစိာ်နုာ်အီၤဆူဝ့ၢ်ပူၤဒီး, စီၤစီလူးအဖိမုၣ်နီၢ်မံၤကၤလးကွၢ်ဃီၤတၢ်လၢပဲတြီဖိဒီး ထံၣ်ဘၣ်စီၤပၤစီၤဒၤဝံးဂဲၤကလံာ်ဒီးစံၣ်ဝ့ၤစံၣ်ဝီၤလၢယွၤ အမဲာ်ညါသတးဒီးပိာ်မုၣ်န့ၣ်အသးဘၣ်အၢအီၤလၢအသးကံၢ်ပူၤန့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:5

စီၤဒၤဝံးဒီးကယဲၢ်ပှၤအံၣ်စရ့လးဖိတဖၣ်ဂဲၤကလံာ် ဒီးသူၣ်ဝံၣ်သးဆၢလၢာ်ဂံၢ်လၢာ်ဘါဒ်သိးကမၤလၤကပီၤယွၤအဂီၢ်န့ၣ်လီၤ. အဝဲသ့ၣ်ဒ့တနၢ်တဖၣ်, သီတူၢ်တဖၣ်, ဒၢတဖၣ်, ပှ့ၤသၣ်တဖၣ်, ဒီးစှၢၢ်စှံးတဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 22:14

စီၤဃံးလကံယၤ, စီၤအဃံကၣ်, စီၤဧးကဘိၢ်, စီၤၡၤဖၣ်ဒီးစီၤဧစါယၤတဖၣ်လဲၤဒ်သိးကသံကွၢ်တၢ်လၢပိာ်မုၣ် တဂၤလၢအမံၤမ့ၢ်ဝဲနီၢ်ဃူးလဒါဝံမုၣ်တဂၤလၢအအိၣ်ဆိးဝဲလၢ ဝ့ၢ်ယရူၤၡလ့ၣ်အတၢ်လီၢ်အသီ, အအိၣ်န့ၣ်လီၤ. (အဝဲအဝၤစီၤၡၤလူၣ်လၢအမ့ၢ်စီၤတံးကဝၤအဖိခွါ, ဒီးစီၤဃၢ်ဃၣ်အလံၤခွါန့ၣ်, မ့ၢ်ပှၤပၢၤယွၤအတၢ်လုၢ်ဟံၣ်အဆ့ ကၤဖးထီတဖၣ်န့ၣ်လီၤ.) အဝဲသ့ၣ်တဲဘၣ်နီၢ်ဃူးလဒါလၢတၢ်လၢအမၤတ့ၢ်အသး,

လံာ်ကွဲးနီၣ်တၢ်အခီၣ်ထံးတဘ့ၣ် 15:16

စီၤဒၤဝံးမၤလိာ်ပှၤလ့ၤဝံဖိအခိၣ်အနၢ်တဖၣ်လၢကဟ့ၣ်မူဟ့ၣ် ဒါပှၤလ့ၤဝံဖိတဖၣ်ဒ်သိးကသးဝံၣ်တၢ်အိၣ်ဒီးတၢ်ဒ့တၢ်အူ အပီးအလီ အကလုာ်ကလုာ်လၢအမ့ၢ်သီတူၢ်တဖၣ်တနၢ်တဖၣ်ဒီးစှၢၢ်စှံး တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:3

စီၤဧၤမရၣ်အိၣ်ဒီးအဖိခွါခံဂၤလၢအမ့ၢ်စီၤအၤဟရိၣ်ဒီးစီၤ မိၤၡ့, ဒီးအဖိမုၣ်တဂၤလၢအမ့ၢ်နီၢ်မံးရယၣ်န့ၣ်လီၤ. ဒီးစီၤအၤဟရိၣ်အိၣ်ဒီးအဖိခွါလွံၢ်ဂၤလၢအမ့ၢ်စီၤနဒး, စီၤအဘံဟူၤ, စီၤအလၤဧစၢ်ဒီးစီၤအံသမၢ်န့ၣ်လီၤ.

လံာ်စီၤနဃ့မယၤ 6:14

ဒီးယဘါထုကဖၣ်ယဲ, “ကစၢ်ယွၤဧၢသ့ၣ်နီၣ်ထီၣ်က့ၤတၢ်လၢစီၤ တိၤဘံယၤဒီးစီၤစၤနဘၤလးမၤတ့ၢ်ဝဲဒီးစံၣ်ညီၣ်အဝဲသ့ၣ်န့ၣ်တက့ၢ်. ဒီးသ့ၣ်နီၣ်ထီၣ်က့ၤပိာ်မုၣ်တဂၤလၢအမ့ၢ်နီၢ်နိဒယၤဒီးဝံ အဂၤတဖၣ်လၢအကျဲးစၢးမၤပျံၤယၤန့ၣ်တက့ၢ်.”

စံးထီၣ်ပတြၢၤ 149:3

မ်အဝဲသ့ၣ်စံးထီၣ်ပတြၢၤအမံၤလၢတၢ်ဂဲၤကလံၣ်, သးဝံၣ်ထီၣ်အီၤလၢဒၢဖိဒီးတနၢ်တက့ၢ်.

စံးထီၣ်ပတြၢၤ 150:4

စံးထီၣ်ပတြၢၤအီၤလၢဒၢ, ဒီးတၢ်ဂဲၤကလံၣ်တက့ၢ်. စံးထီၣ်ပတြၢၤအီၤလၢတၢ်လၢပှၤဒ့ဝဲဒီး တၢ်လၢပှၤအူဝဲန့ၣ်တက့ၢ်.

စံးထီၣ်ပတြၢၤ 30:11

ယတၢ်မိၣ်တၢ်မးန့ၣ်နဒုးကဲထီၣ်အီၤဆူ တၢ်ဂဲၤကလံၣ်လၢယဂီၢ်, နဟံးထီၣ်ကွံာ်ယတၢ်သူၣ်အုးသးအုး ဒီးဘိၣ်ဘံယၤလၢတၢ်သူၣ်ခုသးခု,

စံးထီၣ်ပတြၢၤ 68:11

ကစၢ်ဟ့ၣ်လီၤအကလုၢ်, ဒီးပိာ်မုၣ်အါဂၤစိာ်တၢ်ကစီၣ်တဖၣ်န့ၣ်လီၤ.

စံးထီၣ်ပတြၢၤ 68:25

ပှၤသးဝံၣ်တၢ်ဖိလဲၤလၢညါ, ပှၤဒ့တၢ်ဖိလဲၤလၢခံ ဒီးလၢအဘၢၣ်စၢၤန့ၣ် ပှၤမုၣ်ကနီၤတဖၣ်လၢအပှီၢ်ဒၢတဖၣ်န့ၣ်လီၤ.

စံးထီၣ်ပတြၢၤ 68:26

လၢပှၤဂီၢ်မုၢ်အကျါန့ၣ်စံးထီၣ်ပတြၢၤယွၤတက့ၢ်. “စံးထီၣ်ပတြၢၤယွၤ, သုဝဲစီၤယၤကိာ်အစၢၤအသွဲၣ်သ့ၣ်ဧၢ.”

စံးထီၣ်ပတြၢၤ 81:2

စးထီၣ်တၢ်သးဝံၣ်, ပှီၢ်ဒၢဖိတဖၣ်, ဒီးဒ့တၢ်သးဝံၣ်အမုာ်လၢသီတူၢ်ဒီးတနၢ်

လံာ်တၢ်ဟးထီၣ်ကွံာ် 2:4

ဒီးဖိသၣ်အံၤအဝဲၢ်ပိာ်မုၣ်ဆၢထၢၣ်တယံၤတဘူးဒီးအီၤဒ်သိး ကထံၣ်ဘၣ်ဝဲတၢ်ကမၤအသးဒီးအီၤဒ်လဲၣ်ဒ်လဲၣ်အဂီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 3:4

အဝဲပာ်လီၤဝဲတၢ်အကတီၢ်လၢတၢ်သးအုးအဂီၢ်ဒီးတၢ် အကတီၢ်လၢတၢ်သးခုအဂီၢ်, တၢ်အကတီၢ်လၢတၢ်ဟီၣ်တၢ်ယၢၤအဂီၢ်, ဒီးတၢ်အကတီၢ်လၢတၢ်ဂဲၤကလံၣ်အဂီၢ်,

လံာ်ယံးရမံယၤ 31:4

ယကမၤထီၣ်က့ၤ ကဒီး သုတဘျီန့ၣ်လီၤ. သုကဟံးထီၣ်ကဒီး ဒၢတဖၣ်ဒီး ဂဲၤကလံာ်လၢတၢ် သးခုအပူၤန့ၣ်လီၤ.

လံာ်မံကၤ 6:4

ယထုးထီၣ်ကွံာ်သုလၢကီၢ်အဲၤကူပတူးအပူၤဒီးပှ့ၤက့ၤသုလၢတၢ်မၢကဲကုၢ်, ယမၢလီၤစီၤမိၤၡ့, စီၤအၤဟရိၣ်ဒီးနီၢ်မံးရယၣ်လၢကဆှၢသုလီၤ.

လံာ်တၢ်ဂံၢ် 12:1

စီၤမိၤၡ့ထီၣ်ပှၢ်ဝဲဒီးပှၤကူၤၡးမုၣ်တဂၤ, ဒီးနီၢ်မံးရယၣ်ဒီးစီၤအၤဟရိၣ်ကတိၤထီဒါအီၤလၢတၢ်န့ၣ်အဃိ န့ၣ်လီၤ.

လံာ်တၢ်ဂံၢ် 12:2

အဝဲသ့ၣ်စံးဝဲဒၣ်, “မ့ၢ်ယွၤကတိၤတၢ်ခီဖျိဒၣ်ထဲစီၤမိၤၡ့ တဂၤဧိၤလီၤဧါ. မ့ၢ်အတကတိၤတၢ်ခီဖျိစ့ၢ်ကီးပှၤဘၣ်ဧါ.” ယွၤနၢ်ဟူတၢ်လၢအဝဲသ့ၣ်စံးတ့ၢ်ဝဲန့ၣ်လီၤ.

လံာ်တၢ်ဂံၢ် 20:1

လၢလါအခီၣ်ထံးတလါအပူၤန့ၣ်ကီၢ်အံၣ်စရ့လးအပှၤဂီၢ်မုၢ်ဒီ ကရူၢ်ညါဟဲတုၤဝဲဆူပှၢ်မုၢ်ကနၢစံၣ်ဒီးသူၣ်လီၤအဒဲဖဲ ကၤဒ့ၣ်န့ၣ်လီၤ. ဖဲန့ၣ်နီၢ်မံးရယၣ်သံဝဲဒီးဘၣ်တၢ်ခူၣ်လီၤကွံာ်အီၤန့ၣ်လီၤ.

လံာ်တၢ်ဂံၢ် 26:59

စီၤဧၤမရၣ်ဆီဟံၣ်ဆီဃီဒီးစီၤလ့ၤဝံအဖိမုၣ်နီၢ်ယိကဘ့ၣ်လၢ အအိၣ်ဖျဲၣ်လၢကီၢ်အဲၤကူပတူးအပူၤန့ၣ်လီၤ. အဝဲဆံးစၢ်ထီၣ်န့ၢ်စီၤဧၤမရၣ်လၢဖိခွါခံဂၤ, လၢအမ့ၢ်စီၤအၤဟရိၣ်ဒီးစီၤမိၤၡ့ဒီးဖိမုၣ်တဂၤ, လၢအမ့ၢ်နီၢ်မံးရယၣ်န့ၣ်လီၤ.

လံာ်လူၤကၣ် 2:36

ဝံမုၣ်လၢအသးပှၢ်သဃဲးအိၣ်ဝဲဖဲန့ၣ်တဂၤလီၤ. အဝဲဒၣ်မ့ၢ်မုၣ်ကမဲလၢအမံၤမ့ၢ်နီၢ်အၣ်နၤ, ဒီးမ့ၢ်ဝဲစီၤဖနူၤအ့လး, လၢအဘၣ်ဃးဒီးစီၤအၤၡူၢ်အဒူၣ်တဂၤန့ၣ်အဖိမုၣ်လီၤ. အဝဲဒၣ်ထီၣ်ပှၢ်ဝံၤအလီၢ်ခံအိၣ်ဘၣ်ဒီးအဝၤထဲနွံနံၣ်,

မၤတၢ် 21:9

အဝဲဒၣ်အိၣ်ဒီးအဖိမုၣ်မုၣ်ကနီၤလွံၢ်ဂၤ, လၢအတဲဖျါထီၣ်ကစၢ်ယွၤအတၢ်ကစီၣ်န့ၣ်လီၤ.

1 ကရံၣ်သူး 11:5

ဒီးပှၤပိာ်မုၣ်တဂၤဂၤလၢအဃ့ဘါထုကဖၣ်, မ့တမ့ၢ်, ကတိၤတၢ်လၢဝံအကျိာ်ဖဲပှၤဂီၢ်မုၢ်အတၢ်ဘူၣ်ထီၣ်ဘါထီၣ်အဆၢ ကတီၢ်န့ၣ်မ့ၢ်တဖၢၣ်ဘၢဃာ်အခိၣ်လၢတၢ်နီတစဲးဒီးမ့ၢ်အမၤဟးဂီၤ အဝၤအလၤကပီၤလီၤ. အဝဲဒၣ်တလီၤဆီဒီးပိာ်မုၣ်လၢအခိၣ်သူဘၣ်တၢ်လူၤကွံာ်အီၤ တဂၤဘၣ်.

1 ကရံၣ်သူး 14:34

ပှၤပိာ်မုၣ်တဖၣ်ကဘၣ်အိၣ်ဘှ့ၣ်လၢတၢ်အိၣ်ဖှိၣ်တဖၣ် အပူၤလီၤ. တၢ်တပျဲအဝဲသ့ၣ်စံးကတိၤတၢ်ဘၣ်. ဒ်ယူဒၤအတၢ်သိၣ်တၢ်သီစံးဝဲအသိးန့ၣ်အဝဲသ့ၣ် ကဘၣ်အိၣ်လၢတၢ်ပၢတၢ်ဆှၢအဖီလာ်လီၤ.

လံာ်ပှၤစံၣ်ညီၣ်ကွီၢ် 11:34

ဒီးဖဲစီၤယံးဖသၤက့ၤဆူအဟံၣ်အိၣ်လၢမံးစပၤန့ၣ်အဖိမုၣ်ဟဲ ထီၣ်လၢဟံၣ်ပူၤဒ်သိးအကသဂၢၢ်အီၤ, အိၣ်ဒီးတၢ်ဂဲၤကလံာ်ဒီးတၢ်ပှီၢ်ဒၢန့ၣ်လီၤ. အဝဲမ့ၢ်ဖိမုၣ်ထဲတဂၤဧိၤန့ၣ်လီၤ.

လံာ်ပှၤစံၣ်ညီၣ်ကွီၢ် 21:21

ဖဲပိာ်မုၣ်ဖိလၢၡံလိၣ်တဖၣ်မ့ၢ်ဟဲထီၣ်ဒ်သိးကဂဲၤကလံာ်ဖဲ မူးအဆၢကတီၢ်န့ၣ်, ဟဲထီၣ်လၢစပံးလီၢ်တဖၣ်အပူၤတက့ၢ်. သုဝဲတဂၤစုာ်စုာ်ဟံးန့ၢ်ဆူၣ်သုမါလၢပိာ်မုၣ်ဖိသၣ်တဖၣ်အကျါ ဒီးစိာ်အီၤဆူဘံၣ်ယၤမံၣ်အပူၤဃုာ်ဒီးသုတက့ၢ်.

လံာ်ပှၤစံၣ်ညီၣ်ကွီၢ် 4:4

ဒီးစီၤလံးပံအမါနီၢ်ဒဘိရၤမ့ၢ်ဝံမုၣ်တဂၤလၢအမၤတၢ်ဒ်ပှၤစံၣ်ညီၣ်ကွီၢ်တဂၤ လၢပှၤအံၣ်စရ့လးဖိတဖၣ်အဂီၢ်ဖဲအကတီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:5

အန့ၣ်ဝံၤဒီးနကလဲၤဆူကစၢ်ယွၤအကစၢၢ်အအိၣ်လၢဝ့ၢ်ကံးဘဧးအပူၤ ဖဲပှၤဖလ့ၡသးဖိတဖၣ်သူၣ်ဒဲအလီၢ်အိၣ်ဝဲတတီၤန့ၣ်လီၤ. ဖဲတၢ်လဲၤနုာ်လီၤဆူဝ့ၢ်အကျဲစၢၤန့ၣ်နကထံၣ်လိာ်ဒီးဝံတဖု ဟဲလီၤလၢတၢ်လုၢ်လီၢ်အိၣ်လၢကစၢၢ်လိၤန့ၣ်ဒ့ဒီးသီတူၢ်တဖၣ်, ပှီၢ်ဒၢတဖၣ်, အူပံတဖၣ်ဒီးမၤသီၣ်စှၢၢ်စှံးတဖၣ်န့ၣ်လီၤ. အဝဲသ့ၣ်ကဂဲၤကလံာ်ဒီးကိးပသူဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:6

ဖဲစီၤဒၤဝံးဟဲက့ၤလၢအတၢ်မၤသံစီၤကၤလယးဝံၤဒီး, ဒီးပှၤသုးဖိတဖၣ်ဟဲက့ၤဆူဟံၣ်န့ၣ်, ပိာ်မုၣ်တဖၣ်လၢဝ့ၢ်ကိးဝ့ၢ်ဒဲး အိၣ်လၢကီၢ်အံၣ်စရ့လးအပူၤဟဲထီၣ်ဒ်သိးကသဂၢၢ်စီၤပၤ စီၤစီလူးလီၤ. အဝဲသ့ၣ်သူၣ်ဝံၣ်သးဆၢတၢ်သးခု အတၢ်သးဝံၣ်တဖၣ်, ဂဲၤကလံာ်ဝဲဒီးဆ့လ့, ဒီးသီတူၢ်တဖၣ်လီၤ.