လံာ်တၢ်ဟးထီၣ်ကွံာ် 15:17 - Sgaw Karen Common Bible

¹⁷ ယွၤဧၢ, နဟဲစိာ်နုာ်အီၤဒီးသူၣ်လီၤအီၤလၢနကစၢၢ်ဒီခိၣ်, တၢ်လီၢ်ဖဲနၤ, ယွၤဃုထၢတ့ၢ်အီၤလၢနဟံၣ်အဂီၢ်, ယွၤအတၢ်လုၢ်ဟံၣ်လၢနနီၢ်ကစၢ်ဒၣ်နဲနသူၣ်ထီၣ် အီၤလီၤ.

လံာ်တၢ်ဟးထီၣ်ကွံာ် 15:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:10

ယဃုထၢတ့ၢ်တၢ်လီၢ်တတီၤလၢပှၤဂီၢ်မုၢ်အံၣ်စရ့လးအဂီၢ် ဒီးသူၣ်လီၤဆီလီၤအဝဲသ့ၣ်ဖဲန့ၣ်, ဖဲအဝဲသ့ၣ်ကအိၣ်ဆိးဝဲ တအိၣ်ဘၣ်ဒီးတၢ်မၤအၢမၤနးအီၤနီတစုဘၣ်န့ၣ်လီၤ. စးထီၣ်လၢအဝဲသ့ၣ်နုာ်လီၤဆူကီၢ်အံၤအပူၤလံၤလံၤန့ၣ်, အဝဲသ့ၣ်ဘၣ်တၢ်ဒုးအီၤလၢပှၤမၤတၢ်လၢတၢ်စုဆူၣ်ခီၣ်တကးအပူၤ တဖၣ်လီၤ.

လံာ်စီၤပၤအခီၣ်ထံးတဘ့ၣ် 8:13

ခဲကနံၣ်အံၤယသူၣ်ထီၣ်လံတၢ်လုၢ်ဟံၣ်လီၤဘီလီၤမုၢ်တဖျၢၣ်လၢနဂီၢ်, တၢ်လီၢ်တတီၤလၢနကအိၣ်ကဆိးလၢအပူၤလီၤထူလီၤယိာ်န့ၣ်လီၤ.”

စံးထီၣ်ပတြၢၤ 114:2

ယူဒၤကဲထီၣ်ယွၤအပှၤဂီၢ်မုၢ်စီဆှံ, အံၣ်စရ့လးကဲထီၣ်အတၢ်န့ၢ်သါဒၣ်ဝဲလီၤ.

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

စံးထီၣ်ပတြၢၤ 44:2

လၢနစုဒၣ်နဲနနီၣ်ဟးထီၣ်ကွံာ်ပှၤတဘူၣ် ထီၣ်ဘါထီၣ်နၤသ့ၣ်တဖၣ်, ဒီးပာ်လီၤနပှၤဂီၢ်မုၢ်လၢ အဝဲသ့ၣ်အကီၢ်ပူၤဒ်လဲၣ်, နစံၣ်ညီၣ်ဃၣ်ပှၤကလုာ်ဂၤတဖၣ် ဒီးဒုးဘီၣ်ထီၣ်ညီထီၣ်နပှၤဂီၢ်မုၢ်ဒၣ်နဲဒ်လဲၣ်န့ၣ်လီၤ.

စံးထီၣ်ပတြၢၤ 68:16

ဘၣ်မနုၤသုကွၢ်တၢ်လၢတၢ်စိခိၣ် ဖးထီတဖၣ် လၢတၢ်သးက့ၣ်ဆူ ကစၢၢ်လၢ ကစၢ်ယွၤ ဃုထၢအီၤလၢ ကအိၣ်ဆိးဝဲန့ၣ်လဲၣ်. ယွၤကအိၣ်ဖဲန့ၣ်လီၤထူလီၤယိာ်လီၤ. မ့ၢ်လံ, ယွၤကအိၣ်လၢအလိၤလီၤထူလီၤယိာ်လီၤ.

စံးထီၣ်ပတြၢၤ 76:2

အဝဲအိၣ်ဒီးအဟံၣ်လၢဝ့ၢ်ယရူၤၡလ့ၣ်အပူၤ, ဒီးအိၣ်ဝဲဆိးဝဲလၢကစၢၢ်စံယိၣ်လီၤ.

စံးထီၣ်ပတြၢၤ 80:15

ဟဲဒီးအုၣ်က့ၤခီၣ်က့ၤ စပံးမုၢ်လၢ နသူၣ်လီၤတ့ၢ်အီၤ, စပံးမုၢ်ဖိလၢနဒုးဒိၣ်ထီၣ်ဆူၣ်ထီၣ်အီၤအံၤတက့ၢ်.

စံးထီၣ်ပတြၢၤ 80:8

နဟဲစိာ်စပံးအမုၢ်တမုၢ်လၢကီၢ်အဲၤကူပတူးအပူၤ, နဟီထီၣ်ကွံာ်ပှၤကလုာ်တဖၣ်ဒီး သူၣ်လီၤစပံးမုၢ်အံၤလၢအဝဲသ့ၣ်အကီၢ်ပူၤလီၤ.

လံာ်တၢ်ဟးထီၣ်ကွံာ် 15:13

လၢနတၢ်သးတီဒီးနတၢ်အၢၣ်လီၤန့ၣ်, နဆှၢနပှၤဂီၢ်မုၢ်လၢ နအုၣ်က့ၤခီၣ်က့ၤတ့ၢ်အီၤန့ၣ်လီၤ. လၢနဂံၢ်နဘါန့ၣ်နဆှၢတ့ၢ်အဝဲသ့ၣ်ဆူနကီၢ်စီဆှံ အပူၤလီၤ.

လံာ်တၢ်ဟးထီၣ်ကွံာ် 23:20

ယကဆှၢလီၤကလူးတဂၤလၢကလဲၤတၢ်လၢသုမဲာ်ညါလၢယကကဟု ကယာ်သုဒီးဆှၢသုဆူတၢ်အလီၢ်တပူၤလၢယကတဲာ်ကတီၤတ့ၢ်အီၤန့ၣ်လီၤ.

လံာ်တၢ်ဟးထီၣ်ကွံာ် 25:8

ပှၤဂီၢ်မုၢ်ကဘၣ်မၤထီၣ်ဒဲစီဆှံတဖျၢၣ်လၢယဂီၢ်ဒ်သိးယကအိၣ် ကဆိးလၢအဝဲသ့ၣ်အကျါန့ၣ်လီၤ.

လံာ်တၢ်ဟးထီၣ်ကွံာ် 32:34

ခဲအံၤလဲၤဒီးဆှၢပှၤဂီၢ်မုၢ်ဆူတၢ်လီၢ်လၢယတဲတ့ၢ်နၤလၢ အဂ့ၢ်န့ၣ်တက့ၢ်. သ့ၣ်နီၣ်ထီၣ်လၢယကလူးကနဲၣ်နၤကျဲ, ဘၣ်ဆၣ်ဒီးတၢ်ဆၢကတီၢ်လၢယကစံၣ်ညီၣ်ပှၤဂီၢ်မုၢ်အံၤလၢအတၢ်ဒဲး ဘးအဃိန့ၣ်ဟဲဝဲလံ.”

လံာ်ယံးရမံယၤ 2:21

ယသူၣ်လီၤတ့ၢ်နၤဒ်စပံးမုၢ်တမုၢ်လၢတၢ်ဃုထၢလီၤဆီအီၤ, လၢအဟဲလၢတၢ်ချံအဂ့ၤကတၢၢ်အသိးန့ၣ်လီၤ. ဘၣ်ဆၣ်နကဲထီၣ် တၢ်ဒ်လဲၣ်န့ၣ်, ကွၢ်တက့ၢ်. နလီၤဂာ်ဒ်စပံးမုၢ်တမုၢ်လၢအအုၣ်သံ ကျၣ်သံဒီးအလုၢ်အပှ့ၤတအိၣ်ဘၣ်အသိးန့ၣ်လီၤ.

လံာ်ယံးရမံယၤ 31:23

ယွၤသ့တၢ်လၢာ်, အံၣ်စရ့လးအကစၢ်ယွၤ, စံးဝဲဒၣ်, “ဖဲယပာ်ကဒါက့ၤ ပှၤဂီၢ်မုၢ်လၢအထံအကီၢ်န့ၣ်, အဝဲသ့ၣ်ကစံးကဒီးဝဲတဘျီလၢကီၢ်ယူဒၤဒီး အဝ့ၢ်တဖၣ်အပူၤလၢ, ‘မ်ယွၤဆိၣ်ဂ့ၤ ဝ့ၢ်ယရူၤၡလ့ၣ် အကစၢၢ်စီဆှံ, တၢ်အလီၢ်စီဆှံဖဲ အဝဲအိၣ်ဝဲဆိးဝဲန့ၣ်တက့ၢ်.’

လံာ်ယံးရမံယၤ 32:41

ယကသးခုသးမုာ်လၢ ယမၤတၢ်မၤဂ့ၤတဖၣ်လၢ အဝဲသ့ၣ်အဂီၢ်, ဒီးယကဒုးအိၣ်ဂၢၢ်ဆိးကျၢၤ အဝဲသ့ၣ်လၢထံကီၢ်အံၤအပူၤလၢ ယသးဒီဖျၢၣ်ဒီး ယသးတုၤအလၢာ်န့ၣ်လီၤ.

လံာ်ယဃ့းစက့လး 37:26

ယကမၤတၢ်အၢၣ်လီၤတမံၤဒီးအဝဲသ့ၣ်လၢကဟ့ၣ်တၢ်အုၣ်ခီၣ်သး လၢအဝဲသ့ၣ်အတၢ်ဘံၣ်တၢ်ဘၢအစိၤစိၤအဃၣ်ဃၣ်အဂီၢ်န့ၣ်လီၤ. ယကမၤကျၢၤအဝဲသ့ၣ်ဒီးဒုးအါထီၣ်အဝဲသ့ၣ်အနီၣ်ဂံၢ်ဒီးပာ်ယတၢ် လုၢ်ဟံၣ်လၢအဝဲသ့ၣ်အကီၢ်ပူၤ, ဖဲတၢ်လုၢ်ဟံၣ်န့ၣ်ကအိၣ်ဝဲဖဲန့ၣ် လီၤစိၤလီၤထီန့ၣ်လီၤ.

လံာ်ယဃ့းစက့လး 37:28

တုၤမ့ၢ်ယပာ်ယတၢ်လုၢ်ဟံၣ်ဖဲန့ၣ်လၢအဝဲသ့ၣ်အကျါလီၤစိၤလီၤထီဒီး, အန့ၣ်တစုပှၤကလုာ်တဖၣ်ကသ့ၣ်ညါဝဲလၢ, ယၤ, ယွၤဃုထၢတ့ၢ်ပှၤအံၣ်စရ့လးဖိလၢကမ့ၢ်ယပှၤဂီၢ်မုၢ်ဒၣ်ယဲန့ၣ်လီၤ.”

လံာ်သိၣ်လီၤသီလီၤတၢ် 33:19

အဝဲသ့ၣ်ကွဲမုာ်ပှၤတခီဘီမုၢ်ဖိတဖၣ်ဆူအဝဲသ့ၣ်အကစၢၢ်ဒီး လုၢ်ထီၣ်တၢ်လုၢ်တၢ်ပာ်တဖၣ်လၢအတီဝဲဘၣ်ဝဲဖဲန့ၣ်လီၤ. အဝဲသ့ၣ်မၤန့ၢ်အတၢ်ထူးတၢ်တီၤတဖၣ်လၢပီၣ်လဲၣ်, ဒီးလၢမဲးလၢအအိၣ်လၢပီၣ်လဲၣ်ကၢၢ်နံၤန့ၣ်လီၤ.”

လံာ်စီၤယိၤၡူ 22:19

မ့မ့ၢ်ဒ်န့ၣ်ဒီးခဲအံၤ, သုကီၢ်မ့ၢ်တကြၢးလၢတၢ်ဘူၣ်ထီၣ်ဘါ ထီၣ်အဂီၢ်ဘၣ်ဒီး, ဟဲခီဂာ်ဆူယွၤအကီၢ်ပူၤဖဲအဒဲအိၣ်ဝဲအလီၢ် န့ၣ်တက့ၢ်. ဃ့မၤန့ၢ်ကီၢ်လၢပကျါတနီၤတက့ၢ်. ဘၣ်ဆၣ်ဒီးတဘၣ်ပူထီၣ်ထီဒါယွၤမ့တမ့ၢ် တဘၣ်ဒုးကဲထီၣ်ပှၤလၢပှၤပူထီၣ်တၢ်ဖိခီဖျိတၢ်ဘှီထီၣ် တၢ်လုၢ်လီၢ်လၢယွၤပကစၢ်ယွၤ အတၢ်လုၢ်လီၢ်အမဲာ်ညါအဃိန့ၣ်တဂ့ၤ.