လံာ်တၢ်ဟးထီၣ်ကွံာ် 15:15 - Sgaw Karen Common Bible

¹⁵ ခိၣ်နၢ်တဖၣ်လၢကီၢ်အဒိၣ်အပူၤန့ၣ်ပျံၤတၢ်နးနးကလဲာ်, ကီၢ်မိၤအးအပှၤဂံၢ်ဆူၣ်ဘါဆူၣ်တဖၣ်ကနိးကစုာ်ဝဲ, ဒီးပှၤဂီၢ်မုၢ်လၢကီၢ်ကနၤဧၣ်အတၢ်သူၣ်ဒူသးဒူ လီၤမၢ်ကွံာ်လီၤ.

လံာ်တၢ်ဟးထီၣ်ကွံာ် 15:15 Iomraidhean Croise

လံာ်တၢ်ကဲထီၣ်အခီၣ်ထံး 36:15

အအံၤမ့ၢ်ပှၤအဒူၣ်တဖၣ်လၢအဟဲလီၤစၢၤလီၤသွဲၣ်လၢစီၤဧ့ၡီၤ န့ၣ်လီၤ. စီၤဧ့ၡီၤအဖိခွါအခီၣ်ထံးတဂၤလၢအမ့ၢ်စီၤအလံဖးစးမ့ၢ်ပှၤ အဒူၣ်လၢလာ်တဖၣ်အံၤအပၢ်လၢပျၢၤန့ၣ်လီၤ. ပှၤသ့ၣ်တဖၣ်အံၤမ့ၢ်ဝဲပှၤတ့ၤမၣ်အဒူၣ်, ပှၤအိမၢ်အဒူၣ်, ပှၤစဖိၤအဒူၣ်, ပှၤကနးစးအဒူၣ်, ပှၤကိးရးအဒူၣ်, ပှၤကၤတၣ်အဒူၣ်ဒီးပှၤဧမၤလ့းအဒူၣ်လီၤ.

လံာ်တၢ်ကဲထီၣ်အခီၣ်ထံး 36:16

အဝဲသ့ၣ်ခဲလၢာ်မ့ၢ်ပှၤဟဲလီၤစၢၤလီၤသွဲၣ်လၢစီၤဧ့ၡီၤအမါ နီၢ်ဧဒၤလီၤ.

လံာ်တၢ်ကဲထီၣ်အခီၣ်ထံး 36:40

စီၤဧ့ၡီၤမ့ၢ်ပှၤအဒိၣ်ဖိအဒူၣ်လၢလာ်တဖၣ်အံၤအပၢ်လၢပျၢၤန့ၣ် လီၤ. ပှၤတံးမနၤအဒူၣ်, ပှၤဧးလဝၣ်အဒူၣ်,

လံာ်စီၤၡမူၤအ့လးခံဘ့ၣ်တဘ့ၣ် 17:10

အန့ၣ်ဒီးပှၤအဒူကတၢၢ်လၢတပျံၤဘၣ်တၢ်ဒ်ခ့ယုၢ်တဖၣ်အသိးဒၣ်လဲာ်န့ၣ်ကပျံၤတၢ်လီၤ. အဂ့ၢ်ဒ်အံၤ, ပှၤကိးဂၤဒဲးလၢကီၢ်အံၣ်စရ့လးအပူၤန့ၣ်သ့ၣ်ညါ ဝဲလၢနပၢ်န့ၣ်မ့ၢ်ပှၤသုးဖိစဲၣ်နီးတဂၤဒီးအဝဲအပှၤတဖၣ်မ့ၢ် ပှၤဒုးတၢ်ဆူၣ်မးန့ၣ်လီၤ.

စံးထီၣ်ပတြၢၤ 48:5

ဘၣ်ဆၣ်တုၤအဝဲသ့ၣ်ထံၣ်ကစၢၢ်စံယိၣ်န့ၣ်ဒီး အဝဲသ့ၣ်ကမၢကမၣ်ဝဲ, ပျံၤတၢ်ဒီးဃ့ၢ်ကွံာ်ဝဲန့ၣ်လီၤ.

စံးထီၣ်ပတြၢၤ 68:2

ဒ်မ့ၣ်အူလုၣ်ဒံကွံာ်အသိးန့ၣ်ဟီထီၣ်ကွံာ်အဝဲသ့ၣ်, ဒီးဒ်ဃိးပှံၢ်ဝဲလၢမ့ၣ်အူအမဲာ်ညါအသိးန့ၣ် မ်ပှၤတတီတလိၤဟးဂီၤကွံာ်လၢ ကစၢ်ယွၤအမဲာ်ညါန့ၣ်တက့ၢ်.

လံာ်ယၡါယၤ 13:7

ပှၤကိးဂၤဒဲးအစုတဖၣ်ကလီၤစၢ်လီၤစဲၤဒီးပှၤကိးဂၤဒဲးအတၢ် သးဒူကဟးမၢ်ကွံာ်ဝဲလီၤ.

လံာ်ယၡါယၤ 19:1

အအံၤမ့ၢ်တၢ်ကစီၣ်ဘၣ်ဃးကီၢ်အဲၤကူပတူးအဂ့ၢ်န့ၣ်လီၤ. ယွၤဟဲဆူကီၢ်အဲၤကူပတူး, ဒိးတၢ်ချ့မးလၢတၢ်အၢၣ်တလိၣ် အလိၤလီၤ. ကီၢ်အဲၤကူပတူးအတၢ်ဂီၤတၢ်ဖီၣ်တဖၣ်ကနိး ကစုာ်လၢအမဲာ်ညါ, ဒီးပှၤအဲၤကူပတူးဖိတဖၣ် အသးပှံၢ်လီၤဝဲဒၣ်လီၤ.

လံာ်ယံးရမံယၤ 49:23

အအံၤမ့ၢ်တၢ်လၢ ယွၤစံးဝဲဘၣ်ဃးဒီးဝ့ၢ်ဒၤမ့ၤစ့းလီၤ. “ပှၤဂီၢ် မုၢ်လၢ ဝ့ၢ်ဃမါသးဒီးဝ့ၢ်အ့ၢ်ဖးတဖၣ်ဘၣ်ကိၢ်ဘၣ်ဂီၤဒီး အသးဘၣ်တံာ်တာ်ဝဲ မ့ၢ်လၢအဝဲသ့ၣ်နၢ်ဟူတ့ၢ်တၢ်ကစီၣ် အအၢအသီအဃိန့ၣ်လီၤ. တၢ်သူၣ်ကိၢ်သးဂီၤတလ့ၣ်အသး လၢအဝဲသ့ၣ်အဖီခိၣ်ဒ်ပီၣ်လဲၣ်လၢတအိၣ်ဘှံးဘၣ်အသိးန့ၣ်လီၤ.

လံာ်ယဃ့းစက့လး 21:7

တုၤအဝဲသ့ၣ်သံကွၢ်နၤ, ဘၣ်မနုၤအဃိလၢနကအုကစွါလဲၣ်န့ၣ်, တဲဘၣ်အဝဲသ့ၣ်လၢတၢ်န့ၣ်မ့ၢ်လၢတၢ်ကစီၣ်လၢအကဟဲဝဲ အဃိန့ၣ်လီၤ. ဖဲအဟဲတုၤန့ၣ်အဝဲသ့ၣ်အသးတဖၣ်ကပှဲၤဝဲဒီး တၢ်ပျံၤတၢ်ဖုး, အဝဲသ့ၣ်အစုတဖၣ်ကလီၤဘျ့ကွံာ်, အဝဲသ့ၣ်အတၢ်သူၣ်ဒူသးဒူကလီၤမၢ်ကွံာ်ဒီးအဝဲသ့ၣ်အခီၣ်လ့ၢ်ခိၣ် တဖၣ်ကကနိးကစုာ်ဝဲန့ၣ်လီၤ. တၢ်ဆၢကတီၢ်တုၤဃီၤလံ. မ့ၢ်ခဲကနံၣ်အံၤလီၤ. ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်နၤဃူၣ် 2:10

ဝ့ၢ်နံၤနဝ့ဘၣ်တၢ်မၤဟးဂီၤကွံာ်, ဘၣ်တၢ်လဲၤကပာ်ကွံာ်ဒီးအိၣ် သယုၢ်လံဝဲလံ. ပှၤအသးတဖၣ်ပှံၢ်လီၤဝဲလၢတၢ်ပျံၤတၢ်ဖုးအဃိ, အခီၣ်လ့ၣ်ခိၣ်တဖၣ်ကနိးကစုာ်ဝဲ, အဂံၢ်အဘါလၢာ်ကွံာ်ဝဲဒီးအမဲာ်သၣ်တဖၣ်လီၤဝါကွံာ်ဝဲလံန့ၣ်လီၤ.

လံာ်ဃဘးကူာ် 3:6

တုၤအအိၣ်ကတီၢ်ဒီးဟီၣ်ခိၣ်ဟူးဝးဝဲ, ကွၢ်ဃီၤတၢ်ဒီးပှၤကလုာ်တဖၣ်ကနိးကစုာ်န့ၣ်လီၤ. ကစၢၢ်ကလိအထူအယိာ်တဖၣ်သ့ၣ်ဖးလီၤကလဲ, တၢ်စိခိၣ်အထူအယိာ်တဖၣ်, တၢ်စိခိၣ်လၢအယီၢ်လီၤတ့ၢ်ဝဲလၢပျၢၤလၢကစၢၤ သ့ၣ်တဖၣ်လီၤယၢၣ်ကွံာ်ဝဲလီၤ.

လံာ်ဃဘးကူာ် 3:7

ယထံၣ်ဘၣ်တ့ၢ်ကီၢ်ကူၤၡးအပှၤဂီၢ်မုၢ်ပျံၤတၢ် ဒီးကီၢ်မံးဒယၣ်အပှၤဂီၢ်မုၢ်ကနိးကစုာ်ဝဲလီၤ.

လံာ်သိၣ်လီၤသီလီၤတၢ် 2:4

အဝဲတဲဘၣ်ယၤလၢယကဟ့ၣ်လီၤသုတၢ်သိၣ်လိနဲၣ်ယုၤတဖၣ်ဒ်လၢလာ် အံၤအသိးန့ၣ်လီၤ. ဘူးထီၣ်လၢသုကလဲၤခီဂာ်ဘၣ်ကီၢ်အဒိၣ်လၢအပှဲၤဒီးတၢ်လူၢ်တၢ်တြီၤ, လၢအမ့ၢ်စီၤဧ့ၡီၤအစၢၤအသွဲၣ်တဖၣ်, သုဘူးသုတံၢ်လၢသုတသ့ၣ်ညါသ့ၣ်ခိးအီၤအလီၢ်ကဝီၤန့ၣ်လံ. အဝဲသ့ၣ်ကပျံၤဘၣ်ဖုးဘၣ်သု,

လံာ်သိၣ်လီၤသီလီၤတၢ် 20:8

သုးခိၣ်သုးနၢ်တဖၣ်ကဘၣ်စံးဘၣ်စ့ၢ်ကီးအပှၤတဖၣ်လၢ, ဖဲအံၤမ့ၢ်ပှၤအိၣ်တဂၤဂၤလၢအသဒံပှံၢ်လီၤမ့ၢ်ဂ့ၤ, အပျံၤတၢ်ဖုးတၢ်မ့ၢ်ဂ့ၤန့ၣ်ဧါ. မ့ၢ်အိၣ်ဒီး, အဝဲကဘၣ်က့ၤဆူဟံၣ်လီၤ. မ့တမ့ၢ်ဘၣ်န့ၣ်, အဝဲကမၤဟးဂီၤကွံာ် ပှၤအဂၤတဖၣ်အသးအဂံၢ်အဘါန့ၣ်လီၤ.

လံာ်စီၤယိၤၡူ 14:8

ဘၣ်ဆၣ်ပှၤလၢအလဲၤတၢ်ဒီးယၤတဖၣ်မၤပျံၤမၤဖုးပပှၤဂီၢ်မုၢ်န့ၣ်လီၤ. မ့မ့ၢ်ယဲယစူၢ်ယွၤယကစၢ်ယွၤလၢလၢပှဲၤပှဲၤန့ၣ်လီၤ.

လံာ်စီၤယိၤၡူ 2:11

ဖဲပနၢ်ဟူတၢ်အံၤတဘျီဃီဒီးပပျံၤတၢ်လီၤ. လၢသုဃိပတၢ်သူၣ်ဒူသးဒူလီၤမၢ်ကွံာ်လၢာ်လံ. ယွၤသုကစၢ်ယွၤအံၤမ့ၢ်ကစၢ်ယွၤလၢအအိၣ်လၢမူခိၣ်လၢထးဒီး လၢဟီၣ်ခိၣ်အံၤစ့ၢ်ကီးန့ၣ်လီၤ.

လံာ်စီၤယိၤၡူ 2:24

ဒီးစံးဝဲဒၣ်, “ပသ့ၣ်ညါလီၤတံၢ်လၢယွၤဟ့ၣ်လီၤပှၤထံကီၢ်ဒီဘ့ၣ်လံ. ပှၤဖဲန့ၣ်ခဲလၢာ်ပျံၤပှၤဒိၣ်မးန့ၣ်လီၤ.”

လံာ်စီၤယိၤၡူ 2:9

ဒီးစံးဘၣ်အဝဲသ့ၣ်, “ယသ့ၣ်ညါလၢယွၤဟ့ၣ်လီၤသုကီၢ်အံၤလီၤ. ပှၤကိးဂၤဒဲးလၢထံကီၢ်ပူၤအံၤပျံၤသုလီၤ.

လံာ်စီၤယိၤၡူ 5:1

ဖဲပှၤအမိၢ်ဖိအစီၤပၤခဲလၢာ်လၢ အအိၣ်လၢထံကျိယၢ်ဒ့ၣ်အမုၢ်နုာ်, ဒီးပှၤကနၤဧၣ်ဖိအစီၤပၤခဲလၢာ်လၢအအိၣ်လၢပီၣ်လဲၣ်ဖးဒိၣ် မဲးဒံးထၢၣ်ရ့နယၢၣ်အနံၤ, နၢ်ဟူဝဲလၢကစၢ်မၤလီၤသံးကွံာ်ယၢ်ဒ့ၣ်အထံတုၤလၢပှၤအံၣ်စရ့ လးဖိခဲလၢာ်ခီဂာ်တၢ်သ့သတးဒီး, အဝဲသ့ၣ်အသးလီၤစၢ်ဝဲဒီးတၢ်သူၣ်ဒူ သးဒူတအိၣ်လၢၤလၢအပူၤလၢပှၤအံၣ်စရ့လးဖိ တဖၣ်အဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:16

စီၤစီလူးအပှၤတဖၣ်အိၣ်ခိးကွၢ်တၢ်ဖဲဝ့ၢ်ကံးဘဧၤလၢအအိၣ်လၢ ပှၤဘံၣ်ယၤမံၣ်ဖိတဖၣ်အလီၢ်ကဝီၤအပူၤဒီးထံၣ်ဘၣ်ဝဲ ပှၤဖလ့ၡသးဖိတဖၣ်ဃ့ၢ်ကွံာ်လၢတၢ်သဘံၣ်ဘုၣ်အပူၤလီၤ.