လံာ်တၢ်ဟးထီၣ်ကွံာ် 15:14 - Sgaw Karen Common Bible

¹⁴ ပှၤကလုာ်တဖၣ်နၢ်ဟူဝဲဒီးအဝဲသ့ၣ်ကနိးကစုာ်လၢတၢ်ပျံၤတၢ်ဖုး အပူၤလီၤ. ပှၤဖလ့ၡသးဖိတဖၣ်ဘၣ်တၢ်စှီၤတံၢ်အီၤလၢတၢ်ပျံၤ တၢ်ဖုးလီၤ.

လံာ်တၢ်ဟးထီၣ်ကွံာ် 15:14 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 14:17

စီၤဒၤဝံးအတၢ်မံၤဟူထီၣ်သါလီၤဆူတၢ်လီၢ်သကုၤဆးဒး, ဒီးယွၤဒုးပျံၤပှၤကိးကလုာ်ဒဲးလၢအီၤန့ၣ်လီၤ.

စံးထီၣ်ပတြၢၤ 48:6

ဖဲန့ၣ်တၢ်ပျံၤတၢ်ဖုးဒီးတၢ်သူၣ်ကိၢ်သးဂီၤ လီၤဘၣ်အဝဲသ့ၣ်ဒ်ပိာ်မုၣ်လၢ အကဆံးစၢ်ထီၣ်အဖိတဂၤအသိး,

စံးထီၣ်ပတြၢၤ 48:7

ဒ်တၢ်ၡံၣ်အကဘီတဖၣ်လၢအဘၣ်တၢ်မၤဟးဂီၤ ကွံာ်အီၤလၢကလံၤလၢမုၢ်ထီၣ်အသိးန့ၣ်လီၤ.

လံာ်ယၡါယၤ 14:29

ပှၤဖလ့ၡသးဖိသ့ၣ်ဧၢ, နီၣ်တီၢ်လၢအတီၢ်သုန့ၣ်ကၢ်လံ, ဘၣ်ဆၣ်သုတအိၣ်ဒီးတၢ်ဂ့ၢ်နီတမံၤလၢသုကသးခုအဂီၢ်ဘၣ်. ဖဲဂုၢ်တဘိသံန့ၣ်, ဂုၢ်အၢန့ၢ်ဒံးအန့ၣ်ဟဲထီၣ်လၢအလီၢ်လီၤ. ဂုၢ်တဘိအဒံၣ်ဖးထီၣ်ဝဲပ ယိၤလၢအယူၤတဘိလီၤ.

လံာ်ယၡါယၤ 14:31

သုဝဲပှၤဖလ့ၡသးဖိအဝ့ၢ်တဖၣ်ဧၢ, ဟီၣ်အိၣ်ယူၤဒီးကိးထီၣ်လၢ တၢ်မၤစၢၤအဂီၢ်တက့ၢ်. သုဝဲခဲလၢာ်သ့ၣ်ဧၢ, ပျံၤတၢ်ဖုးတၢ်တက့ၢ်. ဖၣ်ကမူၣ်အတၢ်အၢၣ်တကိၢ်လိၣ်ဟဲထီၣ်လၢကလံၤစိးတခီလီၤ. မ့ၢ်သုးမုၢ်တဖုလၢပှၤပျံၤတၢ်တအိၣ်ဘၣ်လၢအသုးမုၢ်အကျါနီ တဂၤဘၣ်န့ၣ်လီၤ.

လံာ်ယၡါယၤ 23:5

ပှၤအဲၤကူပတူးဖိတဖၣ်ဒၣ်လဲာ်ကဖုးသံပျီၢ်ဂီၤဒီးဖံးသကုၣ် ခီသကုၣ်ဖဲအဝဲသ့ၣ်သ့ၣ်ညါဝဲလၢဝ့ၢ်ထါယၢၣ်ဘၣ်တၢ်မၤဟး ဂီၤအီၤလံန့ၣ်လီၤ.

လံာ်ယဃ့းစက့လး 32:9

ပှၤကလုာ်တဖၣ်အါကလုာ်ကဘၣ်ကိၢ်ဘၣ်ဂီၤ, ဖဲယရၤလီၤ တၢ်ကစီၣ်ဘၣ်ဃးဒီးနတၢ်ဟးဂီၤအဂ့ၢ်ဆူထံကီၢ်တဖၣ်လၢ နတနၢ်ဟူဘၣ်တ့ၢ်အဂ့ၢ်နီတဘျီဘၣ်န့ၣ်လီၤ.

လံာ်ဃဘးကူာ် 3:6

တုၤအအိၣ်ကတီၢ်ဒီးဟီၣ်ခိၣ်ဟူးဝးဝဲ, ကွၢ်ဃီၤတၢ်ဒီးပှၤကလုာ်တဖၣ်ကနိးကစုာ်န့ၣ်လီၤ. ကစၢၢ်ကလိအထူအယိာ်တဖၣ်သ့ၣ်ဖးလီၤကလဲ, တၢ်စိခိၣ်အထူအယိာ်တဖၣ်, တၢ်စိခိၣ်လၢအယီၢ်လီၤတ့ၢ်ဝဲလၢပျၢၤလၢကစၢၤ သ့ၣ်တဖၣ်လီၤယၢၣ်ကွံာ်ဝဲလီၤ.

လံာ်ဃဘးကူာ် 3:7

ယထံၣ်ဘၣ်တ့ၢ်ကီၢ်ကူၤၡးအပှၤဂီၢ်မုၢ်ပျံၤတၢ် ဒီးကီၢ်မံးဒယၣ်အပှၤဂီၢ်မုၢ်ကနိးကစုာ်ဝဲလီၤ.

လံာ်တၢ်ဂံၢ် 14:14

အဝဲသ့ၣ်ကတဲဘၣ်တၢ်အံၤဆူပှၤဂီၢ်မုၢ်လၢအအိၣ်လၢကီၢ်တဘ့ၣ်အံၤ အပူၤလီၤ. ပှၤဂီၢ်မုၢ်အံၤနၢ်ဟူတ့ၢ်လံလၢနၤ, ယွၤ, အိၣ်ဒီးပှၤ, လၢနအိၣ်ဖျါလီၤတံၢ်လီၤဆဲးဖဲနတၢ်အၢၣ်အထူၣ်အိၣ် ကတီၢ်လၢပဖီခိၣ်ဒီးနလဲၤဆိတၢ်လၢပမဲာ်ညါလၢတၢ်အၢၣ်အထူၣ် တထူၣ်အပူၤလၢမုၢ်ဆါခီဒီးလၢမ့ၣ်အူထူၣ်တထူၣ်အပူၤလၢမုၢ်နၤ ခီန့ၣ်လီၤ.

လံာ်တၢ်ဂံၢ် 22:5

မၤသးဒ်န့ၣ်ဒီးစီၤပၤဘၤလးဆှၢလီၤပှၤစိာ်တၢ်ကစီၣ်ဖိတဖၣ်လၢ ကဟဲက့ၤကိးစီၤဘဧိၢ်အဖိခွါစီၤဘံးလၣ်, လၢအအိၣ်ဝဲဖဲ ဝ့ၢ်ပသူၣ်လၢထံကျိဖရၤသးအကပၤလၢကီၢ်အမိၢ်အပူၤန့ၣ်လီၤ. အဝဲသ့ၣ်လဲၤစိာ်န့ၢ်အီၤစီၤဘၤလးအတၢ်ကစီၣ်လၢအစံးဝဲ, “ယအဲၣ်ဒိး, နသ့ၣ်ညါလၢပှၤဒီတကလုာ်ဟဲဟးထီၣ်လၢကီၢ်အဲၤကူပတူးလီၤ. အပှၤဂီၢ်မုၢ်ရၤလီၤအသးသကုၤတၢ်လီၢ်ကိးပူၤဒဲးဒီးမၤပျံၤ မၤဖုးတၢ်လၢကဟံးန့ၢ်ပကီၢ်န့ၣ်လီၤ.

လံာ်သိၣ်လီၤသီလီၤတၢ် 2:25

စးထီၣ်တနံၤအံၤဒီး ဆူညါန့ၣ်ယကဒုးပျံၤဘၣ်ဖုးဘၣ် ကယဲၢ်ပှၤဂီၢ်မုၢ်အိၣ်လၢ တၢ်လီၢ်တပူၤလၢ်လၢ်လၢ သုန့ၣ်လီၤ. တုၤပှၤယၢၤထီၣ်သုမံၤန့ၣ် ပှၤတဂၤလၢ်လၢ်ကကနိး ကစုာ်လၢတၢ်ပျံၤတၢ်ဖုးအပူၤလီၤ.

လံာ်စီၤယိၤၡူ 10:2

ပှၤဝ့ၢ်ယရူၤၡလ့ၣ်ဖိတဖၣ်ပျံၤ တၢ်ဖုးတၢ်ဒိၣ်မးလၢတၢ်ဂ့ၢ်အံၤအဃိန့ၣ်လီၤ. အဂ့ၢ်မ့ၢ်လၢကံးဘိၣ်မ့ၢ်ဝ့ၢ်လၢအဒိၣ်ထဲသိးဝ့ၢ်အဂၤတဖၣ်လၢ အအိၣ်ဒီးအစီၤပၤ, ဒီးမ့ၢ်ဝ့ၢ်လၢအဒိၣ်န့ၢ်ဒံးဝ့ၢ်ဂဲဒီးအပှၤတဖၣ်မ့ၢ်ပှၤလၢ အဒုးတၢ်သ့အဃိန့ၣ်လီၤ.

လံာ်စီၤယိၤၡူ 2:11

ဖဲပနၢ်ဟူတၢ်အံၤတဘျီဃီဒီးပပျံၤတၢ်လီၤ. လၢသုဃိပတၢ်သူၣ်ဒူသးဒူလီၤမၢ်ကွံာ်လၢာ်လံ. ယွၤသုကစၢ်ယွၤအံၤမ့ၢ်ကစၢ်ယွၤလၢအအိၣ်လၢမူခိၣ်လၢထးဒီး လၢဟီၣ်ခိၣ်အံၤစ့ၢ်ကီးန့ၣ်လီၤ.

လံာ်စီၤယိၤၡူ 9:24

အဝဲသ့ၣ်စံးဆၢက့ၤစီၤယိၤၡူ, “ပမၤတၢ်အံၤမ့ၢ်လၢပဘၣ်တၢ်စံးဘၣ်တဲဘၣ်ပှၤလၢယွၤနကစၢ်ယွၤ မၤလိာ်တ့ၢ်အခ့အပှၤစီၤမိၤၡ့ လီၤတံၢ်လီၤဆဲးလၢအကဟ့ၣ်လီၤသုလၢကီၢ်ဒီဘ့ၣ်ညါ, ဒီးသုကဘၣ်မၤသံပှၤလၢကီၢ်ပူၤခဲလၢာ်ဖဲသုလဲၤထီၣ်ဒုးတၢ် အဃိန့ၣ်လီၤ. သတးဒီးပပျံၤတၢ်လၢပသးသမူအဂီၢ်ဒိၣ်မးဒီးပပျံၤနၤအဃိ, ပမၤဘၣ်တၢ်အံၤန့ၣ်လီၤ.

လံာ်စီၤယိၤၡူ 9:9

အဝဲသ့ၣ်စံးဘၣ်အီၤ, “ပဝဲနခ့နပှၤတဖၣ်အံၤပဟဲလၢထံကီၢ်လၢအယံၤတဘ့ၣ်, မ့ၢ်လၢပနၢ်ဟူဘၣ်ယွၤနကစၢ်အဂ့ၢ်အဃိလီၤ. ပနၢ်ဟူဘၣ်တၢ်ခဲလၢာ်လၢအဝဲမၤဝဲလၢကီၢ်အဲၤကူပတူး အပူၤ,

လံာ်စီၤၡမူၤအ့လးအခီၣ်ထံးတဘ့ၣ် 4:7

အဝဲသ့ၣ်ပျံၤတၢ်ဒီးစံး, “ကစၢ်တဂၤဟဲတုၤဆူအဝဲသ့ၣ်သူၣ်အဒဲလီၢ်အပူၤလံ. ပဘၣ်အဖှီၣ်လီၤ. တၢ်ဒ်သိးအံၤလၢညါန့ၣ်တမၤတ့ၢ်အသးဒီးပှၤ နီတစုဘၣ်. ဒီးမ့ၢ်မတၤအုၣ်က့ၤခီၣ်က့ၤပှၤလၢကစၢ်တဖၣ်လၢအစိကမီၤဒိၣ် အံၤအစုပူၤကသ့န့ၣ်လဲၣ်.

လံာ်စီၤၡမူၤအ့လးအခီၣ်ထံးတဘ့ၣ် 4:8

အဝဲသ့ၣ်မ့ၢ်ကစၢ်တဖၣ်လၢအမၤသံတ့ၢ်ပှၤအဲၤကူပတူးဖိတဖၣ်လၢ မဲးမုၢ်ခိၣ်န့ၣ်လီၤ.