လံာ်တၢ်ဟးထီၣ်ကွံာ် 14:8 - Sgaw Karen Common Bible

⁸ ဒီးယွၤမၤကိၤထီၣ်စီၤပၤအသး, ဒီးအဝဲလူၤထွဲပှၤအံၣ်စရ့လးဖိတဖၣ်လၢအဟးထီၣ်ကွံာ်အိၣ်ဒီး တၢ်သးခုလၢတၢ်မၤနၢၤအပူၤန့ၣ်လီၤ.

လံာ်တၢ်ဟးထီၣ်ကွံာ် 14:8 Iomraidhean Croise

စံးထီၣ်ပတြၢၤ 105:43

လၢတၢ်န့ၣ်အဃိအဝဲဆှၢပူၤဖျဲးထီၣ် ပှၤဂီၢ်မုၢ် လၢအဃုထၢဝဲ, ဒီးအဝဲသ့ၣ် သူၣ်ဝံၣ်သးဆၢဒီး ကိးသတြီထီၣ်လၢ တၢ်သးခုအပူၤန့ၣ်လီၤ.

စံးထီၣ်ပတြၢၤ 86:13

နတၢ်အဲၣ်ဂၢၢ်ကျၢၤလၢယဂီၢ်အံၤဒိၣ်ဝဲဆံးဒိၣ်လဲၣ်. နအုၣ်က့ၤခီၣ်က့ၤတ့ၢ်လံယၤလၢ ပျုၤယိာ်အပူၤန့ၣ်လံ.

လံာ်တၢ်ဟးထီၣ်ကွံာ် 10:27

ယွၤမၤကိၤထီၣ်စီၤပၤအသး, ဒီးတပျၢ်ဘၣ်အဝဲသ့ၣ်လၢကဟးထီၣ်ဘၣ်.

လံာ်တၢ်ဟးထီၣ်ကွံာ် 13:16

တၢ်အလုၢ်အတၢ်အံၤကမ့ၢ်တၢ်ဒုးသ့ၣ်နီၣ်ထီၣ်က့ၤတၢ်တမံၤ, လၢအလီၤဂာ်ဒ်တၢ်တမံၤလၢအစၢတံၢ်အသးလၢပစုအလိၤမ့ၢ်ဂ့ၤ, ပခိၣ်တိသၣ်အလိၤမ့ၢ်ဂ့ၤန့ၣ်လီၤ. တၢ်အံၤကဒုးသ့ၣ်နီၣ်ထီၣ် က့ၤပှၤလၢယွၤထုးထီၣ်ကွံာ်ပှၤလၢကီၢ်အဲၤကူပတူးအပူၤခီဖျိ အတၢ်စိတၢ်ကမီၤဖးဒိၣ်န့ၣ်လီၤ.’ ”

လံာ်တၢ်ဟးထီၣ်ကွံာ် 13:18

ဒီးလၢတၢ်န့ၣ်အဃိယွၤဆှၢတရံးပှၤဂီၢ်မုၢ်လၢပှၢ်မုၢ်ကနၢအကျဲဆူပီၣ်လဲၣ်ဂီၤန့ၣ်လီၤ. ဒီးပှၤအံၣ်စရ့လးဖိတဖၣ်ဟံးထီၣ်အစုကဝဲၤလၢတၢ်ဒုးတၢ်ယၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 13:9

တၢ်အလုၢ်အလၢ်အံၤကမ့ၢ်တၢ်ဒုးသ့ၣ်နီၣ်ထီၣ်တၢ်, ဒ်တၢ်တမံၤလၢအဘၣ်တၢ်စၢဃးအီၤလၢသုစုလိၤမ့ၢ်ဂ့ၤလၢသု ခိၣ်တိသၣ်လိၤမ့ၢ်ဂ့ၤ, ဒ်သိးကဒုးသ့ၣ်နီၣ်ထီၣ်သုလၢသုကတိၢ် န့ၢ်ဒီးမၤလိထွဲယွၤအတၢ်သိၣ်တၢ်သီလၢအဟ့ၣ်လီၤပှၤယူဒၤဖိ န့ၣ်လီၤ. အဂ့ၢ်ဒ်အံၤ, ယွၤထုးထီၣ်ကွံာ်သုလၢကီၢ်အဲၤကူပတူးပတူးအပူၤလၢအတၢ်စိ တၢ်ကမီၤဖးဒိၣ်န့ၣ်လီၤ.

လံာ်တၢ်ဟးထီၣ်ကွံာ် 14:17

ယကမၤကိၤထီၣ်ပှၤအဲၤကူပတူးဖိတဖၣ်အသးတုၤအဝဲသ့ၣ်ကလူၤပိာ် ထွဲသုခံ, ဒီးယကဒိးန့ၢ်ဘၣ်တၢ်လၤကပီၤခီဖျိယတၢ်မၤနၢၤလၢစီၤပၤ, အဝဲအသုးမုၢ်, အဝဲအလ့ၣ်ကဟၣ်ဒုးသုးဒီးအပှၤနီၣ်တၢ်တဖၣ်အဖိခိၣ်န့ၣ်လီၤ.

လံာ်တၢ်ဟးထီၣ်ကွံာ် 14:4

ယကမၤကိၤထီၣ်အဝဲအသးဒီးအဝဲကလူၤထွဲသုခံဒီးယတၢ်မၤနၢၤ စီၤပၤဒီးအသုးမုၢ်ကဟဲစိာ်တၢ်လၤကပီၤလၢယဂီၢ်န့ၣ်လီၤ. အန့ၣ်တစုပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤန့ၣ်လီၤ.” ဒီးပှၤအံၣ်စရ့လးဖိတဖၣ်မၤဝဲဒ်တၢ်စံးတ့ၢ်အီၤအသိးန့ၣ်လီၤ.

လံာ်တၢ်ဟးထီၣ်ကွံာ် 14:7

အဝဲဟးထီၣ်ဒီးအလ့ၣ်ကဟၣ်သုးခဲလၢာ်ဃုာ်ဒီးအလ့ၣ်ကဟၣ်သုးအဂ့ၤ ကတၢၢ်အဆိဃုကယၤလၢအဘၣ်တၢ်ပၢဆှၢအီၤလၢပှၤအခိၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 15:9

ဒုၣ်ဒါန့ၣ်စံးဝဲဒၣ်, ယကလူၤထွဲဒီးဖီၣ်န့ၢ်အဝဲသ့ၣ်, ယကနီၤဖးအတၢ်စုလီၢ်ခီၣ်ခိၣ်ဒီးဟံးန့ၢ်ကယဲၢ်တၢ်လၢယသးလီခဲလၢာ်, ယကထုးထီၣ်ယနးဒီးဟံးန့ၢ်တၢ်အိၣ်ဒီးအဝဲသ့ၣ်ခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 4:21

ဒီးယွၤစံးဘၣ်စီၤမိၤၡ့, “တုၤနက့ၤကဒါက့ၤဆူကီၢ်အဲၤကူပတူး န့ၣ်မၤတၢ်လီၤလးတဖၣ်လၢယဟ့ၣ်စိဟ့ၣ်ကမီၤနၤလၢနကမၤအီၤ လၢစီၤပၤဖၤရိၤအမဲာ်ညါတက့ၢ်. ယကမၤကိၤထီၣ်အသးဒ်သိးအသုတပျဲပှၤဂီၢ်မုၢ်တဖၣ်ဟးထီၣ်တဂ့ၤ န့ၣ်လီၤ.

လံာ်တၢ်ဟးထီၣ်ကွံာ် 6:1

ဒီးယွၤစံးဘၣ်စီၤမိၤၡ့, “ခဲကနံၣ်အံၤနကထံၣ်ဘၣ်တၢ်လၢ ယကမၤကီၢ်အဲၤကူပတူးအစီၤပၤဒ်လဲၣ်န့ၣ်လီၤ. အဂ့ၢ်ဒ်အံၤ, ယကမၢဆူၣ်အီၤဒ်သိးကပျၢ်ယပှၤဂီၢ်မုၢ်လီၤ. ယကမၢဆူၣ်အီၤဒ်သိးကဟီထီၣ်ကွံာ်အဝဲသ့ၣ်လၢ အကီၢ်ပူၤသပှၢ်ကတၢၢ်န့ၣ်လီၤ.”

လံာ်တၢ်ဟးထီၣ်ကွံာ် 9:12

ဘၣ်ဆၣ်ဒီးယွၤမၤကိၤထီၣ်စီၤပၤအသး, ဒီးဒ်ယွၤစံးဝဲအသိး, စီၤပၤတဒိကနၣ်ဘၣ်စီၤမိၤၡ့ဒီးစီၤအၤဟရိၣ်ဘၣ်.

လံာ်သးသယုၢ်တၢ် 3:65

ဆိၣ်အၢအဝဲသ့ၣ်ဒီးမၤပှဲၤအီၤလၢတၢ်သးဟးဂီၤတက့ၢ်.

လံာ်တၢ်ဘူၣ်ထီၣ်ဘါထီၣ် 26:13

ယဲဒၣ်အံၤယမ့ၢ်ယွၤ, သုကစၢ်ယွၤလၢအဒုးဟးထီၣ်ကွံာ်သုလၢကီၢ်အဲၤကူပတူးပူၤ, ဒ်သိးသုသုတမ့ၢ်လၢၤအဝဲသ့ၣ်အကုၢ်အပှၤတဂ့ၤလီၤ. ဒီးယမၤကၢ်လံသုနီၣ်ယိးအဘိတဖၣ်ဒီးဒုးလဲၤသု တၢ်ထူၣ်ကလာ်လီၤ.”

လံာ်တၢ်ဂံၢ် 33:3

ကီၢ်အံၣ်စရ့လးအပှၤဂီၢ်မုၢ်ဟးထီၣ်လၢကီၢ်အဲၤကူပတူးလၢနံၣ် တနံၣ်လၢအခီၣ်ထံးကတၢၢ်တလါထီၣ်တဆံယဲၢ်သီအနံၤ, ဖဲဘူၣ်လဲၤ ကပာ်ဝံၤလၢခံတနံၤန့ၣ်လီၤ. လၢကစၢ်ယွၤအတၢ်ဒီဒၣ်အိၣ်ပှိၤအဖီလာ်န့ၣ်အဝဲသ့ၣ်ဟးထီၣ်လၢ ဝ့ၢ်ရၤမစ့ဖဲပှၤအဲၤကူပတူးဖိတဖၣ်ထံၣ်ဘၣ်ဝဲပှဲၤမဲာ်ပှဲၤနါ

မၤတၢ် 13:17

ပှၤအံၣ်စရ့လးဖိအကစၢ်ယွၤဃုထၢထီၣ်ပမိၢ်ပၢ်ဖံဖုလၢပျၢၤတဖၣ်, ဒီးဒုးကဲထီၣ်အီၤလၢပှၤကလုာ်ဖးဒိၣ်တကလုာ်ဖဲအဝဲသ့ၣ်အိၣ် သမှံၤလၢကီၢ်အဲၤကူပတူးအပူၤန့ၣ်လီၤ. ကစၢ်ယွၤထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအပူၤ, ခီဖျိအစိအကမီၤလၢအဒိၣ်ဝဲမုၢ်ဝဲန့ၣ်လီၤ.

လံာ်သိၣ်လီၤသီလီၤတၢ် 26:8

လၢအစိဒိၣ်ကမီၤဒိၣ်ဒီးအဂံၢ်အဘါန့ၣ်, အဝဲမၤထူၣ်ဖျဲးထီၣ်ပှၤ လၢကီၢ်အဲၤကူပတူးန့ၣ်လီၤ. အဝဲမၤတၢ်လီၤလးတဖၣ်ဒီးတၢ်လၢအလီၤကမၢကမၣ်တဖၣ်, ဒီးဒုးအိၣ်ထီၣ်တၢ်လီၤပျံၤလီၤဖုးတဖၣ်လၢကမၤအသးန့ၣ်လီၤ.

လံာ်သိၣ်လီၤသီလီၤတၢ် 32:27

ဘၣ်ဆၣ်ယတပျဲဘၣ်အဝဲသ့ၣ်အဒုၣ်အဒါတဖၣ်ကကတိၤဒိၣ်ကတိၤသွါလီၤ အသးလၢအဝဲသ့ၣ်မၤနၢၤကွံာ်ယပှၤဂီၢ်မုၢ်အဃိ, ဖဲတၢ်န့ၣ်မ့ၢ်ဒၣ်ယကစၢ်ဒၣ်ယဲလၢအမၤလီၤကလဲကွံာ်အဝဲသ့ၣ်တခီလီၤ, အဃိန့ၣ်ဘၣ်.

လံာ်စီၤယိၤၡူ 11:20

အဂ့ၢ်မ့ၢ်လၢယွၤမၤကိၤထီၣ်အဝဲသ့ၣ်အသးတဖၣ်လၢကဟဲ ထီဒါအံၣ်စရ့လးလၢတၢ်ဒုးအပူၤ, ဒ်သိးအဝဲသ့ၣ်ကဘၣ်တၢ်မၤဟးဂီၤကွံာ်အီၤခဲလၢာ်ဒီးတဒိးန့ၢ်တၢ်သးကညီၤဘၣ်ဒီးကဘၣ်တၢ်မၤ သံကွံာ်အီၤခဲလၢာ်ဒ်ယွၤမၤလိာ်တ့ၢ်စီၤမိၤၡ့အသိးအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 4:7

ဒီးယကဒုးဟဲစီၤပၤယၤဘံၣ်အသုးမုၢ်အသုးခိၣ်ဖးဒိၣ်စီၤစံစရၤ လၢကဒုးတၢ်ဒီးနၤဖဲထံကျိကံၡိၣ်န့ၣ်လီၤ. အဝဲအိၣ်ဒီးလ့ၣ်ကဟၣ်ဒုးသုးဒီးပှၤသုးဖိတဖၣ်လီၤ. ဘၣ်ဆၣ်ဒီးယကဟ့ၣ်နၤလၢတၢ်မၤနၢၤကွံာ်အီၤန့ၣ်လီၤ.”