လံာ်တၢ်ဟးထီၣ်ကွံာ် 14:7 - Sgaw Karen Common Bible

⁷ အဝဲဟးထီၣ်ဒီးအလ့ၣ်ကဟၣ်သုးခဲလၢာ်ဃုာ်ဒီးအလ့ၣ်ကဟၣ်သုးအဂ့ၤ ကတၢၢ်အဆိဃုကယၤလၢအဘၣ်တၢ်ပၢဆှၢအီၤလၢပှၤအခိၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 14:7 Iomraidhean Croise

လံာ်တၢ်ကဲထီၣ်အခီၣ်ထံး 50:9

ပှၤဒိးလ့ၣ်ကဟၣ်တဖၣ်, ပှၤဒိးကသ့ၣ်တဖၣ်လဲၤဃုာ်တၢ်ဒီးအီၤစ့ၢ် ကီးလီၤ. ပှၤလဲၤတၢ်တဖၣ်န့ၣ်မ့ၢ်ပှၤဂီၢ်မုၢ်ဖးဒိၣ်တဖုလီၤ.

စံးထီၣ်ပတြၢၤ 20:7

ပှၤတနီၤပာ်ကဖၢလၢအသးလၢ အလ့ၣ်ကဟၣ်ဒုးသုးတဖၣ်အပူၤ ဒီးတနီၤလၢအကသ့ၣ်တဖၣ်အဃိ, ဘၣ်ဆၣ်ပပာ်ကဖၢလၢပသးလၢ ယွၤပကစၢ်ယွၤအမံၤအဃိန့ၣ်လီၤ.

စံးထီၣ်ပတြၢၤ 68:17

ယွၤဟဲလၢစံၤနါဆူတၢ်လီၢ်စီဆှံ ဃုာ်ဒီးအလ့ၣ်ကဟၣ်လၢအအိၣ်ဒီး အစိကမီၤ အကထိတဖၣ်အကထိန့ၣ်လီၤ.

လံာ်တၢ်ဟးထီၣ်ကွံာ် 14:23

ပှၤအဲၤကူပတူးဖိတဖၣ်လူၤပိာ်ထွဲအဝဲသ့ၣ်အခံဆူပီၣ်လဲၣ်ပူၤ ဃုာ်ဒီးကယဲၢ်အကသ့ၣ်တဖၣ်, လ့ၣ်ကဟၣ်ဒုးသုးတဖၣ်ဒီးပှၤနီၣ်တၢ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 14:6

ဒီးစီၤပၤကတဲာ်ကတီၤထီၣ်အလ့ၣ်ကဟၣ်သုးဒီးအသုးမုၢ်သံၣ်ဘိတဖၣ်န့ၣ်လီၤ.

လံာ်တၢ်ဟးထီၣ်ကွံာ် 14:8

ဒီးယွၤမၤကိၤထီၣ်စီၤပၤအသး, ဒီးအဝဲလူၤထွဲပှၤအံၣ်စရ့လးဖိတဖၣ်လၢအဟးထီၣ်ကွံာ်အိၣ်ဒီး တၢ်သးခုလၢတၢ်မၤနၢၤအပူၤန့ၣ်လီၤ.

လံာ်တၢ်ဟးထီၣ်ကွံာ် 15:4

အဝဲကွံာ်တ့ၢ်ကွံာ်ကီၢ်အဲၤကူပတူးအသုးမုၢ်ဒီးအလ့ၣ်ကဟၣ်ဒုး သုးတဖၣ်ဆူပီၣ်လဲၣ်ပူၤ, အသုးခိၣ်သုးနၢ်အဂ့ၤကတၢၢ်တဖၣ်လီၤအုးသံလၢပီၣ်လဲၣ်ဂီၤအပူၤလီၤ.

လံာ်ယၡါယၤ 37:24

နမၢလီၤနခ့နပှၤတဖၣ်လၢက, ကတိၤဒိၣ်အကိာ်လၢယမဲာ်ညါဒီးစံးဝဲ လၢနမၤန့ၢ်မၤနၢၤကစၢၢ်အထီကတၢၢ်တဖၣ်လၢကီၢ်လဘၤနိၣ်အပူၤန့ၣ် လၢနလ့ၣ်ကဟၣ်ခဲလၢာ်န့ၣ်လီၤ. နကတိၤဒိၣ်လီၤနသးလၢ, ဖဲန့ၣ်, နကူာ်လီၤကွံာ်သ့ၣ်ဆှိအ့ရ့းအထီကတၢၢ်တဖၣ်ဒီးသ့ၣ်ဆှိအဂ့ၤ ကတၢၢ်တဖၣ်, ဒီးနလဲၤတုၤတ့ၢ်လံလၢသ့ၣ်ဒိၣ်ပှၢ်တီၢ်အယိာ် ကတၢၢ်တတီၤလံန့ၣ်လီၤ.

လံာ်ပှၤစံၣ်ညီၣ်ကွီၢ် 4:15

ဖဲစီၤဘါရးဒုးတၢ်ဃုာ်ဒီးအသုးမုၢ်န့ၣ်ယွၤမၤသဘံၣ်ဘုၣ်စီၤစံစရၤ အလ့ၣ်ကဟၣ်ဒုးသုးတဖၣ်ဒီးအပှၤသုးဖိတဖၣ်လီၤ. စီၤစံစရၤစံၣ်လီၤလၢအလ့ၣ်ကဟၣ်ဒုးသုးအဖီခိၣ်ဒီးဃ့ၢ်ဝဲလၢအခီၣ်လီၤ.

လံာ်ပှၤစံၣ်ညီၣ်ကွီၢ် 4:3

စီၤပၤယၤဘံၣ်အိၣ်ဒီးလ့ၣ်ကဟၣ်ဒုးသုးထးအဆိခွံကယၤ, ဒီးအဝဲပၢအံၣ်စရ့လးအပှၤဂီၢ်မုၢ်လၢတၢ်အၢတၢ်သီဒီး တၢ်မၤအၢမၤနးဖးဒိၣ်အပူၤအနံၣ်ခံဆံန့ၣ်လီၤ. တုၤနုၤတစုအံၣ်စရ့လးအပှၤဂီၢ်မုၢ်ကိးပသူထီၣ်ဆူယွၤအအိၣ် လၢတၢ်မၤစၢၤအဂီၢ်န့ၣ်လီၤ.