လံာ်တၢ်ဟးထီၣ်ကွံာ် 14:31 - Sgaw Karen Common Bible

³¹ ဖဲပှၤအံၣ်စရ့လးဖိတဖၣ်ထံၣ်ဘၣ်တၢ်စိတၢ်ကမီၤဖးဒိၣ်လၢယွၤ မၤနၢၤကွံာ်ပှၤအဲၤကူပတူးဖိတဖၣ်ဒီးပှၤဂီၢ်မုၢ်ပျံၤယွၤ ဒီးအဝဲသ့ၣ်နာ်ယွၤဒီးအခ့အပှၤစီၤမိၤၡ့န့ၣ်လီၤ.

လံာ်တၢ်ဟးထီၣ်ကွံာ် 14:31 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 20:20

လၢမုၢ်ဆ့ၣ်ထီၣ်ဂီၤဂီၤန့ၣ်, ပှၤဂီၢ်မုၢ်လဲၤဃီၤဝဲဆူပှၢ်မုၢ် ကနၢဘူးဒီးသဝီတကိၤန့ၣ်လီၤ. တချုးလၢအဝဲသ့ၣ်စးထီၣ်လဲၤတၢ်ဒံးန့ၣ်, စီၤယဟိၡၤဖးကတိၤလီၤတၢ်ဆူအဝဲသ့ၣ်အအိၣ်လၢတၢ်ကတိၤတဖၣ်အံၤ န့ၣ်လီၤ. “ပှၤကီၢ်ယူဒၤဒီးဝ့ၢ်ယရူၤၡလ့ၣ်ဖိသ့ၣ်ဧၢ, ပာ်သုတၢ်နာ်လၢယွၤ, သုကစၢ်ယွၤအပူၤဒီး, သုကဆၢထၢၣ်ဂၢၢ်ကျၢၤန့ၣ်လီၤ. စူၢ်က့ၤနာ်က့ၤတၢ်လၢအဝဲအဝံတဖၣ်တဲဘၣ်သု, ဒီးသု ကမၤနၢၤတၢ်န့ၣ်လီၤ.”

လံာ်စီၤနဃ့မယၤ 9:9

နထံၣ်တ့ၢ်လံပမိၢ်ပၢ်ဖံဖုလၢပျၢၤတဖၣ်တူၢ်ဘၣ်တၢ်လၢကီၢ်အဲၤ ကူပတူးအပူၤ, ဒီးနနၢ်ဟူတ့ၢ်လံအဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လၢ ပီၣ်လဲၣ်ဂီၤန့ၣ်လီၤ.

စံးထီၣ်ပတြၢၤ 119:120

ယညၣ်ကနိးလၢတၢ်ပျံၤနၤအဃိ, ဒီးယပျံၤနတၢ်စံၣ်ညီၣ်တဖၣ်လီၤ.

လံာ်တၢ်ဟးထီၣ်ကွံာ် 19:9

ဒီးယွၤစံးဘၣ်စီၤမိၤၡ့, “ယကဟဲဆူနအိၣ်လၢတၢ်အၢၣ်လၢအတီၣ် တလိၣ်အပူၤဒ်သိးပှၤဂီၢ်မုၢ်ကနၢ်ဟူဘၣ်ယကတိၤတၢ်ဒီးနၤဒီးကနာ် နၤစးထီၣ်ခဲအံၤဒီးဆူညါန့ၣ်လီၤ.” ဒီးစီၤမိၤၡ့တဲဘၣ်ယွၤတၢ်လၢပှၤဂီၢ်မုၢ်စံးဆၢဝဲန့ၣ်လီၤ.

လံာ်တၢ်ဟးထီၣ်ကွံာ် 4:31

ဒီးပှၤဂီၢ်မုၢ်နာ်ဝဲဒီးဖဲအဝဲသ့ၣ်နၢ်ဟူဝဲဒၣ်လၢကစၢ်ယွၤဟဲဆူ အဝဲသ့ၣ်အအိၣ်ဒီးထံၣ်အတၢ်နးတၢ်ဖှီၣ်န့ၣ်အဝဲသ့ၣ်ဆုးလီၤအခိၣ် ဒီးဘူၣ်ထီၣ်ဘါထီၣ်ယွၤလီၤ.

လံာ်လူၤကၣ် 8:13

တၢ်ချံလၢအလီၤလၢလၢၢ်ခိၣ်ပာ်ဖျါထီၣ်ပှၤတဖၣ်လၢအနၢ်ဟူ ဘၣ်တၢ်အကလုၢ်ကထါဒီးတူၢ်လိာ်ဝဲလၢတၢ်သးခုအပူၤလီၤ. ဘၣ်ဆၣ်မၤအသးဒ်တၢ်ချံလၢအဂံၢ်တအိၣ်သူၣ်လီၤအသး ယိာ်ယိာ်ဘၣ်န့ၣ်လီၤ. အဝဲသ့ၣ်စူၢ်တၢ်နာ်တၢ်ထဲတစိၢ်ဖိဧိၤ, ဒီးဖဲတၢ်မၤကွၢ်အဆၢကတီၢ်ဟဲန့ၣ်, အဝဲသ့ၣ်လီၤဃံၤကွံာ်ဝဲလီၤ.

လံာ်ယိၤဟၣ် 11:45

ပှၤယူဒၤဖိအါဂၤလၢအဟဲအိၣ်သကိးနီၢ်မၤရံ, ထံၣ်ဘၣ် ယ့ၣ်ၡူးမၤတ့ၢ်တၢ်အံၤဒီးအဝဲသ့ၣ်စူၢ်က့ၤနာ်က့ၤအီၤန့ၣ်လီၤ.

လံာ်ယိၤဟၣ် 2:11

ယ့ၣ်ၡူးမၤတၢ်လီၤလးအခီၣ်ထံးကတၢၢ်တဘျီအံၤလၢဝ့ၢ်ကၤ နါလၢကီၢ်ကၤလံၤလါအပူၤဒီးဖဲန့ၣ်အဝဲလီၣ်ဖျါထီၣ်အလၤ ကပီၤ, ဒီးအပျဲၢ်အဘီၣ်တဖၣ်စူၢ်က့ၤနာ်က့ၤအီၤန့ၣ်လီၤ.

မၤတၢ် 8:13

စီၤၡံမိၣ်အနီၢ်ကစၢ်ဒၣ်ဝဲစ့ၢ်ကီးစူၢ်က့ၤနာ်က့ၤတၢ်, ဒီးလၢအဘၣ်တၢ်ဘျၢအီၤလၢထံဝံၤအလီၢ်ခံ, အဝဲဒၣ်လဲၤက့ၤအိၣ်ဆိးဝဲထီဘိဒီးစီၤဖံလံးပူးလီၤ. တုၤအထံၣ်ဘၣ်ဝဲတၢ်ပနီၣ်လီၤလးဒီးတၢ်လီၤလိၢ်လီၤလး တဖၣ်န့ၣ်ဒီး, ကမၢကမၣ်ဝဲဒိၣ်ဒိၣ်ကလဲာ်လီၤ.

ဧ့ၤဘြံၤ 3:5

စီၤမိၤၡ့အကလုၢ်တီဝဲလၢယွၤအပှၤဂီၢ်မုၢ်အဖီခိၣ်ဒ်တၢ်အခ့ အပှၤတဂၤအသိး, ဒီးအဝဲကတိၤတၢ်ဘၣ်ဃးတၢ်လၢကစၢ်ယွၤ ကစံးကတိၤဝဲလၢခါလၢအကဟဲအပူၤတဖၣ်လီၤ.

လံာ်စီၤယိၤၡူ 24:7

ကိးထီၣ်ယၤလၢတၢ်မၤစၢၤအဂီၢ်သတးဒီးယပာ်လီၤတၢ်ခံးလၢအဝဲ သ့ၣ်ဒီးပှၤအဲၤကူပတူးဖိအဘၢၣ်စၢၤန့ၣ်လီၤ. ယဒုးဟဲထီၣ်ပီၣ်လဲၣ်အထံလၢပှၤအဲၤကူပတူးဖိတဖၣ် အဖီခိၣ်ဒီးဒုးလီၤအုးသံကွံာ်အဝဲသ့ၣ်လီၤ. သုသ့ၣ်ညါတၢ်လၢယမၤတ့ၢ်လၢအဲၤကူပတူးအဂီၢ်လံ. ဒီးသုအိၣ်သုဆိးလၢပှၢ်မုၢ်ကနၢအပူၤအါနံၣ်အါလါလီၤ.

လံာ်စီၤယိၤၡူ 4:14

ဒီးလၢနံၤအဝဲန့ၣ်, ယွၤယူာ်ထီၣ်ထီစီၤယိၤၡူလၢအံၣ်စရ့လးခဲလၢာ်အမဲာ်ညါဒီးဒ် အဝဲသ့ၣ်, ပျံၤစီၤမိၤၡ့အသိးန့ၣ်, ပျံၤစ့ၢ်ကီးစီၤယိၤၡူတစိၤဒၣ်အီၤန့ၣ်လီၤ.

လံာ်စီၤယိၤၡူ 4:24

လၢတၢ်ဂ့ၢ်အံၤအဃိ, ပှၤအိၣ်လၢဟီၣ်ခိၣ်ချၢခဲလၢာ်ကသ့ၣ် ညါလၢယွၤအစိကမီၤဒိၣ်ဝဲထဲလဲၣ်, ဒီးသုကမၤလၤကပီၤယွၤ သုကစၢ်ယွၤအစိၤစိၤအဃၣ်ဃၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 12:16

မၤသးဒ်န့ၣ်ဒီး, ဆၢထၢၣ်ဖဲသုအိၣ်အလီၢ်, ဒီးသုကထံၣ်တၢ်အဒိၣ်အမုၢ်လၢ ယွၤကမၤအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:18

မၤသးဒ်န့ၣ်ဒီးစီၤၡမူၤအ့လးဘါထုကဖၣ်တၢ်, ဒီးလၢတနံၤဃီန့ၣ်ယွၤဆှၢလီၤလီသီၣ်လီသဲဒီးတၢ်စူၤလီၤ. တုၤနုၤတစု, ပှၤဂီၢ်မုၢ်ခဲလၢာ်ပျံၤယွၤဒီးစီၤၡမူၤအ့လးလီၤ.