လံာ်တၢ်ဟးထီၣ်ကွံာ် 14:29 - Sgaw Karen Common Bible

²⁹ မ့မ့ၢ်ပှၤအံၣ်စရ့လးဖိတဖၣ်ဟးဝဲလၢဟီၣ်ခိၣ်ဃ့ထီအဖီခိၣ် ခီဂာ်ပီၣ်လဲၣ်လၢအအိၣ်ဒီးထံအဒူၣ်ခံခီန့ၣ်လီၤ.

လံာ်တၢ်ဟးထီၣ်ကွံာ် 14:29 Iomraidhean Croise

လံာ်စီၤပၤခံဘ့ၣ်တဘ့ၣ် 2:8

အန့ၣ်ဒီး, စီၤအ့ၤလံယၤဘ့ၣ်လီၤအဆ့ကၤဖးဒိၣ်ဒီးထူထီၣ်ဝဲ ဒီးတီၢ်ထံလၢဆ့ကၤန့ၣ်, ဒီးထံသ့ၣ်ဖးကွံာ်ဝဲနီၤဖးကွံာ်အသးခံခီဒီးအဝဲဒီးစီၤ အလံၤၡါခီဂာ်ဝဲဆူထံကျိအဝၢ်ဘးခီလၢခိန့ၣ်လီၤ.

လံာ်စီၤနဃ့မယၤ 9:11

နမၤတ့ၢ်ကျဲတဘိလၢနပှၤဂီၢ်မုၢ်အဂီၢ်လၢပီၣ်လဲၣ်ပူၤ ဒီးဆှၢခီဖျိအဝဲသ့ၣ်လၢဟီၣ်ခိၣ်ဃ့အလိၤန့ၣ်လီၤ. ပှၤတဖၣ်လၢအလူၤအဝဲသ့ၣ်န့ၣ်လီၤအုးကွံာ်လၢထံယိာ်အပူၤ ဒ်လၢၢ်တဖျၢၣ်လီၤဘျၢကွံာ်လၢပီၣ်လဲၣ်လၢအလပီဒိၣ်အပူၤအသိး န့ၣ်လီၤ.

စံးထီၣ်ပတြၢၤ 106:9

အဝဲဟ့ၣ်လီၤအကလုၢ်ဒီး ပီၣ်လဲၣ်ဂီၤဃ့ထီကွံာ်ဝဲ, အဝဲဆှၢခီဖျိအပှၤဂီၢ်မုၢ်လၢ ခိသူၣ်ခိၣ်န့ၣ်လီၤ.

စံးထီၣ်ပတြၢၤ 136:13

မၤသ့ၣ်ဖးပီၣ်လဲၣ်ဂီၤခံခီလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 78:13

အဝဲဒၣ်မၤသ့ၣ်ဖးပီၣ်လဲၣ်, ဒီးဒုးလဲၤခီဂာ်အဝဲသ့ၣ်, ဒီးပာ်ဆၢထၢၣ်ထံဒ်တၢ်ဒူၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 14:22

ဒီးပှၤအံၣ်စရ့လးဖိတဖၣ်လဲၤခီဂာ်ပီၣ်လဲၣ်လၢဟီၣ်ခိၣ်ဃ့ထီ အလိၤအိၣ်ဒီးထံအဒူၣ်ခံခီယၢ်ခီန့ၣ်လီၤ.

လံာ်တၢ်ဟးထီၣ်ကွံာ် 15:19

ပှၤအံၣ်စရ့လးဖိတဖၣ်လဲၤခီဂာ်ပီၣ်လဲၣ်လၢဟီၣ်ခိၣ်ဃ့ထီအဖီ ခိၣ်လီၤ. ဘၣ်ဆၣ်ဖဲပှၤအဲၤကူပတူးဖိအလ့ၣ်ကဟၣ်ဒုးသုးတဖၣ်, ဃုာ်ဒီးအကသ့ၣ်တဖၣ်ဒီးအပှၤနီၣ်တၢ်တဖၣ်လဲၤနုာ်ဆူပီၣ်လဲၣ်ပူၤ န့ၣ်, ယွၤဒုးဟဲက့ၤကဒါက့ၤထံတဖၣ်ဒီးလုၣ်ဘၢကွံာ်အဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 15:8

နအူထီၣ်ကလံၤလၢပီၣ်လဲၣ်အဖီခိၣ်ဒီးထံပာ်ဖှိၣ်အသးထီၣ်ထီဆူ ထး, ဆၢထၢၣ်ဝဲဘျၢယုၢ်ကလာ်ဒ်တၢ်အဒူၣ်အသိး ဒီးပီၣ်လဲၣ်အလီၢ်ယိာ်ကတၢၢ်န့ၣ်ကဲထီၣ်တၢ်လီၢ်အကိၤလီၤ.

လံာ်ယၡါယၤ 11:15

ယွၤကမၤဃ့ထီကွံာ်စူအဲးအပီၣ်လဲၣ်က့ၣ်ကျီၤ, ဒီးကဟဲစိာ်ကလံၤအကိၢ်ဒ်သိးအကမၤဃ့ထီကွံာ်ထံကျိဖရၤသး, ဒီးကပာ်တီၢ်ဝဲထံကျိဆံးဖိနွံကျိဒ် သိးပှၤတဂၤဂ့ၤတဂၤဂ့ၤလဲၤခီဂာ်အီၤကသ့အဂီၢ်လီၤ.

လံာ်ယၡါယၤ 43:2

ဖဲနလဲၤခီဖျိထံလၢအယိာ်န့ၣ်, ယကအိၣ်ဒီးနၤလီၤ. နတၢ်ကီတၢ်ခဲတဖၣ်တလုၣ်ဘၢနၤဘၣ်. ဖဲနလဲၤခီဖျိမ့ၣ်အူန့ၣ်, မ့ၣ်အူတအီၣ်နၤဘၣ်. တၢ်မၤကွၢ်အကီအခဲတဖၣ်လၢအဟဲန့ၣ်, တမၤဘၣ်ဒိဘၣ်ထံးနၤဘၣ်.

လံာ်ယၡါယၤ 51:10

နမ့ၢ်စ့ၢ်ကီးပှၤလၢအမၤလီၤ သံးကွံာ်ပီၣ်လဲၣ်ဒီးကတဲာ်က တီၤတ့ၢ်ကျဲတဘိလၢပီၣ်လဲၣ်ခံဒး ဒ်သိးပှၤတဖၣ်လၢနအုၣ်က့ၤ ခီၣ်က့ၤအီၤခီဂာ်တၢ်ကသ့အဂီၢ်န့ၣ်လီၤ.

လံာ်ယၡါယၤ 51:13

သုသးပ့ၤနီၣ်ကွံာ်ယွၤတဂၤန့ၣ်လၢအတ့လီၤပာ်လီၤသု, ဒီးသလၣ်ထီၣ်မူခိၣ်မူကပိာ်လိၤ, ဒီးပာ်လီၤဟီၣ်ခိၣ်အခီၣ်ထံးတဖၣ်လံဧါ. ဘၣ်မနုၤသုအိၣ်မူတထံၣ်ဃီလၢတၢ်ပျံၤဘၣ်ဖုးဘၣ်လၢပှၤလၢ အမၤအၢမၤနးသုအတၢ်သးကဲၤထီၣ်, ဒီးပှၤလၢအိၣ်ကတဲာ်ကတီၤအသးလၢကမၤဟးဂီၤသုန့ၣ်လဲၣ်. အဝဲသ့ၣ်အတၢ်သးကဲၤထီၣ်မၤဘၣ်ဒိဘၣ်ထံးသု တသ့လၢၤဘၣ်.

1 ကရံၣ်သူး 10:1

ယဒီပုၢ်ဝဲၢ်သ့ၣ်ဧၢ, ယအဲၣ်ဒိးလၢသုကသ့ၣ်နီၣ်ထီၣ်က့ၤတၢ်ဘၣ်ဃးဒီး တၢ်မၤအသးဒီးပမိၢ်ပၢ်ဖံဖုလၢပျၢၤတဖၣ်အပိာ်စီၤမိၤၡ့အခံဒ်လဲၣ်အဂ့ၢ် န့ၣ်လီၤ. အဝဲသ့ၣ်ကိးဂၤဒဲးအိၣ်လၢတၢ်အၢၣ်အတၢ်ကဟုကယာ် အဖီလာ်ဒီးအဝဲသ့ၣ်ကိးဂၤဒဲးလဲၤခီဂာ်ဝဲဒၣ်ပီၣ်လဲၣ်ဂီၤပူၤပူၤ ဖျဲးဖျဲးဂ့ၤဂ့ၤဘၣ်ဘၣ်န့ၣ်လီၤ.

လံာ်စီၤယိၤၡူ 3:16

ထံန့ၣ်အိၣ်ပတုာ်ဝဲဒီးအိၣ်ဖှိၣ်စိထီၣ်အသးလၢတၢ်လီၢ်အယံၤဖဲ ဝ့ၢ်အၤဒၣ်လၢအအိၣ်ဘူးဒီးစၤရတၣ်န့ၣ်လီၤ. ထံလၢအယွၤလီၤဝဲဆူပီၣ်လဲၣ်သံန့ၣ်တယွၤလီၤလၢၤဘၣ်အဃိပှၤ ဂီၢ်မုၢ်တဖၣ်ခီဂာ်တၢ်ဆူဝ့ၢ်ယရံၤဃိသ့ဝဲန့ၣ်လီၤ.