လံာ်တၢ်ဟးထီၣ်ကွံာ် 14:27 - Sgaw Karen Common Bible

²⁷ မၤသးဒ်န့ၣ်ဒီး, စီၤမိၤၡ့ယူာ်ထီၣ်အစုလၢပီၣ်လဲၣ်ဖီခိၣ်ဒီး ဖဲမုၢ်ဆ့ၣ်ဝါထီၣ်န့ၣ်ထံဟဲက့ၤပှဲၤထီၣ်ဝဲဒၣ်ဒ်အလီၢ်လီၢ်န့ၣ် လီၤ. ပှၤအဲၤကူပတူးဖိတဖၣ်ကျဲးစၢးဒ်သိးကပူၤဖျဲးထီၣ်လၢထံကျါ ဘၣ်ဆၣ်ဒီးယွၤတြူာ်ကွံာ်အဝဲသ့ၣ်လၢပီၣ်လဲၣ်အသးကံၢ်ပူၤန့ၣ်လီၤ.

လံာ်တၢ်ဟးထီၣ်ကွံာ် 14:27 Iomraidhean Croise

လံာ်စီၤနဃ့မယၤ 9:11

နမၤတ့ၢ်ကျဲတဘိလၢနပှၤဂီၢ်မုၢ်အဂီၢ်လၢပီၣ်လဲၣ်ပူၤ ဒီးဆှၢခီဖျိအဝဲသ့ၣ်လၢဟီၣ်ခိၣ်ဃ့အလိၤန့ၣ်လီၤ. ပှၤတဖၣ်လၢအလူၤအဝဲသ့ၣ်န့ၣ်လီၤအုးကွံာ်လၢထံယိာ်အပူၤ ဒ်လၢၢ်တဖျၢၣ်လီၤဘျၢကွံာ်လၢပီၣ်လဲၣ်လၢအလပီဒိၣ်အပူၤအသိး န့ၣ်လီၤ.

စံးထီၣ်ပတြၢၤ 106:11

ဒီးထံလုၣ်ဘၢသံကွံာ်အဒုၣ်အဒါတဖၣ်, ဒီးလၢအကျါပှၤတအိၣ်လီၤတဲာ်နီတဂၤဘၣ်.

စံးထီၣ်ပတြၢၤ 136:15

မ့မ့ၢ်မၤလီၤအုးသံကွံာ်ဖၤရိၤဒီးအသုးမုၢ် လၢပီၣ်လဲၣ်ဂီၤအပူၤလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 78:53

အဝဲဆှၢအဝဲသ့ၣ်လၢတၢ်ပူၤဖျဲးအပူၤဒ်သိး အသုတပျံၤတၢ်တဂ့ၤ, အဂီၢ်န့ၣ်လီၤ. မ့မ့ၢ်အဒုၣ်အဒါတဖၣ်န့ၣ် ပီၣ်လဲၣ်လုၣ်ဘၢကွံာ်အီၤလီၤ.

လံာ်ယၡါယၤ 10:26

ယၤ, ယွၤသ့တၢ်လၢာ်ကစၢ်အံၤ, ယကတီၢ်အဝဲသ့ၣ်လၢ ယနီၣ်ဖျ့ဒ်ယတီၢ်ပှၤမံးဒယၣ်ဖိတဖၣ်ဖဲလၢၢ်ဧိရ့ာ်အသိးန့ၣ်လီၤ. ယကစံၣ်ညီၣ်ကီၢ်အၤၡူၢ်ဒ်ယစံၣ်ညီၣ်ကီၢ်အဲၤကူပတူးအသိးလီၤ.

လံာ်သိၣ်လီၤသီလီၤတၢ် 11:4

သုထံၣ်ဘၣ်ယွၤတြူာ်ကွံာ်ကီၢ်အဲၤကူပတူးအသုးမုၢ်သံၣ်ဘိ လၢာ်လၢာ်ဆ့ဆ့ဃုာ်ဒီးအဝဲသ့ၣ်အကသ့ၣ်တဖၣ်, ဒီးလ့ၣ်ကဟၣ်ဒုးသုးတဖၣ်ဒ်လဲၣ်ဒ်လဲၣ်, ခီဖျိတၢ်မၤလီၤဘျၢ ကွံာ်အီၤလၢပီၣ်လဲၣ်ဂီၤအပူၤဖဲအဝဲသၣ်ဟဲလူၤထွဲသုအခါန့ၣ် လီၤ.

ဧ့ၤဘြံၤ 11:29

လၢတၢ်စူၢ်တၢ်နာ်န့ၣ်ပှၤအံၣ်စရ့လးဖိခီဂာ်ပီၣ်လဲၣ်ဂီၤလၢ ခိသူခိၣ်လီၤ. ဘၣ်ဆၣ်ဒီးဖဲပှၤအဲၤကူပတူးဖိတဖၣ်ခီကွၢ်ဝဲန့ၣ်အဝဲသ့ၣ်လီၤ အုးသံကွံာ်ဝဲလီၤ.

လံာ်စီၤယိၤၡူ 24:7

ကိးထီၣ်ယၤလၢတၢ်မၤစၢၤအဂီၢ်သတးဒီးယပာ်လီၤတၢ်ခံးလၢအဝဲ သ့ၣ်ဒီးပှၤအဲၤကူပတူးဖိအဘၢၣ်စၢၤန့ၣ်လီၤ. ယဒုးဟဲထီၣ်ပီၣ်လဲၣ်အထံလၢပှၤအဲၤကူပတူးဖိတဖၣ် အဖီခိၣ်ဒီးဒုးလီၤအုးသံကွံာ်အဝဲသ့ၣ်လီၤ. သုသ့ၣ်ညါတၢ်လၢယမၤတ့ၢ်လၢအဲၤကူပတူးအဂီၢ်လံ. ဒီးသုအိၣ်သုဆိးလၢပှၢ်မုၢ်ကနၢအပူၤအါနံၣ်အါလါလီၤ.

လံာ်စီၤယိၤၡူ 4:18

ဒီးဖဲပှၤလုၢ်တၢ်အခိၣ်တဖၣ်လၢအစိာ်ယွၤအတၢ်အၢၣ်လီၤအီ လီၤအတလါဟဲက့ၤထီၣ်က့ၤလၢထံကျိယၢ်ဒ့ၣ်ဒီး, တုၤအခီၣ်ညါသးယီၢ်လီၤခိန့ၣ်, ထံယွၤလီၤကဒါက့ၤလုၣ်ဘၢထံ ကၢၢ်ခိၣ်ဒ်လၢညါအသိးန့ၣ်လီၤ.