လံာ်တၢ်ဟးထီၣ်ကွံာ် 14:26 - Sgaw Karen Common Bible

²⁶ ဒီးယွၤစံးဘၣ်စီၤမိၤၡ့, “ယူာ်ထီၣ်နစုလၢပီၣ်လဲၣ်ဖီခိၣ်တက့ၢ်. ဒီးထံကဟဲက့ၤကဒါက့ၤဒီးလုၣ်ဘၢကွံာ်ပှၤအဲၤကူပတူးဖိတဖၣ် ဒီးအလ့ၣ်ကဟၣ်ဒုးသုးတဖၣ်ဒီးအပှၤနီၣ်တၢ်တဖၣ်န့ၣ်လီၤ.”

လံာ်တၢ်ဟးထီၣ်ကွံာ် 14:26 Iomraidhean Croise

လံာ်တၢ်ဟးထီၣ်ကွံာ် 1:22

လၢခံကတၢၢ်န့ၣ်, စီၤပၤဟ့ၣ်လီၤအကလုၢ်ဆူပှၤအဲၤကူပတူးဖိ ဒီးစံးဝဲ, “ဟံးန့ၢ်ပှၤဧ့ၤဘြံၤဖိသၣ်ပိာ်ခွါဖိလၢအအိၣ် ဖျဲၣ်ထီၣ်သီကိးဂၤဒဲးဒီးတ့ၢ်လီၤကွံာ်အီၤဆူထံကျိနံၤလါ အပူၤတက့ၢ်. မ့မ့ၢ်ဖိသၣ်ပိာ်မုၣ်ဖိတဖၣ်န့ၣ်ပျဲအမူကိးဂၤဒဲး တက့ၢ်.”

လံာ်တၢ်ဟးထီၣ်ကွံာ် 14:16

ယူာ်ထီၣ်နီၣ်ထိးဘိဒီးဖီၣ်ဃးအီၤလၢပီၣ်လဲၣ်အဖီခိၣ်တက့ၢ်. ထံကနီၤဖးလီၤအသးဒီးပှၤအံၣ်စရ့လးဖိတဖၣ်လဲၤတၢ်လၢဟီၣ် ခိၣ်အဃ့ထီအဖီခိၣ်ကသ့ဝဲလီၤ.

လံာ်တၢ်ဟးထီၣ်ကွံာ် 15:1

တုၤနုၤတစု, စီၤမိၤၡ့ဒီးပှၤအံၣ်စရ့လးဖိတဖၣ်သးဝံၣ်တၢ် သးဝံၣ်အံၤဆူယွၤအအိၣ်လီၤ. “ယကသးဝံၣ်ထီၣ်ယွၤလီၤ. အဂ့ၢ်ဒ်အံၤ, အဝဲမၤနၢၤတၢ်အိၣ်ဒီးတၢ်မၤနၢၤအကဟုကညီၢ်ဖးဒိၣ်လီၤ. အဝဲတြူာ်ကွံာ်ကသ့ၣ်တဖၣ်ဒီးပှၤလၢအဒိးအီၤတဖၣ်ဆူပီၣ်လဲၣ်ပူၤလီၤ.

လံာ်တၢ်ဟးထီၣ်ကွံာ် 15:4

အဝဲကွံာ်တ့ၢ်ကွံာ်ကီၢ်အဲၤကူပတူးအသုးမုၢ်ဒီးအလ့ၣ်ကဟၣ်ဒုး သုးတဖၣ်ဆူပီၣ်လဲၣ်ပူၤ, အသုးခိၣ်သုးနၢ်အဂ့ၤကတၢၢ်တဖၣ်လီၤအုးသံလၢပီၣ်လဲၣ်ဂီၤအပူၤလီၤ.

လံာ်တၢ်ဟးထီၣ်ကွံာ် 7:19

ဒီးယွၤစံးဘၣ်စီၤမိၤၡ့, “တဲဘၣ်စီၤအၤဟရိၣ်လၢကလဲၤစိာ် အနီၣ်ထိးဘိ, ဒီးယူာ်ထီၣ်အီၤလၢထံကျိခဲလၢာ်, ထံကျိၤတဖၣ်ဒီးကမါတဖၣ်အဖီခိၣ်လၢကီၢ်အဲၤကူပတူးအပူၤ တက့ၢ်. ဒီးထံကကဲထီၣ်လၢတၢ်သွံၣ်, ဒီးတၢ်သွံၣ်ကအိၣ်လၢကီၢ်ဒီ ဘ့ၣ်ညါ, တုၤလၢသ့ၣ်သရာ်ဒီးလၢၢ်သရာ်တဖၣ်အပူၤဒၣ်လဲာ်န့ၣ်လီၤ.”

လံာ်တၢ်ဟးထီၣ်ကွံာ် 8:5

ဒီးယွၤစံးဘၣ်စီၤမိၤၡ့, “တဲဘၣ်စီၤအၤဟရိၣ်လၢကယူာ်ထီၣ် အနီၣ်ထိးဘိလၢထံကျိတဖၣ်အဖီခိၣ်, ထံကျိၤတဖၣ်အဖီခိၣ်, ဒီးကမါတဖၣ်အဖီခိၣ်, ဒီးဒုးဟဲထီၣ်ဒ့ၣ်ဧိၤကွီၣ်ဧိၤဒီးမၤပှဲၤကီၢ်အဲၤကူပတူးန့ၣ်တက့ၢ်.”

လံာ်ယၡါယၤ 11:16

ကျဲမုၢ်ဖးဒိၣ်တဘိကဟးထီၣ်လၢကီၢ်အၤၡူၢ်လၢအပှၤအံၣ်စရ့လး ဖိလၢအအိၣ်မူတ့ၢ်ဖဲန့ၣ်တဖၣ်အဂီၢ်, ဒ်အအိၣ်လၢအမိၢ်ပၢ်ဖံဖု လၢပျၢၤတဖၣ်အဂီၢ်အသိး, ဖဲအဝဲသ့ၣ်ဟးထီၣ်လၢကီၢ် အဲၤကူပတူးအခါန့ၣ်လီၤ.

လံာ်မးသဲ 7:2

အဂ့ၢ်ဒ်အံၤ, ကစၢ်ယွၤကစံၣ်ညီၣ်သုလၢတၢ်စံၣ်ညီၣ်တမံၤဃီလၢသုစံၣ်ညီၣ် ပှၤဂၤဒီး အဝဲကဃီၣ်ဟ့ၣ်သုတၢ်လၢနီၣ်ဃီၣ်တခါဃီလၢသုဃီၣ်ဟ့ၣ်တၢ်န့ၣ် လီၤ.

လံာ်မးသဲ 8:27

ပှၤကိးဂၤဒဲးကမၢကမၣ်ဝဲဒီးစံး, “ပှၤအံၤမ့ၢ်ပှၤဒ်လဲၣ်တဂၤလဲၣ်. ကလံၤဒီးလပီတဖၣ်ဒၣ်လဲာ် စူၢ်အကလုၢ်လီၤ.”

ယၤကိာ် 2:13

အဂ့ၢ်ဒ်လဲၣ်န့ၣ်, ကစၢ်ယွၤတမ့ၢ်လၢအကဒုးနဲၣ်တၢ်သးကညီၤဖဲအဝဲစံၣ်ညီၣ်ပှၤ တဂၤလၢအတအိၣ်ဒီးတၢ်သးကညီၤန့ၣ်ဘၣ်. ဘၣ်ဆၣ်ဒီး, တၢ်သးကညီၤမ့ၢ်တၢ်လၢအမၤနၢၤတၢ်စံၣ်ညီၣ်န့ၣ်လီၤ.

လံာ်လီၣ်ဖျါ 16:6

အဝဲသ့ၣ်လူလီၤဂၢ်လီၤကစၢ်ယွၤအပှၤစီဆှံဒီးအဝံတဖၣ် အသွံၣ်, ဒီးလၢတၢ်န့ၣ်အဃိနဟ့ၣ်တ့ၢ်အဝဲသ့ၣ်တၢ်သွံၣ်လၢ အကအီဝဲအဂီၢ်လီၤ. အဝဲသ့ၣ်ဒိးန့ၢ်ဘၣ်တၢ်လၢအကြၢးဝဲဒီး အီၤလီၤ.”