လံာ်တၢ်ဟးထီၣ်ကွံာ် 14:25 - Sgaw Karen Common Bible

²⁵ ယွၤမၤကတံာ်ကွံာ်အဝဲသ့ၣ်အလ့ၣ်ကဟၣ်အပၣ်တဖၣ်ဒ်သိးကသုးအသးအိၣ် ဒီးတၢ်ကီတၢ်ခဲဖးဒိၣ်န့ၣ်လီၤ. ပှၤအဲၤကူပတူးဖိတဖၣ်စံးဝဲ, “ယွၤဒုးတၢ်လၢပှၤအံၣ်စရ့လးဖိတဖၣ်အဂီၢ်ထီဒါပှၤလီၤ. မ်ပဟးထီၣ်ကွံာ်လၢတၢ်လီၢ်ဖဲအံၤတက့ၢ်.”

လံာ်တၢ်ဟးထီၣ်ကွံာ် 14:25 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 20:29

ပှၤကလုာ်ခဲလၢာ်လၢအနၢ်ဟူဘၣ်တ့ၢ်ယွၤမၤနၢၤကွံာ်ကီၢ်အံၣ်စရ့ လးအဒုၣ်အဒါတဖၣ်ဒ်လဲၣ်အဂ့ၢ်န့ၣ်, ဒီးပျံၤတၢ်ဖုးတၢ်လီၤ.

လံာ်စီၤနဃ့မယၤ 4:14

ဒီးယထံၣ်လၢပှၤဂီၢ်မုၢ်တဖၣ်ဘၣ်ယိၣ်ဘၣ်ဘှီတၢ်န့ၣ်လီၤ. လၢတၢ်န့ၣ်အဃိယစံးဘၣ်အဝဲသ့ၣ်, အခိၣ်အနၢ်တဖၣ်ဒီးအပဒိၣ်တဖၣ်, “ပျံၤပဒုၣ်ပဒါတဂ့ၤ. သ့ၣ်နီၣ်ထီၣ်လၢယွၤန့ၣ်ဒိၣ်ဝဲဒီးလီၤပျံၤထဲလဲၣ်န့ၣ်တက့ၢ်. ဒီးဒုးတၢ်လၢသုထံဖိကီၢ်ဖိသ့ၣ်တဖၣ်, သုဖိသုလံၤသ့ၣ်တဖၣ်, သုမါတဖၣ်ဒီးသုဟံၣ်တဖၣ်အဂီၢ်န့ၣ်တက့ၢ်.”

လံာ်စီၤနဃ့မယၤ 6:16

ဒီးတုၤပဒုၣ်ပဒါလၢအအိၣ်ဝးတရံးပှၤလၢအမ့ၢ်ပှၤကလုာ်တဖၣ်နၢ် ဟူတၢ်အံၤန့ၣ်အဝဲသ့ၣ်ထံၣ်သ့ၣ်ညါလီၤက့ၤအသးလၢအမဲာ်သၣ် တအိၣ်လၢၤဘၣ်, ဒီးပှၤခဲလၢာ်သ့ၣ်ညါဝဲဒၣ်လၢတၢ်မၤအံၤဝံၤဝဲဒၣ်လၢ ကစၢ်ယွၤအတၢ်မၤစၢၤအဃိန့ၣ်လီၤ.

လံာ်စီၤနဃ့မယၤ 9:11

နမၤတ့ၢ်ကျဲတဘိလၢနပှၤဂီၢ်မုၢ်အဂီၢ်လၢပီၣ်လဲၣ်ပူၤ ဒီးဆှၢခီဖျိအဝဲသ့ၣ်လၢဟီၣ်ခိၣ်ဃ့အလိၤန့ၣ်လီၤ. ပှၤတဖၣ်လၢအလူၤအဝဲသ့ၣ်န့ၣ်လီၤအုးကွံာ်လၢထံယိာ်အပူၤ ဒ်လၢၢ်တဖျၢၣ်လီၤဘျၢကွံာ်လၢပီၣ်လဲၣ်လၢအလပီဒိၣ်အပူၤအသိး န့ၣ်လီၤ.

လံာ်စီၤယိၤဘး 11:20

မ့မ့ၢ်ပှၤတတီတလိၤတဖၣ် ကကွၢ်တၢ်ဝးဝးလၢ တၢ်သးဟးဂီၤအပူၤဒီး ထံၣ်ဘၣ်ဝဲလၢတၢ်ထူၣ်ဖျဲး အဂီၢ်ကျဲတအိၣ်နီတဘိဘၣ်. အဝဲသ့ၣ်အတၢ်မုၢ် လၢ်ထဲတမံၤဧိၤမ့ၢ်ဒၣ်တၢ်သံကဟဲဝဲန့ၣ်လီၤ.

လံာ်စီၤယိၤဘး 20:24

မ့ၢ်ဃ့ၢ်ပူၤဖျဲးကွံာ်လၢစုကဝဲၤထးအအိၣ်ဘၣ်ဆၣ်ဒီးချံၣ်တိၢ် ဘီအပျၢ်ကဆဲးဖျိအီၤလီၤ.

လံာ်စီၤယိၤဘး 27:22

ဖဲအဝဲသ့ၣ်ဂုၢ်ကျဲးစၢးသပှၢ်ပှၢ်လၢကပူၤဖျဲးအဂီၢ်န့ၣ်ကလံၤ ကလီၤဘၣ်အဝဲသ့ၣ်တအိၣ်ဒီးတၢ်သးကညီၤဘၣ်န့ၣ်လီၤ.

စံးထီၣ်ပတြၢၤ 35:1

ယွၤဧၢ, ထီဒါပှၤလၢအထီဒါယၤ, ဒီးဒုးပှၤလၢအဒုးထီဒါယၤတက့ၢ်.

စံးထီၣ်ပတြၢၤ 46:9

အဝဲဆိကတီၢ်တၢ်ဒုးတၢ်ယၤသ့ၣ်တဖၣ်လၢ ဟီၣ်ခိၣ်ချၢ, ဘိးကၢ်ကွံာ်ပျၢ်သ့ၣ်တဖၣ်, မၤဟးဂီၤကွံာ်ဘီသ့ၣ်တဖၣ်ဒီးဒွဲၣ်အူထီၣ်ကွံာ် လ့ၣ်ကဟၣ်သ့ၣ်တဖၣ်လၢမ့ၣ်အူန့ၣ်လီၤ.

စံးထီၣ်ပတြၢၤ 68:12

“စီၤပၤတဖၣ်ဒီး အသုးမုၢ်တဖၣ်ဃ့ၢ်ကွံာ်ဝဲ, ဃ့ၢ်ကွံာ်ဝဲ,” ဒီးပိာ်မုၣ်လၢအအိၣ်ဒၣ်တၢ်လၢဟံၣ်ပူၤန့ၣ် နီၤဖးတၢ်ဂုာ်န့ၢ်,

စံးထီၣ်ပတြၢၤ 76:6

စီၤယၤကိာ်အကစၢ်ယွၤဧၢ, တုၤနသိၣ်ဃီၣ်အဝဲသ့ၣ်တဖၣ်န့ၣ်ဒီး ကသ့ၣ်ဒီးပှၤဒိးကသ့ၣ်တဖၣ်လီၤဃံၤသံဝဲန့ၣ်လီၤ.

လံာ်တၢ်ဟးထီၣ်ကွံာ် 14:14

ယွၤကဒုးတၢ်လၢသုဂီၢ်ဒီးဖဲန့ၣ်အလီၢ်တအိၣ်လၢသုကမၤတၢ်နီ တမံၤဘၣ်.”

လံာ်တၢ်ဟးထီၣ်ကွံာ် 14:18

ဖဲယမၤနၢၤအဝဲသ့ၣ်န့ၣ်ပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်တၢ်ဟးထီၣ်ကွံာ် 14:4

ယကမၤကိၤထီၣ်အဝဲအသးဒီးအဝဲကလူၤထွဲသုခံဒီးယတၢ်မၤနၢၤ စီၤပၤဒီးအသုးမုၢ်ကဟဲစိာ်တၢ်လၤကပီၤလၢယဂီၢ်န့ၣ်လီၤ. အန့ၣ်တစုပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤန့ၣ်လီၤ.” ဒီးပှၤအံၣ်စရ့လးဖိတဖၣ်မၤဝဲဒ်တၢ်စံးတ့ၢ်အီၤအသိးန့ၣ်လီၤ.

လံာ်တၢ်ဟးထီၣ်ကွံာ် 15:3

ယွၤမ့ၢ်ပှၤဒုးတၢ်တဂၤ, ယွၤမ့ၢ်အမံၤလီၤ.

လံာ်ယၡါယၤ 31:4

ယွၤစံးဘၣ်ယၤ, “ပှၤကွၢ်သိတဖၣ်မ့ၢ်ကိးပသူကိးပသီထီၣ် နာ်က့, အဝဲသ့ၣ်မၤပျံၤမၤဖုးကွံာ်ခ့ ယုၢ်တဒုလၢဆၣ်ဖိကီၢ်ဖိတဒုလၢအမၤသံတ့ၢ်ဝဲအအိၣ်န့ၣ် တသ့ဘၣ်. ဒ်န့ၣ်အသိး, ယွၤသ့တၢ်လၢာ်လၢအတၢ်ဒီဒၣ် အိၣ်ပှိၤကစၢၢ်စံယိၣ်န့ၣ်, တၢ်တြီအီၤသ့တအိၣ်နီတမံၤဘၣ်.

လံာ်ယံးရမံယၤ 51:21

လၢတၢ်မၤဟးဂီၤကသ့ၣ်တဖၣ်ဒီး ပှၤဒိးအီၤတဖၣ်, လၢတၢ်မၤဟးဂီၤ လ့ၣ်ကဟၣ်ဒီး ပှၤဝီအီၤတဖၣ်,

လံာ်ဧၤမိၣ် 1:14

မၤသးဒ်န့ၣ်ဒီးယဆှၢလီၤမ့ၣ်အူဆူဝ့ၢ်ရးဘးအခိၣ်ဒူဒီးဒွဲၣ်အူကွံာ် အတိာ်ဧိၤတာ်ဧိၤတဖၣ်န့ၣ်လီၤ. တုၤနုၤတစု, တၢ်ကိးပသူ တဖၣ်ကအိၣ်ထီၣ်လၢတၢ်ဒုးတၢ်ယၤအမုၢ်တနံၤဒီးတၢ်ဒုးလိာ်ယၤလိာ် ကဆူၣ်ဝဲဒ်ကလံၤသဝံးအသိးန့ၣ်လီၤ.

လံာ်ဧၤမိၣ် 5:19

ကမၤအသးဒ်ပှၤတဂၤဃ့ၢ်ကွံာ်လၢခ့ယုၢ်တဒုအအိၣ်, ဒီးဘၣ်သဂၢၢ်လိာ်အသးဒီးတၤသူတဒုအသိး, မ့တမ့ၢ်ဘၣ်ဒီးဒ်ပှၤတဂၤက့ၤနုာ်လၢဟံၣ်ပူၤ, ဒီးပာ်ထီၣ်အစုလၢတၢ်ဒူၣ် အလိၤအသိးလၢဂုၢ်တဘိကဖျးအီၤအဂီၢ်ဧိၤန့ၣ်လီၤ.

လံာ်ဧၤမိၣ် 9:1

ဒီးယထံၣ်ယွၤဆၢထၢၣ်လၢတၢ်လုၢ်လီၢ်အဃၢၤလီၤ. အဝဲဟ့ၣ်လီၤအကလုၢ်, တီၢ်တၢ်လုၢ်ဟံၣ်အထူၣ်ခိၣ်ထိးဆူၣ်ဆူၣ်ဒ်သိးအခီၣ်ထံးကဟူးဝး အဂီၢ်တက့ၢ်. မၤကၢ်ကွံာ်အီၤဒီးပျဲအလီၤတဲာ်လၢပှၤဂီၢ်မုၢ်အခိၣ်လိၤတ က့ၢ်. ယကမၤသံကွံာ်ပှၤအိၣ်လီၤတဲာ်တဖၣ်လၢတၢ်ဒုးအပူၤလီၤ. ပှၤဃ့ၢ်ပူၤဖျဲးတသ့နီတဂၤဘၣ်. ပှၤထူၣ်ဖျဲးတအိၣ်နီတဂၤဘၣ်.

လံာ်သိၣ်လီၤသီလီၤတၢ် 1:30

ယွၤ, သုကစၢ်ယွၤကဆှၢသုဒီးအဝဲကဒုးတၢ်လၢသုဂီၢ်, ဒ်သိးဒၣ်သုထံၣ်အဝဲမၤတ့ၢ်ဝဲလၢကီၢ်အဲၤကူပတူးအပူၤအသိး,

လံာ်သိၣ်လီၤသီလီၤတၢ် 3:22

ပျံၤအဝဲသ့ၣ်တဂ့ၤ, အဂ့ၢ်ဒ်အံၤ, ယွၤ, နကစၢ်ယွၤကဒုးတၢ်လၢနဂီၢ်န့ၣ်လီၤ.

လံာ်သိၣ်လီၤသီလီၤတၢ် 32:31

အဝဲသ့ၣ်အဒုၣ်အဒါတဖၣ်သ့ၣ်ညါဝဲလၢအဝဲသ့ၣ်အကစၢ်တဖၣ်လၢ အဘူၣ်ဝဲဘါဝဲန့ၣ်အဂံၢ်စၢ်ဘါစၢ်, ဒီးတဒိၣ်ဝဲမုၢ်ဝဲထဲသိးကီၢ်အံၣ်စရ့လးအကစၢ်ယွၤ ဘၣ်န့ၣ်လီၤ.

လံာ်စီၤယိၤၡူ 10:14

မုၢ်နံၤဒ်သိးအံၤလၢသီမ့ၢ်ဂ့ၤ, လၢခံမ့ၢ်ဂ့ၤတအိၣ်နီတဘျီဘၣ်. အဂ့ၢ်ဒ်အံၤယွၤဒိကနၣ်ပှၤကညီအကလုၢ်ဒီးဒုးတၢ်လၢပှၤအံၣ်စရ့လးဖိအဂီၢ် န့ၣ်လီၤ.

လံာ်ပှၤစံၣ်ညီၣ်ကွီၢ် 4:15

ဖဲစီၤဘါရးဒုးတၢ်ဃုာ်ဒီးအသုးမုၢ်န့ၣ်ယွၤမၤသဘံၣ်ဘုၣ်စီၤစံစရၤ အလ့ၣ်ကဟၣ်ဒုးသုးတဖၣ်ဒီးအပှၤသုးဖိတဖၣ်လီၤ. စီၤစံစရၤစံၣ်လီၤလၢအလ့ၣ်ကဟၣ်ဒုးသုးအဖီခိၣ်ဒီးဃ့ၢ်ဝဲလၢအခီၣ်လီၤ.