လံာ်တၢ်ဟးထီၣ်ကွံာ် 14:22 - Sgaw Karen Common Bible

²² ဒီးပှၤအံၣ်စရ့လးဖိတဖၣ်လဲၤခီဂာ်ပီၣ်လဲၣ်လၢဟီၣ်ခိၣ်ဃ့ထီ အလိၤအိၣ်ဒီးထံအဒူၣ်ခံခီယၢ်ခီန့ၣ်လီၤ.

လံာ်တၢ်ဟးထီၣ်ကွံာ် 14:22 Iomraidhean Croise

လံာ်စီၤပၤခံဘ့ၣ်တဘ့ၣ် 2:14

အဝဲတီၢ်ထံလၢစီၤအ့ၤလံယၤအဆ့ကၤဖးဒိၣ်န့ၣ်ဒီးစံးဝဲဒၣ်, “ယွၤ, စီၤအ့ၤလံယၤအကစၢ်ယွၤန့ၣ်အိၣ်ဖဲလဲၣ်.” အန့ၣ်ဝံၤဒီးအဝဲတီၢ်ကဒီးထံဒီးထံန့ၣ်နီၤဖးကွံာ်အသးခံ ခီဒီးအဝဲလဲၤခီဂာ်ဝဲဆူထံကျိအဝၢ်ဘးခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:8

အန့ၣ်ဒီး, စီၤအ့ၤလံယၤဘ့ၣ်လီၤအဆ့ကၤဖးဒိၣ်ဒီးထူထီၣ်ဝဲ ဒီးတီၢ်ထံလၢဆ့ကၤန့ၣ်, ဒီးထံသ့ၣ်ဖးကွံာ်ဝဲနီၤဖးကွံာ်အသးခံခီဒီးအဝဲဒီးစီၤ အလံၤၡါခီဂာ်ဝဲဆူထံကျိအဝၢ်ဘးခီလၢခိန့ၣ်လီၤ.

လံာ်စီၤနဃ့မယၤ 9:11

နမၤတ့ၢ်ကျဲတဘိလၢနပှၤဂီၢ်မုၢ်အဂီၢ်လၢပီၣ်လဲၣ်ပူၤ ဒီးဆှၢခီဖျိအဝဲသ့ၣ်လၢဟီၣ်ခိၣ်ဃ့အလိၤန့ၣ်လီၤ. ပှၤတဖၣ်လၢအလူၤအဝဲသ့ၣ်န့ၣ်လီၤအုးကွံာ်လၢထံယိာ်အပူၤ ဒ်လၢၢ်တဖျၢၣ်လီၤဘျၢကွံာ်လၢပီၣ်လဲၣ်လၢအလပီဒိၣ်အပူၤအသိး န့ၣ်လီၤ.

စံးထီၣ်ပတြၢၤ 106:9

အဝဲဟ့ၣ်လီၤအကလုၢ်ဒီး ပီၣ်လဲၣ်ဂီၤဃ့ထီကွံာ်ဝဲ, အဝဲဆှၢခီဖျိအပှၤဂီၢ်မုၢ်လၢ ခိသူၣ်ခိၣ်န့ၣ်လီၤ.

စံးထီၣ်ပတြၢၤ 136:13

မၤသ့ၣ်ဖးပီၣ်လဲၣ်ဂီၤခံခီလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 136:14

ဒီးဒုးခီဂာ်အံၣ်စရ့လးလၢအသးကံၢ်ပူၤလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 66:6

အဝဲဒုးကဲထီၣ်ပီၣ်လဲၣ်ဆူ ခိဒီးပမိၢ်ပၢ်ဖံဖုတဖၣ် ခီဂာ်ထံကျိလၢအခီၣ်လီၤ. ဒီးအဝဲသ့ၣ်သးခုလၢ တၢ်လၢယွၤမၤတ့ၢ်ဝဲအဃိန့ၣ်လီၤ.

စံးထီၣ်ပတြၢၤ 74:15

နဒုးယွၤလီၤထံကျိဖိဒီးထံထီၣ်ပၢၢ် ဒီးနဒုးဃ့ထီၣ်ကွံာ်ထံကျိဖးဒိၣ်တဖၣ်လီၤ.

စံးထီၣ်ပတြၢၤ 78:13

အဝဲဒၣ်မၤသ့ၣ်ဖးပီၣ်လဲၣ်, ဒီးဒုးလဲၤခီဂာ်အဝဲသ့ၣ်, ဒီးပာ်ဆၢထၢၣ်ထံဒ်တၢ်ဒူၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 14:29

မ့မ့ၢ်ပှၤအံၣ်စရ့လးဖိတဖၣ်ဟးဝဲလၢဟီၣ်ခိၣ်ဃ့ထီအဖီခိၣ် ခီဂာ်ပီၣ်လဲၣ်လၢအအိၣ်ဒီးထံအဒူၣ်ခံခီန့ၣ်လီၤ.

လံာ်တၢ်ဟးထီၣ်ကွံာ် 15:19

ပှၤအံၣ်စရ့လးဖိတဖၣ်လဲၤခီဂာ်ပီၣ်လဲၣ်လၢဟီၣ်ခိၣ်ဃ့ထီအဖီ ခိၣ်လီၤ. ဘၣ်ဆၣ်ဖဲပှၤအဲၤကူပတူးဖိအလ့ၣ်ကဟၣ်ဒုးသုးတဖၣ်, ဃုာ်ဒီးအကသ့ၣ်တဖၣ်ဒီးအပှၤနီၣ်တၢ်တဖၣ်လဲၤနုာ်ဆူပီၣ်လဲၣ်ပူၤ န့ၣ်, ယွၤဒုးဟဲက့ၤကဒါက့ၤထံတဖၣ်ဒီးလုၣ်ဘၢကွံာ်အဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 15:8

နအူထီၣ်ကလံၤလၢပီၣ်လဲၣ်အဖီခိၣ်ဒီးထံပာ်ဖှိၣ်အသးထီၣ်ထီဆူ ထး, ဆၢထၢၣ်ဝဲဘျၢယုၢ်ကလာ်ဒ်တၢ်အဒူၣ်အသိး ဒီးပီၣ်လဲၣ်အလီၢ်ယိာ်ကတၢၢ်န့ၣ်ကဲထီၣ်တၢ်လီၢ်အကိၤလီၤ.

လံာ်ယၡါယၤ 11:15

ယွၤကမၤဃ့ထီကွံာ်စူအဲးအပီၣ်လဲၣ်က့ၣ်ကျီၤ, ဒီးကဟဲစိာ်ကလံၤအကိၢ်ဒ်သိးအကမၤဃ့ထီကွံာ်ထံကျိဖရၤသး, ဒီးကပာ်တီၢ်ဝဲထံကျိဆံးဖိနွံကျိဒ် သိးပှၤတဂၤဂ့ၤတဂၤဂ့ၤလဲၤခီဂာ်အီၤကသ့အဂီၢ်လီၤ.

လံာ်ယၡါယၤ 11:16

ကျဲမုၢ်ဖးဒိၣ်တဘိကဟးထီၣ်လၢကီၢ်အၤၡူၢ်လၢအပှၤအံၣ်စရ့လး ဖိလၢအအိၣ်မူတ့ၢ်ဖဲန့ၣ်တဖၣ်အဂီၢ်, ဒ်အအိၣ်လၢအမိၢ်ပၢ်ဖံဖု လၢပျၢၤတဖၣ်အဂီၢ်အသိး, ဖဲအဝဲသ့ၣ်ဟးထီၣ်လၢကီၢ် အဲၤကူပတူးအခါန့ၣ်လီၤ.

လံာ်ယၡါယၤ 43:16

ပူၤကွံာ်လၢညါယံာ်တ့ၢ်မးလံန့ၣ်, ယွၤမ့ၢ်တ့ၢ်ကျဲမုၢ်တဘိ ခီဖျိပီၣ်လဲၣ်, ကျဲဖိတဘိခီဖျိထံသဝံးအပူၤလီၤ.

လံာ်ယၡါယၤ 51:10

နမ့ၢ်စ့ၢ်ကီးပှၤလၢအမၤလီၤ သံးကွံာ်ပီၣ်လဲၣ်ဒီးကတဲာ်က တီၤတ့ၢ်ကျဲတဘိလၢပီၣ်လဲၣ်ခံဒး ဒ်သိးပှၤတဖၣ်လၢနအုၣ်က့ၤ ခီၣ်က့ၤအီၤခီဂာ်တၢ်ကသ့အဂီၢ်န့ၣ်လီၤ.

လံာ်ယၡါယၤ 63:12

ယွၤလၢအမၤတ့ၢ်တၢ်အဒိၣ်တဖၣ်လၢအစိကမီၤဒၣ်ဝဲအပူၤခီဖျိ စီၤမိၤၡ့, နီၤဖးပီၣ်လဲၣ်အထံတဖၣ်ဒီးဆှၢအပှၤ ဂီၢ်မုၢ်လၢထံယိာ်အပူၤဒ်သိးအကမၤန့ၢ်အမံၤအထူအယိာ်လၢအဂီၢ် ဒၣ်ဝဲန့ၣ်အိၣ်ဖဲလဲၣ်.”

လံာ်ယၡါယၤ 63:13

လၢယွၤအတၢ်ဆှၢတ့ၢ်သတးဒီးအဝဲသ့ၣ်လဲၤတၢ်ဒီးအခီၣ် ဂၢၢ်ကျၢၤဝဲဒ်ကသ့ၣ်မံၤတဖၣ်အသိး, ဒီးအခီၣ်တဘၣ်တိၢ်နီတစုဘၣ်န့ၣ်လီၤ.

လံာ်စကၤရယၤ 2:5

ယွၤအၢၣ်လီၤတ့ၢ်ဝဲလၢအကစၢ်ဒၣ်ဝဲကမ့ၢ်ဝ့ၢ်ခိၣ်ဒူမ့ၣ်အူ တခါလၢအအိၣ်ဝးတရံးဝ့ၢ်န့ၣ်လၢကအိၣ်ပှိၤဒီဒၣ် အီၤဒီးအဝဲကအိၣ်ဆိးဖဲန့ၣ်လၢအတၢ်လၤကပီၤခဲလၢာ်အပူၤန့ၣ်လီၤ.”

လံာ်တၢ်ဂံၢ် 33:8

အဝဲသ့ၣ်ဟးထီၣ်လၢပံၤဟဃံရိးဒီးလဲၤခီဖျိပီၣ်လဲၣ်ဂီၤဆူ ပှၢ်မုၢ်ကနၢၡူၢ်န့ၣ်လီၤ. ဒီးသၢသီလဲၤကျဲဝံၤအလီၢ်ခံန့ၣ်အဝဲသ့ၣ်သူၣ်ဒဲဖဲမၤရၤန့ၣ်လီၤ.

1 ကရံၣ်သူး 10:1

ယဒီပုၢ်ဝဲၢ်သ့ၣ်ဧၢ, ယအဲၣ်ဒိးလၢသုကသ့ၣ်နီၣ်ထီၣ်က့ၤတၢ်ဘၣ်ဃးဒီး တၢ်မၤအသးဒီးပမိၢ်ပၢ်ဖံဖုလၢပျၢၤတဖၣ်အပိာ်စီၤမိၤၡ့အခံဒ်လဲၣ်အဂ့ၢ် န့ၣ်လီၤ. အဝဲသ့ၣ်ကိးဂၤဒဲးအိၣ်လၢတၢ်အၢၣ်အတၢ်ကဟုကယာ် အဖီလာ်ဒီးအဝဲသ့ၣ်ကိးဂၤဒဲးလဲၤခီဂာ်ဝဲဒၣ်ပီၣ်လဲၣ်ဂီၤပူၤပူၤ ဖျဲးဖျဲးဂ့ၤဂ့ၤဘၣ်ဘၣ်န့ၣ်လီၤ.

ဧ့ၤဘြံၤ 11:29

လၢတၢ်စူၢ်တၢ်နာ်န့ၣ်ပှၤအံၣ်စရ့လးဖိခီဂာ်ပီၣ်လဲၣ်ဂီၤလၢ ခိသူခိၣ်လီၤ. ဘၣ်ဆၣ်ဒီးဖဲပှၤအဲၤကူပတူးဖိတဖၣ်ခီကွၢ်ဝဲန့ၣ်အဝဲသ့ၣ်လီၤ အုးသံကွံာ်ဝဲလီၤ.

လံာ်စီၤယိၤၡူ 3:16

ထံန့ၣ်အိၣ်ပတုာ်ဝဲဒီးအိၣ်ဖှိၣ်စိထီၣ်အသးလၢတၢ်လီၢ်အယံၤဖဲ ဝ့ၢ်အၤဒၣ်လၢအအိၣ်ဘူးဒီးစၤရတၣ်န့ၣ်လီၤ. ထံလၢအယွၤလီၤဝဲဆူပီၣ်လဲၣ်သံန့ၣ်တယွၤလီၤလၢၤဘၣ်အဃိပှၤ ဂီၢ်မုၢ်တဖၣ်ခီဂာ်တၢ်ဆူဝ့ၢ်ယရံၤဃိသ့ဝဲန့ၣ်လီၤ.

လံာ်စီၤယိၤၡူ 3:17

ဖဲပှၤဂီၢ်မုၢ်ခီဂာ်တၢ်လၢခိအခါ, ပှၤလုၢ်တၢ်အခိၣ်တဖၣ်လၢအ စိာ်ယွၤအတၢ်အၢၣ်လီၤအီလီၤအတလါန့ၣ်, အိၣ်ဆၢထၢၣ်လၢ ခိလၢယၢ်ဒ့ၣ်အခၢၣ်သးတုၤလၢပှၤဂီၢ်မုၢ်ခီဂာ်တၢ်လၢာ်တစု န့ၣ်လီၤ.

လံာ်စီၤယိၤၡူ 4:22

သုကစံးဘၣ်တဲဘၣ်အဝဲသ့ၣ်တၢ်အကတီၢ်လၢ ပှၤအံၣ်စရ့လးဖိတဖၣ်ခီဂာ်ထံကျိယၢ်ဒ့ၣ်လၢခိအဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:16

အဝဲသ့ၣ်ဒီဒၣ်အိၣ်ပှိၤပှၤမုၢ်နၤနၤမုၢ်ဆါဆါဒီကတီၢ်ညါဖဲ ပအိၣ်ဒီးအဝဲသ့ၣ်, ဒီးအံးထွဲကွၢ်ထွဲစၢၤပသိတဖၣ်န့ၣ်လီၤ.