လံာ်တၢ်ဟးထီၣ်ကွံာ် 14:20 - Sgaw Karen Common Bible

²⁰ တၢ်အၢၣ်မၤခံးသူတၢ်လၢပှၤအဲၤကူပတူးဖိတဖၣ်အဂီၢ်ဘၣ်ဆၣ်ဒီး ဟ့ၣ်တၢ်ကပီၤဆူပှၤအံၣ်စရ့လးဖိတဖၣ်အအိၣ်လီၤ. မၤသးဒ်န့ၣ်ဒီး, သီတနၤကျၢၤန့ၣ်သုးမုၢ်တဖၣ်တဖုဒီးတဖု သုးဘူးလိာ်အသးတသ့ဘၣ်န့ၣ်လီၤ.

လံာ်တၢ်ဟးထီၣ်ကွံာ် 14:20 Iomraidhean Croise

စံးထီၣ်ပတြၢၤ 18:11

အဝဲမၤဘၢအသးလၢတၢ်ခံးတၢ်နၤ, တၢ်အၢၣ်ခံးသူလၢအပှဲၤဒီးထံအိၣ်ဝးတရံးအီၤလီၤ.

စံးထီၣ်ပတြၢၤ 78:53

အဝဲဆှၢအဝဲသ့ၣ်လၢတၢ်ပူၤဖျဲးအပူၤဒ်သိး အသုတပျံၤတၢ်တဂ့ၤ, အဂီၢ်န့ၣ်လီၤ. မ့မ့ၢ်အဒုၣ်အဒါတဖၣ်န့ၣ် ပီၣ်လဲၣ်လုၣ်ဘၢကွံာ်အီၤလီၤ.

လံာ်တၢ်ဟးထီၣ်ကွံာ် 14:19

ဒီးကစၢ်ယွၤအကလူးလၢအအိၣ်တ့ၢ်လံလၢကီၢ်အံၣ်စရ့လးအသုးမုၢ် မဲာ်ညါန့ၣ်သုးအသးဒီးလဲၤဆူအဝဲသ့ၣ်အလီၢ်ခံတကပၤန့ၣ်လီၤ. တၢ်အၢၣ်အထူၣ်စ့ၢ်ကီးသုးအသးတုၤလၢပှၤအဲၤကူပတူးဖိတဖၣ်ဒီးပှၤအံၣ်စရ့လးဖိတဖၣ် အဘၢၣ်စၢၤန့ၣ်လီၤ.

လံာ်တၢ်ဟးထီၣ်ကွံာ် 14:21

စီၤမိၤၡ့ယူာ်ထီၣ်အစုလၢပီၣ်လဲၣ်အဖီခိၣ်ဒီးယွၤနီၣ်ကဒါ က့ၤပီၣ်လဲၣ်ခီဖျိကလံၤဆူၣ်လၢမုၢ်ထီၣ်တခီန့ၣ်လီၤ. ကလံၤန့ၣ်အူတၢ်သီတနၤကျၢၤတုၤပီၣ်လဲၣ်ကဲထီၣ်ဟီၣ်ခိၣ်ဃ့ထီလီၤ. ထံနီၤဖးလီၤအသးခံခီ,

လံာ်ယၡါယၤ 52:12

တဘျီညါအံၤသုတဟးထီၣ်ဘၣ် လၢတၢ်ချ့ဒံးချ့ဒူးအပူၤဘၣ်. တမ့ၢ်သုကကျဲးစၢးဃ့ၢ်ပူၤဖျဲးကွံာ်န့ၣ်ဘၣ်. ယွၤသုကစၢ်ယွၤကဆှၢသုဒီးဒီဒၣ်အိၣ်ပှိၤသုလၢတၢ်ကိးကပၤ ဒဲးလီၤ.

လံာ်ယၡါယၤ 8:14

မ့ၢ်လၢယတၢ်စီဆှံအတၢ်ကဟုကညီၢ်လီၤလးအဃိ, ယလီၤဂာ်ဒီးလၢၢ် တဖျၢၣ်လၢပှၤအခီၣ်ဘၣ်တိၢ်လီၤ. ယလီၤဂာ်ဒီးထုလၢကဖီၣ်န့ၢ် ကီၢ်ယူဒၤဒီးကီၢ်အံၣ်စရ့လးအပှၤဘီဖိမုၢ်ဖိတဖၣ်ဒီးဝ့ၢ်ယရူၤၡ လ့ၣ်အပှၤဂီၢ်မုၢ်တဖၣ်စ့ၢ်ကီးလီၤ.

လံာ်စီၤယိၤၡူ 24:7

ကိးထီၣ်ယၤလၢတၢ်မၤစၢၤအဂီၢ်သတးဒီးယပာ်လီၤတၢ်ခံးလၢအဝဲ သ့ၣ်ဒီးပှၤအဲၤကူပတူးဖိအဘၢၣ်စၢၤန့ၣ်လီၤ. ယဒုးဟဲထီၣ်ပီၣ်လဲၣ်အထံလၢပှၤအဲၤကူပတူးဖိတဖၣ် အဖီခိၣ်ဒီးဒုးလီၤအုးသံကွံာ်အဝဲသ့ၣ်လီၤ. သုသ့ၣ်ညါတၢ်လၢယမၤတ့ၢ်လၢအဲၤကူပတူးအဂီၢ်လံ. ဒီးသုအိၣ်သုဆိးလၢပှၢ်မုၢ်ကနၢအပူၤအါနံၣ်အါလါလီၤ.