လံာ်တၢ်ဟးထီၣ်ကွံာ် 14:19 - Sgaw Karen Common Bible

¹⁹ ဒီးကစၢ်ယွၤအကလူးလၢအအိၣ်တ့ၢ်လံလၢကီၢ်အံၣ်စရ့လးအသုးမုၢ် မဲာ်ညါန့ၣ်သုးအသးဒီးလဲၤဆူအဝဲသ့ၣ်အလီၢ်ခံတကပၤန့ၣ်လီၤ. တၢ်အၢၣ်အထူၣ်စ့ၢ်ကီးသုးအသးတုၤလၢပှၤအဲၤကူပတူးဖိတဖၣ်ဒီးပှၤအံၣ်စရ့လးဖိတဖၣ် အဘၢၣ်စၢၤန့ၣ်လီၤ.

လံာ်တၢ်ဟးထီၣ်ကွံာ် 14:19 Iomraidhean Croise

စံးထီၣ်ပတြၢၤ 77:20

နဆှၢနပှၤဂီၢ်မုၢ်ဒ်သိတဖုအသိး လၢစီၤမိၤၡ့ဒီးစီၤအၤဟရိၣ်အစုန့ၣ်လီၤ.

စံးထီၣ်ပတြၢၤ 78:53

အဝဲဆှၢအဝဲသ့ၣ်လၢတၢ်ပူၤဖျဲးအပူၤဒ်သိး အသုတပျံၤတၢ်တဂ့ၤ, အဂီၢ်န့ၣ်လီၤ. မ့မ့ၢ်အဒုၣ်အဒါတဖၣ်န့ၣ် ပီၣ်လဲၣ်လုၣ်ဘၢကွံာ်အီၤလီၤ.

လံာ်တၢ်ဟးထီၣ်ကွံာ် 14:20

တၢ်အၢၣ်မၤခံးသူတၢ်လၢပှၤအဲၤကူပတူးဖိတဖၣ်အဂီၢ်ဘၣ်ဆၣ်ဒီး ဟ့ၣ်တၢ်ကပီၤဆူပှၤအံၣ်စရ့လးဖိတဖၣ်အအိၣ်လီၤ. မၤသးဒ်န့ၣ်ဒီး, သီတနၤကျၢၤန့ၣ်သုးမုၢ်တဖၣ်တဖုဒီးတဖု သုးဘူးလိာ်အသးတသ့ဘၣ်န့ၣ်လီၤ.

လံာ်တၢ်ဟးထီၣ်ကွံာ် 14:24

ဘူးလၢမုၢ်ကဆ့ၣ်ထီၣ်ဂီၤထၢၣ်သၢန့ၣ်ယွၤကွၢ်လီၤတၢ်ဆူ ပှၤအဲၤကူပတူးဖိတဖၣ်အအိၣ်လၢမ့ၣ်အူဒီးတၢ်အၢၣ်အထူၣ်အလိၤ ဒီးမၤပျံၤမၤဖုးအဝဲသ့ၣ်နးနးကလဲာ်လီၤ.

လံာ်တၢ်ဟးထီၣ်ကွံာ် 32:34

ခဲအံၤလဲၤဒီးဆှၢပှၤဂီၢ်မုၢ်ဆူတၢ်လီၢ်လၢယတဲတ့ၢ်နၤလၢ အဂ့ၢ်န့ၣ်တက့ၢ်. သ့ၣ်နီၣ်ထီၣ်လၢယကလူးကနဲၣ်နၤကျဲ, ဘၣ်ဆၣ်ဒီးတၢ်ဆၢကတီၢ်လၢယကစံၣ်ညီၣ်ပှၤဂီၢ်မုၢ်အံၤလၢအတၢ်ဒဲး ဘးအဃိန့ၣ်ဟဲဝဲလံ.”

လံာ်ယၡါယၤ 52:12

တဘျီညါအံၤသုတဟးထီၣ်ဘၣ် လၢတၢ်ချ့ဒံးချ့ဒူးအပူၤဘၣ်. တမ့ၢ်သုကကျဲးစၢးဃ့ၢ်ပူၤဖျဲးကွံာ်န့ၣ်ဘၣ်. ယွၤသုကစၢ်ယွၤကဆှၢသုဒီးဒီဒၣ်အိၣ်ပှိၤသုလၢတၢ်ကိးကပၤ ဒဲးလီၤ.

လံာ်ယၡါယၤ 58:8

အန့ၣ်ဒီး, ယတၢ်ကွၢ်မဲာ်ကကပီၤထီၣ်လၢသုဖီခိၣ်ဒ်မုၢ်ဂီၤ အတၢ်ကပီၤအသိး, ဒီးသုပူၤလီၢ်ပူၤကျဲတဖၣ်ကဘၣ်တၢ် မၤဘျါက့ၤအီၤချ့သဒံးလီၤ. ယကအိၣ်ဒီးသုထီဘိလၢ တၢ်အုၣ်က့ၤခီၣ်က့ၤအဂီၢ်, ဒီးယမဲာ်ကဒီဒၣ်အိၣ်ပှိၤသုလၢတၢ် ကိးကပၤဒဲးလီၤ.

လံာ်ယၡါယၤ 63:9

လၢအတၢ်နးတၢ်ဖှီၣ်ခဲလၢာ်အပူၤလီၤ. တၢ်န့ၣ်တမ့ၢ်ဘၣ်မူခိၣ် ကလူးတဂၤလၢအအုၣ်က့ၤခီၣ်က့ၤတ့ၢ်အဝဲသ့ၣ်ဘၣ်. မ့မ့ၢ်, မ့ၢ်ယွၤအကစၢ်ဒၣ်ဝဲလီၤ. လၢအတၢ်အဲၣ်ဒီးအတၢ် သးကညီၤအပူၤ, အဝဲဒၣ်မၤပူၤမၤဖျဲးအဝဲသ့ၣ်လီၤ. ထီဘိန့ၣ်, အဝဲကဟုကယာ်တ့ၢ်အဝဲသ့ၣ်လၢဆၢကတီၢ်အပူၤကွံာ်,

လံာ်ဟိၤၡ့ 12:13

ယွၤဆှၢလီၤဝံတဂၤဒ်သိးကမၤထူၣ်ဖျဲးကီၢ် အံၣ်စရ့လးအပှၤဂီၢ်မုၢ်လၢတၢ်ကဲကုၢ်အလီၢ်လၢကီၢ်အဲၤ ကူပတူးအပူၤဒီးလၢကအံးထွဲကွၢ်ထွဲအဝဲသ့ၣ်အဂီၢ်လီၤ.

လံာ်မံကၤ 2:13

ယွၤကအိးထီၣ်ကျဲလၢအဝဲသ့ၣ်အဂီၢ်ဒီးဆှၢပူၤထီၣ်အီၤလၢတၢ် စိာ်မၢကဲကုၢ်အလီၢ်န့ၣ်လီၤ. အဝဲသ့ၣ်ကလဲၤဖျိကွံာ်ဝ့ၢ်အတြဲၤတဖၣ်ဒီးဟးထီၣ်လၢတၢ်သဘျ့ အပူၤလီၤ. အဝဲသ့ၣ်အစီၤပၤ, ယွၤအနီၢ်ကစၢ်ဒၣ်ဝဲကဆှၢထီၣ်အီၤလီၤ.

လံာ်စကၤရယၤ 12:8

ဖဲအဆၢကတီၢ်အဝဲန့ၣ်, ယွၤကဒီဒၣ်အိၣ်ပှိၤပှၤလၢအအိၣ်လၢဝ့ၢ်ယရူၤၡလ့ၣ်အပူၤ, ဒီးပှၤလၢအဂံၢ်စၢ်ဘါစၢ်ကတၢၢ်လၢအဝဲသ့ၣ်အကျါတဖၣ်ဒၣ်လဲာ် န့ၣ်ကကဲထီၣ်ပှၤလၢအဂံၢ်ဆူၣ်ဘါဆူၣ်ဒ်စီၤဒၤဝံးမ့ၢ်တ့ၢ်အသိး န့ၣ်လီၤ. ဒီးစီၤဒၤဝံးအစၢၤအသွဲၣ်တဖၣ်ကဆှၢအဝဲသ့ၣ်ဒ်ယွၤ အကလူးအသိး, ဒီးဒ်ကစၢ်ယွၤအနီၢ်ကစၢ်ဒၣ်ဝဲအသိးန့ၣ်လီၤ.

လံာ်တၢ်ဂံၢ် 20:16

ဒီးပကိးထီၣ်တ့ၢ်ဆူယွၤအအိၣ်လၢတၢ်မၤစၢၤအဂီၢ်လီၤ. အဝဲနၢ်ဟူဘၣ်ပတၢ်ကိးထီၣ်, ဒီးဆှၢလီၤတ့ၢ်ကလူးတဂၤပှၤလၢ အထုးထီၣ်ကွံာ်ပှၤလၢကီၢ်အဲၤကူပတူးအပူၤန့ၣ်လီၤ. ခဲအံၤပအိၣ်လၢကၤဒ့ၣ်, ဝ့ၢ်တဝ့ၢ်လၢအအိၣ်ဖဲနကီၢ်အဆၢန့ၣ် လီၤ.