လံာ်တၢ်ဟးထီၣ်ကွံာ် 14:18 - Sgaw Karen Common Bible

¹⁸ ဖဲယမၤနၢၤအဝဲသ့ၣ်န့ၣ်ပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်တၢ်ဟးထီၣ်ကွံာ် 14:18 Iomraidhean Croise

လံာ်တၢ်ဟးထီၣ်ကွံာ် 10:2

ဒီးဒ်သိးသုကတဲသုဖိသုလံၤတဖၣ်လၢယမၤပျုၢ်ပှၤအဲၤကူပတူး ဖိတဖၣ်ဒ်လဲၣ်, ဖဲယမၤတၢ်ပနီၣ်လီၤလးတဖၣ်အခါန့ၣ်လီၤ. ဒီးသုကသ့ၣ်ညါလၢယမ့ၢ်ယွၤန့ၣ်လီၤ.”

လံာ်တၢ်ဟးထီၣ်ကွံာ် 14:25

ယွၤမၤကတံာ်ကွံာ်အဝဲသ့ၣ်အလ့ၣ်ကဟၣ်အပၣ်တဖၣ်ဒ်သိးကသုးအသးအိၣ် ဒီးတၢ်ကီတၢ်ခဲဖးဒိၣ်န့ၣ်လီၤ. ပှၤအဲၤကူပတူးဖိတဖၣ်စံးဝဲ, “ယွၤဒုးတၢ်လၢပှၤအံၣ်စရ့လးဖိတဖၣ်အဂီၢ်ထီဒါပှၤလီၤ. မ်ပဟးထီၣ်ကွံာ်လၢတၢ်လီၢ်ဖဲအံၤတက့ၢ်.”

လံာ်တၢ်ဟးထီၣ်ကွံာ် 14:4

ယကမၤကိၤထီၣ်အဝဲအသးဒီးအဝဲကလူၤထွဲသုခံဒီးယတၢ်မၤနၢၤ စီၤပၤဒီးအသုးမုၢ်ကဟဲစိာ်တၢ်လၤကပီၤလၢယဂီၢ်န့ၣ်လီၤ. အန့ၣ်တစုပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤန့ၣ်လီၤ.” ဒီးပှၤအံၣ်စရ့လးဖိတဖၣ်မၤဝဲဒ်တၢ်စံးတ့ၢ်အီၤအသိးန့ၣ်လီၤ.

လံာ်တၢ်ဟးထီၣ်ကွံာ် 6:7

ဒီးယကဒုးကဲထီၣ်သုလၢယပှၤဂီၢ်မုၢ်, ဒီးယကကဲထီၣ်သုကစၢ်ယွၤလီၤ. ဒီးသုကသ့ၣ်ညါလၢယမ့ၢ်ယွၤ, သုကစၢ်ယွၤဖဲယမၤထူၣ်ဖျဲးသုလၢကီၢ်အဲၤကူပတူး အတၢ်မၢကဲကုၢ်အပူၤန့ၣ်လီၤ.

လံာ်တၢ်ဟးထီၣ်ကွံာ် 7:17

ဒီးခဲကနံၣ်အံၤ, ကစၢ်စီၤပၤဧၢ, ယွၤစံးဝဲဒၣ်လၢနကသ့ၣ်ညါလၢ အဝဲမ့ၢ်မတၤခီဖျိတၢ်လၢအကမၤဝဲန့ၣ်လီၤ. ကွၢ်, ယကတီၢ်ထံကျိအမဲာ်ဖံးခိၣ်အံၤဒီးကကဲထီၣ်ဝဲလၢတၢ်သွံၣ် န့ၣ်လီၤ.

လံာ်တၢ်ဟးထီၣ်ကွံာ် 7:5

ဒီးပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤ, ဖဲယယူာ်ထီၣ်ယစုထီဒါအဝဲသ့ၣ်ဒီးဒုးဟးထီၣ်ကွံာ်ပှၤအံၣ်စရ့လးဖိ တဖၣ်လၢကီၢ်အဲၤကူပတူးန့ၣ်လီၤ.”

လံာ်ယဃ့းစက့လး 32:15

ဖဲယဒုးအိၣ်သယုၢ်အိၣ်ကလီကီၢ်အဲၤကူပတူးဒီးမၤဟးဂီၤကယဲၢ် ပှၤလၢအအိၣ်ဆိးဖဲန့ၣ်ခဲလၢာ်ဒီးအဝဲသ့ၣ်ကသ့ၣ်ညါဝဲလၢယမ့ၢ် ယွၤန့ၣ်လီၤ.

လံာ်ယဃ့းစက့လး 38:16

နကလဲၤထီၣ်ဒုးယပှၤဂီၢ်မုၢ်အံၣ်စရ့လးဒ်ကလံၤမုၢ်လၢအအူ တၢ်သကုၤကီၢ်ဒီဘ့ၣ်ညါအသိးန့ၣ်လီၤ. ဖဲတၢ်ဆၢကတီၢ်န့ၣ်တုၤဃီၤဒီး, ယကဆှၢနၤလၢနကလဲၤနုာ်လီၤဒုးယကီၢ်, ဒ်သိးယကဒုးနဲၣ်ပှၤကလုာ်တဖၣ်လၢယမ့ၢ်မတၤလဲၣ်, ဒ်သိးယကဒုးနဲၣ် ယတၢ်စီတၢ်ဆှံခီဖျိတၢ်လၢယမၤအီၤခီဖျိနၤန့ၣ်လီၤ.