လံာ်တၢ်ဟးထီၣ်ကွံာ် 14:17 - Sgaw Karen Common Bible

¹⁷ ယကမၤကိၤထီၣ်ပှၤအဲၤကူပတူးဖိတဖၣ်အသးတုၤအဝဲသ့ၣ်ကလူၤပိာ် ထွဲသုခံ, ဒီးယကဒိးန့ၢ်ဘၣ်တၢ်လၤကပီၤခီဖျိယတၢ်မၤနၢၤလၢစီၤပၤ, အဝဲအသုးမုၢ်, အဝဲအလ့ၣ်ကဟၣ်ဒုးသုးဒီးအပှၤနီၣ်တၢ်တဖၣ်အဖိခိၣ်န့ၣ်လီၤ.

လံာ်တၢ်ဟးထီၣ်ကွံာ် 14:17 Iomraidhean Croise

လံာ်တၢ်ကဲထီၣ်အခီၣ်ထံး 50:9

ပှၤဒိးလ့ၣ်ကဟၣ်တဖၣ်, ပှၤဒိးကသ့ၣ်တဖၣ်လဲၤဃုာ်တၢ်ဒီးအီၤစ့ၢ် ကီးလီၤ. ပှၤလဲၤတၢ်တဖၣ်န့ၣ်မ့ၢ်ပှၤဂီၢ်မုၢ်ဖးဒိၣ်တဖုလီၤ.

လံာ်တၢ်ကဲထီၣ်အခီၣ်ထံး 6:17

ယကပျဲထံလုၣ်ဘၢတၢ်လၢဟီၣ်ခိၣ်ချၢလၢတၢ်မၤဟးဂီၤကယဲၢ်တၢ်လၢ အမူခဲလၢာ်န့ၣ်လီၤ. တၢ်လၢအမူလၢဟီၣ်ခိၣ်ချၢခဲလၢာ်ကသံဝဲဒၣ်န့ၣ်လီၤ.

လံာ်တၢ်ဟးထီၣ်ကွံာ် 14:23

ပှၤအဲၤကူပတူးဖိတဖၣ်လူၤပိာ်ထွဲအဝဲသ့ၣ်အခံဆူပီၣ်လဲၣ်ပူၤ ဃုာ်ဒီးကယဲၢ်အကသ့ၣ်တဖၣ်, လ့ၣ်ကဟၣ်ဒုးသုးတဖၣ်ဒီးပှၤနီၣ်တၢ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 14:4

ယကမၤကိၤထီၣ်အဝဲအသးဒီးအဝဲကလူၤထွဲသုခံဒီးယတၢ်မၤနၢၤ စီၤပၤဒီးအသုးမုၢ်ကဟဲစိာ်တၢ်လၤကပီၤလၢယဂီၢ်န့ၣ်လီၤ. အန့ၣ်တစုပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤန့ၣ်လီၤ.” ဒီးပှၤအံၣ်စရ့လးဖိတဖၣ်မၤဝဲဒ်တၢ်စံးတ့ၢ်အီၤအသိးန့ၣ်လီၤ.

လံာ်တၢ်ဟးထီၣ်ကွံာ် 14:8

ဒီးယွၤမၤကိၤထီၣ်စီၤပၤအသး, ဒီးအဝဲလူၤထွဲပှၤအံၣ်စရ့လးဖိတဖၣ်လၢအဟးထီၣ်ကွံာ်အိၣ်ဒီး တၢ်သးခုလၢတၢ်မၤနၢၤအပူၤန့ၣ်လီၤ.

လံာ်တၢ်ဟးထီၣ်ကွံာ် 4:21

ဒီးယွၤစံးဘၣ်စီၤမိၤၡ့, “တုၤနက့ၤကဒါက့ၤဆူကီၢ်အဲၤကူပတူး န့ၣ်မၤတၢ်လီၤလးတဖၣ်လၢယဟ့ၣ်စိဟ့ၣ်ကမီၤနၤလၢနကမၤအီၤ လၢစီၤပၤဖၤရိၤအမဲာ်ညါတက့ၢ်. ယကမၤကိၤထီၣ်အသးဒ်သိးအသုတပျဲပှၤဂီၢ်မုၢ်တဖၣ်ဟးထီၣ်တဂ့ၤ န့ၣ်လီၤ.

လံာ်တၢ်ဟးထီၣ်ကွံာ် 4:23

ဒီးယစံးဘၣ်နၤပျဲယဖိခွါလဲၤတၢ်, ဒ်သိးအကဘူၣ်ထီၣ်ဘါထီၣ် ယၤ, ဘၣ်ဆၣ်ဒီးနဂ့ၢ်လိာ်နဲလီၤ. ခဲအံၤယကမၤသံနဖိဝဲၢ်ကိတဖၣ်လီၤ.’ ”

လံာ်တၢ်ဟးထီၣ်ကွံာ် 7:3

ဘၣ်ဆၣ်ယကမၤကိၤထီၣ်အဲၤကူပတူးအစီၤပၤအခိၣ်ဒီးယမ့ၢ်မၤတၢ် လၢအလီၤပျံၤလီၤဖုးတဖၣ်အါထဲလဲၣ်ဒၣ်လဲာ်တမ့ၢ်အဝဲကဒိကနၣ် သုဘၣ်.

လံာ်ယၡါယၤ 48:15

ယမ့ၢ်ပှၤတဂၤလၢအကတိၤတ့ၢ်တၢ်ဒီးကိးတ့ၢ်အီၤလီၤ. ယဆှၢထီၣ်တ့ၢ်အီၤဒီးဟ့ၣ်တ့ၢ်အီၤတၢ်မၤနၢၤလီၤ.

လံာ်ယၡါယၤ 51:12

ယွၤစံးဝဲ, “ယမ့ၢ်ပှၤတဂၤလၢအဟ့ၣ်ဆူၣ်ထီၣ်သုဂံၢ်သုဘါလီၤ. ဘၣ်မနုၤအဃိသုဘၣ်ပျံၤဘၣ်ဖုးပှၤကညီလၢ အသံသ့အံၤ, လၢအအိၣ်ဂၢၢ်ဆိးကျၢၤသ့ယံာ်ထဲသိးဒၣ် နီၣ်ဧိၤမံၤဧိၤအံၤန့ၣ်လဲၣ်.

လံာ်ယံးရမံယၤ 23:39

ယကဟံးထီၣ်ကွံာ်အဝဲသ့ၣ်သပှၢ်ကတၢၢ်ဒီးကွံာ်ယံၤကွံာ်အဝဲသ့ၣ် ဒီးယၤ, အဝဲသ့ၣ်ဒီးဝ့ၢ်လၢယဟ့ၣ်လီၤတ့ၢ်အဝဲသ့ၣ် ဒီးအမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်ယဃ့းစက့လး 34:11

ယၤ, ယွၤပၢဘၣ်တၢ်ခဲလၢာ်ကစၢ်တဲဘၣ်သုလၢယကစၢ်ဒၣ်ယဲ ယကကွၢ်ဃုယသိတဖၣ်ဒီးကဟုကယာ်အဝဲသ့ၣ်,

လံာ်ယဃ့းစက့လး 34:20

လၢတၢ်န့ၣ်အဃိ, ခဲကနံၣ်အံၤယၤ, ယွၤပၢဘၣ်တၢ်ခဲလၢာ်ကစၢ် တဲဘၣ်သုလၢ, ယကစံၣ်ညီၣ်တၢ်လၢသုဝဲသိလၢအဂံၢ်ဆူၣ်ဒီး အဂံၢ်ဘါစၢ်အဘၢၣ်စၢၤန့ၣ်လီၤ.

လံာ်ယဃ့းစက့လး 5:8

လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်နၤလၢယမ့ၢ်နဒုၣ်နဒါလီၤ. ယကစံၣ်ညီၣ်နၤဖဲပှၤကလုာ်ခဲ လၢာ်ထံၣ်ဘၣ်ဝဲကသ့န့ၣ်လီၤ.

လံာ်ယဃ့းစက့လး 6:3

တဲဘၣ်ကီၢ်အံၣ်စရ့လးအကစၢၢ်ကလိတဖၣ်လၢကနၢ်ဟူယွၤအကလုၢ်, ကနၢ်ဟူတၢ်လၢယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်တဲဘၣ်ကစၢၢ်ကလိတဖၣ်, တၢ်လူၢ်တဖၣ်, တၢ်တြိတဖၣ်, ဒီးတၢ်တြီၤတဖၣ်န့ၣ်တက့ၢ်. ယကမၢလီၤနးတဘ့ၣ်လၢကမၤဟးဂီၤ တၢ်လီၢ်တဖၣ်ဖဲပှၤဂီၢ်မုၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ် န့ၣ်လီၤ.

လံာ်ဟိၤၡ့ 5:14

ယကဒုးကီၢ်အံၣ်စရ့လးအပှၤဂီၢ်မုၢ်ဒီးကီၢ်ယူဒၤဒ်ခ့ယုၢ်တဒုအသိးန့ၣ်လီၤ. ယကအ့ၣ်ဖှီအဝဲသ့ၣ်တုၤအကဲထီၣ်အက့အခီဒီးပာ်တ့ၢ်ကွံာ် အဝဲသ့ၣ်လၢယနီၢ်ကစၢ်ဒၣ်ယဲလီၤ. ဖဲယတွံၢ်တြူာ်ကွံာ် အဝဲသ့ၣ်န့ၣ်ပှၤအုၣ်က့ၤခီၣ်က့ၤအဝဲသ့ၣ်တသ့နီတဂၤ ဘၣ်.

လံာ်တၢ်ဘူၣ်ထီၣ်ဘါထီၣ် 10:3

တုၤနုၤတစု, စီၤမိၤၡ့စံးဘၣ်စီၤအၤဟရိၣ်, “အအံၤမ့ၢ်တၢ်လၢယွၤကတိၤတၢ်ဒီးစံး, ကယဲၢ်ပှၤခဲလၢာ်လၢအမၤယတၢ်မၤန့ၣ်ကဘၣ်ယူးယီၣ်ပာ်ကဲယတၢ်စီတၢ်ဆှံလီၤ. ဒီးယကလီၣ်ဖျါထီၣ်ယလၤကပီၤဆူယပှၤဂီၢ်မုၢ်အအိၣ်လီၤ.” မ့မ့ၢ်စီၤအၤဟရိၣ်အိၣ်ဘှီၣ်ကလာ်ဝဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 26:28

ယကဃၣ်ယသးဆူသုအိၣ်လၢတၢ်သးထီၣ်အပူၤဒီးစံၣ်ညီၣ်သုအၢန့ၢ်ဒံးအလီၢ်နွံဘျီန့ၣ်လီၤ.

ရိမ့ၤ 9:18

လၢတၢ်န့ၣ်အဃိ, ကစၢ်ယွၤသးကညီၤပှၤလၢအသးအိၣ်သး ကညီၤဝဲတဖၣ်, ဒီးမၤကိၤပှၤအသးဖဲအသးအိၣ်မၤဝဲန့ၣ်လီၤ.

လံာ်သိၣ်လီၤသီလီၤတၢ် 32:39

ယၤ, ဒီးထဲယၤတဂၤဧိၤ, မ့ၢ်ကစၢ်ယွၤန့ၣ်လီၤ. ကစၢ်အဂၤန့ၣ်တမ့ၢ်တတီနီတဂၤဘၣ်. ယမၤသံတၢ်ဒီးယဟ့ၣ်တၢ်မူ, ယမၤဘၣ်ဒိတၢ်ဒီးယမၤဘျါက့ၤတၢ်, ဒီးတၢ်လၢယမၤအီၤန့ၣ်ပှၤထီဒါတသ့နီတဂၤဘၣ်.

လံာ်စီၤယိၤၡူ 11:20

အဂ့ၢ်မ့ၢ်လၢယွၤမၤကိၤထီၣ်အဝဲသ့ၣ်အသးတဖၣ်လၢကဟဲ ထီဒါအံၣ်စရ့လးလၢတၢ်ဒုးအပူၤ, ဒ်သိးအဝဲသ့ၣ်ကဘၣ်တၢ်မၤဟးဂီၤကွံာ်အီၤခဲလၢာ်ဒီးတဒိးန့ၢ်တၢ်သးကညီၤဘၣ်ဒီးကဘၣ်တၢ်မၤ သံကွံာ်အီၤခဲလၢာ်ဒ်ယွၤမၤလိာ်တ့ၢ်စီၤမိၤၡ့အသိးအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 4:7

ဒီးယကဒုးဟဲစီၤပၤယၤဘံၣ်အသုးမုၢ်အသုးခိၣ်ဖးဒိၣ်စီၤစံစရၤ လၢကဒုးတၢ်ဒီးနၤဖဲထံကျိကံၡိၣ်န့ၣ်လီၤ. အဝဲအိၣ်ဒီးလ့ၣ်ကဟၣ်ဒုးသုးဒီးပှၤသုးဖိတဖၣ်လီၤ. ဘၣ်ဆၣ်ဒီးယကဟ့ၣ်နၤလၢတၢ်မၤနၢၤကွံာ်အီၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 6:6

သုဘၣ်မၤကိၤသုခိၣ်ဒ်ကီၢ်အဲၤကူပတူးအစီၤပၤဒီးပှၤအဲၤကူပတူးဖိတဖၣ်အသိးန့ၣ် ဘၣ်မနုၤလဲၣ်. ကစၢ်ယွၤမၤပျုၢ်တ့ၢ်အဝဲ သ့ၣ်တုၤဒၣ်လဲာ်အဝဲသ့ၣ်ပျဲပှၤအံၣ်စရ့လးဖိတဖၣ်ဟးထီၣ်ကွံာ် လၢကီၢ်အဲၤကူပတူးဒ်လဲၣ်န့ၣ်သးပ့ၤနီၣ်တဂ့ၤ.