လံာ်တၢ်ဟးထီၣ်ကွံာ် 14:16 - Sgaw Karen Common Bible

¹⁶ ယူာ်ထီၣ်နီၣ်ထိးဘိဒီးဖီၣ်ဃးအီၤလၢပီၣ်လဲၣ်အဖီခိၣ်တက့ၢ်. ထံကနီၤဖးလီၤအသးဒီးပှၤအံၣ်စရ့လးဖိတဖၣ်လဲၤတၢ်လၢဟီၣ် ခိၣ်အဃ့ထီအဖီခိၣ်ကသ့ဝဲလီၤ.

လံာ်တၢ်ဟးထီၣ်ကွံာ် 14:16 Iomraidhean Croise

လံာ်စီၤပၤခံဘ့ၣ်တဘ့ၣ် 4:29

စီၤအလံၤၡါဃၣ်ဃီၤအသးဆူစီၤက့ၤဃစံအအိၣ်ဒီးစံးဝဲဒၣ်, “မၤချ့ချ့, ဟံးထီၣ်ယနီၣ်ထိးဘိဒီးလဲၤတၢ်တက့ၢ်. အိၣ်ကတီၢ်ဒ်သိးနကဆၢဂ့ၤဆၢဝါပှၤလၢနဘၣ်သဂၢၢ်အီၤနီ တဂၤတဂ့ၤ. ဒီးပှၤတဂၤဂၤမ့ၢ်ဆၢဂ့ၤဆၢဝါနၤန့ၣ်ဟံးန့ၢ်တၢ် ဆၢကတီၢ်လၢနကစံးဆၢအီၤအဂီၢ်တဂ့ၤ. လဲၤလိၤလိၤဆူဟံၣ်န့ၣ်ဒီးယနီၣ်ထိးဘိအံၤပာ်လီၤအီၤလၢဖိ သၣ်ပိာ်ခွါအလိၤတက့ၢ်.”

လံာ်တၢ်ဟးထီၣ်ကွံာ် 14:15

ဒီးယွၤစံးဘၣ်စီၤမိၤၡ့, “ဘၣ်မနုၤနကိးပသူထီၣ်လၢတၢ်မၤ စၢၤအဂီၢ်လဲၣ်. တဲဘၣ်ပှၤဂီၢ်မုၢ်ဒ်သိးအကလဲၤဆူညါတက့ၢ်.

လံာ်တၢ်ဟးထီၣ်ကွံာ် 14:26

ဒီးယွၤစံးဘၣ်စီၤမိၤၡ့, “ယူာ်ထီၣ်နစုလၢပီၣ်လဲၣ်ဖီခိၣ်တက့ၢ်. ဒီးထံကဟဲက့ၤကဒါက့ၤဒီးလုၣ်ဘၢကွံာ်ပှၤအဲၤကူပတူးဖိတဖၣ် ဒီးအလ့ၣ်ကဟၣ်ဒုးသုးတဖၣ်ဒီးအပှၤနီၣ်တၢ်တဖၣ်န့ၣ်လီၤ.”

လံာ်တၢ်ဟးထီၣ်ကွံာ် 17:5

ဒီးယွၤစံးဘၣ်စီၤမိၤၡ့, “ကိးန့ၢ်ပှၤအံၣ်စရ့လးဖိအခိၣ်အနၢ်တနီၤဒီးနၤ, ဒီးလဲၤလၢပှၤဂီၢ်မုၢ်အမဲာ်ညါတက့ၢ်. လဲၤစိာ်ဃုာ်နီၣ်ထိးဘိလၢနတီၢ်ထံကျိနံၤလါန့ၣ်တက့ၢ်.

လံာ်တၢ်ဟးထီၣ်ကွံာ် 17:6

ယကဆၢထၢၣ်လၢသုမဲာ်ညါလၢလ့တဖျၢၣ်အဖီခိၣ်ဖဲကစၢၢ်စံၤနါန့ၣ် လီၤ. တီၢ်လ့န့ၣ်ဒီးထံကဟဲထီၣ်လၢအပူၤလၢပှၤဂီၢ်မုၢ်ကအီအီၤအဂီၢ် လီၤ.” ဒီးစီၤမိၤၡ့မၤဝဲဒ်န့ၣ်လၢကီၢ်အံၣ်စရ့လးအခိၣ်အနၢ်တဖၣ်အမဲာ်ညါန့ၣ်လီၤ.

လံာ်တၢ်ဟးထီၣ်ကွံာ် 4:17

ဟံးထီၣ်နီၣ်ထိးဘိအံၤလၢနစုပူၤဒ်သိးနကဒုးနဲၣ်တၢ်ပနီၣ် လီၤလးသ့ၣ်တဖၣ်န့ၣ်တက့ၢ်.”

လံာ်တၢ်ဟးထီၣ်ကွံာ် 4:2

ဒီးယွၤစံးဘၣ်အီၤ, “တၢ်အိၣ်လၢနစုပူၤန့ၣ်မ့ၢ်မနုၤတမံၤ လဲၣ်.” ဒီးစံးဆၢဝဲဒၣ်, “မ့ၢ်နီၣ်ထိးတဘိလီၤ.”

လံာ်တၢ်ဟးထီၣ်ကွံာ် 4:20

ဒီးစီၤမိၤၡ့ဟံးန့ၢ်အမါဒီးအဖိခွါတဖၣ်, ဒီးဒုးဒိးအီၤလၢကသ့ၣ်ယီၤ, ဒီးက့ၤက့ၤဝဲဒၣ်ဆူကီၢ်အဲၤကူပတူးလီၤ. ဒီးစီၤမိၤၡ့စိာ်ထီၣ်နီၣ်ထိးဘိလၢအစူပူၤလၢကစၢ်ယွၤစံး ဘၣ်အီၤလၢကဘၣ်ဟံးန့ၢ်ဝဲန့ၣ်လီၤ.

လံာ်တၢ်ဟးထီၣ်ကွံာ် 7:19

ဒီးယွၤစံးဘၣ်စီၤမိၤၡ့, “တဲဘၣ်စီၤအၤဟရိၣ်လၢကလဲၤစိာ် အနီၣ်ထိးဘိ, ဒီးယူာ်ထီၣ်အီၤလၢထံကျိခဲလၢာ်, ထံကျိၤတဖၣ်ဒီးကမါတဖၣ်အဖီခိၣ်လၢကီၢ်အဲၤကူပတူးအပူၤ တက့ၢ်. ဒီးထံကကဲထီၣ်လၢတၢ်သွံၣ်, ဒီးတၢ်သွံၣ်ကအိၣ်လၢကီၢ်ဒီ ဘ့ၣ်ညါ, တုၤလၢသ့ၣ်သရာ်ဒီးလၢၢ်သရာ်တဖၣ်အပူၤဒၣ်လဲာ်န့ၣ်လီၤ.”

လံာ်တၢ်ဟးထီၣ်ကွံာ် 7:9

“အဲၤကူပတူးအစီၤပၤမ့ၢ်စံးဘၣ်သုလၢသုကဘၣ်တၢ်မၤတၢ်လီၤ လးတမံၤလၢတၢ်အုၣ်သးအဂီၢ်န့ၣ်, တဲဘၣ်စီၤအၤဟရိၣ်လၢကဟံးထီၣ်အနီၣ်ထိးဘိဒီးတ့ၢ်လီၤကွံာ် လၢစီၤပၤအမဲာ်ညါန့ၣ်တက့ၢ်. ဒီးကကဲထီၣ်လၢဂုၢ်တဘိလီၤ.”

လံာ်ယၡါယၤ 10:26

ယၤ, ယွၤသ့တၢ်လၢာ်ကစၢ်အံၤ, ယကတီၢ်အဝဲသ့ၣ်လၢ ယနီၣ်ဖျ့ဒ်ယတီၢ်ပှၤမံးဒယၣ်ဖိတဖၣ်ဖဲလၢၢ်ဧိရ့ာ်အသိးန့ၣ်လီၤ. ယကစံၣ်ညီၣ်ကီၢ်အၤၡူၢ်ဒ်ယစံၣ်ညီၣ်ကီၢ်အဲၤကူပတူးအသိးလီၤ.

လံာ်ဃဘးကူာ် 3:8

ယွၤဧၢ, မ့ၢ်ထံကျိတဖၣ်အံၤမၤဒိၣ်ထီၣ်နသးဧါ. မ့ၢ်ပီၣ်လဲၣ်အံၤမၤကဲၤထီၣ်နသးဧါ. ဖဲနဟဲစိာ်တၢ်မၤနၢၤဆူနပှၤဂီၢ်မုၢ်အအိၣ်ဒီး, နဒိးလၢတၢ်အၢၣ်တဖၣ်အဖီခိၣ်, ကလံၤမုၢ်တၢ်အၢၣ်မ့ၢ်နလ့ၣ်ကဟၣ်လီၤ.

လံာ်တၢ်ဂံၢ် 20:11

အန့ၣ်ဝံၤဒီးစီၤမိၤၡ့ယူာ်ဃီၤအစုဒီးတီၢ်လ့န့ၣ်လၢနီၣ် ထိးဘိခံဘျီဒီးထံကျိၤဖးဒိၣ်တကျိၤပုာ်ထီၣ်ယွၤလီၤဒီး ထံဒီးကယဲၢ်ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်အီဝဲလီၤ.

လံာ်စီၤယိၤၡူ 8:18

အန့ၣ်ဒီးယွၤစံးဘၣ်စီၤယိၤၡူ, “ယူာ်ထီၣ်ဘီလၢအအိၣ်လၢနစုပူၤတဘိဆူဝ့ၢ်ဂဲန့ၣ်တက့ၢ်. ယကဟ့ၣ်လီၤအီၤလၢနစုပူၤလီၤ.” ဒီးစီၤယိၤၡူမၤဝဲဒ်တၢ်စံးဘၣ်အီၤအသိးန့ၣ်လီၤ.