လံာ်တၢ်ဟးထီၣ်ကွံာ် 14:13 - Sgaw Karen Common Bible

¹³ ဒီးစီၤမိၤၡ့စံးဆၢဝဲဒၣ်, “ပျံၤတၢ်တဂ့ၤ, အိၣ်ဂၢၢ်ဆိးကျၢၤတက့ၢ်. ဒီးသုကထံၣ်ဘၣ်ယွၤကမၤတၢ်တနံၤအံၤလၢကအုၣ်က့ၤခီၣ်က့ၤသု အဂီၢ်န့ၣ်လီၤ. သုတထံၣ်ဘၣ်ကဒီးလၢၤပှၤအဲၤကူပတူးဖိနီ တစုလၢၤဘၣ်.

လံာ်တၢ်ဟးထီၣ်ကွံာ် 14:13 Iomraidhean Croise

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

လံာ်တၢ်ကဲထီၣ်အခီၣ်ထံး 26:24

ဒီးလၢမုၢ်နၤဝဲန့ၣ်ယွၤလီၣ်ဖျါထီၣ်အသးလၢအီၤဒီးစံးဝဲ, “ယမ့ၢ်နပၢ်စီၤအၤဘြၤဟၣ်အကစၢ်ယွၤလီၤ. ပျံၤတၢ်တဂ့ၤ. ယအိၣ်ဒီးနၤလီၤ. ယကဆိၣ်ဂ့ၤနၤဒီးဟ့ၣ်လီၤနၤ လၢနစၢၤနသွဲၣ်အါအါဂီၢ်ဂီၢ်လီၤ. အဂ့ၢ်ဒ်အံၤ, တၢ်န့ၣ်မ့ၢ်ယတၢ်အၢၣ်လီၤ, ဒီးယခ့ယပှၤစီၤအၤဘြၤဟၣ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 46:3

ကစၢ်ယွၤစံးဘၣ်အီၤ, “ယမ့ၢ်ကစၢ်ယွၤ, နပၢ်အကစၢ်ယွၤလီၤ. နကလဲၤဆူကီၢ်အဲၤကူပတူးန့ၣ်ပျံၤတၢ်တ ဂ့ၤ. ယကဒုးကဲထီၣ်နစၢၤနသွဲၣ်တဖၣ်လၢပှၤကလုာ်ဖးဒိၣ်ဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 49:18

ယွၤဧၢ, ယအိၣ်ခိးကွၢ်လၢ်နတၢ်မၤပူၤမၤဖျဲးယၤလီၤ.

လံာ်စီၤပၤခံဘ့ၣ်တဘ့ၣ် 6:16

စီၤအလံၤၡါစံးဆၢဝဲဒၣ်, “ပျံၤတၢ်တဂ့ၤ. ပအိၣ်ဒီးပှၤလၢပအိၣ်တကပၤအါန့ၢ်ဒံးပှၤအိၣ်လၢအဝဲသ့ၣ်အအိၣ် တကပၤတက့ၢ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 11:14

ဒီးအဝဲဒီးအပှၤတဖၣ်ထၢၣ်ဂၢၢ်ဝဲဖဲပျီခၢၣ်သးဒီးဒုးပှၤဖလ့ ၡသးဖိတဖၣ်န့ၣ်လီၤ. ဒီးယွၤဟ့ၣ်လီၤအီၤတၢ်မၤနၢၤဖးဒိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:15

စီၤယၤဃစအ့လးစံးဝဲ, “နဲဒၣ်တၢ်ဒိၣ်စီၤပၤဖးဒိၣ်ဒီး ကယဲၢ်သုဝဲပှၤဂီၢ်မုၢ်လၢကီၢ်ယူဒၤဒီးဝ့ၢ်ယရူၤၡလ့ၣ်အပူၤ သ့ၣ်ဧၢ, ယွၤစံးဝဲဒၣ်, လၢသုတ့ၢ်စၢ်လီၤသုဂံၢ်သုဘါမ့ၢ်ဂ့ၤ, ပျံၤတၢ်ဖုးတၢ်လၢသုကကွၢ်ဆၢၣ်မဲာ်သုးမုၢ်ဖးဒိၣ်အံၤမ့ၢ်ဂ့ၤ, အလီၢ်တအိၣ်ဘၣ်. တၢ်ဒုးန့ၣ်သန့ၤထီၣ်အသးလၢယွၤအဖီခိၣ်ဒီး တမ့ၢ်ဘၣ်လၢသုဖီခိၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 20:17

သုတဘၣ်ဒုးတၢ်ဒုးအံၤဘၣ်. မ့မ့ၢ်ထဲဟံးန့ၢ်သုလီၢ်တဖၣ်ဒီး ခိးတၢ်တက့ၢ်. သုကထံၣ်ဘၣ်လၢယွၤဟ့ၣ်သုတၢ်မၤနၢၤန့ၣ်လီၤ. ပှၤဂီၢ်မုၢ်လၢကီၢ်ယူဒၤဒီးဝ့ၢ်ယရူၤၡလ့ၣ်ဖိသ့ၣ်ဧၢ, မၤယံာ်မၤနီၢ်သုသးဒီးပျံၤတၢ်တဂ့ၤ. လဲၤထီၣ်ဆူတၢ်ဒုးတ က့ၢ်. ဒီးယွၤကအိၣ်ဒီးသုလီၤ.”

လံာ်စီၤနဃ့မယၤ 9:9

နထံၣ်တ့ၢ်လံပမိၢ်ပၢ်ဖံဖုလၢပျၢၤတဖၣ်တူၢ်ဘၣ်တၢ်လၢကီၢ်အဲၤ ကူပတူးအပူၤ, ဒီးနနၢ်ဟူတ့ၢ်လံအဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လၢ ပီၣ်လဲၣ်ဂီၤန့ၣ်လီၤ.

စံးထီၣ်ပတြၢၤ 3:8

တၢ်မၤပူၤဖျဲးန့ၣ်ဟဲလၢယွၤလီၤ. မ်နတၢ်ဆိၣ်ဂ့ၤလီၤဘၣ်နပှၤဂီၢ်မုၢ်တက့ၢ်. စ့လၤ

စံးထီၣ်ပတြၢၤ 68:21

မ့ၢ်မးကစၢ်ယွၤကမၤသဘှံးအဒုၣ်အဒါတဖၣ်အခိၣ်, ပှၤတဖၣ်လၢ အလဲၤဒၣ်တၢ်တခီနၢ်လၢ အတၢ်ဒဲးဘးအကျဲပူၤန့ၣ်လီၤ.

စံးထီၣ်ပတြၢၤ 78:53

အဝဲဆှၢအဝဲသ့ၣ်လၢတၢ်ပူၤဖျဲးအပူၤဒ်သိး အသုတပျံၤတၢ်တဂ့ၤ, အဂီၢ်န့ၣ်လီၤ. မ့မ့ၢ်အဒုၣ်အဒါတဖၣ်န့ၣ် ပီၣ်လဲၣ်လုၣ်ဘၢကွံာ်အီၤလီၤ.

စံးထီၣ်ပတြၢၤ 91:8

နကကွၢ်တၢ်ဒီးထံၣ်ဘၣ်ပှၤတတီတလိၤတဖၣ် ဘၣ်တၢ်သိၣ်ဃီၣ်အီၤဒ်လဲၣ်န့ၣ်လီၤ.

လံာ်တၢ်ဟးထီၣ်ကွံာ် 14:30

ဒီးလၢမုၢ်တနံၤန့ၣ်ယွၤအုၣ်က့ၤခီၣ်က့ၤကီၢ်အံၣ်စရ့လးအပှၤ ဂီၢ်မုၢ်လၢပှၤအဲၤကူပတူးဖိတဖၣ်အစုပူၤဒီးပှၤအံၣ်စရ့လး ဖိတဖၣ်ထံၣ်ဘၣ်အဝဲသ့ၣ်လီၤအုးသံလၢပီၣ်လဲၣ်ကၢၢ်နံၤန့ၣ်လီၤ.

လံာ်တၢ်ဟးထီၣ်ကွံာ် 20:20

ဒီးစီၤမိၤၡ့စံးဆၢဝဲ, “ပျံၤတၢ်တဂ့ၤ. ကစၢ်ယွၤဟဲဒၣ်လၢကမၤကွၢ်သုဒီးပာ်တၢ်ပျံၤဘၣ်အီၤအသးလၢသု ပူၤဒ်သိးသုသုတမၤဒဲးဘးတၢ်တဂ့ၤအဂီၢ်ဧိၤန့ၣ်လီၤ.”

လံာ်ယၡါယၤ 26:3

ယွၤဧၢ, နဟ့ၣ်တၢ်ဃူတၢ်ဖိးအလၢအပှဲၤ ဆူပှၤတဖၣ်လၢအဟံးဃာ်အတၢ်တိာ် ဂၢၢ်ဂၢၢ်ကျၢၤကျၢၤ ဒီးပာ်အတၢ်နာ်လၢနပူၤအအိၣ်န့ၣ်လီၤ.

လံာ်ယၡါယၤ 30:15

ယွၤပၢဘၣ်တၢ်ခဲလၢာ်ကစၢ်, အံၣ်စရ့လးအကစၢ်ယွၤစီဆှံ, စံးဘၣ်ပှၤဂီၢ်မုၢ်, “ဟဲက့ၤကဒါက့ၤဒီးပာ်သုတၢ်နာ်လၢ ယပူၤကစုဒုတက့ၢ်. အန့ၣ်ဒီး, သုဂံၢ်သုဘါကဆူၣ်ဒီးတၢ်အၢ တဘၣ်သုဘၣ်.” ဘၣ်ဆၣ်, သုဂ့ၢ်လိာ်လၢသုကမၤထွဲအီၤ အဂီၢ်လီၤ.

လံာ်ယၡါယၤ 35:4

တဲဘၣ်ပှၤလၢအသးဟးဂီၤတ့ၢ်ကိးဂၤဒဲးန့ၣ်, “ပာ်ဆူၣ်သုသးဒီးပျံၤတၢ်တဂ့ၤ. ကစၢ်ယွၤဟဲဝဲလၢသုတၢ်ပူၤဖျဲးအဂီၢ် ဒီးလၢတၢ်စံၣ်ညီၣ်သုဒုၣ်သုဒါတဖၣ်အဂီၢ်လီၤ.”

လံာ်ယၡါယၤ 43:11

ထဲယၤတဂၤဧိၤယမ့ၢ်ကစၢ်, ပှၤထဲတဂၤဧိၤလၢအအုၣ်က့ၤခီၣ်က့ၤသုသ့လီၤ.

လံာ်ယၡါယၤ 7:4

စံးဘၣ်တဲဘၣ်အီၤလၢကစီၣ်မဲာ်စီၣ်နါ, ကပာ်အသးဂၢၢ်ဂၢၢ်, ဒီးအသုတပျံၤတၢ်ဒီးအသးသုတတံာ်တာ်တဂ့ၤ အဂီၢ်တက့ၢ်. စီၤပၤရစံၣ်ဒီးအပှၤစူၤရံဖိတဖၣ်, ဒီးစီၤပၤပ့ကးအတၢ်သးထီၣ်န့ၣ်တလီၤဘၣ်ယိာ်ဘၣ်ဘီထဲသိးဒီးမ့ၣ် အူခံ, ခံဘိအတၢ်ခုၣ်ထီၣ်ဘၣ်လီၤ.

လံာ်ယံးရမံယၤ 3:23

ပဘူၣ်ထီၣ်ဘါထီၣ်ပှၤတစူၢ်တနာ်ယွၤအတၢ်ဘူၣ်တၢ်ဘါလၢတၢ်လူၢ် တဖၣ်အဒီခိၣ်နာ်က့, ပတဘၣ်တၢ်မၤစၢၤတ့ၢ်ပှၤလ့ၤတက့ၤဘၣ်. တၢ်မၤစၢၤလၢကီၢ်အံၣ်စရ့လးအဂီၢ်, ဟဲဒၣ်ထဲလၢယွၤ, ပကစၢ်ယွၤအအိၣ်န့ၣ်လီၤ.

လံာ်သးသယုၢ်တၢ် 3:26

မၤသးဒ်န့ၣ်ဒီး, တၢ်အိၣ်ခိးယွၤလၢတၢ်သးစူၤအပူၤ, တၢ်အိၣ်ခိးအီၤလၢကအုၣ်က့ၤခီၣ်က့ၤပှၤအဂီၢ်န့ၣ်မ့ၢ်တၢ်အဂ့ၤ ကတၢၢ်လၢပဂီၢ်လီၤ.

လံာ်ဟိၤၡ့ 1:7

ဘၣ်ဆၣ်ယကဒုးနဲၣ်တၢ်အဲၣ်ဆူကီၢ်ယူဒၤအပှၤဂီၢ်မုၢ်န့ၣ်လီၤ. ယၤ, ယွၤအဝဲသ့ၣ်အကစၢ်ယွၤ, ကအုၣ်က့ၤခီၣ်က့ၤအဝဲသ့ၣ်လီၤ. ဘၣ်ဆၣ်ယတမၤတၢ်အံၤလၢတၢ်ဒုးတၢ်ယၤဒီးလၢဘီမ့ၢ်ဂ့ၤ, လၢချံၣ်ဒီးပျၢ်တဖၣ်မ့တမ့ၢ်, လၢကသ့ၣ်တဖၣ်မ့ၢ်ဂ့ၤ, ပှၤဒိးကသ့ၣ်တဖၣ်မ့ၢ်ဂ့ၤန့ၣ်ဘၣ်.

လံာ်ဟိၤၡ့ 13:4

ယွၤစံးဝဲဒၣ်, ယမ့ၢ်ယွၤ. နကစၢ်ယွၤလၢအဒုးဟးထီၣ်ကွံာ်နၤ လၢကီၢ်အဲၤကူပတူးအပူၤန့ၣ်လီၤ. လၢယၤအမဲာ်ညါနတအိၣ်ဒီးကစၢ်ယွၤအဂၤနီတဂၤဘၣ်. ထဲယၤတဂၤဧိၤယမ့ၢ်ပှၤလၢအအုၣ်က့ၤခီၣ်က့ၤနၤလီၤ.

လံာ်ဟိၤၡ့ 13:9

ယကမၤဟးဂီၤကွံာ်နၤ, ကီၢ်အံၣ်စရ့လးအပှၤဂီၢ်မုၢ်ဧၢ, အန့ၣ်ဒီးမတၤမၤစၢၤနၤကသ့တဂၤလဲၣ်.

လံာ်ဃဘးကူာ် 3:13

နဟးထီၣ်လၢနကအုၣ်က့ၤခီၣ်က့ၤပှၤဂီၢ်မုၢ် ဒီးလၢစီၤပၤလၢနဃုထၢတ့ၢ်လံအီၤ အတၢ်အုၣ်က့ၤခီၣ်က့ၤအဂီၢ်လီၤ. နတီၢ်လီၤဃံၤကွံာ်ပှၤတတီတလိၤအခိၣ်အနၢ် ဒီးမၤဟးဂီၤကွံာ်အပျဲၢ်အဘီၣ်တဖၣ် လၢာ်လၢာ်ဆ့ဆ့လီၤ.

လံာ်ဃဘးကူာ် 3:8

ယွၤဧၢ, မ့ၢ်ထံကျိတဖၣ်အံၤမၤဒိၣ်ထီၣ်နသးဧါ. မ့ၢ်ပီၣ်လဲၣ်အံၤမၤကဲၤထီၣ်နသးဧါ. ဖဲနဟဲစိာ်တၢ်မၤနၢၤဆူနပှၤဂီၢ်မုၢ်အအိၣ်ဒီး, နဒိးလၢတၢ်အၢၣ်တဖၣ်အဖီခိၣ်, ကလံၤမုၢ်တၢ်အၢၣ်မ့ၢ်နလ့ၣ်ကဟၣ်လီၤ.

လံာ်တၢ်ဂံၢ် 14:9

ပူထီၣ်ထီဒါယွၤတဂ့ၤ. ဒီးပျံၤပှၤအိၣ်ဖဲန့ၣ်တဖၣ်တဂ့ၤ. ပကမၤနၢၤအဝဲသ့ၣ်ညီကဒၣ်လီၤ. ယွၤအိၣ်ဒီးပှၤဒီးမၤနၢၤလံကစၢ်တဖၣ်လၢအအိၣ်ပှိၤတ့ၢ်အဝဲ သ့ၣ်န့ၣ်လီၤ.

လံာ်မးသဲ 28:5

ကလူးန့ၣ်စံးဘၣ်ပှၤပိာ်မုၣ်တဖၣ်န့ၣ်, “တဘၣ်ပျံၤတၢ်တဂ့ၤ. ယသ့ၣ်ညါလၢ သုဃုယ့ၣ်ၡူးလၢအဘၣ်တၢ်ပျၤထီအီၤလၢထူၣ်စုညါ န့ၣ်လီၤ.

လံာ်သိၣ်လီၤသီလီၤတၢ် 20:3

ကီၢ်အံၣ်စရ့လးအပှၤသ့ၣ်ဧၢ, ဒိကနၣ်တၢ်တက့ၢ်. တနံၤအံၤသုကလဲၤဆူတၢ်ဒုးတၢ်ယၤအပူၤလီၤ. ပျံၤဘၣ်သုဒုၣ်သုဒါတဖၣ်မ့ၢ်ဂ့ၤ, မၤဟါမၢ်ကွံာ်သုတၢ်သးခူ တလ့ၢ်မ့ၢ်ဂ့ၤ, ပျံၤတၢ်ကလီကလီလၢအဂ့ၢ်တအိၣ်ကျိၤတအိၣ်မ့ၢ်ဂ့ၤ န့ၣ်တဂ့ၤ.

လံာ်စီၤၡမူၤအ့လးအခီၣ်ထံးတဘ့ၣ် 11:13

ဘၣ်ဆၣ်ဒီးစီၤစီလူးစံးဝဲ, “တနံၤအံၤတၢ်တဘၣ်မၤသံကွံာ် ကွံာ်ပှၤနီတဂၤဘၣ်. အဂ့ၢ်ဒ်အံၤ, အဝဲအံၤမ့ၢ်မုၢ်တနံၤလၢယွၤအုၣ်က့ၤခီၣ်က့ၤကီၢ် အံၣ်စရ့လးန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 12:16

မၤသးဒ်န့ၣ်ဒီး, ဆၢထၢၣ်ဖဲသုအိၣ်အလီၢ်, ဒီးသုကထံၣ်တၢ်အဒိၣ်အမုၢ်လၢ ယွၤကမၤအီၤန့ၣ်လီၤ.