လံာ်တၢ်ဟးထီၣ်ကွံာ် 13:7 - Sgaw Karen Common Bible

⁷ သုကဘၣ်အီၣ်ကိၣ်လၢအတအိၣ်ဒီးကိၣ်မံၣ်ဘၣ်န့ၣ်နွံသီ, ဒီးကိၣ်မံၣ်မ့ၢ်ဂ့ၤ, ကိၣ်လၢဘၣ်တၢ်မၤအီၤဒီးကိၣ်မံၣ်မ့ၢ်ဂ့ၤ တဘၣ်အိၣ်လၢသုကီၢ်ပူၤန့ၣ်နီတပူၤဘၣ်.

လံာ်တၢ်ဟးထီၣ်ကွံာ် 13:7 Iomraidhean Croise

လံာ်တၢ်ဟးထီၣ်ကွံာ် 12:15

ဒီးယွၤစံးဝဲဒၣ်, “လၢနွံသီအတီၢ်ပူၤန့ၣ်သုတဘၣ်အီၣ်ကိၣ် လၢအဘၣ်တၢ်မၤအီၤလၢကိၣ်မံၣ်နီတမံၤဘၣ်. အီၣ်ထဲကိၣ်လၢတအိၣ်ဘၣ်ဒီးကိၣ်မံၣ်န့ၣ်တက့ၢ်. လၢအခီၣ်ထံးတသီန့ၣ်သုကဘၣ်စူးကွံာ်ကိၣ်မံၣ်ခဲလၢာ် လၢသုဟံၣ်အပူၤတဖၣ်န့ၣ်လီၤ. အဂ့ၢ်ဒ်အံၤ, ပှၤတဂၤလၢ်လၢ်မ့ၢ်အီၣ်ဘၣ်ကိၣ်လၢတၢ်မၤအီၤလၢကိၣ် မံၣ်, လၢနွံသီအတီၢ်ပူၤန့ၣ်ကဘၣ်တၢ်ညိကွံာ်အီၤလၢယပှၤဂီၢ်မုၢ် အကျါန့ၣ်လီၤ.

လံာ်တၢ်ဟးထီၣ်ကွံာ် 12:19

လၢနွံသီအတီၢ်ပူၤန့ၣ်ကိၣ်မံၣ်တဘၣ်အိၣ်လၢသုဟံၣ်တဖၣ်အပူၤ ဘၣ်. အဂ့ၢ်ဒ်အံၤ, ပှၤတဂၤလၢ်လၢ်လၢအအိၣ်ဖျဲၣ်ထီၣ်လၢကီၢ်ပူၤမ့ၢ် ဂ့ၤ, လၢတခီဘီမုၢ်ပူၤမ့ၢ်ဂ့ၤ, မ့ၢ်အီၣ်ကိၣ်လၢအဘၣ်တၢ်မၤအီလၢ ကိၣ်မံၣ်ဒီးအဝဲကဘၣ်တၢ်ညိကွံာ်အီၤလၢယပှၤကလုာ်အကျါန့ၣ်လီၤ.

လံာ်မးသဲ 16:6

ယ့ၣ်ၡူးစံးဘၣ်အဝဲသ့ၣ်, “ပလီၢ်ပဒီသုသးလၢ ပှၤဖၤရံၤၡဲဒီးပှၤစးဒူၤကဲအကိၣ်မံၣ်တက့ၢ်.”

1 ကရံၣ်သူး 5:8

မ့မ့ၢ်ဒ်န့ၣ်ဒီး, မ်ပကမၤသကိးပဘူၣ်လဲၤကပာ်, တမ့ၢ်လၢကိၣ်အိၣ်ဒီးကိၣ်မံၣ်လီၢ်လံၤဘၣ်ဃးတၢ်ဒဲးဘးဒီးတၢ် အၢတၢ်သီန့ၣ်ဘၣ်. မ့မ့ၢ်, လၢကိၣ်တအိၣ်ဒီးကိၣ်မံၣ်, ကိၣ်ဘၣ်ဃးတၢ်ကဆှီဒီးတၢ်မ့ၢ်တၢ်တီန့ၣ်လီၤ.

လံာ်သိၣ်လီၤသီလီၤတၢ် 16:4

လၢနွံသီအတီၢ်ပူၤန့ၣ်, ပှၤလၢအအိၣ်လၢသုကီၢ်ပူၤတဘၣ်အိၣ်ဒီး ကိၣ်မံၣ်လၢအဟံၣ်ပူၤနီတဂၤဘၣ်. ဒီးဆၣ်ဖိကီၢ်ဖိလၢအဘၣ်တၢ်မၤသံအီၤအညၣ်လၢမုၢ်နံၤအဆိကတၢၢ် တနံၤအမုၢ်တဟါန့ၣ်ကဘၣ်တၢ်အီၣ်အီၤလၢတနၤဃီအတီၢ်ပူၤန့ၣ်လီၤ.

လံာ်စီၤယိၤၡူ 5:11

ဒီးမုၢ်ဆ့ၣ်ထီၣ်အနံၤတနံၤဃီန့ၣ်, အဝဲသ့ၣ်အီၣ်တၢ်အီၣ်လၢအဟး ထီၣ်လၢကီၢ်ကနၤဧၣ်အဆိကတၢၢ်တဘျီလၢအမ့ၢ်ဝဲကိၣ်တအိၣ်ဘၣ်ဒီး ကိၣ်မံၤဒီးဘုဝဲာ်အသးတဖၣ်န့ၣ်လီၤ.