လံာ်တၢ်ဟးထီၣ်ကွံာ် 13:5 - Sgaw Karen Common Bible

⁵ ယွၤအၢၣ်လီၤအီလီၤတ့ၢ်တၢ်လီၤတံၢ်လီၤဆဲးဒီးသုမိၢ်ပၢ်ဖံ ဖုလၢပျၢၤတဖၣ်လၢအကဟ့ၣ်သုလၢပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤဃ့ၤဝံဖိဒီးပှၤယဘူၣ်ဖိတဖၣ်အကီၢ်န့ၣ်လီၤ. တုၤအဝဲဆှၢသုဆူကီၢ်လၢအထူးဝဲတီၤဝဲဒီးဟီၣ်ခိၣ်ညၣ်ထ့ၣ် ဂ့ၤဝဲတဘ့ၣ်အပူၤန့ၣ်သုကဘၣ်မၤဘူၣ်အံၤလၢလါအခီၣ်ထံး ကတၢၢ်တလါအပူၤကိးနံၣ်ဒဲးန့ၣ်လီၤ.

လံာ်တၢ်ဟးထီၣ်ကွံာ် 13:5 Iomraidhean Croise

လံာ်တၢ်ကဲထီၣ်အခီၣ်ထံး 26:3

အိၣ်ဖဲအံၤဒီးယကအိၣ်ဒီးနၤဒီးယကဆိၣ်ဂ့ၤနၤလီၤ. ယကဟ့ၣ်လီၤတၢ်လီၢ်ခဲလၢာ်အံၤလၢနၤဒီးနစၢၤနသွဲၣ်တဖၣ်န့ၣ် လီၤ. ယကဟံးဃာ်ယတၢ်အၢၣ်လီၤလၢယမၤတ့ၢ်ဒီးနပၢ်စီၤအၤဘြၤဟၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 50:24

အဝဲစံးဘၣ်အဒီပုၢ်ဝဲၢ်ခွါတဖၣ်, “ယကသံဘူးထီၣ်လံ. ဘၣ်ဆၣ်ကစၢ်ယွၤကအံးထွဲကကွၢ်ထွဲသုသပှၢ်ကတၢၢ်, ဒီးဆှၢထီၣ်သုလၢကီၢ်အံၤဆူကီၢ်တဘ့ၣ်လၢအဝဲဆိၣ်တ့ၢ်တၢ်သညူး သပှၢ်ဒီးစီၤအၤဘြၤဟၣ်, စီၤအံၤစဲးဒီးစီၤယၤကိာ်, အပူၤန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 1:15

ပှၤဃံၤဝံဖိ, ပှၤဧၤရကၤဖိ, ပှၤစံၣ်ဖိ, ပှၤအၢ်ဝးဖိ, ပှၤစမၢ်ဖိဒီးပှၤဃမါသးဖိတဖၣ်န့ၣ်လီၤ.

လံာ်တၢ်ဟးထီၣ်ကွံာ် 12:24

သုဝဲဒီးသုဖိသုလံၤတဖၣ်ကဘၣ်တိၢ်န့ၢ်တၢ်သိၣ်တၢ်ဘျၢတဖၣ်အံၤ လီၤထူလီၤယိာ်လီၤ.

လံာ်တၢ်ဟးထီၣ်ကွံာ် 13:10

ဒီးတိၢ်န့ၢ်ဘူၣ်အံၤလၢအဆၢကတီၢ်ဒၣ်ဝဲကိးနံၣ်ဒဲးန့ၣ်တက့ၢ်.

လံာ်တၢ်ဟးထီၣ်ကွံာ် 13:11

ဒီးယွၤကဆှၢနုာ်သုဆူပှၤကနၤဧၣ်ဖိတဖၣ်အကီၢ်ပူၤ, ကီၢ်တဘ့ၣ်လၢအအၢၣ်လီၤအီလီၤတ့ၢ်ဝဲသပှၢ်ကတၢၢ်ဒီးသုဒီးသု မိၢ်ပၢ်ဖံဖုလၢပျၢၤတဖၣ်န့ၣ်လီၤ. ဒီးတုၤအဟ့ၣ်သုလၢကီၢ်အံၤန့ၣ်ဒီး,

လံာ်တၢ်ဟးထီၣ်ကွံာ် 3:17

ဒီးယပာ်လီၤတ့ၢ်လံယသးလၢယကထုးထီၣ်ကွံာ်အဝဲသ့ၣ်လၢကီၢ် အဲၤကူပတူး, တၢ်လီၢ်ဖဲအဝဲသ့ၣ်ဘၣ်တၢ်မၤအၢမၤနးအီၤ နးမးဒီးကဆှၢအီၤဆူပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အကီၢ်, ကီၢ်တဘ့ၣ်လၢအယွၤဝဲဒီးတၢ်နုၢ်ထံဒီးကနဲစီန့ၣ်လီၤ.

လံာ်တၢ်ဟးထီၣ်ကွံာ် 3:8

ဒီးယဟဲလီၤဒ်သိးယကမၤပူၤမၤဖျဲးက့ၤအဝဲသ့ၣ်လၢပှၤအဲၤကူ ပတူးဖိအစုပူၤ, ဒီးထုးထီၣ်ကွံာ်အဝဲသ့ၣ်လၢကီၢ်အဲၤကူပတူး အပူၤဒီးဆှၢအဝဲသ့ၣ်ဆူကီၢ်တဘ့ၣ်လၢဟီၣ်ခိၣ်ညၣ်ထ့ၣ်ဂ့ၤဒီးလဲၢ်ဝဲ, ကီၢ်လၢတၢ်နုၢ်ထံဒီးကနဲစီယွၤလီၤဝဲ, ဒီးမ့ၢ်ကီၢ်တဘ့ၣ်ဖဲပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အိၣ်ဝဲအလီၢ်န့ၣ်လီၤ.

လံာ်တၢ်ဟးထီၣ်ကွံာ် 32:13

သ့ၣ်နီၣ်ထီၣ်က့ၤနခ့နပှၤစီၤအၤဘြၤဟၣ်, စီၤအံၤစဲး, ဒီးစီၤယၤကိာ်တက့ၢ်. သ့ၣ်နီၣ်ထီၣ်က့ၤတၢ်အၢၣ်လီၤအီလီၤ သမှံၤသပှၢ်လၢနမၤဒီးအဝဲသ့ၣ်, လၢနကဟ့ၣ်လီၤအဝဲသ့ၣ်လၢအစၢၤအသွဲၣ်အါထဲသိးသိးဒီးဆၣ်ဧိၤ ဖီဧိၤလၢမူကပိာ်လိၤဒီးဟ့ၣ်လီၤအစၢၤအသွဲၣ်တဖၣ်လၢကီၢ်တဘ့ၣ် လၢနအၢၣ်လီၤအီလီၤတ့ၢ်လၢကကဲထီၣ်အတၢ်န့ၢ်သါအထူအယိာ်န့ၣ်တက့ၢ်.”

လံာ်တၢ်ဟးထီၣ်ကွံာ် 33:1

ဒီးယွၤစံးဘၣ်စီၤမိၤၡ့, “နၤဒီးပှၤဂီၢ်မုၢ်လၢနထုးထီၣ် ကွံာ်အီၤလၢကီၢ်အဲၤကူပတူးအပူၤန့ၣ်ဟးထီၣ်လၢတၢ်လီၢ်အံၤ ဒီးလဲၤဆူကီၢ်တဘ့ၣ်လၢယအၢၣ်လီၤအီလီၤတ့ၢ်လၢအက ဟ့ၣ်လီၤဆူစီၤအၤဘြၤဟၣ်, စီၤအံၤစဲး, စီၤယၤကိာ်ဒီးအစၢၤ အသွဲၣ်တဖၣ်အအိၣ်န့ၣ်တက့ၢ်.

လံာ်တၢ်ဟးထီၣ်ကွံာ် 34:11

စူၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယကဟ့ၣ်လီၤသုတနံၤအံၤန့ၣ်တက့ၢ်. ယကဟီထီၣ်ကွံာ်ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီးပှၤယဘူၣ်ဖိတဖၣ်ဖဲသုလဲၤထီၣ်ဒုးတၢ်န့ၣ်လီၤ.

လံာ်တၢ်ဟးထီၣ်ကွံာ် 6:4

ဒီးယမၤစ့ၢ်ကီးတၢ်အၢၣ်လီၤအီလီၤဒီးအဝဲသ့ၣ်, ဒီးယအၢၣ်လီၤလၢယကဟ့ၣ်အဝဲသ့ၣ်လၢကီၢ်ကနၤဧၣ်, ကီၢ်လၢအဝဲသ့ၣ်အိၣ်ဆိးဝဲဒ်ပှၤတခီဘီမုၢ်ဖိတဖၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 6:8

ဒီးယကဒုးလဲၤနုာ်သုဆူကီၢ်တဘ့ၣ်လၢယအၢၣ်အီလီၤလၢ ယကဟ့ၣ်စီၤအၤဘြၤဟၣ်, စီၤအံၤစဲးဒီးစီၤယၤကိာ်, ဒီးယကဟ့ၣ်လီၤသုဒ်သုတၢ်န့ၢ်သါအသိးန့ၣ်လီၤ. ယဲဒၣ်အံၤယမ့ၢ်ယွၤလီၤ.’ ”

လံာ်ယံးရမံယၤ 11:5

အန့ၣ်ဒီး, ယကဟံးဃာ်ကျၢၤတၢ်အၢၣ်လီၤအီလီၤ လၢယမၤတ့ၢ်ဒီးအဝဲသ့ၣ်အမိၢ်ပၢ်ဖံဖုလၢပျၢၤတဖၣ်, လၢယကဟ့ၣ်လီၤအဝဲသ့ၣ်လၢကီၢ်တဘ့ၣ်လၢခဲအံၤအဝဲသ့ၣ်အိၣ်ဆိး ဝဲလၢအပူၤလၢအမ့ၢ်ကီၢ်တဘ့ၣ်လၢအထူးဝဲတီၤဝဲဒီး အဟီၣ်ခိၣ်ညၣ်ထ့ၣ်ဂ့ၤဝဲန့ၣ်လီၤ.” ယစံး “မ့ၢ်လီၤ. ယွၤဧၢ.”

လံာ်ယံးရမံယၤ 32:22

နဟ့ၣ်လီၤတ့ၢ် အဝဲသ့ၣ်လၢ ကီၢ်တဘ့ၣ်လၢ အထူးဝဲတီၤဝဲဒီး အဟီၣ်ခိၣ်ညၣ်ထ့ၣ်ဂ့ၤဝဲ, ဒ်နအၢၣ်လီၤတ့ၢ် အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

လံာ်ယဃ့းစက့လး 20:6

မ့ၢ်အခါဖဲန့ၣ်လၢယအၢၣ်လီၤတ့ၢ်အဝဲသ့ၣ်လၢယကထုးထီၣ်ကွံာ် အဝဲသ့ၣ်လၢကီၢ်အဲၤကူပတူးအပူၤဒီးဆှၢအဝဲသ့ၣ်ဆူကီၢ်တဘ့ၣ်လၢ ယဃုထၢထီၣ်တ့ၢ်လၢအဝဲသ့ၣ်အဂီၢ်, ကီၢ်တဘ့ၣ်လၢအထူးတီၤဒီးဟီၣ်ခိၣ်ညၣ်ထ့ၣ်ဂ့ၤဝဲ, ကီၢ်အဂ့ၤကတၢၢ်လၢကီၢ်ခဲလၢာ်အကျါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:24

ဒီးယအၢၣ်လီၤအီလီၤတၢ်ဒီးသုလၢကီၢ်လၢအယွၤဝဲဒီးတၢ်နုၢ် ထံဒီးကနဲစီန့ၣ်ကမ့ၢ်သုတၢ်န့ၢ်သါန့ၣ်လီၤ. ယဲဒၣ်အံၤယမ့ၢ်ယွၤသုကစၢ်ယွၤလၢအပာ်လီၤဆီသုဒီးပှၤကလုာ် ဂၤတဖၣ်န့ၣ်လီၤ.

လံာ်တၢ်ဂံၢ် 11:12

ယတတ့လီၤအဝဲသ့ၣ်မ့ၢ်ဂ့ၤ, ဒုးအိၣ်ဖျဲၣ်ထီၣ်အဝဲသ့ၣ်မ့ၢ်ဂ့ၤ ဘၣ်. ဘၣ်မနုၤလၢနမၢယမၤတၢ်ဒ်ပှၤဒုးအီၣ်နုၢ်ဖိဆံးဒီးစိာ်အဝဲ သ့ၣ်လၢယစုတီၤတဖၣ်အလိၤဒ်ဖိသၣ်ဆံးတဖၣ်အသိးလၢကျဲဒီဘိဆူ ကီၢ်တဘ့ၣ်လၢနအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်န့ၣ်လဲၣ်.

လံာ်တၢ်ဂံၢ် 13:27

အဝဲသ့ၣ်စံးဘၣ်စီၤမိၤၡ့, “ပလဲၤဃုထံၣ်သ့ၣ်ညါတ့ၢ်ကီၢ်န့ၣ် ဒီးပထံၣ်လၢအထူးအတီၤဒီးဟီၣ်ခိၣ်ညၣ်ထ့ၣ်ဂ့ၤဝဲလီၤ. ဒီးအအံၤမ့ၢ်အတၤသူတၤသၣ်တနီၤန့ၣ်လီၤ.

လံာ်တၢ်ဂံၢ် 14:16

နမၤသံတ့ၢ်နပှၤဂီၢ်မုၢ်လၢပှၢ်မုၢ်ကနၢအပူၤမ့ၢ်လၢနဆှၢအီၤဆူ ကီၢ်တဘ့ၣ်လၢနအၢၣ်လီၤတ့ၢ်လၢနကဟ့ၣ်အီၤန့ၣ်တသ့ဘၣ်အဃိန့ၣ် လီၤ.

လံာ်တၢ်ဂံၢ် 14:30

ယအၢၣ်လီၤအီလီၤတ့ၢ်လၢသုကအိၣ်ဘၣ်ဖဲန့ၣ်ဘၣ်ဆၣ်ဒီးမ့တမ့ၢ် လၢစီၤကၤလ့းဒီးစီၤယိၤၡူဘၣ်န့ၣ်ပှၤတလဲၤနုာ်ဘၣ်နီတဂၤ ဘၣ်.

လံာ်တၢ်ဂံၢ် 32:11

ယဆိၣ်တၢ်လၢမ့ၢ်လၢအဝဲသ့ၣ်အသူၣ်တတီအသးတရၤဒီးယၤအဃိ, ပှၤပိာ်ခွါလၢအသးအိၣ်ခံဆံနံၣ်ဒီးဆူအဖီခိၣ်လၢအ ဟးထီၣ်လၢကီၢ်အဲၤကူပတူးအပူၤန့ၣ်, တလဲၤနုာ်ဘၣ်ဆူကီၢ်လၢ ယအၢၣ်လီၤအီလီၤတ့ၢ်ဒီးစီၤအၤဘြၤဟၣ်, စီၤအံၤစဲး, ဒီးစီၤယၤကိာ်န့ၣ်နီတဂၤဘၣ်.

လံာ်သိၣ်လီၤသီလီၤတၢ် 12:29

ယွၤသုကစၢ်ယွၤကမၤဟးဂီၤကွံာ်ပှၤကလုာ်တဖၣ်ဖဲသုလဲၤနုာ်လီၤ ဒုးအဝဲသ့ၣ်အထံအကီၢ်, ဒီးသုကမၤန့ၢ်အီၤဒီးအိၣ်ဆိးဖဲန့ၣ်လီၤ.

လံာ်သိၣ်လီၤသီလီၤတၢ် 19:1

ဖဲယွၤ, သုကစၢ်ယွၤမၤဟးဂီၤကွံာ်ပှၤဂီၢ်မုၢ်တဖၣ်လၢအဝဲဟ့ၣ် လီၤသုလၢအဝဲသ့ၣ်အထံအကီၢ်ဝံၤ, ဒီးဖဲသုဟံးန့ၢ်ကွံာ်အဝဲ သ့ၣ်အဝ့ၢ်တဖၣ်ဒီးအဟံၣ်အဃီတဖၣ်ဒီးသူၣ်လီၤသုအိၣ်သုဆိးအလီၢ် ဖဲန့ၣ်ဝံၤအလီၢ်ခံန့ၣ်,

လံာ်သိၣ်လီၤသီလီၤတၢ် 26:1

တုၤသုမၤန့ၢ်ကီၢ်လၢယွၤသုကစၢ်ယွၤဟ့ၣ်လီၤသုဒီးသူၣ်လီၤ သုတၢ်အိၣ်တၢ်ဆိးအလီၢ်ဖဲန့ၣ်ဝံၤအလီၢ်ခံန့ၣ်

လံာ်သိၣ်လီၤသီလီၤတၢ် 7:1

ယွၤ, သုကစၢ်ယွၤကဆှၢနုာ်သုဆူကီၢ်လၢသုကလဲၤနုာ်မၤန့ၢ် အီၤအပူၤ, ဒီးအဝဲဒၣ်ကနီၣ်ထီၣ်ကွံာ်ပှၤအါကလုာ်လၢကီၢ်န့ၣ်အပူၤလီၤ. တုၤသုလဲၤထီၣ်ဒုးတၢ်န့ၣ်, အဝဲကနီၣ်ထီၣ်ကွံာ်ပှၤကလုာ်နွံ ကလုာ်လၢအဒိၣ်န့ၢ်သုဒီးအဂံၢ်အဘါဆူၣ်န့ၢ်သုလၢအမ့ၢ်ပှၤဃ့ၤ သးဖိတဖၣ်, ပှၤကံၣ်ကၣ်ဖိတဖၣ်, ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီး ပှၤယဘူၣ်ဖိတဖၣ်န့ၣ်လီၤ.

လံာ်စီၤယိၤၡူ 24:11

သုခီဂာ်ထံကျိယၢ်ဒ့ၣ်ဒီးဟဲတုၤလၢဝ့ၢ်ယရံၤဃိလီၤ. ပှၤယရံၤဃိဖိဒုးတၢ်ဒီးသုလီၤ. ဒ်န့ၣ်အသိး, ပှၤပရးစၤဖိ, ပှၤကနၤဧၣ်ဖိ, ပှၤဃ့ၤသးဖိ, ပှၤကံၢ်ကၣ်ဖိ, ပှၤဃံၤဝံဖိ, ဒီးပှၤယဘူၣ်ဖိတဖၣ်ဒုးတၢ်ဒီးသုလီၤ. ဘၣ်ဆၣ်ယဟ့ၣ်သုတၢ်မၤနၢၤအဝဲသ့ၣ်ခဲလၢာ်န့ၣ်လီၤ.