လံာ်တၢ်ဟးထီၣ်ကွံာ် 13:22 - Sgaw Karen Common Bible

²² လၢမုၢ်ဆါအကတီၢ်န့ၣ်, တၢ်အၢၣ်အထူၣ်အိၣ်လၢပှၤဂီၢ်မုၢ်အမဲာ်ညါ, ဒီးလၢမုၢ်နၤအကတီၢ်န့ၣ်, မ့ၣ်အူအထူၣ်အိၣ်ဝဲထီဘိန့ၣ်လီၤ.

လံာ်တၢ်ဟးထီၣ်ကွံာ် 13:22 Iomraidhean Croise

လံာ်စီၤနဃ့မယၤ 9:12

ဒီးလၢမုၢ်ဆါန့ၣ်နဆှၢအဝဲသ့ၣ်လၢတၢ်အၢၣ်ဒီးလၢမုၢ်နၤန့ၣ် နမၤကပီၤထီၣ်အကျဲဒီးမ့ၣ်အူန့ၣ်လီၤ.

လံာ်စီၤနဃ့မယၤ 9:19

ဘၣ်ဆၣ်နတလဲၤသဒၣ်အဝဲသ့ၣ်ဖဲန့ၣ်လၢပှၢ်မုၢ်ကနၢအပူၤန့ၣ်ဘၣ်. အဂ့ၢ်ဒ်အံၤ, နတၢ်သးကညီၤဒိၣ်ဝဲနီၢ်မးန့ၣ်လီၤ. နတဟံးထီၣ်ကွံာ်တၢ်အၢၣ်မ့ၢ်ဂ့ၤ, မ့ၣ်အူမ့ၢ်ဂ့ၤ လၢအဒုးနဲၣ်အဝဲသ့ၣ်ကျဲလၢမုၢ်နံၤဒီးမုၢ်နၤန့ၣ်ဘၣ်.

လံာ်တၢ်ဟးထီၣ်ကွံာ် 14:1

ဒီးယွၤစံးဘၣ်စီၤမိၤၡ့, “တဲဘၣ်ပှၤအံၣ်စရ့လးဖိတဖၣ်လၢကဃၣ်ကဒါက့ၤအသးဒီးသူၣ်ထီၣ် အဒဲတဖၣ်လၢပံၤဟဃံရိးအမဲာ်ညါ, လၢအအိၣ်ဖဲမံးကဒိးလးဒီးပီၣ်လဲၣ်ဂီၤအဘၢၣ်စၢၤဘူးဒီးဘဧၤ လးစဖိၣ်န့ၣ်တက့ၢ်.

လံာ်တၢ်ဟးထီၣ်ကွံာ် 14:19

ဒီးကစၢ်ယွၤအကလူးလၢအအိၣ်တ့ၢ်လံလၢကီၢ်အံၣ်စရ့လးအသုးမုၢ် မဲာ်ညါန့ၣ်သုးအသးဒီးလဲၤဆူအဝဲသ့ၣ်အလီၢ်ခံတကပၤန့ၣ်လီၤ. တၢ်အၢၣ်အထူၣ်စ့ၢ်ကီးသုးအသးတုၤလၢပှၤအဲၤကူပတူးဖိတဖၣ်ဒီးပှၤအံၣ်စရ့လးဖိတဖၣ် အဘၢၣ်စၢၤန့ၣ်လီၤ.

လံာ်တၢ်ဟးထီၣ်ကွံာ် 40:38

ဖဲအဝဲသ့ၣ်ဟးဝ့ၤဝီၤဝဲအဆၢကတီၢ်ဒီကတီၢ်န့ၣ်အဝဲသ့ၣ်ထံၣ်ဘၣ် ယွၤအိၣ်ဝဲဆိးဝဲအတၢ်အၢၣ်လၢဒဲစီဆှံအဖီခိၣ်လၢမုၢ်ဆါကတီၢ်, ဒီးမ့ၣ်အူကပီၤထီၣ်လၢအဖီခိၣ်လၢမုၢ်နၤအကတီၢ်န့ၣ်လီၤ.

လံာ်ယၡါယၤ 4:5

ဝံၤဒီးလၢကစၢၢ်စံယိၣ်အဖီခိၣ်ဒီးလၢပှၤလၢအပာ်ဖှိၣ်အသးဖဲ န့ၣ်ခဲလၢာ်အဖီခိၣ်န့ၣ်, ယွၤကဆှၢလီၤတၢ်အၢၣ်လၢမုၢ်ဆါ ဒီးမ့ၣ်အူလုၣ်ဒီးမ့ၣ်လၣ်ကဲၤကပီၤလၢမုၢ်နၤလီၤ. ယွၤအလၤကပီၤကကးဘၢဒီးဒီဒၣ်အိၣ်ပှိၤဝ့ၢ်ဒီဝ့ၢ်လီၤ.

လံာ်တၢ်ဂံၢ် 9:15

မုၢ်တနံၤဖဲယွၤအိၣ်ဝဲဆိးဝဲအဒဲစီဆှံဘၣ်တၢ်ထီထီၣ်အီၤ န့ၣ်, တၢ်အၢၣ်တလိၣ်ဟဲလီၤဒီးကျၢၢ်ဘၢဒဲစီဆှံန့ၣ်လီၤ.

လံာ်လီၣ်ဖျါ 10:1

တၢ်န့ၣ်ဝံၤအလီၢ်ခံ, ယထံၣ်ဘၣ်ကလူးလၢအဂံၢ်ဆူၣ်ဘါဆူၣ်အဂၤတဂၤဟဲလီၤ လၢမူခိၣ်န့ၣ်လီၤ. အဝဲဒၣ်ဘၣ်တၢ်ကးဘၢဃာ်အီၤလၢတၢ်အၢၣ် တလိၣ်, ဒီးအိၣ်ဝဲဒီးတၢၢ်ကွဲၤတဘိလၢအအိၣ်ဝးတရံးအဝဲဒၣ် အခိၣ်န့ၣ်လီၤ. အဝဲအမဲာ်သၣ်လီၤဂာ်လၢမုၢ်, ဒီးအခီၣ်လီၤဂာ်လၢမ့ၣ်အူအထူၣ်တဖၣ်လီၤ.