လံာ်တၢ်ဟးထီၣ်ကွံာ် 13:21 - Sgaw Karen Common Bible

²¹ ဒီးလၢမုၢ်ဆါအကတီၢ်န့ၣ်ယွၤလဲၤတၢ်လၢအဝဲသ့ၣ်အမဲာ်ညါလၢတၢ် အၢၣ်အထူၣ်အပူၤ, ဒ်သိးကနဲၣ်အီၤကျဲဒီးလၢမုၢ်နၤအကတီၢ်န့ၣ်, လဲၤဝဲလၢအမဲာ်ညါလၢအမ့ၣ်အူအထူၣ်အပူၤဒ်သိးကဟ့ၣ်အီၤတၢ်ကပီၤ, ဒ်သိးအဝဲသ့ၣ်လဲၤတၢ်လၢမုၢ်ဆါဒီးလၢမုၢ်နၤကသ့ဝဲအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 13:21 Iomraidhean Croise

လံာ်စီၤနဃ့မယၤ 9:12

ဒီးလၢမုၢ်ဆါန့ၣ်နဆှၢအဝဲသ့ၣ်လၢတၢ်အၢၣ်ဒီးလၢမုၢ်နၤန့ၣ် နမၤကပီၤထီၣ်အကျဲဒီးမ့ၣ်အူန့ၣ်လီၤ.

လံာ်စီၤနဃ့မယၤ 9:19

ဘၣ်ဆၣ်နတလဲၤသဒၣ်အဝဲသ့ၣ်ဖဲန့ၣ်လၢပှၢ်မုၢ်ကနၢအပူၤန့ၣ်ဘၣ်. အဂ့ၢ်ဒ်အံၤ, နတၢ်သးကညီၤဒိၣ်ဝဲနီၢ်မးန့ၣ်လီၤ. နတဟံးထီၣ်ကွံာ်တၢ်အၢၣ်မ့ၢ်ဂ့ၤ, မ့ၣ်အူမ့ၢ်ဂ့ၤ လၢအဒုးနဲၣ်အဝဲသ့ၣ်ကျဲလၢမုၢ်နံၤဒီးမုၢ်နၤန့ၣ်ဘၣ်.

စံးထီၣ်ပတြၢၤ 105:39

ကစၢ်ယွၤသလၣ်ထီၣ်တၢ်အၢၣ်လၢ အပှၤဂီၢ်မုၢ်အဖီခိၣ်ဒီး ဟ့ၣ်လီၤအီၤ မ့ၣ်အူလၢ မုၢ်နၤဒ်သိးကဟ့ၣ်အဝဲသ့ၣ်လၢတၢ်ကပီၤန့ၣ်လီၤ.

စံးထီၣ်ပတြၢၤ 68:7

ကစၢ်ယွၤဧၢ, တုၤနလဲၤထီၣ်လၢနပှၤဂီၢ်မုၢ်အမဲာ်ညါ, တုၤနလဲၤခီဂာ်ပှၢ်မုၢ်ကနၢန့ၣ်ဒီး, စ့လၤ

စံးထီၣ်ပတြၢၤ 77:20

နဆှၢနပှၤဂီၢ်မုၢ်ဒ်သိတဖုအသိး လၢစီၤမိၤၡ့ဒီးစီၤအၤဟရိၣ်အစုန့ၣ်လီၤ.

စံးထီၣ်ပတြၢၤ 78:14

လၢမုၢ်ဆါယွၤဆှၢအဝဲသ့ၣ်လၢတၢ်အၢၣ်, ဒီးသီတနၤကျၢၤလၢမ့ၣ်အူအတၢ်ကပီၤန့ၣ်လီၤ.

စံးထီၣ်ပတြၢၤ 99:7

အဝဲဒၣ်ကတိၤတၢ်ဒီးအဝဲသ့ၣ်လၢ တၢ်အၢၣ်အထူၣ်ပူၤန့ၣ်လီၤ. အဝဲသ့ၣ်စူၢ်တၢ်သိၣ်တၢ်သီတဖၣ် ဒီးတၢ်မၤလိာ်တဖၣ်လၢအဟ့ၣ်တ့ၢ်ဝဲန့ၣ်လီၤ.

လံာ်တၢ်ဟးထီၣ်ကွံာ် 10:10

ဒီးစီၤပၤစံးဝဲဒၣ်, “ယဆိၣ်လီၤယသးလၢယွၤလၢယတပျဲသုလဲၤ ကိးပှၤပိာ်မုၣ်တဖၣ်ဒီးဖိဒံဖိသၣ်သ့ၣ်တဖၣ်န့ၣ်ဘၣ်. သုအိၣ်ဒီးတၢ်ကူၣ်လၢသုကပူထီၣ်တၢ်လီၤ.

လံာ်တၢ်ဟးထီၣ်ကွံာ် 16:10

တုၤစီၤအၤဟရိၣ်ကတိၤတၢ်ဆူပှၤဒီဒူၣ်ဒီထၢန့ၣ်, အဝဲသ့ၣ်ဃၣ်ဃီၤအသးဆူပှၢ်မုၢ်ကနၢလီၤ. ဒီးသတူၢ်ကလာ်န့ၣ်ယွၤအတၢ်ကပီၤကပြုၢ်ကပြီၤအိၣ်ဖျါဝဲလၢတၢ်အၢၣ်အလိၤန့ၣ်လီၤ.

လံာ်တၢ်ဟးထီၣ်ကွံာ် 32:1

ဖဲပှၤဂီၢ်မုၢ်ထံၣ်ဝဲလၢစီၤမိၤၡ့တဟဲက့ၤလီၤလၢကစၢၢ်ဒီ ခိၣ်ဘၣ်မ့မ့ၢ်အိၣ်ဝဲဖဲန့ၣ်ယံာ်ဒိၣ်မးန့ၣ်, အဝဲသ့ၣ်ပာ်ဖှိၣ်အသးဝးတရံးစီၤအၤဟရိၣ်ဒီးစံးဘၣ်အီၤ, “တၢ်မၤအသးဒီးစီၤမိၤၡ့လၢအဆှၢထီၣ်ပှၤလၢကီၢ်အဲၤကူပတူး တဂၤဒ်လဲၣ်န့ၣ်ပတသ့ၣ်ညါဘၣ်. လၢတၢ်န့ၣ်အဃိမၤန့ၢ်ပှၤလၢကစၢ်ထူတဂၤလၢကဆှၢပှၤတက့ၢ်.”

လံာ်တၢ်သးဝံၣ်တဖၣ်အတၢ်သးဝံၣ် 3:6

တၢ်လၢအဟဲထီၣ်လၢပှၢ်မုၢ်ကနၢလီၤဂာ်ဒ်မ့ၣ်အူလုၣ်အထူၣ်တထူၣ်အ သိး, နၢမူဝဲဒီးမူရၣ်ဒီးလီၢ်ဘၣ်, တၢ်နၢမူလၢပှၤကၤတၢ်ဖိဆါဝဲတဖၣ်န့ၣ်, မ့ၢ်တၢ်မနုၤလဲၣ်.

လံာ်တၢ်ဂံၢ် 10:34

တုၤအဝဲသ့ၣ်လဲၤဆူညါလၢတၢ်သူၣ်ဒဲအလီၢ်တတီၤဘၣ်တတီၤန့ၣ်ယွၤ အတၢ်အၢၣ်အိၣ်လၢအဝဲသ့ၣ်အဖီခိၣ်လၢမုၢ်ဆါအကတီၢ်န့ၣ်လီၤ.

လံာ်တၢ်ဂံၢ် 14:14

အဝဲသ့ၣ်ကတဲဘၣ်တၢ်အံၤဆူပှၤဂီၢ်မုၢ်လၢအအိၣ်လၢကီၢ်တဘ့ၣ်အံၤ အပူၤလီၤ. ပှၤဂီၢ်မုၢ်အံၤနၢ်ဟူတ့ၢ်လံလၢနၤ, ယွၤ, အိၣ်ဒီးပှၤ, လၢနအိၣ်ဖျါလီၤတံၢ်လီၤဆဲးဖဲနတၢ်အၢၣ်အထူၣ်အိၣ် ကတီၢ်လၢပဖီခိၣ်ဒီးနလဲၤဆိတၢ်လၢပမဲာ်ညါလၢတၢ်အၢၣ်အထူၣ် တထူၣ်အပူၤလၢမုၢ်ဆါခီဒီးလၢမ့ၣ်အူထူၣ်တထူၣ်အပူၤလၢမုၢ်နၤ ခီန့ၣ်လီၤ.

လံာ်သိၣ်လီၤသီလီၤတၢ် 1:33

အဝဲလဲၤဆိဒၣ်လဲာ်လၢသုမဲာ်ညါဒီးဃုထံၣ်တၢ်လီၢ်တတီၤလၢသူၣ် ဒဲအဂီၢ်ဘၣ်ဆၣ်သုတနာ်ဒံးဘၣ်အီၤဘၣ်. အဝဲလဲၤဆိတၢ်လၢသုမဲာ်ညါလၢမ့ၣ်အူထူၣ်အပူၤလၢမုၢ်နၤဒီး လၢတၢ်အၢၣ်အထူၣ်အပူၤလၢမုၢ်ဆါ, ဒ်သိးကဒုးနဲၣ်သု ကျဲအဂီၢ်န့ၣ်လီၤ.

လံာ်သိၣ်လီၤသီလီၤတၢ် 31:8

ယွၤအကစၢ်ဒၣ်ဝဲကဆှၢနၤဒီးကအိၣ်ဒီးနၤန့ၣ်လီၤ. အဝဲတလီၤတိၢ်ကွံာ်ဘၣ်လၢနဂီၢ်မ့ၢ်ဂ့ၤပာ်လီၤတဲာ်တ့ၢ်ကွံာ်နၤ မ့ၢ်ဂ့ၤဘၣ်. အဃိတ့ၢ်စၢ်လီၤနဂံၢ်နဘါဒီးပျံၤတၢ်ဖုးတၢ်တဂ့ၤ.”