လံာ်တၢ်ဟးထီၣ်ကွံာ် 13:17 - Sgaw Karen Common Bible

¹⁷ ဒီးဖဲကီၢ်အဲၤကူပတူးအစီၤပၤပျဲပှၤဂီၢ်မုၢ်လဲၤတၢ်န့ၣ်, ကျဲလၢအလဲၤဆူပှၤဖလ့ၡသးဖိအကီၢ်မ့မ့ၢ်ကျဲလၢအဖုၣ်ဘၣ်ဆၣ် ကစၢ်ယွၤတဆှၢအဝဲသ့ၣ်လၢကျဲအဝဲန့ၣ်ဘၣ်. အဂ့ၢ်ဒ်အံၤ, ကစၢ်ယွၤစံးဝဲဒၣ်, “ယတအဲၣ်ဒိးလၢပှၤဂီၢ်မုၢ် ကလဲလိာ်ကွံာ်အသးဒီးဟဲက့ၤကဒါက့ၤဆူကီၢ်အဲၤကူပတူးဖဲ အဝဲသ့ၣ်ထံၣ်ဝဲဒၣ်လၢအကဘၣ်ဒုးတၢ်န့ၣ်ဘၣ်.”

လံာ်တၢ်ဟးထီၣ်ကွံာ် 13:17 Iomraidhean Croise

လံာ်စီၤပၤအခီၣ်ထံးတဘ့ၣ် 8:47

ဒိကနၣ်လၢ်နပှၤဂီၢ်မုၢ်အတၢ်ထုကဖၣ်တဖၣ်န့ၣ်တက့ၢ်. လၢထံကီၢ်တဖၣ်န့ၣ်အပူၤအဝဲသ့ၣ်မ့ၢ်ပီၢ်ယၢ်လီၤက့ၤအသးဒီးဘါ ထုကဖၣ်ဆူနအိၣ်, ဒီးအၢၣ်လီၤဝဲလၢအမၤတ့ၢ်တၢ်ဒဲးဘးဒီးမၤတ့ၢ်တၢ်အၢတၢ်သီ ထဲလဲၣ်ထဲလဲၣ်န့ၣ်ဒီး, ယွၤဧၢ, ဒိကနၣ်လၢ်အဝဲသ့ၣ်အတၢ်ထုကဖၣ်တဖၣ်န့ၣ်တက့ၢ်.

လံာ်စီၤနဃ့မယၤ 9:17

အဝဲသ့ၣ်ဂ့ၢ်လိာ်ဝဲလၢကစူၢ်တၢ်, အဝဲသ့ၣ်သးပ့ၤနီၣ်ကွံာ်တၢ်လၢနမၤတ့ၢ်ခဲလၢာ်လီၤ. အဝဲသ့ၣ်သးပ့ၤနီၣ်ကွံာ်လံတၢ်လီၤလးတဖၣ်လၢနမၤတ့ၢ်ဝဲ န့ၣ်လီၤ. လၢအတၢ်ပာ်ထီၣ်ထီသးအပူၤန့ၣ်အဝဲသ့ၣ်ဃုထၢအခိၣ်အနၢ်တဂၤလၢ ကဆှၢကဒါက့ၤအဝဲသ့ၣ်ဆူတၢ်မၢကဲကုၢ်အလီၢ်လၢကီၢ်အဲၤကူပတူး အပူၤန့ၣ်လီၤ. ဘၣ်ဆၣ်နမ့ၢ်နဲကစၢ်ယွၤတဂၤလၢအပျၢ်တၢ်ကမၣ်, နပှဲၤဒီးတၢ်ဘျုးတၢ်ဖှိၣ်ဒီးတၢ်အဲၣ်, ဒီးနတသးထီၣ်ညီကဒၣ်ဘၣ်. နတၢ်သူၣ်ကညီၤသးကညီၤန့ၣ်ဒိၣ်ဝဲဒီးနတလဲၤသဒၣ်အဝဲသ့ၣ်ဘၣ်.

လံာ်တၢ်ဟးထီၣ်ကွံာ် 14:10

ဖဲပှၤအံၣ်စရ့လးဖိတဖၣ်ထံၣ်ဘၣ်စီၤပၤဒီးအသုးမုၢ်ဟဲဘူး ထီၣ်ဒ်သိးကထီဒါအီၤန့ၣ်, အဝဲသ့ၣ်ပျံၤတၢ်နးနးကလဲာ်ဒီး ကိးပသူထီၣ်ဆူယွၤအအိၣ်လၢတၢ်မၤစၢၤအဂီၢ်န့ၣ်လီၤ.

မၤတၢ် 15:38

မ့မ့ၢ်စီၤပီလူးထံၣ်လၢအတကြၢးကိးအီၤဘၣ်, အဂ့ၢ်မ့ၢ်လၢအဝဲတလဲၤသကိးတ့ၢ်တၢ်ဒီးအဝဲသ့ၣ်တုၤလၢအတၢ်ဖံး တၢ်မၤဝံၤတစုဘၣ်, မ့မ့ၢ်က့ၤကဒါက့ၤဝဲဒီးပာ်တ့ၢ်အဝဲသ့ၣ်ဖဲကီၢ်ပၣ်ဖူၤလံ အဃိန့ၣ်လီၤ.

မၤတၢ် 7:39

ဘၣ်ဆၣ်ဒီးပမိၢ်ပၢ်ဖံဖုလၢပျၢၤတဖၣ်တဒိကနၣ်စီၤမိၤၡ့အကလုၢ် ဘၣ်. အဝဲသ့ၣ်ညိကွံာ်အီၤ, ဒီးလၢအသးကံၢ်ပူၤန့ၣ်က့ၤကဒါက့ၤဆူကီၢ်အဲၤကူပတူးန့ၣ်လီၤ.

လံာ်သိၣ်လီၤသီလီၤတၢ် 17:16

စီၤပၤန့ၣ်တဘၣ်အိၣ်ဒီးကသ့ၣ်တဖၣ်အါဒုလၢအသုးမုၢ်အဂီၢ်ဘၣ်. ဒီးအဝဲတဘၣ်ဆှၢလီၤပှၤဂီၢ်မုၢ်ဆူကီၢ်အဲၤကူပတူးလၢကပှ့ၤ သ့ၣ်အဂီၢ်န့ၣ်ဘၣ်. အဂ့ၢ်ဒ်အံၤ, ယွၤစံးတ့ၢ်ဝဲဒၣ်လၢ, အပှၤဂီၢ်မုၢ်တဘၣ်က့ၤကဒါက့ၤဆူ န့ၣ်နီတစုဘၣ်အဃိန့ၣ်လီၤ.

လံာ်သိၣ်လီၤသီလီၤတၢ် 20:8

သုးခိၣ်သုးနၢ်တဖၣ်ကဘၣ်စံးဘၣ်စ့ၢ်ကီးအပှၤတဖၣ်လၢ, ဖဲအံၤမ့ၢ်ပှၤအိၣ်တဂၤဂၤလၢအသဒံပှံၢ်လီၤမ့ၢ်ဂ့ၤ, အပျံၤတၢ်ဖုးတၢ်မ့ၢ်ဂ့ၤန့ၣ်ဧါ. မ့ၢ်အိၣ်ဒီး, အဝဲကဘၣ်က့ၤဆူဟံၣ်လီၤ. မ့တမ့ၢ်ဘၣ်န့ၣ်, အဝဲကမၤဟးဂီၤကွံာ် ပှၤအဂၤတဖၣ်အသးအဂံၢ်အဘါန့ၣ်လီၤ.

လံာ်သိၣ်လီၤသီလီၤတၢ် 28:68

ယွၤမ့ၢ်တစံးတ့ၢ်လၢကဆှၢကဒါက့ၤကဒီးသုဆူကီၢ်အဲၤကူပတူး ဒၣ်လဲာ်, အဝဲကဆှၢကဒါက့ၤသုဖဲန့ၣ်လၢကဘီတဖၣ်အပူၤလီၤ. ဖဲန့ၣ်သုကကျဲးစၢးဆါလီၤကွံာ်သုသးဆူသုဒုၣ်သုဒါတဖၣ် အစုပူၤဒ်ကုၢ်တဖၣ်အသိး, ဘၣ်ဆၣ်ပှၤလၢကအဲၣ်ဒိးပှ့ၤသု တအိၣ်ဘၣ်နီတဂၤဘၣ်.”

ဧ့ၤဘြံၤ 11:27

လၢတၢ်စူၢ်တၢ်နာ်န့ၣ် စီၤမိၤၡ့ဟးထီၣ်ကွံာ်လၢအဲၤကူပတူး အပူၤဒီးတပျံၤဘၣ်စီၤပၤအတၢ်သးဒိၣ်ထီၣ်န့ၣ်ဘၣ်. အဝဲအိၣ်ဂၢၢ်ဆိးကျၢၤဒီးတက့ၤကဒါက့ၤဝဲဘၣ်န့ၣ်, မၤအသးဒ်အထံၣ်ဘၣ်ကစၢ်ယွၤလၢတၢ်ထံၣ်အီၤတသ့ဘၣ် တဂၤအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 7:3

ဘိးဘၣ်သ့ၣ်ညါပှၤဂီၢ်မုၢ်ဒီးစံး, ပှၤတဂၤလၢ်လၢ်လၢအပျံၤတၢ်န့ၣ် ကြၢးက့ၤကဒါက့ၤဆူဟံၣ်, ဒီးပကအိၣ်တ့ၢ်ပဝဲဖဲကစၢၢ်ကံးလဧးအံၤလီၤ.” လၢတၢ်န့ၣ်အဃိပှၤအဂၤခံကလးခံကထိ က့ၤကဒါက့ၤဝဲဒီး ပှၤတကလးအိၣ်တီၢ်ဝဲဒၣ်န့ၣ်လီၤ.