လံာ်တၢ်ဟးထီၣ်ကွံာ် 13:15 - Sgaw Karen Common Bible

¹⁵ ဒီးဖဲပှၤအဲၤကူပတူးဖိအစီၤပၤမၤကိၤအသးဒီးဂ့ၢ်လိာ်ဝဲလၢအကပျဲ ပဟးထီၣ်န့ၣ်, ယွၤမၤသံကယဲၢ်ပှၤကညီဒီးဆၣ်ဖိကီၢ်ဖိအဖိဝဲၢ် ကိခဲလၢာ်လၢကီၢ်အဲၤကူပတူးအပူၤန့ၣ်လီၤ. မၤသးဒ်န့ၣ်ဒီးပလုၢ်ထီၣ်ကယဲၢ်ဆၣ်ဖိကီၢ်ဖိအဖိဝဲၢ်ကိခဲလၢာ် ဆူယွၤအအိၣ်န့ၣ်လီၤ. မ့မ့ၢ်ပဖိဝဲၢ်ကိပိာ်ခွါတဖၣ်န့ၣ်ပပှ့ၤကဒါက့ၤအီၤန့ၣ်လီၤ.

လံာ်တၢ်ဟးထီၣ်ကွံာ် 13:15 Iomraidhean Croise

စံးထီၣ်ပတြၢၤ 105:36

အဝဲမၤသံကွံာ်ကယဲၢ်ကီၢ်အဲၤကူပတူးအဟံၣ်ဒူၣ်ဃီထၢတဖၣ်, အဖိခွါဝဲၢ်ကိခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 12:29

လၢဖးဖီမုၢ်န့ၣ်ယွၤမၤသံကွံာ်ကယဲၢ်ဖိခွါဝဲၢ်ကိတဖၣ်လၢ ကီၢ်အဲၤကူပတူးအပူၤ, စးထီၣ်လၢစီၤပၤအဖိခွါလၢအကထီၣ်က့ၤနီ, တုၤလၢပှၤဘၣ်တၢ်စၢဃာ်လၢဃိာ်ပူၤတဖၣ်အဖိဝဲၢ်ကိန့ၣ်လီၤ. ကယဲၢ်ဆၣ်ဖိကီၢ်ဖိအဖိဝဲၢ်ကိတဖၣ်စ့ၢ်ကီးဘၣ်တၢ်မၤသံ အီၤန့ၣ်လီၤ.

လံာ်တၢ်ဟးထီၣ်ကွံာ် 3:19

ယသ့ၣ်ညါလၢကီၢ်အဲၤကူပတူးအစီၤပၤန့ၣ်မ့တမ့ၢ်ဘၣ်လၢတၢ်စိ ဒိၣ်ကမီၤထီအစုဒုၣ်အတၢ်မၤဆူၣ်အီၤဘၣ်န့ၣ်ဒီးတပျဲသုဘၣ်.

လံာ်တၢ်ဟးထီၣ်ကွံာ် 34:20

မ့မ့ၢ်ကသ့ၣ်ယီၤအဖါဝဲၢ်ကိကိးဒုဒဲးန့ၣ်သုကဘၣ်ပှ့ၤက့ၤအီၤ ခီဖျိတၢ်လုၢ်ထီၣ်သိဖိတဒုလၢအလီၢ်န့ၣ်လီၤ. သုမ့ၢ်တပှ့ၤက့ၤအီၤဘၣ်ဒီးဘိးကၢ်ကွံာ်အကိာ်တက့ၢ်. ပှ့ၤကဒါက့ၤကယဲၢ်ဖိခွါဝဲၢ်ကိကိးဂၤဒဲးတက့ၢ်. တၢ်လုၢ်တမံၤမ့ၢ်တအိၣ်ဘၣ်ဒီးမ်ပှၤသုတအိၣ်ဖျါလၢယမဲာ်ညါနီတဂၤတဂ့ၤ.

လံာ်တၢ်ဟးထီၣ်ကွံာ် 4:23

ဒီးယစံးဘၣ်နၤပျဲယဖိခွါလဲၤတၢ်, ဒ်သိးအကဘူၣ်ထီၣ်ဘါထီၣ် ယၤ, ဘၣ်ဆၣ်ဒီးနဂ့ၢ်လိာ်နဲလီၤ. ခဲအံၤယကမၤသံနဖိဝဲၢ်ကိတဖၣ်လီၤ.’ ”

လံာ်တၢ်ဂံၢ် 18:15

ဖိဝဲၢ်ကိကိးဂၤဒဲးမ့ၢ်ဂ့ၤဆၣ်ဖိကီၢ်ဖိအဝဲၢ်ကိကိးဒုဒဲး မ့ၢ်ဂ့ၤလၢပှၤအံၣ်စရ့လးဖိဟ့ၣ်ထီၣ်ဆူယအိၣ်န့ၣ်ဘၣ်ဃးဒီးနၤ လီၤ. ဘၣ်ဆၣ်ဒီးနကဘၣ်တူၢ်လိာ်တၢ်လၢတၢ်ကပှ့ၤကဒါက့ၤဖိဝဲၢ်ကိကိး ဂၤဒဲးအဂီၢ်ဒီးနဘၣ်တူၢ်လိာ်စ့ၢ်ကီးတၢ်လိးက့ၤတၢ်အပှ့ၤလၢ ကယဲၢ်ဆၣ်ဖိကီၢ်ဖိအဝဲၢ်ကိ, ကိးဒုးဒဲးလၢအတကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိး အဂီၢ်န့ၣ်လီၤ.

လံာ်တၢ်ဂံၢ် 3:46

မ့ၢ်လၢပှၤအံၣ်စရ့လးဖိအဖိခွါဝဲၢ်ကိတဖၣ်အနီၣ်ဂံၢ်အါန့ၢ် ပှၤလ့ၤဝံဖိတဖၣ်ခံကယၤနွံဆံသၢဂၤအဃိဒီး, သုကဘၣ်ပှ့ၤကဒါက့ၤသုဖိခွါအနီၣ်ဂံၢ်အဘျဲၣ်တဖၣ်န့ၣ်လီၤ.