လံာ်တၢ်ဟးထီၣ်ကွံာ် 13:12 - Sgaw Karen Common Bible

¹² သုကဘၣ်လုၢ်ထီၣ်ကယဲၢ်တၢ်အဝဲၢ်ကိကိးမံၤဒဲးဆူယွၤအအိၣ်န့ၣ်လီၤ. ဒီးကယဲၢ်သုဆၣ်ဖိကီၢ်ဖိအဝဲၢ်ကိအဖါခဲလၢာ်ဘၣ်ဃးဒီးယွၤန့ၣ်လီၤ.

လံာ်တၢ်ဟးထီၣ်ကွံာ် 13:12 Iomraidhean Croise

လံာ်စီၤနဃ့မယၤ 10:36

ပဝဲတဂၤဘၣ်တဂၤစုာ်စုာ်, ပကဟဲစိာ်ပဖိဝဲၢ်ကိပိာ်ခွါလၢအအိၣ် ဖျဲၣ်ထီၣ်ဆူပှၤလုၢ်တၢ်အခိၣ်တဖၣ်အအိၣ်လၢယွၤအတၢ်လုၢ်ဟံၣ်အပူၤ ဒီးလုၢ်ထီၣ်အီၤဆူကစၢ်ယွၤအအိၣ်, ဒ်ယူဒၤအတၢ်သိၣ်တၢ်သီဃ့ဝဲအသိးန့ၣ်လီၤ. ဂီၤဖံးဖိအဆိကတၢၢ်လၢပဝဲတဂၤစုာ်စုာ်ပဂီၤဖံးမိၢ်တဖၣ်ဖှံလီၤဝဲ, ဒီးပသိဖိမ့ၢ်ဂ့ၤ, မဲာ်တဲးလဲးဖိမ့ၢ်ဂ့ၤလၢအဖှံလီၤအဆိက တၢၢ်န့ၣ်, ပကပာ်စီဆှံစ့ၢ်ကီးအီၤန့ၣ်လီၤ.

လံာ်စီၤနဃ့မယၤ 10:37

ကိၣ်လၢပမၤအီၤအဆိကတၢၢ်ခီဖျိဘုခ့လၢပကူးဘၣ်အီၤကိးနံၣ် ဒဲး, ဒီးပတၢ်မၤဘူၣ်အဂၤလၢအမ့ၢ်စပံးထံ, သ့ၣ်စၤယံးအသိ, ဒီးကယဲၢ်သ့ၣ်သၣ်အကလုာ်ကလုာ်န့ၣ်, ပကလဲၤစိာ်အီၤဆူပှၤလုၢ်တၢ်အခိၣ်တဖၣ်အအိၣ်လၢယွၤအတၢ်လုၢ်ဟံၣ် အပူၤန့ၣ်လီၤ. တၢ်မုၢ်တၢ်ဘိလၢပသူၣ်အီၤလၢပဟီၣ်ခိၣ်အပူၤဆံဆဲၣ်ပူတပူ တဖၣ်န့ၣ်, ပကလဲၤစိာ်အီၤဆူပှၤလ့ၤဝံဖိတဖၣ်လၢအထၢဖှိၣ်တၢ်ဆံ ဆဲၣ်ပူတပူတဖၣ်လၢပဒူသဝီတဖၣ်အစံာ်ပျီပူၤအအိၣ်န့ၣ်လီၤ.

လံာ်တၢ်ဟးထီၣ်ကွံာ် 13:1

ယွၤစံးဘၣ်စီၤမိၤၡ့, “ပာ်စီဆှံကယဲၢ်ဖိဝဲၢ်ကိပိာ်ခွါခဲလၢာ်လၢယဂီၢ်တက့ၢ်. အဂ့ၢ်ဒ်အံၤ, ပှၤအံၣ်စရ့လးဖိအဖိဝဲၢ်ကိပိာ်ခွါ, ဒီးကယဲၢ်ဆၣ်ဖိကီၢ်ဖိဝဲၢ်ကိအဖါခဲလၢာ်န့ၣ်ဘၣ်ဃးဒီးယၤလီၤ.”

လံာ်တၢ်ဟးထီၣ်ကွံာ် 22:28

ကတိၤအၢတၢ်ဘၣ်ဃးဒီးကစၢ်ယွၤအဂ့ၢ်တဂ့ၤ. ဒီးဆိၣ်အၢသုပှၤဂီၢ်မုၢ်အခိၣ်အနၢ်တဂၤတဂ့ၤ.

လံာ်တၢ်ဟးထီၣ်ကွံာ် 22:29

ဟ့ၣ်ယၤတၢ်လုၢ်မၤဘူၣ်တဖၣ်လၢသုဘုဧိၤဟုဧိၤအကျါ, သုစပံးထံ, ဒီးသုသ့ၣ်စၤယံးအသိအကျါ, ဖဲအကတီၢ်ဘၣ်ဝဲန့ၣ်တက့ၢ်. ဟ့ၣ်ယၤလၢသုဖိဝဲၢ်ကိပိာ်ခွါတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 34:19

ကယဲၢ်ဖိဝဲၢ်ကိအပိာ်ခွါဒီးဆၣ်ဖိကီၢ်ဖိလၢသုဘုၣ်အီၤအဖါ ဝဲၢ်ကိန့ၣ်ဘၣ်ဃးဒီးယၤလီၤ.

လံာ်တၢ်ဟးထီၣ်ကွံာ် 34:20

မ့မ့ၢ်ကသ့ၣ်ယီၤအဖါဝဲၢ်ကိကိးဒုဒဲးန့ၣ်သုကဘၣ်ပှ့ၤက့ၤအီၤ ခီဖျိတၢ်လုၢ်ထီၣ်သိဖိတဒုလၢအလီၢ်န့ၣ်လီၤ. သုမ့ၢ်တပှ့ၤက့ၤအီၤဘၣ်ဒီးဘိးကၢ်ကွံာ်အကိာ်တက့ၢ်. ပှ့ၤကဒါက့ၤကယဲၢ်ဖိခွါဝဲၢ်ကိကိးဂၤဒဲးတက့ၢ်. တၢ်လုၢ်တမံၤမ့ၢ်တအိၣ်ဘၣ်ဒီးမ်ပှၤသုတအိၣ်ဖျါလၢယမဲာ်ညါနီတဂၤတဂ့ၤ.

လံာ်ယဃ့းစက့လး 16:20

ဝံၤဒီး, နဟံးန့ၢ်ဖိခွါတဖၣ်ဒီးဖိမုၣ်တဖၣ်လၢနဆံးစၢ်ထီၣ်န့ၢ်ယၤ, ဒီးလုၢ်ထီၣ်အဝဲသ့ၣ်ဒ်တၢ်လုၢ်တၢ်ပာ်တဖၣ်အသိးဆူတၢ်ဂီၤတၢ်ဖီၣ် ဖၣ်န့ၣ်လီၤ. ထဲနတၢ်သးတတီဒီးယၤန့ၣ်, တအၢတ့ၢ်မးလံ.

လံာ်ယဃ့းစက့လး 44:30

ပှၤလုၢ်တၢ်အခိၣ်တဖၣ်ကဘၣ်မၤန့ၢ်တၢ်အဂ့ၤကတၢၢ်လၢတၤသၣ်ဆိ တဖၣ်ဒီးတၢ်ခဲလၢာ်လၢတၢ်လုၢ်ထီၣ်ယၤအကျါန့ၣ်လီၤ. တဘျီလၢ်လၢ်ဖဲပှၤဂီၢ်မုၢ်ကုၢ်ကိၣ်န့ၣ်အဝဲသ့ၣ်ကဘၣ်ဟ့ၣ် ကိၣ်အဆိကတၢၢ်တဖျၢၣ်ဆူပှၤလုၢ်တၢ် အခိၣ်တဖၣ်အအိၣ်ဒ်တၢ်လုၢ်တၢ်ပာ်တမံၤ အသိးဒီးယတၢ်ဆိၣ်ဂ့ၤကလီၤဘၣ်လၢအဝဲ သ့ၣ်အဟံၣ်တဖၣ်အလိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:26

မ့မ့ၢ်ဆၣ်ဖိကီၢ်ဖိအဝဲၢ်ကိန့ၣ်မ့ၢ်ယွၤအတၢ်ဒီးဘၣ်ဃးဒီးယွၤလီၤ. ဒီးဂီၤဖံးမ့ၢ်ဂ့ၤ, သိမ့ၢ်ဂ့ၤ, အဝဲၢ်ကိန့ၣ်မ့ၢ်ယွၤအတၢ်လီၤ. ပှၤတဘၣ်လုၢ်ထီၣ်အီၤနီတဂၤဘၣ်.

လံာ်တၢ်ဂံၢ် 18:15

ဖိဝဲၢ်ကိကိးဂၤဒဲးမ့ၢ်ဂ့ၤဆၣ်ဖိကီၢ်ဖိအဝဲၢ်ကိကိးဒုဒဲး မ့ၢ်ဂ့ၤလၢပှၤအံၣ်စရ့လးဖိဟ့ၣ်ထီၣ်ဆူယအိၣ်န့ၣ်ဘၣ်ဃးဒီးနၤ လီၤ. ဘၣ်ဆၣ်ဒီးနကဘၣ်တူၢ်လိာ်တၢ်လၢတၢ်ကပှ့ၤကဒါက့ၤဖိဝဲၢ်ကိကိး ဂၤဒဲးအဂီၢ်ဒီးနဘၣ်တူၢ်လိာ်စ့ၢ်ကီးတၢ်လိးက့ၤတၢ်အပှ့ၤလၢ ကယဲၢ်ဆၣ်ဖိကီၢ်ဖိအဝဲၢ်ကိ, ကိးဒုးဒဲးလၢအတကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိး အဂီၢ်န့ၣ်လီၤ.

လံာ်တၢ်ဂံၢ် 3:13

ခဲကနံၣ်အံၤလၢယကအိၣ်ဒီးအံၣ်စရ့လးအဖိခွါဝဲၢ်ကိတဖၣ်ဒ် ယတၢ်ဒၣ်ယဲအလီၢ်န့ၣ်, ယအိၣ်ဒီးပှၤလ့ၤဝံဖိတဖၣ်ဒီးအဝဲသ့ၣ်ဘၣ်ဃးဒီးယၤလီၤ. ယဲဒၣ်အံၤယမ့ၢ်ယွၤလီၤ.”

လံာ်တၢ်ဂံၢ် 8:17

ဖဲယမၤသံကွံာ်ကယဲၢ်ဖိဝဲၢ်ကိလၢကီၢ်အဲၤကူပတူးအပူၤန့ၣ် ယပာ်စီဆှံတ့ၢ်ပှၤအံၣ်စရ့လးဖိအဖိခွါဝဲၢ်ကိခဲလၢာ်လၢအံၣ် စရ့လးဟံၣ်ဖိဃီဖိတဒူၣ်ဘၣ်တဒူၣ်အပူၤဒီးကယဲၢ်ဆၣ်ဖိကီၢ်ဖိ အဝဲၢ်ကိတဖၣ်န့ၣ်လီၤ.

လံာ်လူၤကၣ် 2:23

ဒ်တၢ်ကွဲးအသးလၢကစၢ်ယွၤအတၢ်သိၣ်တၢ်သီအပူၤအိၣ်ဝဲအသိး, “ကယဲၢ်ဖိဝဲၢ်ကိပိာ်ခွါတဂၤလၢ်လၢ်ကဘၣ်တၢ်ပာ်စီဆှံအီၤလၢ ကစၢ်ယွၤအမဲာ်ညါ,” န့ၣ်လီၤ.

လံာ်သိၣ်လီၤသီလီၤတၢ် 15:19

ပာ်လီၤဆီကယဲၢ်သုဂီၤဘုၣ်ဂီၤဖံးဒီးသိဖါအဝဲၢ်ကိတဖၣ်လၢ ယွၤသုကစၢ်ယွၤအဂီၢ်န့ၣ်တက့ၢ်. သုတဘၣ်သူဂီၤဘုၣ်ဂီၤဖံးတဖၣ်အံၤလၢတၢ်ဖံးတၢ်မၤအဂီၢ်ဒီး သုတဘၣ်တံာ်သုသိဖါတဖၣ်အံၤအဆူၣ်နီတဒုဘၣ်.