လံာ်တၢ်ဟးထီၣ်ကွံာ် 13:11 - Sgaw Karen Common Bible

¹¹ ဒီးယွၤကဆှၢနုာ်သုဆူပှၤကနၤဧၣ်ဖိတဖၣ်အကီၢ်ပူၤ, ကီၢ်တဘ့ၣ်လၢအအၢၣ်လီၤအီလီၤတ့ၢ်ဝဲသပှၢ်ကတၢၢ်ဒီးသုဒီးသု မိၢ်ပၢ်ဖံဖုလၢပျၢၤတဖၣ်န့ၣ်လီၤ. ဒီးတုၤအဟ့ၣ်သုလၢကီၢ်အံၤန့ၣ်ဒီး,

လံာ်တၢ်ဟးထီၣ်ကွံာ် 13:11 Iomraidhean Croise

လံာ်တၢ်ကဲထီၣ်အခီၣ်ထံး 15:18

တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး,

လံာ်တၢ်ကဲထီၣ်အခီၣ်ထံး 17:8

ယကဟ့ၣ်လီၤနၤဒီးနစၢၤနသွဲၣ်သ့ၣ်တဖၣ်လၢထံကီၢ်အံၤလၢအခဲအံၤ နမ့ၢ်ပှၤတခီဘီမုၢ်ဖိလၢအပူၤန့ၣ်လီၤ. ကီၢ်ကနၤဧၣ်ဒီဘ့ၣ်ညါန့ၣ်ကဘၣ်ဃးဒီးနစၢၤနသွဲၣ်သ့ၣ်တဖၣ်လီၤ ထူလီၤယိာ်လီၤ. ဒီးယကမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်တၢ်ကဲထီၣ်အခီၣ်ထံး 28:15

ဒီးသ့ၣ်နီၣ်လၢယကအိၣ်ဒီးနၤဒီးဒီဒၣ်အိၣ်ပှိၤနၤဖဲနလဲၤတၢ် တပူၤလၢ်လၢ်, ဒီးယကဟဲက့ၤစိာ်နၤဆူကီၢ်အံၤတက့ၢ်. ကယဲၢ်တၢ်လၢယအၢၣ်လီၤနၤတဖၣ်န့ၣ်တချုးယမၤလၢထီၣ်ပှဲၤထီၣ်ဒံး ဘၣ်ဒီးယတလဲၤသဒၣ်ဘၣ်နၤဘၣ်.”

စံးထီၣ်ပတြၢၤ 105:42

အဂ့ၢ်ဒ်အံၤ, အဝဲသ့ၣ်နီၣ်ထီၣ်က့ၤအတၢ်အၢၣ်လီၤအီလီၤစီဆှံ ဆူအခ့အပှၤစီၤအၤဘြၤဟၣ်န့ၣ်လီၤ.

လံာ်တၢ်ဟးထီၣ်ကွံာ် 13:5

ယွၤအၢၣ်လီၤအီလီၤတ့ၢ်တၢ်လီၤတံၢ်လီၤဆဲးဒီးသုမိၢ်ပၢ်ဖံ ဖုလၢပျၢၤတဖၣ်လၢအကဟ့ၣ်သုလၢပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤဃ့ၤဝံဖိဒီးပှၤယဘူၣ်ဖိတဖၣ်အကီၢ်န့ၣ်လီၤ. တုၤအဝဲဆှၢသုဆူကီၢ်လၢအထူးဝဲတီၤဝဲဒီးဟီၣ်ခိၣ်ညၣ်ထ့ၣ် ဂ့ၤဝဲတဘ့ၣ်အပူၤန့ၣ်သုကဘၣ်မၤဘူၣ်အံၤလၢလါအခီၣ်ထံး ကတၢၢ်တလါအပူၤကိးနံၣ်ဒဲးန့ၣ်လီၤ.

လံာ်တၢ်ဟးထီၣ်ကွံာ် 32:13

သ့ၣ်နီၣ်ထီၣ်က့ၤနခ့နပှၤစီၤအၤဘြၤဟၣ်, စီၤအံၤစဲး, ဒီးစီၤယၤကိာ်တက့ၢ်. သ့ၣ်နီၣ်ထီၣ်က့ၤတၢ်အၢၣ်လီၤအီလီၤ သမှံၤသပှၢ်လၢနမၤဒီးအဝဲသ့ၣ်, လၢနကဟ့ၣ်လီၤအဝဲသ့ၣ်လၢအစၢၤအသွဲၣ်အါထဲသိးသိးဒီးဆၣ်ဧိၤ ဖီဧိၤလၢမူကပိာ်လိၤဒီးဟ့ၣ်လီၤအစၢၤအသွဲၣ်တဖၣ်လၢကီၢ်တဘ့ၣ် လၢနအၢၣ်လီၤအီလီၤတ့ၢ်လၢကကဲထီၣ်အတၢ်န့ၢ်သါအထူအယိာ်န့ၣ်တက့ၢ်.”

လံာ်တၢ်ဂံၢ် 11:12

ယတတ့လီၤအဝဲသ့ၣ်မ့ၢ်ဂ့ၤ, ဒုးအိၣ်ဖျဲၣ်ထီၣ်အဝဲသ့ၣ်မ့ၢ်ဂ့ၤ ဘၣ်. ဘၣ်မနုၤလၢနမၢယမၤတၢ်ဒ်ပှၤဒုးအီၣ်နုၢ်ဖိဆံးဒီးစိာ်အဝဲ သ့ၣ်လၢယစုတီၤတဖၣ်အလိၤဒ်ဖိသၣ်ဆံးတဖၣ်အသိးလၢကျဲဒီဘိဆူ ကီၢ်တဘ့ၣ်လၢနအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်န့ၣ်လဲၣ်.