လံာ်တၢ်ဟးထီၣ်ကွံာ် 12:7 - Sgaw Karen Common Bible

⁷ ပှၤဂီၢ်မုၢ်ကဘၣ်ဟံးန့ၢ်တၢ်သွံၣ်တနီၤဒီးထွါအီၤလၢတြဲၤအထူၣ် တဖၣ်အလိၤဒီးလၢတြဲၤတဖၣ်အခိၣ်ထိးဖဲဟံၣ်လၢဆၣ်ဖိကီၢ်ဖိတဖၣ် ကဘၣ်တၢ်အီၣ်အီၤန့ၣ်လီၤ.

လံာ်တၢ်ဟးထီၣ်ကွံာ် 12:7 Iomraidhean Croise

လံာ်စီၤပၤအခီၣ်ထံးတဘ့ၣ် 6:31

တၢ်လီၢ်စီဆှံကတၢၢ်အကျဲစၢၤအိၣ်ဒီးတြဲၤဖးဒိၣ်လၢတၢ်အိး ထီၣ်အီၤသ့ခံကပၤတဘ့ၣ်လၢတၢ်မၤအီၤလၢသ့ၣ်စၤယံးန့ၣ်လီၤ. တြဲၤအခိၣ်ထိးအက့ၣ်ကွီၤန့ၣ်အဘၣ်တၢ်မၤစူအီၤလီၤ.

လံာ်တၢ်ဟးထီၣ်ကွံာ် 12:13

တၢ်သွံၣ်လၢတြဲၤအထူၣ်တဖၣ်အလိၤန့ၣ်ကမ့ၢ်တၢ်ပနီၣ်တမံၤလၢဟံၣ် လၢသုအိၣ်လၢအပူၤအဂီၢ်န့ၣ်လီၤ. တုၤယထံၣ်တၢ်သွံၣ်န့ၣ်ဒီးယကလဲၤကပာ်ကွံာ်သု, ဒီးတုၤယစံၣ်ညီၣ်ပှၤအဲၤကူပတူးဖိတဖၣ်န့ၣ်ဒီးယတမၤဆါသုဘၣ်န့ၣ်လီၤ.

လံာ်ယဃ့းစက့လး 9:4

လဲၤခီဖျိဝ့ၢ်ယရူၤၡလ့ၣ်ဒီဝ့ၢ်ညါ, “ဒီးပာ်တၢ်ပနီၣ်တမံၤလၢ ပှၤကိးဂၤဒဲးအခိၣ်တိသၣ်အလိၤ, ပှၤတဖၣ်လၢအဘၣ်တၢ်ကိၢ်တၢ်ဂီၤဒီးဘၣ်ကီဘၣ်ခဲ, မ့ၢ်လၢတၢ်လီၤသးဘၣ်အၢတဖၣ်လၢတၢ်မၤတ့ၢ်အီၤလၢဝ့ၢ်ပူၤအဃိ န့ၣ်တက့ၢ်.”

အ့းဖ့းစူး 1:7

အဂ့ၢ်ဒ်အံၤ, မ့ၢ်လၢခရံာ်အတၢ်ဒိးသံအသးအဃိ, ပဘၣ် တၢ်ပှ့ၤက့ၤပှၤဒီးပဘၣ်တၢ်မၤထူၣ်ဖျဲးထီၣ်ကွံာ်ပှၤ, ဒ်ပစံးတၢ် အသိးပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤဒ်ကစၢ်ယွၤ အဘျုးအဖှိၣ်ထူးဝဲတီၤဝဲအသိး,

လံာ်သိၣ်လီၤသီလီၤတၢ် 11:20

ကွဲးလီၤအီၤလၢသုဟံၣ်တဖၣ်အပဲတြီအထူၣ်တဖၣ်အလိၤဒီးလၢသုတြဲၤဖးဒိၣ်တဖၣ်အလိၤန့ၣ်တက့ၢ်.

ဧ့ၤဘြံၤ 10:14

အဂ့ၢ်ဒ်အံၤခီဖျိတၢ်လုၢ်ထီၣ်ပာ်ထီၣ်တဘျီဧိၤန့ၣ်အဝဲဒၣ် မၤလၢထီၣ်ပှဲၤထီၣ်လံပှၤလၢအဘၣ်တၢ်မၤစီဆှံအီၤ တဖၣ်န့ၣ်လံ.

ဧ့ၤဘြံၤ 10:29

မ့မ့ၢ်ဒ်န့ၣ်ဒီးပှၤလၢအကွၢ်တလီၤကစၢ်ယွၤအဖိခွါ, ဒီးတပာ်လုၢ်ပာ်ပှ့ၤဘၣ်ကစၢ်ယွၤအတၢ်အၢၣ်လီၤအီလီၤလၢ အမ့ၢ်ယ့ၣ်ၡူးခရံာ်အသွံၣ်လၢအမၤကဆှီထီၣ်အီၤလၢအတၢ် ဒဲးဘး, ဒီးကတိၤဒုၣ်ဒွဲၣ်ယွၤအသးလၢအလၢပှဲၤဒီးတၢ်ဘျုး တၢ်ဖှိၣ်တဂၤန့ၣ်, ကြၢးဒိးဘၣ်တၢ်စံၣ်ညီၣ်ဃၣ်အီၤနးန့ၢ်အန့ၣ် တက့ၢ်ဆံးဒိၣ်လဲၣ်.

ဧ့ၤဘြံၤ 11:28

လၢတၢ်စူၢ်တၢ်နာ်အဝဲဒုးအိၣ်ထီၣ်ဘူၣ်လဲၤကပာ်ဒီးဟ့ၣ် လီၤအကလုၢ်လၢပှၤကဘၣ်ဖှံတြဲၤအထူၣ်တဖၣ်လၢတၢ် သွံၣ်, ဒ်သိးတၢ်သံအကလူးအသုတမၤသံဘၣ်အံၣ်စရ့လး အဖိဝဲၢ်ကိတဖၣ်တဂ့ၤအဂီၢ်န့ၣ်လီၤ.

ဧ့ၤဘြံၤ 9:22

နီၢ်နီၢ်တခီဖဲအဘၣ်ဃးတၢ်သိၣ်တၢ်သီန့ၣ်, တၢ်ခဲလၢာ်ဃၣ်ဃၣ်ဘၣ်တၢ်မၤကဆှီအီၤလၢတၢ်သွံၣ်ဒီးတၢ်သွံၣ် တဘၣ်တၢ်ဂၢ်လီၤအီၤဘၣ်ဒီးတၢ်ပျၢ်တၢ်ဒဲးဘးတအိၣ်ဘၣ်လီၤ.

၁ ပ့းတရူး 1:2

သုဘၣ်တၢ်ဃုထၢထီၣ်သုဒ်ပၢ်ကစၢ်ယွၤအတၢ်တိာ်ပာ် အသိးဒီးသုဘၣ်တၢ်မၤစီဆှံထီၣ်သုခီဖျိယွၤအသး, ဒ်သိးသုကစူၢ်ယ့ၣ်ၡူးခရံာ်ဒီးအသွံၣ်ကမၤကဆှီထီၣ်က့ၤသု အဂီၢ်န့ၣ်လီၤ. မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢပှဲၤပှဲၤတက့ၢ်.