လံာ်တၢ်ဟးထီၣ်ကွံာ် 12:49 - Sgaw Karen Common Bible

⁴⁹ တၢ်သိၣ်တၢ်ဘျၢတဖၣ်အံၤဘၣ်ထွဲဒီးပှၤအံၣ်စရ့လးဖိလၢအအိၣ် ဖျဲၣ်လၢကီၢ်ပူၤမ့ၢ်ဂ့ၤပှၤတခီဘီမုၢ်ဖိလၢအအိၣ်အဆိးလၢသုကျါမ့ၢ်ဂ့ၤဒ်သိးသိးန့ၣ်လီၤ.”

လံာ်တၢ်ဟးထီၣ်ကွံာ် 12:49 Iomraidhean Croise

လံာ်တၢ်ဟးထီၣ်ကွံာ် 12:50

ဒီးကယဲၢ်ပှၤအံၣ်စရ့လးဖိခဲလၢာ်စူၢ်ဒီးမၤထွဲတၢ်လၢယွၤမၤ လိာ်တ့ၢ်စီၤမိၤၡ့ဒီးစီၤအၤဟရိၣ်တဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:34

မၤအီၤဒ်သုမၤဘၣ်ပှၤအံၣ်စရ့လးဖိကဒဲကဒဲအသိးန့ၣ်တက့ၢ်. ဒီးအဲၣ်အီၤဒ်သုအဲၣ်လီၤသုသးအသိးန့ၣ်တက့ၢ်. သ့ၣ်နီၣ်ထီၣ်က့ၤလၢတဘျီသုမ့ၢ်ပှၤတခီဘီမုၢ် ဖိလၢကီၢ်အဲၤကူပတူးအပူၤန့ၣ်တက့ၢ်. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:22

ဒီးတၢ်သိၣ်တၢ်ဘျၢအံၤမ့ၢ်လၢပှၤအံၣ်စရ့လးဖိတဖၣ်အဂီၢ်ဒီးပှၤ တခီဘီမုၢ်ဖိတဖၣ်အဂီၢ်န့ၣ်လီၤ. အဂ့ၢ်ဒ်အံၤ, ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.”

လံာ်တၢ်ဂံၢ် 15:29

တၢ်သိၣ်တၢ်ဘျၢတမံၤဃီအံၤမ့ၢ်ဝဲလၢပှၤကိးဂၤဒဲးလၢအမၤဘၣ် တၢ်ဒဲးဘးတမံၤလၢတၢ်တပာ်သူၣ်ပာ်သးအပူၤအဂီၢ်ပှၤအံၣ်စရ့လး အထံဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိလၢအဟဲအိၣ်ဖဲထံကီၢ်အံၤအပူၤမ့ၢ်ဂ့ၤန့ၣ် လီၤ.

လံာ်တၢ်ဂံၢ် 35:15

ဝ့ၢ်တဖၣ်အံၤကမ့ၢ်တၢ်ပူၤဖျဲးအဝ့ၢ်တဖၣ်လၢပှၤအံၣ်စရ့လးဖိ တဖၣ်အဂီၢ်မ့ၢ်ဂ့ၤ, ပှၤတခီဘီမုၢ်ဖိလၢအအိၣ်တစိၢ်တလီၢ်အဂီၢ်မ့ၢ်ဂ့ၤ, အိၣ်ဆိးဂၢၢ်ကျၢၤအဂီၢ်မ့ၢ်ဂ့ၤ, ဒီးပှၤတဂၤလၢ်လၢ်လၢအမၤသံဘၣ်ပှၤအဂၤတဂၤဂၤလၢတၢ်တပာ်သူၣ်ပာ် သးအပူၤမ့ၢ်ဂ့ၤဃ့ၢ်ပူၤဖျဲးအသးဆူဝ့ၢ်တဖျၢၣ်ဖျၢၣ်အံၤကသ့ဝဲဒၣ်လီၤ.

လံာ်တၢ်ဂံၢ် 9:14

ပှၤတခီဘီမုၢ်ဖိတဂၤလၢအအိၣ်လၢသုကျါမ့ၢ်သးအိၣ်မၤဘူၣ်လဲၤ ကပာ်န့ၣ်, အဝဲကဘၣ်မၤအီၤဒ်တၢ်သိၣ်တၢ်သီတဖၣ်ဒီးတၢ်သိၣ်တၢ်ဘျၢ တဖၣ်အိၣ်ဝဲအသိးန့ၣ်လီၤ. ယူဒၤအတၢ်သိၣ်တၢ်သီတမံၤဃီအံၤဘၣ်ထွဲဒီးပှၤကိးဂၤဒဲးလၢ အမ့ၢ်ထံဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိမ့ၢ်ဂ့ၤန့ၣ်လီၤ.

ကလၤတံ 3:28

အဃိ, တၢ်လီၤဆီလိာ်သးတအိၣ်ဘၣ်လၢပှၤယူဒၤဖိဒီးပှၤ ကလုာ်ဂၤတဖၣ်အဘၢၣ်စၢၤ, ပှၤကုၢ်ဖိဒီးပှၤသဘျ့ဖိတဖၣ် အဘၢၣ်စၢၤ, ပှၤပိာ်ခွါဒီးပှၤပိာ်မုၣ်တဖၣ်အဘၢၣ်စၢၤန့ၣ်ဘၣ်. သုဝဲခဲလၢာ်န့ၣ်သုမ့ၢ်တၢ်တမံၤဃီလၢယ့ၣ်ၡူးခရံာ်အပူၤ န့ၣ်လီၤ.

ကလီးစဲ 3:11

လၢတၢ်အိၣ်မူအသီအံၤအပူၤန့ၣ်, တၢ်ပာ်တၢ်အဒူၣ်အဆၢဒ် ပှၤကလုာ်အဂၤ, ဒီးပှၤယူဒၤဖိ, ပှၤဒိးတၢ်ကူးတရံးဒီးပှၤတဒိးဘၣ် တၢ်ကူးတရံး, ပှၤတခီထံတခီကီၢ်, ပှၤရၢၢ်ပှၤစၢၢ်, ပှၤကုၢ်ဖိဒီးပှၤသဘျ့ဖိတဖၣ်အိၣ်တသ့လၢၤဘၣ်. အဂ့ၢ်ဒ်အံၤ, ခရံာ်မ့ၢ်တၢ်ခဲလၢာ်ဒီးအိၣ်ဝဲဆိးဝဲလၢပှၤခဲလၢာ်အပူၤလီၤ.