လံာ်တၢ်ဟးထီၣ်ကွံာ် 12:48 - Sgaw Karen Common Bible

⁴⁸ ဘၣ်ဆၣ်ဒီးပှၤလၢတဒိးတၢ်ကူးတရံးအီၤတဖၣ်တဘၣ်အီၣ်အီၤနီတဂၤ ဘၣ်. ပှၤတခီဘီမုၢ်ဖိလၢအအိၣ်အဆိးလၢသုကျါမ့ၢ်အဲၣ်ဒိးတိၢ်န့ၢ် ဘူၣ်လဲၤကပာ်အံၤဒီးမၤလၤကပီၤယွၤန့ၣ်သုကဘၣ်ကူးတရံးဆိ ကယဲၢ်ပှၤပိာ်ခွါတဖၣ်လၢဒူၣ်ဖိထၢဖိတဒူၣ်န့ၣ်အပူၤလီၤ. စးထီၣ်ဖဲန့ၣ်အဝဲဒၣ်ကဘၣ်တၢ်ပာ်အီၤဒ်ပှၤအံၣ်စရ့လးဖိလၢ အအိၣ်ဖျဲၣ်လၢကီၢ်ပူၤတဂၤအသိးဒီးတူၢ်လိာ်အီၤလၢဘူၣ်အပူၤန့ၣ်လီၤ.

လံာ်တၢ်ဟးထီၣ်ကွံာ် 12:48 Iomraidhean Croise

လံာ်တၢ်ကဲထီၣ်အခီၣ်ထံး 17:11

စးထီၣ်ခဲအံၤဒီးဆူညါနကဘၣ်ကူးတရံးပှၤဖိသၣ်ပိာ်ခွါကိး ဂၤဒဲးဖဲအသးပှဲၤထီၣ်ဃိးသီဃုာ်ဒီးကုၢ်တဖၣ်လၢအအိၣ်ဖျဲၣ် ထီၣ်လၢနဟံၣ်ဒူၣ်ဃီထၢအပူၤမ့ၢ်ဂ့ၤ, ကုၢ်တဖၣ်လၢအဘၣ်တၢ်ပှ့ၤအီၤလၢပှၤတခီဘီမုၢ်ဖိအအိၣ်မ့ၢ်ဂ့ၤ န့ၣ်လီၤ. တၢ်အံၤကဒုးနဲၣ်ဖျါထီၣ်လၢတၢ်အၢၣ်လီၤအီလီၤအိၣ်ဝဲလၢနၤ ဒီးယၤအဘၢၣ်စၢၤန့ၣ်လီၤ.

လံာ်တၢ်ဟးထီၣ်ကွံာ် 12:19

လၢနွံသီအတီၢ်ပူၤန့ၣ်ကိၣ်မံၣ်တဘၣ်အိၣ်လၢသုဟံၣ်တဖၣ်အပူၤ ဘၣ်. အဂ့ၢ်ဒ်အံၤ, ပှၤတဂၤလၢ်လၢ်လၢအအိၣ်ဖျဲၣ်ထီၣ်လၢကီၢ်ပူၤမ့ၢ် ဂ့ၤ, လၢတခီဘီမုၢ်ပူၤမ့ၢ်ဂ့ၤ, မ့ၢ်အီၣ်ကိၣ်လၢအဘၣ်တၢ်မၤအီလၢ ကိၣ်မံၣ်ဒီးအဝဲကဘၣ်တၢ်ညိကွံာ်အီၤလၢယပှၤကလုာ်အကျါန့ၣ်လီၤ.

လံာ်တၢ်ဟးထီၣ်ကွံာ် 12:43

ဒီးယွၤစံးဘၣ်စီၤမိၤၡ့ဒီးစီၤအၤဟရိၣ်, “တၢ်တဖၣ်အံၤမ့ၢ်ဘူၣ်လဲၤကပာ်အကတၢ်သိၣ်တၢ်ဘျၢတဖၣ်လီၤ. ပှၤတခီဘီမုၢ်ဖိတဘၣ်အီၣ်ဘူၣ်လဲၤကပာ်အတၢ်အီၣ်နီတဂၤဘၣ်.

လံာ်ယဃ့းစက့လး 14:7

တဘျီလၢ်လၢ်ဖဲပှၤအံၣ်စရ့လးဖိတဖၣ်အကျါတဂၤမ့တမ့ၢ်, ပှၤတခီဘီမုၢ်ဖိလၢအအိၣ်ဆိးလၢပှၤအံၣ်စရ့လးဖိတဖၣ်အတၢ်အိၣ် မူကရူၢ်အပူၤ, ဃၣ်ဃီၤကွံာ်အသးလၢယၤဒီးဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်, ဝံၤဒီးလဲၤဃ့တၢ်ဟ့ၣ်ကူၣ်ဟ့ၣ်ဖးလၢဝံတဂၤအအိၣ်န့ၣ်, ယၤ, ယွၤအံၤကဟ့ၣ်အီၤအတၢ်စံးဆၢန့ၣ်လီၤ.

လံာ်ယဃ့းစက့လး 44:9

ယၤ, ယွၤပၢဘၣ်တၢ်ခဲလၢာ်ကစၢ်တဲဖျါလၢပှၤတခီ ဘီမုၢ်ဖိတဂၤလၢ်လၢ်လၢအတဒိးဘၣ်တၢ်ကူးတရံး, ပှၤတဂၤလၢ်လၢ်လၢအတစူၢ်ယၤဘၣ်န့ၣ်, တဟဲနုာ်ဘၣ်ဆူယတၢ်လုၢ်ဟံၣ်အပူၤဘၣ်. ပှၤတခီဘီမုၢ်ဖိတဂၤလၢအအိၣ်ဆိးလၢကီၢ်အံၣ်စရ့လး အပှၤဂီၢ်မုၢ်အကျါဒၣ်လဲာ်န့ၣ်တလဲၤနုာ် ဘၣ်ဝဲဆူယတၢ်လုၢ်ဟံၣ်အပူၤဘၣ်.”

လံာ်ယဃ့းစက့လး 47:22

ကီၢ်န့ၣ်ကဘၣ်မ့ၢ်သုတၢ်လီၤစိၤလီၤဃၣ်န့ၣ်လီၤ. ပှၤတခီဘီမုၢ်ဖိတဖၣ်လၢအအိၣ်ဆိးလၢသု ကျါဒီးပှၤတဖၣ်လၢအအိၣ်ဖျဲၣ်ထီၣ်ဖဲအံၤစ့ၢ်ကီးကဘၣ်မၤန့ၢ် စ့ၢ်ကီးတၢ်နီၤဖးလၢအဂီၢ်လၢကီၢ်အံၤအပူၤဖဲသုနီၤလီၤအီၤ အခါန့ၣ်လီၤ. အဝဲသ့ၣ်ကဘၣ်တၢ်ပာ်အီၤဒ်ပှၤအံၣ်စရ့လး အထံဖိကီၢ်ဖိတဖၣ်နီၢ်နီၢ်အသိးဒီးကဘၣ်ဖီၣ်တၢ်ဖးတဖၣ်လၢ အကီၢ်တၢ်န့ၢ်သါတဖၣ်အဂီၢ်ဃုာ်ဒီးကီၢ်အံၣ်စရ့လးအဒူၣ် ထၢတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:34

မၤအီၤဒ်သုမၤဘၣ်ပှၤအံၣ်စရ့လးဖိကဒဲကဒဲအသိးန့ၣ်တက့ၢ်. ဒီးအဲၣ်အီၤဒ်သုအဲၣ်လီၤသုသးအသိးန့ၣ်တက့ၢ်. သ့ၣ်နီၣ်ထီၣ်က့ၤလၢတဘျီသုမ့ၢ်ပှၤတခီဘီမုၢ် ဖိလၢကီၢ်အဲၤကူပတူးအပူၤန့ၣ်တက့ၢ်. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဂံၢ် 9:14

ပှၤတခီဘီမုၢ်ဖိတဂၤလၢအအိၣ်လၢသုကျါမ့ၢ်သးအိၣ်မၤဘူၣ်လဲၤ ကပာ်န့ၣ်, အဝဲကဘၣ်မၤအီၤဒ်တၢ်သိၣ်တၢ်သီတဖၣ်ဒီးတၢ်သိၣ်တၢ်ဘျၢ တဖၣ်အိၣ်ဝဲအသိးန့ၣ်လီၤ. ယူဒၤအတၢ်သိၣ်တၢ်သီတမံၤဃီအံၤဘၣ်ထွဲဒီးပှၤကိးဂၤဒဲးလၢ အမ့ၢ်ထံဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိမ့ၢ်ဂ့ၤန့ၣ်လီၤ.

ကလၤတံ 3:28

အဃိ, တၢ်လီၤဆီလိာ်သးတအိၣ်ဘၣ်လၢပှၤယူဒၤဖိဒီးပှၤ ကလုာ်ဂၤတဖၣ်အဘၢၣ်စၢၤ, ပှၤကုၢ်ဖိဒီးပှၤသဘျ့ဖိတဖၣ် အဘၢၣ်စၢၤ, ပှၤပိာ်ခွါဒီးပှၤပိာ်မုၣ်တဖၣ်အဘၢၣ်စၢၤန့ၣ်ဘၣ်. သုဝဲခဲလၢာ်န့ၣ်သုမ့ၢ်တၢ်တမံၤဃီလၢယ့ၣ်ၡူးခရံာ်အပူၤ န့ၣ်လီၤ.

ကလီးစဲ 3:11

လၢတၢ်အိၣ်မူအသီအံၤအပူၤန့ၣ်, တၢ်ပာ်တၢ်အဒူၣ်အဆၢဒ် ပှၤကလုာ်အဂၤ, ဒီးပှၤယူဒၤဖိ, ပှၤဒိးတၢ်ကူးတရံးဒီးပှၤတဒိးဘၣ် တၢ်ကူးတရံး, ပှၤတခီထံတခီကီၢ်, ပှၤရၢၢ်ပှၤစၢၢ်, ပှၤကုၢ်ဖိဒီးပှၤသဘျ့ဖိတဖၣ်အိၣ်တသ့လၢၤဘၣ်. အဂ့ၢ်ဒ်အံၤ, ခရံာ်မ့ၢ်တၢ်ခဲလၢာ်ဒီးအိၣ်ဝဲဆိးဝဲလၢပှၤခဲလၢာ်အပူၤလီၤ.