လံာ်တၢ်ဟးထီၣ်ကွံာ် 12:37 - Sgaw Karen Common Bible

³⁷ ပှၤအံၣ်စရ့လးဖိတဖၣ်ဟးထီၣ်ဝဲလၢအခီၣ်စးထီၣ်လၢဝ့ၢ်ရၤမစ့ တုၤဆူဝ့ၢ်စူးကိၤသးန့ၣ်လီၤ. ပှၤပိာ်ခွါအိၣ်ဝဲဒၣ်အဂၤဃုကလီၢ်ဃၣ် ဃၣ်ဒီးပိာ်မုၣ်တဖၣ်ဒီးဖိသၣ်တဖၣ်တဘၣ်တၢ်ဂံၢ်ဃုာ်အီၤဘၣ်.

လံာ်တၢ်ဟးထီၣ်ကွံာ် 12:37 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 15:5

ယွၤကိးထီၣ်အီၤဆူတၢ်ချၢဒီးစံးဝဲဒၣ်, “ကွၢ်ထီၣ်ဆူမူခိၣ် ဒီးဂံၢ်ကွၢ်ဆၣ်ဧိၤဖီဧိၤန့ၣ်တက့ၢ်. နကအိၣ်ဒီးနစၢၤနသွဲၣ်အါအါဂီၢ်ဂီၢ်ဒ်န့ၣ်အသိးလီၤ.”

လံာ်တၢ်ကဲထီၣ်အခီၣ်ထံး 46:3

ကစၢ်ယွၤစံးဘၣ်အီၤ, “ယမ့ၢ်ကစၢ်ယွၤ, နပၢ်အကစၢ်ယွၤလီၤ. နကလဲၤဆူကီၢ်အဲၤကူပတူးန့ၣ်ပျံၤတၢ်တ ဂ့ၤ. ယကဒုးကဲထီၣ်နစၢၤနသွဲၣ်တဖၣ်လၢပှၤကလုာ်ဖးဒိၣ်ဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 47:11

အန့ၣ်ဒီး, ဒ်စီၤပၤမၤလိာ်တ့ၢ်ဝဲအသိးန့ၣ်, စီၤယိၤသးဒုးအိၣ်ဒုးဆိးအပၢ်ဒီးအဒီပုၢ်ဝဲၢ်ခွါတဖၣ်လၢ ကီၢ်အဲၤကူပတူးအပူၤ, ဖဲတၢ်လီၢ်အဂ့ၤကတၢၢ်ဘူးဒီးဝ့ၢ်ရၤမစ့, ဒီးဟ့ၣ်လီၤဃုာ်အီၤတၢ်စုလီၢ်ခီၣ်ခိၣ်လီၤ.

လံာ်တၢ်ဟးထီၣ်ကွံာ် 1:11

မၤသးဒ်န့ၣ်ဒီး, ပှၤအဲၤကူပတူးဖိတဖၣ်ပာ်လီၤပှၤအခိၣ်တဖၣ်လၢ တၢ်မၢကဲကုၢ်တၢ်အဂီၢ်လၢပှၤအံၣ်စရ့လးဖိသ့ၣ်တဖၣ်အဖီခိၣ်ဒ် သိးကမၤဟးဂီၤကွံာ်အသူၣ်အသးခီဖျိတၢ်မၤဆူၣ်မၤနၢၤန့ၣ် လီၤ. ဒီးပှၤအံၣ်စရ့လးဖိသ့ၣ်တဖၣ်သူၣ်ထီၣ်ဝ့ၢ်ပံသိၣ်ဒီးဝ့ၢ်ရၤ မစ့လၢကကဲထီၣ်တၢ်ပာ်ဖှိၣ်တၢ်အလီၢ်ခၢၣ်သးတဖၣ်လၢစီၤပၤအဂီၢ် န့ၣ်လီၤ.

လံာ်တၢ်ဟးထီၣ်ကွံာ် 10:9

စီၤမိၤၡ့စံးဆၢဝဲဒၣ်, “ပကလဲၤဒီးပဖိဒံဖိသၣ်, ပပှၤသူၣ်က့သးပှၢ်တဖၣ်, ပဖိခွါတဖၣ်ဒီးပဖိမုၣ်တဖၣ်, ပသိ, ပမဲာ်တဲးလဲးဒီးပဂီၤဘုၣ်ဂီၤဖံးတဖၣ်န့ၣ်လီၤ. အဂ့ၢ်ဒ်အံၤပကဘၣ်မၤမူးလၢတၢ်မၤလၤကပီၤယွၤအဂီၢ်န့ၣ်လီၤ.”

လံာ်တၢ်ဟးထီၣ်ကွံာ် 13:20

ပှၤအံၣ်စရ့လးဖိတဖၣ်ဟးထီၣ်လၢဝ့ၢ်စူးကိၤသးဒီးသူၣ်လီၤအဒဲ တဖၣ်ဖဲဝ့ၢ်အ့သၣ်လၢပှၢ်မုၢ်ကနၢအဃၢၤန့ၣ်လီၤ.

လံာ်တၢ်ဟးထီၣ်ကွံာ် 38:26

တၢ်ပာ်ဖှိၣ်တၢ်လၢအန့ၢ်အံၤပှဲၤသိးသိးဒီးကယဲၢ်ပှၤကိးဂၤဒဲး လၢအဆဲးလီၤအမံၤလၢတၢ်ဂံၢ်နီၣ်အပူၤအတၢ်ဟ့ၣ်ခဲလၢာ်ပာ်ဖှိၣ် န့ၣ်လီၤ. ပှၤတဂၤဘၣ်တဂၤစုာ်စုာ်ဟ့ၣ်တၢ်ဒ်တၢ်လီၤဘၣ်အီၤ, လီၤတယၢၢ်ဝဲဒ်တၢ်လီၢ်စီဆှံအနီၣ်ထိၣ်အိၣ်ဝဲအသိးန့ၣ်လီၤ. ပှၤပိာ်ခွါလၢအသးအိၣ်အနံၣ်ဃုဆံဆူအဖီခိၣ်, အနီၣ်ဂံၢ်အိၣ်ဝဲဃုကလီၢ်သၢကထိယဲၢ်ကယၤယဲၢ်ဆံဂၤ, လၢတၢ်ဆဲးလီၤမံၤအတၢ်ဂံၢ်နီၣ်အပူၤန့ၣ်လီၤ.

လံာ်တၢ်ဂံၢ် 1:2

“နၤဒီးစီၤအၤဟရိၣ်ကဘၣ်ထၢဖှိၣ်ဂံၢ်နီၣ်ကီၢ်အံၣ်စရ့လးအပှၤ ဂီၢ်မုၢ်အနီၣ်ဂံၢ်တခါဒ်ဒူၣ်ထၢတဖၣ်ဒီးဟံၣ်ဒူၣ်ဃီထၢတဖၣ်စုာ် စုာ်န့ၣ်လီၤ. ကွဲးနီၣ်ကယဲၢ်ပိာ်ခွါကိးဂၤအမံၤ,

လံာ်တၢ်ဂံၢ် 11:21

စီၤမိၤၡ့စံးဘၣ်ယွၤ, “ခဲအံၤယပၢဆှၢပှၤဂီၢ်မုၢ်ဃုကလီၢ်ဂၤဒီး နစံးလၢနကဟ့ၣ်အဝဲသ့ၣ်တၢ်ဖံးတၢ်ညၣ်လၢဝဲလၢတလါအဂီၢ် လီၤ.

လံာ်တၢ်ဂံၢ် 2:32

ကီၢ်အံၣ်စရ့လးအပှၤဂီၢ်မုၢ်ဆဲးလီၤအမံၤလၢကရူၢ်တဖၣ်အပူၤ အနီၣ်ဂံၢ်ခဲလၢာ်မ့ၢ်ဝဲဃုကလီၢ်သၢကထိယဲၢ်ကယၤယဲၢ်ဆံ ဂၤန့ၣ်လီၤ.

လံာ်တၢ်ဂံၢ် 26:51

ပှၤအံၣ်စရ့လးဖိပိာ်ခွါအနီၣ်ဂံၢ်ပာ်ဖှိၣ်ခဲလၢာ်မ့ၢ်ဝဲပှၤဃု ကလီၢ်တကထိနွံကယၤသၢဆံဂၤန့ၣ်လီၤ.

လံာ်တၢ်ဂံၢ် 33:3

ကီၢ်အံၣ်စရ့လးအပှၤဂီၢ်မုၢ်ဟးထီၣ်လၢကီၢ်အဲၤကူပတူးလၢနံၣ် တနံၣ်လၢအခီၣ်ထံးကတၢၢ်တလါထီၣ်တဆံယဲၢ်သီအနံၤ, ဖဲဘူၣ်လဲၤ ကပာ်ဝံၤလၢခံတနံၤန့ၣ်လီၤ. လၢကစၢ်ယွၤအတၢ်ဒီဒၣ်အိၣ်ပှိၤအဖီလာ်န့ၣ်အဝဲသ့ၣ်ဟးထီၣ်လၢ ဝ့ၢ်ရၤမစ့ဖဲပှၤအဲၤကူပတူးဖိတဖၣ်ထံၣ်ဘၣ်ဝဲပှဲၤမဲာ်ပှဲၤနါ

လံာ်တၢ်ဂံၢ် 33:5

ကီၢ်အံၣ်စရ့လးအပှၤဂီၢ်မုၢ်ဟးထီၣ်လၢဝ့ၢ်ရၤမစ့ဒီးသူၣ်ထီၣ် အဒဲဖဲစူးကိၤသးလီၤ.