လံာ်တၢ်ဟးထီၣ်ကွံာ် 12:31 - Sgaw Karen Common Bible

³¹ ဒီးလၢမုၢ်တနၤဃီန့ၣ်စီၤပၤမၢပှၤလဲၤကိးန့ၢ်အီၤစီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “သုဝဲဒီးသုပှၤအံၣ်စရ့လးဖိခဲလၢာ် ဟးထီၣ်ကွံာ်တက့ၢ်. ပာ်တ့ၢ်ယထံယကီၢ်, လဲၤဒီးဘူၣ်ထီၣ်ဘါထီၣ်ယွၤ ဒ်သုဃ့တ့ၢ်လံအသိးန့ၣ်တက့ၢ်.

လံာ်တၢ်ဟးထီၣ်ကွံာ် 12:31 Iomraidhean Croise

စံးထီၣ်ပတြၢၤ 105:38

ပှၤအဲၤကူပတူးဖိတဖၣ် ပျံၤအဝဲသ့ၣ်ဒီး သးခုဝဲဖဲအဝဲသ့ၣ်ဟးထီၣ်ကွံာ်ဝဲန့ၣ်လီၤ.

လံာ်တၢ်ဟးထီၣ်ကွံာ် 10:29

စီၤမိၤၡ့စံးဆၢအီၤ, “ဒ်နစံးတ့ၢ်နဲအသိးနတထံၣ်ဘၣ်ယၤနီတစုလၢၤဘၣ်.”

လံာ်တၢ်ဟးထီၣ်ကွံာ် 10:9

စီၤမိၤၡ့စံးဆၢဝဲဒၣ်, “ပကလဲၤဒီးပဖိဒံဖိသၣ်, ပပှၤသူၣ်က့သးပှၢ်တဖၣ်, ပဖိခွါတဖၣ်ဒီးပဖိမုၣ်တဖၣ်, ပသိ, ပမဲာ်တဲးလဲးဒီးပဂီၤဘုၣ်ဂီၤဖံးတဖၣ်န့ၣ်လီၤ. အဂ့ၢ်ဒ်အံၤပကဘၣ်မၤမူးလၢတၢ်မၤလၤကပီၤယွၤအဂီၢ်န့ၣ်လီၤ.”

လံာ်တၢ်ဟးထီၣ်ကွံာ် 11:1

ဒီးယွၤစံးဘၣ်စီၤမိၤၡ့ဒီးစံးဝဲဒၣ်, “ယကဒုးဘၣ်ဒံးကီၢ် အဲၤကူပတူးအစီၤပၤဒီးအပှၤဂီၢ်မုၢ်လၢတၢ်နးတၢ်ဖှီၣ်တမံၤဒံးလီၤ. အဝဲန့ၣ်ဝံၤအလီၢ်ခံအဝဲကပျၢ်သုလီၤ. သပှၢ်ကတၢၢ်အဝဲကဟီ ထီၣ်ကွံာ်သုခဲလၢာ်ဖဲအံၤလီၤ.

လံာ်တၢ်ဟးထီၣ်ကွံာ် 11:8

စီၤမိၤၡ့မၤကတၢၢ်အတၢ်ကတိၤစံးဝဲဒၣ်, “နပဒိၣ်ပပှၢ်ခဲလၢာ် ကဟဲဆူယအိၣ်ဒီးတီၤလီၤလၢယမဲာ်ညါဒီးအဝဲသ့ၣ်ကဃ့ကညး ယၤဒ်သိးယကဟးထီၣ်ကွံာ်ဒီးယပှၤဂီၢ်မုၢ်ခဲလၢာ်န့ၣ်လီၤ. ဒီးတၢ်န့ၣ်အလီၢ်ခံယကဟးထီၣ်ကွံာ်န့ၣ်လီၤ.” အန့ၣ်ဝံၤဒီးစီၤမိၤၡ့ဟးထီၣ်လၢစီၤပၤအအိၣ်လၢတၢ်သးထီၣ် အပူၤန့ၣ်လီၤ.

လံာ်တၢ်ဟးထီၣ်ကွံာ် 12:39

အဝဲသ့ၣ်ဘၢကိၣ်တအိၣ်ဘၣ်ဒီးကိၣ်မံၣ်လၢကိၣ်ကမူၣ်ဃါဃုာ်ဒီးထံ လၢအဟဲစိာ်ဝဲလၢကီၢ်အဲၤကူပတူးအပူၤန့ၣ်လီၤ. အဂ့ၢ်ဒ်အံၤ, အဝဲသ့ၣ်ဘၣ်တၢ်နီၣ်ထီၣ်ကွံာ်အီၤလၢကီၢ်အဲၤကူ ပတူးအပူၤသတူၢ်ကလာ်အဃိတၢ်ဆၢကတီၢ်တအီၣ်ဘၣ်လၢက, ကတဲာ်ကတီၤအတၢ်အီၣ်မ့ၢ်ဂ့ၤ, ကတဲာ်ကတီၤကိၣ်ကမူၣ်ဃါဃုာ် ဒီးထံမ့ၢ်ဂ့ၤဘၣ်န့ၣ်လီၤ.

လံာ်တၢ်ဟးထီၣ်ကွံာ် 6:1

ဒီးယွၤစံးဘၣ်စီၤမိၤၡ့, “ခဲကနံၣ်အံၤနကထံၣ်ဘၣ်တၢ်လၢ ယကမၤကီၢ်အဲၤကူပတူးအစီၤပၤဒ်လဲၣ်န့ၣ်လီၤ. အဂ့ၢ်ဒ်အံၤ, ယကမၢဆူၣ်အီၤဒ်သိးကပျၢ်ယပှၤဂီၢ်မုၢ်လီၤ. ယကမၢဆူၣ်အီၤဒ်သိးကဟီထီၣ်ကွံာ်အဝဲသ့ၣ်လၢ အကီၢ်ပူၤသပှၢ်ကတၢၢ်န့ၣ်လီၤ.”

လံာ်တၢ်ဟးထီၣ်ကွံာ် 8:25

ဒီးစီၤပၤမၢပှၤကိးန့ၢ်အီၤစီၤမိၤၡ့ဒီးစီၤအၤဟရိၣ်ဒီး စံးဝဲဒၣ်, “လဲၤဒီးလုၢ်တၢ်ပာ်တၢ်ဆူသုကစၢ်ယွၤ, ဖဲအံၤလၢကီၢ်အံၤအပူၤတက့ၢ်.”

လံာ်တၢ်ဟးထီၣ်ကွံာ် 8:8

စီၤပၤမၢပှၤကိးန့ၢ်အီၤစီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “ဃ့ကညးယွၤလၢအကဒုးဟးထီၣ်ကွံာ်ဒ့ၣ်ဧိၤကွီၣ်ဧိၤလၢယ အိၣ်, ဒီးလၢယပှၤဂီၢ်မုၢ်အအိၣ်တက့ၢ်. ဒီးယကပျၢ်သုပှၤဂီၢ်မုၢ်ဒ်သိး အဝဲသ့ၣ်လဲၤလုၢ်တၢ်ပာ်တၢ်ဆူယွၤအအိၣ်ကသ့ဝဲန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 6:6

သုဘၣ်မၤကိၤသုခိၣ်ဒ်ကီၢ်အဲၤကူပတူးအစီၤပၤဒီးပှၤအဲၤကူပတူးဖိတဖၣ်အသိးန့ၣ် ဘၣ်မနုၤလဲၣ်. ကစၢ်ယွၤမၤပျုၢ်တ့ၢ်အဝဲ သ့ၣ်တုၤဒၣ်လဲာ်အဝဲသ့ၣ်ပျဲပှၤအံၣ်စရ့လးဖိတဖၣ်ဟးထီၣ်ကွံာ် လၢကီၢ်အဲၤကူပတူးဒ်လဲၣ်န့ၣ်သးပ့ၤနီၣ်တဂ့ၤ.