လံာ်တၢ်ဟးထီၣ်ကွံာ် 12:3 - Sgaw Karen Common Bible

³ ဟ့ၣ်လီၤတၢ်သိၣ်တၢ်သီတဖၣ်အံၤလၢပှၤအံၣ်စရ့လးဖိအဒူၣ်ဖိ ထၢဖိခဲလၢာ်အဂီၢ်န့ၣ်တက့ၢ်. လါထီၣ်အသီတဆံအနံၤလၢလါတဘ့ၣ်အံၤအပူၤန့ၣ်, ပှၤတဂၤဘၣ်တဂၤကဘၣ်ဃုထၢသိဖိတဒုမ့တမ့ၢ်မဲာ်တဲးလဲးအစၢ်ဖိ တဒုလၢအဟံၣ်ဖိဃီဖိအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 12:3 Iomraidhean Croise

လံာ်တၢ်ကဲထီၣ်အခီၣ်ထံး 22:8

စီၤအၤဘြၤဟၣ်စံးဆၢဝဲ, “ကစၢ်ယွၤအနီၢ်ကစၢ်ဒၣ်ဝဲ ကဟ့ၣ်လီၤသိဖိတဒုန့ၣ်လီၤ.” ဒီးအဝဲသ့ၣ်ခံဂၤလဲၤသကိးတၢ်ဆူညါလီၤ.

လံာ်တၢ်ကဲထီၣ်အခီၣ်ထံး 4:4

ဒီးစီၤဟ့းဘ့းလးဟဲစိာ်စ့ၢ်ကီးသိဝဲၢ်ကိလၢအဖှံလီၤလၢအသိ အကျါတဒုဒီးမၤသံဝဲဝံၤနီၤဖးဝဲတၢ်ဖံးတၢ်ညၣ်အဂ့ၤကတၢၢ် တနီၤဒီးဟ့ၣ်ထီၣ်ဝဲဒ်တၢ်လုၢ်တၢ်ပာ်တမံၤအသိးန့ၣ်လီၤ. ယွၤဘၣ်သူၣ်ဘၣ်သးလၢစီၤဟ့းဘ့းလးဒီးအတၢ်လုၢ်တၢ်ပာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:7

လၢပှၤဂီၢ်မုၢ်ကသူဝဲလၢဘူၣ်လဲၤကပာ်အဂီၢ်န့ၣ်, စီၤပၤယိၤၡံယၤဟ့ၣ်မၤဘူၣ်လီၤသိ, သိဖိတဖၣ်, မဲာ်တဲးလဲးဖိ တဖၣ်ခဲလၢာ်အဒု သၢကလး ဒီးဂီၤဖံးဖါအဒု သၢကယၤ လၢအဆၣ်ဖိကီၢ်ဖိဒီးအသိအဖုအဂီၢ်ဒၣ်ဝဲ အကျါန့ၣ်လီၤ.

လံာ်တၢ်ဟးထီၣ်ကွံာ် 12:2

“လါတလါအံၤလၢသုဂီၢ်ကဘၣ်မ့ၢ်လါအခီၣ်ထံးကတၢၢ်တလါလၢတနံၣ် ဘၣ်တနံၣ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 12:21

ဒီးစီၤမိၤၡ့ကိးန့ၢ်ကီၢ်အံၣ်စရ့လးဖိအခိၣ်အနၢ်ခဲလၢာ်ဒီး စံးဘၣ်အဝဲသ့ၣ်, “သုဝဲတဂၤဘၣ်တဂၤသုကဘၣ်ဃုထၢထီၣ်သိဖိတဒုမ့တမ့ၢ်မဲာ် တဲးလဲးဖိတဒု, ဒီးမၤသံအီၤဒ်သိးသုဒူၣ်ဖိထၢဖိတဖၣ်မၤဘူၣ်လဲၤ ကပာ်ကသ့အဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 12:4

အဟံၣ်ဖိဃီဖိမ့ၢ်စှၤကဲာ်ဆိးလၢကအီၣ်ဆၣ်ဖိကီၢ်ဖိဒီဒုညါန့ၣ်ဒီး, မ်အဝဲဒၣ်ဒီးအပှၤလၢအအိၣ်ဘူးဒီးအဟံၣ်န့ၣ်ကနီၤလိာ်သကိးအသး ဒ်ပှၤအနီၣ်ဂံၢ်အိၣ်ဝဲအသိးဒီးအီၣ်ဝဲကလၢာ်န့ၣ်တက့ၢ်.

လံာ်တၢ်ဟးထီၣ်ကွံာ် 12:6

ဒီးလၢလါတလါအံၤတဆံလွံၢ်နံၤတနံၤဟါခီန့ၣ်ကီၢ်အံၣ်စရ့လး အကမျၢၢ်အဟံၣ်ဖိဃီဖိကိးဒူၣ်ဒဲးကဘၣ်မၤသံဆၣ်ဖိကီၢ်ဖိတဖၣ် န့ၣ်လီၤ.

လံာ်တၢ်ဟးထီၣ်ကွံာ် 14:15

ဒီးယွၤစံးဘၣ်စီၤမိၤၡ့, “ဘၣ်မနုၤနကိးပသူထီၣ်လၢတၢ်မၤ စၢၤအဂီၢ်လဲၣ်. တဲဘၣ်ပှၤဂီၢ်မုၢ်ဒ်သိးအကလဲၤဆူညါတက့ၢ်.

လံာ်တၢ်ဟးထီၣ်ကွံာ် 20:19

ဒီးအဝဲသ့ၣ်စံးဘၣ်စီၤမိၤၡ့, “နမ့ၢ်ကတိၤတၢ်ဒီးပှၤဒီးပကဒိကနၣ်လီၤ. ဘၣ်ဆၣ်ဒီးပပျံၤတၢ်လၢကစၢ်ယွၤမ့ၢ်ကတိၤတၢ်ဆူပအိၣ်န့ၣ်ပကသံ ဘၣ်ဖုးန့ၣ်လီၤ.”

လံာ်တၢ်ဟးထီၣ်ကွံာ် 4:30

ဒီးစီၤအၤဟရိၣ်တဲဘၣ်အဝဲသ့ၣ်လၢကယဲၢ်တၢ်လၢယွၤစံးဘၣ်စီၤမိၤၡ့တဖၣ်န့ၣ်လီၤ. ဒီးစီၤမိၤၡ့မၤတၢ်လီၤလးတဖၣ်လၢပှၤဂီၢ်မုၢ်အမဲာ်ညါန့ၣ်လီၤ.

လံာ်တၢ်ဟးထီၣ်ကွံာ် 6:6

လၢတၢ်န့ၣ်အဃိတဲဘၣ်ပှၤအံၣ်စရ့လးဖိတဖၣ်လၢယစံးဘၣ်အဝဲသ့ၣ်, ‘ယမ့ၢ်ယွၤလီၤ. ယကဒုးဟးထီၣ်ကွံာ်သုဒီးမၤထူၣ်ဖျဲးသုလၢပှၤ အဲၤကူပတူးဖိတဖၣ်အတၢ်မၢကဲကုၢ်သုန့ၣ်လီၤ. ယကယူာ်ထီၣ်ယစုဒုၣ်ဆူၣ်ဒီးဒုးလီၤဘၣ်တၢ်စံၣ်ညီၣ်လီၤ ပျံၤလီၤဖုးလၢအဝဲသ့ၣ်အလိၤဒီးယကအုၣ်က့ၤခီၣ်က့ၤသုလီၤ.

လံာ်ယဃ့းစက့လး 40:1

တၢ်န့ၣ်မ့ၢ်နံၣ်ထီၣ်သီအသီတဆံအနံၤလၢပဘၣ်တၢ်စိာ်မၢကဲကုၢ်ပှၤ ပှဲၤထီၣ်ခံဆံယဲၢ်နံၣ်တနံၣ်ဝံၤအလီၢ်ခံဒီးဖဲဝ့ၢ်ယရူၤၡလ့ၣ်ဘၣ်တၢ်ဒုး န့ၢ်အီၤဝံၤတဆံလွံၢ်တနံၣ်အလီၢ်ခံန့ၣ်လီၤ. လၢမုၢ်နံၤအဝဲန့ၣ်, ယကလၢၢ်ဘၣ်ယွၤအိၣ်ဒီးယၤအတၢ်စိတၢ်ကမီၤ, ဒီးအဝဲစိာ်ထီၣ်ကွံာ်ယၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:2

လၢပှၤအံၣ်စရ့လးဖိကတိၢ်နီၣ်မၤထွဲဝဲဖဲအလုၢ်ထီၣ်တၢ်လုၢ်တၢ် ပာ်တဖၣ်န့ၣ်လီၤ. ပှၤတဂၤလၢ်လၢ်မ့ၢ်လုၢ်ထီၣ်တၢ်လုၢ်တၢ်ပာ်ဘၣ်ဃးဒီးဆၣ်ဖိကီၢ်ဖိန့ၣ်, ကဘၣ်မ့ၢ်အဂီၤဖံး, မ့တမ့ၢ်အသိ, မ့တမ့ၢ်အမဲာ်တဲးလဲးအကျါတဒုန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:6

ဒီးကဘၣ်ဟဲစိာ်သိဖိမ့ၢ်ဂ့ၤ, မဲာ်တဲးလဲးဖိမ့ၢ်ဂ့ၤ, အမိၢ်တဒု လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဆူယွၤအအိၣ်န့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ဒဲးဘးလၢအဝဲ အဂီၢ်ဒီးအတၢ်ဒဲးဘးအဂီၢ်န့ၣ်လီၤ.

လံာ်တၢ်ဂံၢ် 15:11

တၢ်န့ၣ်မ့ၢ်တၢ်လၢတၢ်ကဘၣ်လုၢ်ထီၣ်ပာ်ထီၣ်အီၤဃုာ်ဒီးဂီၤဖံး ဖါတဒု, သိဖါတဒုဒီးမဲာ်တဲးလဲးတဒုစုာ်စုာ်န့ၣ်လီၤ.

လံာ်ယိၤဟၣ် 1:29

မုၢ်ဆ့ၣ်ထီၣ်တနံၤစီၤယိၤဟၣ်ထံၣ်ဘၣ်ယ့ၣ်ၡူးဟဲဆူအအိၣ်ဒီး စံးဝဲ, “ကွၢ်ကွၢ်အဝဲမ့ၢ်ကစၢ်ယွၤအသိဖိလၢအစိာ်ထီၣ်ကွံာ် ပှၤဟီၣ်ခိၣ်ဖိအတၢ်ဒဲးဘးန့ၣ်လီၤ.

လံာ်ယိၤဟၣ် 1:36

ဒီးထံၣ်ဘၣ်ယ့ၣ်ၡူးလဲၤတၢ်ဒီးစံး, “ကွၢ်ကွၢ်, ကစၢ်ယွၤအသိဖိန့ၣ်လီၤ.”

လံာ်ယိၤဟၣ် 12:1

ဘူၣ်လဲၤကပာ်တချုးဘၣ်ဃုသီန့ၣ်, ယ့ၣ်ၡူးလဲၤဆူသဝီဘ့ၤသနံဖဲ စီၤလါစရူးလၢအဝဲဒုးဂဲၤဆၢထၢၣ်သမူထီၣ်က့ၤတဂၤအိၣ်ဝဲ အလီၢ်န့ၣ်လီၤ.

လံာ်ယိၤဟၣ် 12:12

လၢခံတနံၤ, ပှၤဂီၢ်မုၢ်ဖးဒိၣ်လၢအဟဲဆူဘူၣ်လဲၤကပာ် တဖၣ်နၢ်ဟူလၢယ့ၣ်ၡူးဟဲဝဲဆူဝ့ၢ်ယရူၤၡလ့ၣ်န့ၣ်လီၤ.

1 ကရံၣ်သူး 5:7

သုကဘၣ်ထုးကွံာ်ကိၣ်မံၣ်လီၢ်လံၤဘၣ်ဃးဒီးတၢ်ဒဲးဘး, ဒ်သိးသုကကဆှီထီၣ်လၢာ်လၢာ်ဆ့ဆ့အဂီၢ်န့ၣ်လီၤ. တုၤနုၤတစုသုကလီၤဂာ်ဒီးကိၣ်ကမူၣ်ကျဲအသးဒီးထံအသီ တကိၢ်လိၣ်လၢအတအိၣ်ဃုာ်ဒီးကိၣ်မံၣ်ဘၣ်, ဒ်ယနာ်သပှၢ်ကတၢၢ်လၢသုမ့ၢ်တၢ်နီၢ်နီၢ်အသိးန့ၣ်လီၤ. အဂ့ၢ်ဒ်အံၤခဲကနံၣ်အံၤ, ဖဲလၢခရံာ်, ပဘူၣ်လဲၤကပာ် အသိဖိ, ဘၣ်တၢ်လုၢ်ထီၣ်တ့ၢ်လံအီၤအဆၢကတီၢ်န့ၣ်, ပဘူၣ်လဲၤကပာ်အမူးအိၣ်ကတဲာ်ကတီၤအသးလံန့ၣ်လီၤ.

လံာ်စီၤယိၤၡူ 7:14

လၢမုၢ်ဂီၤအဆၢကတီၢ်န့ၣ်, သုကဘၣ်တၢ်ဟဲစိာ်ဘူးသုဒ်သုဒူၣ်တဖၣ် ဒီးဒူၣ်လၢယွၤဃုထၢအီၤန့ၣ်, ကဟဲဘူးဝဲဒ်အဒူၣ်ထၢတဖၣ်အသိး, ဒီးဒူၣ်ထၢလၢယွၤဃုထၢအီၤ န့ၣ်ကဟဲဘူးဝဲဒ်ဒူၣ်ဖိထၢဖိတဒူၣ်ဘၣ်တဒူၣ်အသိး, ဒီးဒူၣ်ဖိထၢဖိလၢယွၤဃုထၢအီၤန့ၣ်ကဟဲဘူးဝဲဒ်ပှၤတဂၤဘၣ် တဂၤအသိးန့ၣ်လီၤ.

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:9

စီၤၡမူၤအ့လးမၤသံသိဖိတဒုဒီးဆူးကဲၤထီၣ်အီၤဒီဒု ဒ်တၢ်လုၢ်တၢ်ပာ်တမံၤဆူယွၤအအိၣ်လီၤ. အန့ၣ်ဝံၤဒီးအဝဲဘါထုကဖၣ်တၢ်ဆူယွၤအအိၣ်ဒ်သိးအကမၤစၢၤကီၢ်အံၣ်စရ့လး, ဒီးယွၤစံးဆၢအဝဲအတၢ်ထုကဖၣ်လီၤ.