လံာ်တၢ်ဟးထီၣ်ကွံာ် 12:29 - Sgaw Karen Common Bible

²⁹ လၢဖးဖီမုၢ်န့ၣ်ယွၤမၤသံကွံာ်ကယဲၢ်ဖိခွါဝဲၢ်ကိတဖၣ်လၢ ကီၢ်အဲၤကူပတူးအပူၤ, စးထီၣ်လၢစီၤပၤအဖိခွါလၢအကထီၣ်က့ၤနီ, တုၤလၢပှၤဘၣ်တၢ်စၢဃာ်လၢဃိာ်ပူၤတဖၣ်အဖိဝဲၢ်ကိန့ၣ်လီၤ. ကယဲၢ်ဆၣ်ဖိကီၢ်ဖိအဖိဝဲၢ်ကိတဖၣ်စ့ၢ်ကီးဘၣ်တၢ်မၤသံ အီၤန့ၣ်လီၤ.

လံာ်တၢ်ဟးထီၣ်ကွံာ် 12:29 Iomraidhean Croise

လံာ်တၢ်ကဲထီၣ်အခီၣ်ထံး 15:14

ဘၣ်ဆၣ်ဒီး, ယကစံၣ်ညီၣ်ပှၤတကလုာ်လၢအမၢကဲကုၢ်အဝဲသ့ၣ်, ဒီးတုၤအဝဲသ့ၣ်ဟးထီၣ်ကွံာ်လၢပှၤထံပှၤကီၢ်န့ၣ်အဝဲသ့ၣ်ကစိာ် ဃုာ်တၢ်ထူးတၢ်တီၤအါအါဂီၢ်ဂီၢ်န့ၣ်လီၤ.

လံာ်စီၤယိၤဘး 34:20

ပှၤကညီတဂၤကသံဝဲသတူၢ်ကလာ်လၢမုၢ်နၤလီၤ. ကစၢ်ယွၤဆီၣ်လီၤပှၤကညီသ့ၣ်တဖၣ်ဒီးအဝဲသ့ၣ်ဟးဂီၤ ကွံာ်ဝဲလီၤ. ဒီးသုးကွံာ်ပှၤဂံၢ်ဆူၣ်ဘါဆူၣ်တဖၣ်ညီကဒၣ် န့ၣ်လီၤ.

စံးထီၣ်ပတြၢၤ 105:36

အဝဲမၤသံကွံာ်ကယဲၢ်ကီၢ်အဲၤကူပတူးအဟံၣ်ဒူၣ်ဃီထၢတဖၣ်, အဖိခွါဝဲၢ်ကိခဲလၢာ်န့ၣ်လီၤ.

စံးထီၣ်ပတြၢၤ 135:8

အဝဲဒၣ်န့ၣ်မ့ၢ်ပှၤလၢအကျီသံကွံာ် ပှၤအဲၤကူပတူးအဖိဝဲၢ်ကိ, ဒီးဆၣ်ဖိကီၢ်ဖိဝဲၢ်ကိစ့ၢ်ကီးန့ၣ်လီၤ.

စံးထီၣ်ပတြၢၤ 136:10

အဝဲကျီသံကွံာ်ပှၤအဲၤကူပတူးဖိအဖိဝဲၢ်ကိလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 78:50

အဝဲတြီဃာ်အတၢ်သးဒိၣ် ဒီးတပျၢ်ဖျဲးအဝဲသ့ၣ်အသးသမူဘၣ် မ့မ့ၢ်မၤသံအဝဲသ့ၣ်လၢတၢ်သံသတြိာ်န့ၣ်လီၤ.

စံးထီၣ်ပတြၢၤ 78:51

အဝဲမၤသံကယဲၢ်ဖိခွါဝဲၢ်ကိတဖၣ်လၢ ကီၢ်အဲၤကူပတူးအဟံၣ်ဖိဃီဖိအကျါန့ၣ်လီၤ.

လံာ်တၢ်ဟးထီၣ်ကွံာ် 11:1

ဒီးယွၤစံးဘၣ်စီၤမိၤၡ့ဒီးစံးဝဲဒၣ်, “ယကဒုးဘၣ်ဒံးကီၢ် အဲၤကူပတူးအစီၤပၤဒီးအပှၤဂီၢ်မုၢ်လၢတၢ်နးတၢ်ဖှီၣ်တမံၤဒံးလီၤ. အဝဲန့ၣ်ဝံၤအလီၢ်ခံအဝဲကပျၢ်သုလီၤ. သပှၢ်ကတၢၢ်အဝဲကဟီ ထီၣ်ကွံာ်သုခဲလၢာ်ဖဲအံၤလီၤ.

လံာ်တၢ်ဟးထီၣ်ကွံာ် 12:12

လၢမုၢ်နၤအဝဲန့ၣ်ယကလဲၤခီဂာ်ကီၢ်အဲၤကူပတူးဒီးမၤသံကွံာ် ကယဲၢ်တၢ်အဝဲၢ်ကိအပိာ်ခွါမ့တမ့ၢ်အဖါလၢကီၢ်အဲၤကူပတူးအပူၤ လၢပှၤကညီတုၤလၢဆၣ်ဖိကီၢ်ဖိဒီးစံၣ်ညီၣ်ကီၢ်အဲၤကူပတူး အကစၢ်ခဲလၢာ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်တၢ်ဟးထီၣ်ကွံာ် 12:28

အန့ၣ်ဒီးပှၤအံၣ်စရ့လးဖိတဖၣ်လဲၤဒီးမၤဝဲဒ်ယွၤမၤလိာ်စီၤမိၤၡ့ဒီးစီၤအၤဟရိၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 13:15

ဒီးဖဲပှၤအဲၤကူပတူးဖိအစီၤပၤမၤကိၤအသးဒီးဂ့ၢ်လိာ်ဝဲလၢအကပျဲ ပဟးထီၣ်န့ၣ်, ယွၤမၤသံကယဲၢ်ပှၤကညီဒီးဆၣ်ဖိကီၢ်ဖိအဖိဝဲၢ် ကိခဲလၢာ်လၢကီၢ်အဲၤကူပတူးအပူၤန့ၣ်လီၤ. မၤသးဒ်န့ၣ်ဒီးပလုၢ်ထီၣ်ကယဲၢ်ဆၣ်ဖိကီၢ်ဖိအဖိဝဲၢ်ကိခဲလၢာ် ဆူယွၤအအိၣ်န့ၣ်လီၤ. မ့မ့ၢ်ပဖိဝဲၢ်ကိပိာ်ခွါတဖၣ်န့ၣ်ပပှ့ၤကဒါက့ၤအီၤန့ၣ်လီၤ.

လံာ်တၢ်ဟးထီၣ်ကွံာ် 4:23

ဒီးယစံးဘၣ်နၤပျဲယဖိခွါလဲၤတၢ်, ဒ်သိးအကဘူၣ်ထီၣ်ဘါထီၣ် ယၤ, ဘၣ်ဆၣ်ဒီးနဂ့ၢ်လိာ်နဲလီၤ. ခဲအံၤယကမၤသံနဖိဝဲၢ်ကိတဖၣ်လီၤ.’ ”

လံာ်တၢ်ဟးထီၣ်ကွံာ် 9:6

လၢမုၢ်ဆ့ၣ်ထီၣ်တနံၤန့ၣ်ယွၤမၤဝဲဒ်အစံးတ့ၢ်ဝဲအသိး, ဒီးပှၤအဲၤကူပတူးဖိတဖၣ်အဆၣ်ဖိကီၢ်ဖိသံဝဲခဲလၢာ်န့ၣ်လီၤ. မ့မ့ၢ်ပှၤအံၣ်စရ့လးဖိအဆၣ်ဖိကီၢ်ဖိတသံဝဲနီတဒုဘၣ်.

လံာ်ယၡါယၤ 24:22

ကစၢ်ယွၤကပာ်ဖှိၣ်ကတံာ်ကတူာ်စီၤပၤတဖၣ်တပူၤဃီ, ဒ်ပှၤဃိာ်ဖိတဖၣ်လၢတၢ်ပူၤတပူၤအသိးန့ၣ်လီၤ. အဝဲကကးတံာ်အဝဲသ့ၣ်လၢဃိာ်ပူၤတုၤတၢ်စံၣ်ညီၣ်အဝဲသ့ၣ် အကတီၢ်ဟဲဝဲလီၤ.

လံာ်ယၡါယၤ 41:11

ပှၤလၢအသးထီၣ်ဘၣ်သုတဖၣ်ကသ့ၣ်ညါဘၣ်တၢ်ဃၣ်ကွံာ်အတၢ်မဲာ်ဆှး န့ၣ်လီၤ. ပှၤလၢအဒုးတၢ်ထီဒါသုတဖၣ်ကသံဝဲလီၤ.

လံာ်ယၡါယၤ 51:14

ပှၤတဖၣ်လၢအဘၣ်တၢ်စၢဃာ်အီၤ လၢဃိာ်ပူၤန့ၣ်တယံာ်လၢၤဘၣ်ဒီး ကဘၣ်တၢ်မၤထူၣ်ဖျဲးအီၤလီၤ. အဝဲသ့ၣ်ကအိၣ်မူလၢတၢ်အိၣ်ကၢအိၣ်ခိးအပူၤ ဒီးကအိၣ်ဒီးတၢ်အီၣ်ခဲလၢာ်လၢအလိၣ်ဘၣ်ဝဲန့ၣ်လီၤ.

လံာ်ယံးရမံယၤ 38:13

ဒီးအဝဲသ့ၣ်ထုးထီၣ်ကွံာ်ယၤလၢ ထံပူၤန့ၣ်လီၤ. တၢ်အံၤဝံၤ အလီၢ်ခံဒီး, ယဘၣ်တၢ်ပာ်ယၤလၢဃိာ်လၢအအိၣ်လၢနူၢ် အဂၢၤပူၤန့ၣ်လီၤ.

လံာ်ယံးရမံယၤ 38:6

လၢတၢ်န့ၣ်အဃိ, အဝဲသ့ၣ်ဟံးန့ၢ်ယၤဒီးစဲၤလီၤယၤလၢ ပျံၤဆူ စီၤပၤဖိခွါစီၤမၤလကံယၤအထံပူၤလၢ အအိၣ်ဝဲလၢ နူၢ်အဂၢၤပူၤန့ၣ်လီၤ. လၢထံပူၤန့ၣ်ထံတအိၣ်ဘၣ်. အိၣ်ဒၣ်ထဲကပံာ်ဒီးယလီၤဘျၢလၢ ကပံာ်အကျါန့ၣ်လီၤ.

လံာ်ဃဘးကူာ် 3:5

အဝဲဆှၢလီၤတၢ်ဆူးတၢ်ဆါလၢအမဲာ်ညါ ဒီးမၤလိာ်တၢ်သံလၢကပိာ်ထွဲထီၣ်အခံန့ၣ်လီၤ.

လံာ်စကၤရယၤ 9:11

ယွၤစံးဝဲဒၣ်, “မ့ၢ်လၢယတၢ်အၢၣ်လီၤအီလီၤလၢယမၤဒီးနၤ လၢအဘၣ်တၢ်စဲပနီၣ်ဃာ်အီၤ လၢတၢ်လုၢ်တဖၣ်အတၢ်သွံၣ်အဃိဒီး, ယကမၤထူၣ်ဖျဲးနပှၤဂီၢ်မုၢ်, ကထူၣ်ဖျဲးထီၣ်လၢတၢ်ကဲကုၢ်အတၢ်ယိာ်ပူၤ, ဖဲထံတအိၣ်ဘၣ်အလီၢ်န့ၣ်လီၤ.

လံာ်တၢ်ဂံၢ် 3:13

ခဲကနံၣ်အံၤလၢယကအိၣ်ဒီးအံၣ်စရ့လးအဖိခွါဝဲၢ်ကိတဖၣ်ဒ် ယတၢ်ဒၣ်ယဲအလီၢ်န့ၣ်, ယအိၣ်ဒီးပှၤလ့ၤဝံဖိတဖၣ်ဒီးအဝဲသ့ၣ်ဘၣ်ဃးဒီးယၤလီၤ. ယဲဒၣ်အံၤယမ့ၢ်ယွၤလီၤ.”

လံာ်တၢ်ဂံၢ် 33:4

ပှၤတဖၣ်လၢအခူၣ်လီၤကွံာ်အဖိဝဲၢ်ကိတဖၣ်လၢယွၤမၤသံတ့ၢ်အီၤ န့ၣ်လီၤ. လၢအတၢ်မၤဒ်အံၤအဃိ, ယွၤဒုးနဲၣ်ဝဲလၢအဝဲအစိကမီၤဒိၣ်န့ၢ်ဒံးကီၢ်အဲၤကူပတူး အကစၢ်တဖၣ်တက့ၢ်န့ၣ်လီၤ.

လံာ်တၢ်ဂံၢ် 8:17

ဖဲယမၤသံကွံာ်ကယဲၢ်ဖိဝဲၢ်ကိလၢကီၢ်အဲၤကူပတူးအပူၤန့ၣ် ယပာ်စီဆှံတ့ၢ်ပှၤအံၣ်စရ့လးဖိအဖိခွါဝဲၢ်ကိခဲလၢာ်လၢအံၣ် စရ့လးဟံၣ်ဖိဃီဖိတဒူၣ်ဘၣ်တဒူၣ်အပူၤဒီးကယဲၢ်ဆၣ်ဖိကီၢ်ဖိ အဝဲၢ်ကိတဖၣ်န့ၣ်လီၤ.

ဧ့ၤဘြံၤ 11:28

လၢတၢ်စူၢ်တၢ်နာ်အဝဲဒုးအိၣ်ထီၣ်ဘူၣ်လဲၤကပာ်ဒီးဟ့ၣ် လီၤအကလုၢ်လၢပှၤကဘၣ်ဖှံတြဲၤအထူၣ်တဖၣ်လၢတၢ် သွံၣ်, ဒ်သိးတၢ်သံအကလူးအသုတမၤသံဘၣ်အံၣ်စရ့လး အဖိဝဲၢ်ကိတဖၣ်တဂ့ၤအဂီၢ်န့ၣ်လီၤ.

ဧ့ၤဘြံၤ 12:23

ဆူပှၤဂီၢ်မုၢ်လၢအပှဲၤဒီးတၢ်သးခုဒီးတၢ်အိၣ်ဖှိၣ်ဘၣ်ဃးဒီး ဝဲၢ်ကိလၢအမံၤအိၣ်ကွဲးအသးလၢမူခိၣ်တဖၣ်အအိၣ်, ဒီးဆူကစၢ်ယွၤလၢအစံၣ်ညီၣ်ပှၤခဲလၢာ်အအိၣ်, ဒီးဆူပှၤအတီအလိၤအသးလၢအဘၣ်တၢ်မၤလၢထီၣ်ပှဲၤထီၣ်အီၤ တဖၣ်အအိၣ်,