လံာ်တၢ်ဟးထီၣ်ကွံာ် 12:27 - Sgaw Karen Common Bible

²⁷ သုကဘၣ်စံးဆၢလၢအအံၤမ့ၢ်တၢ်လုၢ်တၢ်ပာ်ဘၣ်ဃးဘူၣ်လဲၤကပာ်လၢ တၢ်ကမၤလၤကပီၤယွၤအဂီၢ်န့ၣ်လီၤ. အဂ့ၢ်ဒ်အံၤ, ယွၤလဲၤကပာ်ကွံာ်ပှၤအံၣ်စရ့လးဖိတဖၣ်အဟံၣ်လၢ ကီၢ်အဲၤကူပတူးအပူၤန့ၣ်လီၤ. အဝဲမၤသံကွံာ်ပှၤအဲၤကူပတူးဖိတဖၣ်ဒီးပျၢ်ဖျဲးပှၤန့ၣ်လီၤ.” ဒီးပှၤအံၣ်စရ့လးဖိတဖၣ်တီၤလီၤဒီးဘူၣ်ထီၣ်ဘါထီၣ်ယွၤလီၤ.

လံာ်တၢ်ဟးထီၣ်ကွံာ် 12:27 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:20

အန့ၣ်ဝံၤဒီး, စီၤဒၤဝံးမၤလိာ်လီၤပှၤဂီၢ်မုၢ်, “စံးထီၣ်ပတြၢၤယွၤသုကစၢ်ယွၤန့ၣ်တက့ၢ်.” ဒီးပှၤဂီၢ်မုၢ်လၢအဟဲအိၣ်ဖှိၣ်ရိဖှိၣ်ခဲလၢာ်စံးထီၣ်ပတြၢၤယွၤ, အမိၢ်ပၢ်ဖံဖုလၢပျၢၤသ့ၣ်တဖၣ်အကစၢ်ယွၤ, ဒီးအဝဲသ့ၣ်သကူးလီၤအသးဒီးဟ့ၣ်တၢ်ယူးယီၣ်ဆူယွၤဒီးဆူ စီၤပၤစ့ၢ်ကီးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:18

အန့ၣ်ဒီး, စီၤပၤယဟိၡၤဖးသကူးလီၤအသး, အိၣ်ဒီးအမဲာ်ကျးလီၤအသးလၢဟီၣ်ခိၣ်လိၤဒီးကယဲၢ်ပှၤဂီၢ်မုၢ် ခဲလၢာ်သကူးလီၤအသးဃုာ်ဒီးအီၤ, ဒီးဘူၣ်ထီၣ်ဘါထီၣ်ယွၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:30

စီၤပၤဒီးပှၤကလုာ်အခိၣ်အနၢ်တဖၣ်တဲဘၣ်ပှၤလ့ၤဝံဖိတဖၣ်လၢ ကသးဝံၣ်စံးထီၣ်ပတြၢၤယွၤလၢတၢ်သးဝံၣ်စံးထီၣ်ပတြၢၤလၢ အဘၣ်တၢ်ကွဲးအီၤလၢစီၤဒၤဝံးဒီးဝံအၤစာ်န့ၣ်လီၤ. လၢတၢ်န့ၣ်အဃိပှၤကိးဂၤဒဲးသးဝံၣ်ထီၣ်တၢ်လၢတၢ်သးခု ဖးဒိၣ်အပူၤဖဲအဝဲသ့ၣ်တီၤလီၤကဒွံကျိာ်ဒီးဘူၣ်ထီၣ်ဘါထီၣ် ကစၢ်ယွၤအခါန့ၣ်လီၤ.

လံာ်စီၤနဃ့မယၤ 8:6

စီၤဧ့စြၤစံးဝဲဒၣ်, “စံးထီၣ်ပတြၢၤယွၤ, ကစၢ်ဖးဒိၣ်န့ၣ်တက့ၢ်.” ဒီးကယဲၢ်ပှၤဂီၢ်မုၢ်ခဲလၢာ်ယူာ်ထီၣ်အစုဆူထးခီဒီးစံးဆၢဝဲ, “အၤမ့ၣ်, အၤမ့ၣ်” န့ၣ်လီၤ. ဒီးအဝဲသ့ၣ်ချံးခီၣ်တီၤလီၤလၢတၢ်ဘူၣ်ထီၣ်ဘါထီၣ်အပူၤအိၣ် ဒီးအမဲာ်သၣ်အိၣ်ကျးလီၤအသးလၢဟီၣ်ခိၣ်လိၤန့ၣ်လီၤ.

စံးထီၣ်ပတြၢၤ 44:1

ကစၢ်ယွၤဧၢ, ပနၢ်ဟူတ့ၢ်လၢပနၢ်, ပပၢ်သ့ၣ်တဖၣ်တဲတ့ၢ်ပှၤ တၢ်ဖံးတၢ်မၤလၢနမၤတ့ၢ်လၢအမုၢ်နံၤတဖၣ်, မုၢ်နံၤလၢပျၢၤန့ၣ်လီၤ.

စံးထီၣ်ပတြၢၤ 78:5

အဝဲဟ့ၣ်လီၤတၢ်သိၣ်တၢ်သီတဖၣ်ဆူ အံၣ်စရ့လးအပှၤဂီၢ်မုၢ် ဒီးတၢ်မၤလိာ်တဖၣ်ဆူ ယၤကိာ်အစၢၤအသွဲၣ်န့ၣ်လီၤ. အဝဲသိၣ်လိတ့ၢ်လံပပၢ်သ့ၣ်တဖၣ်လၢ ကသိၣ်လိယွၤအတၢ်သိၣ်တၢ်သီ ဆူအဖိအလံၤတဖၣ်,

လံာ်တၢ်ဟးထီၣ်ကွံာ် 10:2

ဒီးဒ်သိးသုကတဲသုဖိသုလံၤတဖၣ်လၢယမၤပျုၢ်ပှၤအဲၤကူပတူး ဖိတဖၣ်ဒ်လဲၣ်, ဖဲယမၤတၢ်ပနီၣ်လီၤလးတဖၣ်အခါန့ၣ်လီၤ. ဒီးသုကသ့ၣ်ညါလၢယမ့ၢ်ယွၤန့ၣ်လီၤ.”

လံာ်တၢ်ဟးထီၣ်ကွံာ် 12:11

သုကဘၣ်အီၣ်အီၤချ့ချ့လီၤ. အဂ့ၢ်ဒ်အံၤ, သုကဘၣ်ကတဲာ်ကတီၤသုသးလၢတၢ်လဲၤတၢ်က့ၤအဂီၢ်, အိၣ်ဒီးသုခီၣ်ဖံးတဖၣ်လၢသုခီၣ်အလိၤဒီးသုနီၣ်က့အိၣ်လၢ သုစုပူၤန့ၣ်လီၤ. အအံၤမ့ၢ်ဘူၣ်လဲၤကပာ်လၢတၢ်မၤလၤကပီၤယၤယွၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 12:23

ဖဲယွၤလဲၤခီဂာ်ကီၢ်အဲၤကူပတူးဒ်သိးကမၤသံပှၤအဲၤကူပတူး ဖိတဖၣ်အခါန့ၣ်ကထံၣ်ဝဲတၢ်သွံၣ်အိၣ်လၢကျိၤတဖၣ်အလိၤဒီးတြဲၤ အထူၣ်တဖၣ်အလိၤဒီးတပျဲဘၣ်အတၢ်သံ အကလူးနုာ်လီၤဆူသုဟံၣ်တဖၣ်အပူၤဒီးမၤသံသုဘၣ်န့ၣ်လီၤ.

လံာ်တၢ်ဟးထီၣ်ကွံာ် 12:28

အန့ၣ်ဒီးပှၤအံၣ်စရ့လးဖိတဖၣ်လဲၤဒီးမၤဝဲဒ်ယွၤမၤလိာ်စီၤမိၤၡ့ဒီးစီၤအၤဟရိၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 13:14

ဒီးခါဆူညါန့ၣ်တုၤသုဖိခွါတဖၣ်သံကွၢ်သုလၢတၢ်အလုၢ်အလၢ် အံၤအခီပညီမ့ၢ်တၢ်မနုၤလဲၣ်န့ၣ်ဒီးသုကဘၣ်စံးဆၢအီၤ, ယွၤသူအစိကမီၤဖးဒိၣ်ဒီးထုးထီၣ်ကွံာ်ပှၤလၢကီၢ်အဲၤကူပတူး, ဖဲတၢ်လီၢ်လၢပကဲတ့ၢ်ကုၢ်န့ၣ်လီၤ.

လံာ်တၢ်ဟးထီၣ်ကွံာ် 13:8

ဖဲဘူၣ်စးထီၣ်န့ၣ်, တဲနၢ်ပၢၢ်သုဖိခွါတဖၣ်လၢသုမၤတၢ်အံၤ န့ၣ်မ့ၢ်လၢယွၤမၤတ့ၢ်တၢ်လၢသုဂီၢ်ဖဲသုဟးထီၣ်လၢကီၢ်အဲၤ ကူပတူးအဃိန့ၣ်တက့ၢ်.

လံာ်တၢ်ဟးထီၣ်ကွံာ် 34:25

ဖဲသုလုၢ်ထီၣ်ဆၣ်ဖိကီၢ်ဖိတဒုဆူယအိၣ်န့ၣ်လုၢ်ထီၣ်ကိၣ်လၢအအိၣ်ဒီးကိၣ်မံၤတဂ့ၤ. ဆၣ်ဖိကီၢ်ဖိလၢဘၣ်တၢ်မၤသံအီၤဖဲဘူၣ်လဲၤကပာ်အနံၤန့ၣ်ပာ် ဃးအဖံးအညၣ်တုၤမုၢ်ဆ့ၣ်ထီၣ်တနံၤနီတမံၤတဂ့ၤ.

လံာ်တၢ်ဟးထီၣ်ကွံာ် 34:8

စီၤမိၤၡ့တီၤလီၤချ့ချ့ဆူဟီၣ်ခိၣ်လိၤဒီးဘူၣ်ထီၣ်ဘါထီၣ်တၢ်လီၤ.

လံာ်တၢ်ဟးထီၣ်ကွံာ် 4:31

ဒီးပှၤဂီၢ်မုၢ်နာ်ဝဲဒီးဖဲအဝဲသ့ၣ်နၢ်ဟူဝဲဒၣ်လၢကစၢ်ယွၤဟဲဆူ အဝဲသ့ၣ်အအိၣ်ဒီးထံၣ်အတၢ်နးတၢ်ဖှီၣ်န့ၣ်အဝဲသ့ၣ်ဆုးလီၤအခိၣ် ဒီးဘူၣ်ထီၣ်ဘါထီၣ်ယွၤလီၤ.

1 ကရံၣ်သူး 5:7

သုကဘၣ်ထုးကွံာ်ကိၣ်မံၣ်လီၢ်လံၤဘၣ်ဃးဒီးတၢ်ဒဲးဘး, ဒ်သိးသုကကဆှီထီၣ်လၢာ်လၢာ်ဆ့ဆ့အဂီၢ်န့ၣ်လီၤ. တုၤနုၤတစုသုကလီၤဂာ်ဒီးကိၣ်ကမူၣ်ကျဲအသးဒီးထံအသီ တကိၢ်လိၣ်လၢအတအိၣ်ဃုာ်ဒီးကိၣ်မံၣ်ဘၣ်, ဒ်ယနာ်သပှၢ်ကတၢၢ်လၢသုမ့ၢ်တၢ်နီၢ်နီၢ်အသိးန့ၣ်လီၤ. အဂ့ၢ်ဒ်အံၤခဲကနံၣ်အံၤ, ဖဲလၢခရံာ်, ပဘူၣ်လဲၤကပာ် အသိဖိ, ဘၣ်တၢ်လုၢ်ထီၣ်တ့ၢ်လံအီၤအဆၢကတီၢ်န့ၣ်, ပဘူၣ်လဲၤကပာ်အမူးအိၣ်ကတဲာ်ကတီၤအသးလံန့ၣ်လီၤ.

လံာ်သိၣ်လီၤသီလီၤတၢ် 16:2

လဲၤဆူတၢ်ဘူၣ်ထီၣ်ဘါထီၣ်အလီၢ်တတီၤဒီးဖဲန့ၣ်မၤသံသုသိ အကျါတဒုမ့တမ့ၢ်သုဂီၤဘုၣ်ဂီၤဖံးအကျါတဒုလၢဘူၣ်လဲၤကပာ် အတၢ်အီၣ်အဂီၢ်လၢတၢ်မၤလၤကပီၤယွၤသုကစၢ်အဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 16:5

မၤသံဘူၣ်လဲၤကပာ်အဆၣ်ဖိကီၢ်ဖိတဖၣ်ဖဲဒၣ်တၢ်ဘူၣ်ထီၣ်ဘါထီၣ် အလီၢ်တတီၤဧိၤဒီးတမ့ၢ်ဘၣ်လၢတၢ်လီၢ်အဂၤ, လၢကီၢ်လၢယွၤ, သုကစၢ်ယွၤဟ့ၣ်လီၤသုန့ၣ်ဘၣ်.