လံာ်တၢ်ဟးထီၣ်ကွံာ် 12:22 - Sgaw Karen Common Bible

²² ဒီးဟံးန့ၢ်ကဖျီၣ်အ့စိးတကဒိၣ်ဒီးဘျၢလီၤအီၤလၢသလၢအိၣ် ဒီးဆၣ်ဖိကီၢ်ဖိအသွံၣ်အပူၤဒီးထွါတၢ်သွံၣ်န့ၣ်လၢတြဲၤအထူၣ် တဖၣ်အလိၤဒီးကျိၤအိၣ်လၢသုဟံၣ်အတြဲၤဖီခိၣ်တက့ၢ်. တချုးလၢမုၢ်ဆ့ၣ်ထီၣ်ဒံးဘၣ်န့ၣ်ပှၤလၢသုကျါတဘၣ်ဟးထီၣ်လၢ ဟံၣ်နီတဂၤဘၣ်.

လံာ်တၢ်ဟးထီၣ်ကွံာ် 12:22 Iomraidhean Croise

စံးထီၣ်ပတြၢၤ 51:7

မၤကဆှီယၤလၢကဖျီၣ်အ့စိးတက့ၢ်. ဒီးယကကဆှီထီၣ်လီၤ. သ့စီယၤတက့ၢ်, ဒီးယကဝါန့ၢ်မူခိၣ်ဖီလီၤ.

လံာ်တၢ်ဟးထီၣ်ကွံာ် 12:7

ပှၤဂီၢ်မုၢ်ကဘၣ်ဟံးန့ၢ်တၢ်သွံၣ်တနီၤဒီးထွါအီၤလၢတြဲၤအထူၣ် တဖၣ်အလိၤဒီးလၢတြဲၤတဖၣ်အခိၣ်ထိးဖဲဟံၣ်လၢဆၣ်ဖိကီၢ်ဖိတဖၣ် ကဘၣ်တၢ်အီၣ်အီၤန့ၣ်လီၤ.

လံာ်ယၡါယၤ 26:20

လဲၤနုာ်ဆူသုဟံၣ်တဖၣ်အပူၤ, ယပှၤဂီၢ်မုၢ်သ့ၣ်ဧၢ, ဒီးကးတံာ်တြဲၤလၢသုလီၢ်ခံတက့ၢ်. ပာ်ခူသူၣ်သုသးတစိၢ် ဖိတုၤကစၢ်ယွၤအတၢ်သးဒိၣ်လဲၤပူၤကွံာ်တက့ၢ်.

လံာ်တၢ်ဂံၢ် 19:18

အဆိကတၢၢ်န့ၣ်, ပှၤတဂၤဂၤလၢအကဆှီဝဲဒ်တၢ်ဘူၣ်တၢ်ဘါအလုၢ် အလၢ်အသိးန့ၣ်ကဘၣ်မၤန့ၢ်ကဖျီၣ်အ့စိးအဒ့ဖိတဒ့, ဘျုးလီၤအီၤလၢ ထံကျါဒီးဖှံဒဲန့ၣ်ဒီး ကယဲၢ်တၢ်ကိးမံၤဒဲးလၢအအိၣ်လၢဒဲပူၤ ဒီးပှၤကိးဂၤဒဲးလၢအအိၣ်ဖဲန့ၣ်လီၤ. ဝံၤဒီး, ပှၤလၢအကဆှီဝဲ ဒ်တၢ်ဘူၣ်တၢ်ဘါအလုၢ်အလၢ်အသိးတဂၤန့ၣ် ကဘၣ်ဖှံထံန့ၣ်လၢပှၤတဂၤ လၢအထိးဘၣ်ပှၤကညီအဃံမ့ၢ်ဂ့ၤ, ပှၤသံစိၣ်မ့ၢ်ဂ့ၤ, တၢ်သွၣ်ခိၣ်တခါမ့ၢ်ဂ့ၤအဖီခိၣ်န့ၣ်လီၤ.

လံာ်မးသဲ 26:30

ဝံၤဒီးအဝဲသ့ၣ်သးဝံၣ်ထါသးဝံၣ်တယုၢ်, ဒီးလဲၤထီၣ်ဝဲဆူကစၢၢ်သ့ၣ်စၤယံးအလိၤန့ၣ်လီၤ.

ဧ့ၤဘြံၤ 11:28

လၢတၢ်စူၢ်တၢ်နာ်အဝဲဒုးအိၣ်ထီၣ်ဘူၣ်လဲၤကပာ်ဒီးဟ့ၣ် လီၤအကလုၢ်လၢပှၤကဘၣ်ဖှံတြဲၤအထူၣ်တဖၣ်လၢတၢ် သွံၣ်, ဒ်သိးတၢ်သံအကလူးအသုတမၤသံဘၣ်အံၣ်စရ့လး အဖိဝဲၢ်ကိတဖၣ်တဂ့ၤအဂီၢ်န့ၣ်လီၤ.

ဧ့ၤဘြံၤ 12:24

ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

ဧ့ၤဘြံၤ 9:1

တၢ်အၢၣ်လီၤအီလီၤအခီၣ်ထံးတခါအိၣ်ဒီးတၢ်ဘျၢလၢ တၢ်ဘူၣ်ထီၣ်ဘါထီၣ်ယွၤဃုာ်ဒီးတၢ်လီၢ်စီဆှံလၢဟီၣ်ခိၣ်ချၢ အဂီၢ်န့ၣ်လီၤ.

ဧ့ၤဘြံၤ 9:14

တၢ်အံၤမ့ၢ်တၢ်လၢအမ့ၢ်ဝဲတီဝဲအဃိခရံာ်အသွံၣ်ကမၤန့ၢ်တၢ်လၢ ပဂီၢ်ဒိၣ်န့ၢ်အါန့ၢ်အန့ၣ်တက့ၢ်ဆံးဒိၣ်လဲၣ်. ခီဖျိယွၤအသးလၢအမူဝဲလီၤထူလီၤယိာ်န့ၣ်အဝဲလုၢ် ထီၣ်ပာ်ထီၣ်အသးဒၣ်ဝဲဒ်တၢ်လုၢ်အလၢအပှဲၤအသိးလၢ ယွၤန့ၣ်လီၤ. အသွံၣ်ကမၤကဆှီထီၣ်ပသးလၢအသ့ၣ်ညါ ဒၣ်တၢ်, လၢလုၢ်လၢ်အတၢ်ဖံးတၢ်မၤလၢအတဂိာ်တသီၣ်ဘၣ် တဖၣ်ဒ်သိးပကမၤဘၣ်ကစၢ်ယွၤလၢအမူဝဲတဂၤအတၢ်မၤန့ၣ်လီၤ.

ဧ့ၤဘြံၤ 9:19

အဂ့ၢ်ဒ်အံၤ, ဖဲစီၤမိၤၡ့စံၣ်တဲၤတဲလီၤန့ၢ်ပှၤဂီၢ်မုၢ်လၢတၢ်မၤလိာ်ကိး ထံၣ်ဒဲးလၢတၢ်သိၣ်တၢ်သီအပူၤဝံၤန့ၣ်, အဝဲဟံးန့ၢ်ဂီၤဖံးဖိဒီးမဲာ်တဲးလဲး အသွံၣ်, ဃါဃုာ်ဝဲဒီးထံဝံၤသူဝဲကဖျီၣ်အ့စိးဒီးသိဆူၣ်ဂီၤဒီးဖှံဝဲ လၢတၢ်သိၣ်တၢ်သီအလံာ်ထူဒီးပှၤဂီၢ်မုၢ်ခဲလၢာ်အလိၤန့ၣ်လီၤ.

လံာ်စီၤယိၤၡူ 2:19

ပှၤတဂၤဂ့ၤတဂၤဂ့ၤမ့ၢ်ဟးထီၣ်လၢနဟံၣ်ပူၤဒီး, အတၢ်သံကမ့ၢ်ဒၣ်အတၢ်ကမၣ်ဒၣ်ဝဲန့ၣ်လီၤ. ဒီးတမ့ၢ်ပမူပဒါဘၣ်န့ၣ်လီၤ. ဘၣ်ဆၣ်ဒီး, ပှၤတဂၤဂ့ၤတဂၤဂ့ၤလၢအအိၣ်လၢနဟံၣ်ပူၤအံၤတၢ်မ့ၢ်ဘၣ်ဒိဘၣ် ထံးအီၤန့ၣ်, အဝဲန့ၣ်မ့ၢ်ပမူပဒါန့ၣ်လီၤ.

၁ ပ့းတရူး 1:2

သုဘၣ်တၢ်ဃုထၢထီၣ်သုဒ်ပၢ်ကစၢ်ယွၤအတၢ်တိာ်ပာ် အသိးဒီးသုဘၣ်တၢ်မၤစီဆှံထီၣ်သုခီဖျိယွၤအသး, ဒ်သိးသုကစူၢ်ယ့ၣ်ၡူးခရံာ်ဒီးအသွံၣ်ကမၤကဆှီထီၣ်က့ၤသု အဂီၢ်န့ၣ်လီၤ. မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢပှဲၤပှဲၤတက့ၢ်.