လံာ်တၢ်ဟးထီၣ်ကွံာ် 12:21 - Sgaw Karen Common Bible

²¹ ဒီးစီၤမိၤၡ့ကိးန့ၢ်ကီၢ်အံၣ်စရ့လးဖိအခိၣ်အနၢ်ခဲလၢာ်ဒီး စံးဘၣ်အဝဲသ့ၣ်, “သုဝဲတဂၤဘၣ်တဂၤသုကဘၣ်ဃုထၢထီၣ်သိဖိတဒုမ့တမ့ၢ်မဲာ် တဲးလဲးဖိတဒု, ဒီးမၤသံအီၤဒ်သိးသုဒူၣ်ဖိထၢဖိတဖၣ်မၤဘူၣ်လဲၤ ကပာ်ကသ့အဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 12:21 Iomraidhean Croise

လံာ်စီၤပၤခံဘ့ၣ်တဘ့ၣ် 23:21

စီၤပၤယိၤၡံယၤဟ့ၣ်လီၤအကလုၢ်ဆူပှၤဂီၢ်မုၢ်လၢကမၤဘူၣ်လဲၤ ကပာ်, လၢတၢ်မၤလၤကပီၤယွၤ, အဝဲသ့ၣ်အကစၢ်ယွၤအဂီၢ်, ဒ်တၢ်ကွဲးအသးအိၣ်ဝဲလၢလံာ်တၢ်အၢၣ်လီၤအီလီၤအပူၤအသိးန့ၣ် လီၤ.

လံာ်စီၤဧ့စြၤ 6:20

ကယဲၢ်ပှၤလုၢ်တၢ်အခိၣ်ဒီးပှၤလ့ၤဝံဖိခဲလၢာ်မၤကဆှီထီၣ်အသး ဒီးကဆှီဝဲဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ. ပှၤလ့ၤဝံဖိတဖၣ်မၤသံဆၣ်ဖိကီၢ်ဖိလၢဘူၣ်လဲၤကပာ်အတၢ်လုၢ် တၢ်ပာ်တဖၣ်အဂီၢ်, လၢကယဲၢ်ပှၤလၢအဟဲက့ၤလၢတၢ်စိာ်မၢကဲကုၢ်အလီၢ်, လၢပှၤလုၢ်တၢ်အခိၣ်တဖၣ်ဒီးလၢအဝဲသ့ၣ်အနီၢ်ကစၢ်ဒၣ်ဝဲအဂီၢ်န့ၣ် လီၤ.

လံာ်တၢ်ဟးထီၣ်ကွံာ် 12:11

သုကဘၣ်အီၣ်အီၤချ့ချ့လီၤ. အဂ့ၢ်ဒ်အံၤ, သုကဘၣ်ကတဲာ်ကတီၤသုသးလၢတၢ်လဲၤတၢ်က့ၤအဂီၢ်, အိၣ်ဒီးသုခီၣ်ဖံးတဖၣ်လၢသုခီၣ်အလိၤဒီးသုနီၣ်က့အိၣ်လၢ သုစုပူၤန့ၣ်လီၤ. အအံၤမ့ၢ်ဘူၣ်လဲၤကပာ်လၢတၢ်မၤလၤကပီၤယၤယွၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 12:20

တၢ်အိၣ်ဒီးကိၣ်မံၣ်န့ၣ်သုတဘၣ်အီၣ်နီတမံၤဘၣ်. သုဘၣ်အီၣ်ကိၣ်တအိၣ်ဒီးကိၣ်မံၣ်, ဖဲသုအိၣ်သုဆိးအလီၢ်ကိး ပူၤဒဲးလီၤ.”

လံာ်တၢ်ဟးထီၣ်ကွံာ် 12:3

ဟ့ၣ်လီၤတၢ်သိၣ်တၢ်သီတဖၣ်အံၤလၢပှၤအံၣ်စရ့လးဖိအဒူၣ်ဖိ ထၢဖိခဲလၢာ်အဂီၢ်န့ၣ်တက့ၢ်. လါထီၣ်အသီတဆံအနံၤလၢလါတဘ့ၣ်အံၤအပူၤန့ၣ်, ပှၤတဂၤဘၣ်တဂၤကဘၣ်ဃုထၢသိဖိတဒုမ့တမ့ၢ်မဲာ်တဲးလဲးအစၢ်ဖိ တဒုလၢအဟံၣ်ဖိဃီဖိအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 17:5

ဒီးယွၤစံးဘၣ်စီၤမိၤၡ့, “ကိးန့ၢ်ပှၤအံၣ်စရ့လးဖိအခိၣ်အနၢ်တနီၤဒီးနၤ, ဒီးလဲၤလၢပှၤဂီၢ်မုၢ်အမဲာ်ညါတက့ၢ်. လဲၤစိာ်ဃုာ်နီၣ်ထိးဘိလၢနတီၢ်ထံကျိနံၤလါန့ၣ်တက့ၢ်.

လံာ်တၢ်ဟးထီၣ်ကွံာ် 19:7

မၤသးဒ်န့ၣ်ဒီးစီၤမိၤၡ့ဟဲက့ၤစံၣ်လီၤဒီးကိးဖှိၣ်ပှၤဂီၢ် မုၢ်အခိၣ်အနၢ်တဖၣ်ဒီးတဲအဝဲသ့ၣ်တၢ်ကိးမံၤဒဲးလၢယွၤမၤလိာ် တ့ၢ်အီၤန့ၣ်လီၤ.

လံာ်တၢ်ဟးထီၣ်ကွံာ် 3:16

လဲၤ, ဒီးဒုးအိၣ်ဖှိၣ်ရိဖှိၣ်ပှၤအံၣ်စရ့လးဖိအသူၣ်က့သးပှၢ် သ့ၣ်တဖၣ်ဒီးတဲဘၣ်အဝဲသ့ၣ်လၢယၤ, ယွၤ, သုပၢ်ဖးဒိၣ်လၢပျၢၤတဖၣ်အကစၢ်ယွၤ, စီၤအၤဘြၤဟၣ်, စီၤအံၤစဲးဒီးစီၤယၤကိာ်အကစၢ်ယွၤလီၣ်ဖျါထီၣ်အသး လၢနၤတက့ၢ်. တဲဘၣ်အဝဲသ့ၣ်လၢယဟဲလီၤဆူ အဝဲသ့ၣ်အအိၣ်ဒီးထံၣ်ဘၣ်တ့ၢ်တၢ်လၢပှၤအဲၤကူပတူး ဖိတဖၣ်မၤဘၣ်အီၤန့ၣ်လီၤ.

လံာ်တၢ်ဂံၢ် 11:16

ယွၤစံးဘၣ်စီၤမိၤၡ့, “ကိးဖှိၣ်ပှၤအဂၤနွံဆံလၢအဘၣ်တၢ် ယူးယီၣ်ပာ်ကဲအီၤဒီးဘၣ်တၢ်သ့ၣ်ညါအီၤဒ်ပှၤဂီၢ်မုၢ်အခိၣ်အနၢ် တဖၣ်, ဟဲကိးအီၤဆူယွၤအိၣ်ဝဲဆိးဝဲအဒဲစီဆှံဒီးတဲဘၣ်အဝဲသ့ၣ် လၢကဆၢထၢၣ်ဖဲန့ၣ်လၢနကပၤတက့ၢ်.

1 ကရံၣ်သူး 10:4

ဒီးအီတၢ်ထံတခါဃီလၢအဘၣ်ဃးဒီးသးန့ၣ်လီၤ. အဝဲသ့ၣ်အီတၢ်လၢသးအလၢၢ်လၢအလဲၤဒီးအီၤတဖျၢၣ်န့ၣ် အပူၤ, ဒီးလၢၢ်န့ၣ် မ့ၢ်ခရံာ်အနီၢ်ကစၢ်ဒၣ်ဝဲလီၤ.

ဧ့ၤဘြံၤ 11:28

လၢတၢ်စူၢ်တၢ်နာ်အဝဲဒုးအိၣ်ထီၣ်ဘူၣ်လဲၤကပာ်ဒီးဟ့ၣ် လီၤအကလုၢ်လၢပှၤကဘၣ်ဖှံတြဲၤအထူၣ်တဖၣ်လၢတၢ် သွံၣ်, ဒ်သိးတၢ်သံအကလူးအသုတမၤသံဘၣ်အံၣ်စရ့လး အဖိဝဲၢ်ကိတဖၣ်တဂ့ၤအဂီၢ်န့ၣ်လီၤ.

လံာ်စီၤယိၤၡူ 5:10

ဖဲပှၤအံၣ်စရ့လးဖိတဖၣ်သူၣ်ဒံးဒဲဖဲကံးလကၤလး, လၢပျီလၢအဘူးဒီးဝ့ၢ်ယရံၤဃိအခါန့ၣ်, အဝဲသ့ၣ်မၤဘူၣ်လဲၤကပာ်လၢလါထီၣ်တဆံလွံၢ်သီဖဲမုၢ်ဟါလီၤ အကတီၢ်န့ၣ်လီၤ.