လံာ်တၢ်ဟးထီၣ်ကွံာ် 12:2 - Sgaw Karen Common Bible

² “လါတလါအံၤလၢသုဂီၢ်ကဘၣ်မ့ၢ်လါအခီၣ်ထံးကတၢၢ်တလါလၢတနံၣ် ဘၣ်တနံၣ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 12:2 Iomraidhean Croise

လံာ်နီၢ်အ့ၤစတၢ် 3:7

လၢစီၤပၤအဃၤၡဝ့ရိၣ်ပၢတၢ်တဆံခံနံၣ်တနံၣ်, လါအခီၣ် ထံးတလါလၢအမ့ၢ်လါနံစၣ်အပူၤန့ၣ်, စီၤဟၤမၣ်ဟ့ၣ်လီၤ အကလုၢ်လၢတၢ်ကတ့ၢ်လီၤတၢ်ဖးတဖၣ်လၢအဘၣ်တၢ်ကိး အီၤလၢပူရးဒ်သိးကထံၣ်န့ၢ်နံၤသီဒီးလါအကြၢးကတၢၢ် လၢကမၤဝဲအတၢ်ကူၣ်ခူသူၣ်အဂီၢ်န့ၣ်လီၤ. ဒီးတၢ်ဖးလီၤဘၣ်ဝဲလၢလါတဆံခံလါတလါလၢအမ့ၢ်လါ အးဒၢ်ထီၣ်တဆံသၢနံၤတနံၤန့ၣ်လီၤ.

လံာ်တၢ်ဟးထီၣ်ကွံာ် 12:1

ယွၤကတိၤတၢ်ဒီးစီၤမိၤၡ့ဒီးစီၤအၤဟရိၣ်လၢကီၢ်အဲၤကူပတူးအပူၤ, စံးဝဲ

လံာ်တၢ်ဟးထီၣ်ကွံာ် 12:18

စးထီၣ်လၢလါအခီၣ်ထံးတလါတဆံလွံၢ်သီဟါတုၤဃီၤလၢခံဆံ တသီဟါန့ၣ်သုတဘၣ်အီၣ်ကိၣ်တခါလၢ်လၢ်လၢအဘၣ်တၢ်မၤအီၤဒီးကိၣ် မံၣ်န့ၣ်ဘၣ်.

လံာ်တၢ်ဟးထီၣ်ကွံာ် 12:3

ဟ့ၣ်လီၤတၢ်သိၣ်တၢ်သီတဖၣ်အံၤလၢပှၤအံၣ်စရ့လးဖိအဒူၣ်ဖိ ထၢဖိခဲလၢာ်အဂီၢ်န့ၣ်တက့ၢ်. လါထီၣ်အသီတဆံအနံၤလၢလါတဘ့ၣ်အံၤအပူၤန့ၣ်, ပှၤတဂၤဘၣ်တဂၤကဘၣ်ဃုထၢသိဖိတဒုမ့တမ့ၢ်မဲာ်တဲးလဲးအစၢ်ဖိ တဒုလၢအဟံၣ်ဖိဃီဖိအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 13:3

ဒီးစီၤမိၤၡ့စံးဘၣ်ပှၤဂီၢ်မုၢ်, “သ့ၣ်နီၣ်ထီၣ်မုၢ်တနံၤအံၤ, မုၢ်တနံၤလၢသုဟးထီၣ်လၢကီၢ်အဲၤကူပတူး, တၢ်လီၢ်လၢသုကဲတ့ၢ်ကုၢ်န့ၣ်တက့ၢ်. တၢ်အံၤမ့ၢ်မုၢ်တနံၤလၢယွၤထုးထီၣ်ကွံာ်သုလၢအစိကမီၤဖးဒိၣ်န့ၣ်လီၤ. ကိၣ်လၢတၢ်မၤအီၤလၢကိၣ်မံၣ်န့ၣ်အီၣ်အီၤတဂ့ၤ.

လံာ်တၢ်ဟးထီၣ်ကွံာ် 13:4

သုဟးထီၣ်ကွံာ်လၢကီၢ်အဲၤကူပတူးအပူၤလၢမုၢ်တနံၤအံၤ, လၢလါခီၣ်ထံးကတၢၢ်တလါ, လါအၤဘံာ်အပူၤန့ၣ်လီၤ.

လံာ်တၢ်ဟးထီၣ်ကွံာ် 23:15

လၢလါအၤဘံာ်, လါလၢသုဟးထီၣ်ကွံာ်လၢကီၢ်အဲၤကူပတူးအပူၤ န့ၣ်မၤဘူၣ်ကိၣ်တအိၣ်ဘၣ်ဒီးကိၣ်မံၣ်အမူးဒ်ယမၤလိာ်တ့ၢ်သု အသိးန့ၣ်တက့ၢ်. ဖဲဘူၣ်အံၤအဆၢကတီၢ်နွံသီအတီၢ်ပူၤန့ၣ်သု တဘၣ်အီၣ်ကိၣ်လၢဘၣ်တၢ်မၤအီၤလၢကိၣ်မံၣ်န့ၣ်, နီတစဲးဘၣ်. သုမ့ၢ်တဟဲစိာ်တၢ်မၤဘူၣ်တမံၤဘၣ်ဒီးဟဲဘါထီၣ်ယၤနီတစုတဂ့ၤ.

လံာ်တၢ်ဟးထီၣ်ကွံာ် 34:18

တိၢ်န့ၣ်ဘူၣ်ကိၣ်တအိၣ်ဘၣ်ဒီးကိၣ်မံၣ်အမူးတက့ၢ်. ဒ်ယမၤလိာ်တ့ၢ်သုအသိးန့ၣ်အီၣ်ကိၣ်လၢတအိၣ်ဘၣ်ဒီးကိၣ်မံၣ်လၢ နွံသီအတီၢ်ပူၤဖဲလါအၤဘံာ်အပူၤန့ၣ်တက့ၢ်. အဂ့ၢ်ဒ်အံၤ, အဝဲန့ၣ်မ့ၢ်လါတလါလၢသုဟးထီၣ်လၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 40:17

မၤသးဒ်န့ၣ်ဒီးဖဲအဝဲသ့ၣ်ဟးထီၣ်ကွံာ်လၢကီၢ်အဲၤကူပတူး အလီၢ်ခံ, ခံနံၣ်တနံၣ်လါအခီၣ်ထံးတလါထီၣ်တသီအနံၤန့ၣ်ယွၤအိၣ်ဝဲဆိး ဝဲအဒဲစီဆှံဘၣ်တၢ်ထီထီၣ်အီၤန့ၣ်လီၤ.

လံာ်ယဃ့းစက့လး 45:18

ယွၤပၢဘၣ်တၢ်ခဲလၢာ်ကစၢ်စံးဝဲ, “လၢလါအခီၣ်ထံးတလါ ထီၣ်အခီၣ်ထံးတနံၤန့ၣ်နဘၣ်လုၢ်ထီၣ်ဂီၤဖံးဖါဖိလၢအလၢအပှဲၤ တဒုဒီးမၤကဆှီထီၣ်ယွၤအတၢ်လုၢ်ဟံၣ်န့ၣ်လီၤ.

လံာ်ယဃ့းစက့လး 45:21

လၢလါအခီၣ်ထံးတလါထီၣ်တဆံလွံၢ်သီတသီအနံၤန့ၣ်သုကဘၣ် စးထီၣ်မၤဘူၣ်လဲၤကပာ်အမူးန့ၣ်လီၤ. လၢနွံသီအတီၢ်ပူၤန့ၣ်, ပှၤကိးဂၤဒဲးကဘၣ်အီၣ်ကိၣ် လၢတၢ်တမၤအီၤဒီးကိၣ်မံၣ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:5

ဘူၣ်လဲၤကပာ်န့ၣ်ဘၣ်တၢ်မၤအီၤလၢတၢ်မၤလၤကပီၤယွၤဒီးဘၣ်တၢ် စးထီၣ်မၤအီၤလၢလါခီၣ်ထံးတလါတဆံလွံၢ်နံၤတနံၤမုၢ်ဟါလီၤအကတီၢ်န့ၣ်လီၤ.

လံာ်တၢ်ဂံၢ် 28:16

တၢ်မၤလၤကပီၤယွၤအဘူၣ်လဲၤကပာ်န့ၣ်ကဘၣ်တၢ်မၤအီၤဖဲလါ အခီၣ်ထံးကတၢၢ်တလါထီၣ်တဆံလွံၢ်သီတသီအနံၤန့ၣ်လီၤ.

လံာ်သိၣ်လီၤသီလီၤတၢ် 16:1

မၤလၤကပီၤယွၤသုကစၢ်ယွၤခီဖျိတၢ်မၤဘူၣ်လဲၤကပာ်လၢလါအါ ဘံာ်အပူၤန့ၣ်တက့ၢ်. လၢလါန့ၣ်အပူၤအမုၢ်တနံၤန့ၣ်, အဝဲမၤထူၣ်ဖျဲးသုလၢကီၢ်အဲၤကူပတူးန့ၣ်လီၤ.