လံာ်တၢ်ဟးထီၣ်ကွံာ် 12:16 - Sgaw Karen Common Bible

¹⁶ ဒီးလၢအခီၣ်ထံးတသီဒီးနွံသီတသီန့ၣ်သုကဘၣ်ပာ်ဖှိၣ်ထီၣ်သု သးလၢတၢ်ဘူၣ်ထီၣ်ဘါထီၣ်အဂီၢ်လီၤ. လၢမုၢ်နံၤတဖၣ်န့ၣ်အတီၢ်ပူၤသုတဘၣ်မၤတၢ်နီတမံၤဘၣ်. ဘၣ်ဆၣ်ဒီးသုကတဲာ်ကတီၤတၢ်အီၣ်တၢ်အီသ့ဝဲလီၤ.

လံာ်တၢ်ဟးထီၣ်ကွံာ် 12:16 Iomraidhean Croise

လံာ်တၢ်ဟးထီၣ်ကွံာ် 16:23

ဒီးအဝဲဒၣ်စံးဘၣ်အဝဲသ့ၣ်, “ယွၤမၤလိာ်တ့ၢ်ဝဲလၢခဲမုၢ် ဆ့ၣ်တနံၤန့ၣ်မ့ၢ်မုၢ်အိၣ်ဘှံးအနံၤစီဆှံလၢတၢ်ကဘၣ်ပာ်စီ ဆှံအီၤလၢယွၤအဂီၢ်န့ၣ်လီၤ. တၢ်လၢသုအဲၣ်ဒိးဘၢအီၤန့ၣ်ဘၢအီၤဒီးတၢ်လၢသုအဲၣ်ဒိးချီ အီၤန့ၣ်ချီအီၤတနံၤအံၤတက့ၢ်. တၢ်တမံၤလၢ်လၢ်လၢအအိၣ်လီၤတဲာ်န့ၣ်တၢ်ကဘၣ်ပာ်ကပၤအီၤဒီးပာ် ဃးအီၤလၢခဲမုၢ်ဆ့ၣ်အဂီၢ်လီၤ.”

လံာ်တၢ်ဟးထီၣ်ကွံာ် 16:29

သ့ၣ်နီၣ်ထီၣ်ယၤ, ယွၤအံၤဟ့ၣ်တ့ၢ်သုမုၢ်တနံၤလၢတၢ်အိၣ်ဘှံး အဂီၢ်သတးဒီး, လၢဃုနံၤတနံၤန့ၣ်ယကဟ့ၣ်သုတၢ်အီၣ်, လၢဝဲလၢခံသီအဂီၢ်န့ၣ်လီၤ. ပှၤကိးဂၤဒဲးကဘၣ်အိၣ်, ဖဲအအိၣ်ဝဲအလီၢ်လၢမုၢ်နွံနံၤတနံၤန့ၣ်ဒီးတဘၣ်ဟးထီၣ်လၢ အဟံၣ်ပူၤဘၣ်.”

လံာ်တၢ်ဟးထီၣ်ကွံာ် 16:5

ဒီးလၢဃုနံၤတနံၤန့ၣ်အဝဲသ့ၣ်ကဘၣ်ဟဲက့ၤစိာ်တၢ်ပှဲၤသိးညီ နုၢ်အဟဲက့ၤစိာ်တ့ၢ်ဝဲန့ၣ်ခံစးဒီးကတဲာ်ကတီၤအီၤလီၤ.”

လံာ်တၢ်ဟးထီၣ်ကွံာ် 20:10

မ့မ့ၢ်နွံသီတသီန့ၣ်မ့ၢ်တၢ်အိၣ်ဘှံးအနံၤလၢတၢ်ပာ်စီဆှံ အီၤလၢယဂီၢ်န့ၣ်လီၤ. လၢမုၢ်နံၤအဝဲန့ၣ်ပှၤတဘၣ်မၤတၢ်နီတဂၤဘၣ်. သုဝဲသ့ၣ်မ့ၢ်ဂ့ၤ, သုဖိတဖၣ်မ့ၢ်ဂ့ၤ, သုကုၢ်တဖၣ်မ့ၢ်ဂ့ၤ, သုဆၣ်ဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိတဖၣ်လၢအအိၣ်လၢသု ကီၢ်ပူၤမ့ၢ်ဂ့ၤတဘၣ်မၤတၢ်နီတဂၤဘၣ်.

လံာ်တၢ်ဟးထီၣ်ကွံာ် 34:18

တိၢ်န့ၣ်ဘူၣ်ကိၣ်တအိၣ်ဘၣ်ဒီးကိၣ်မံၣ်အမူးတက့ၢ်. ဒ်ယမၤလိာ်တ့ၢ်သုအသိးန့ၣ်အီၣ်ကိၣ်လၢတအိၣ်ဘၣ်ဒီးကိၣ်မံၣ်လၢ နွံသီအတီၢ်ပူၤဖဲလါအၤဘံာ်အပူၤန့ၣ်တက့ၢ်. အဂ့ၢ်ဒ်အံၤ, အဝဲန့ၣ်မ့ၢ်လါတလါလၢသုဟးထီၣ်လၢကီၢ်အဲၤကူပတူးအပူၤန့ၣ်လီၤ.

လံာ်ယၡါယၤ 1:13

သုဟဲစိာ်သုတၢ်လုၢ်မၤဘူၣ်တဖၣ်န့ၣ်အဘျုးတအိၣ် ဘၣ်. တၢ်နၢမူတဖၣ်လၢသုဒွဲၣ်ထီၣ်အီၤန့ၣ်ယသးဘၣ် အၢဘၣ်သီအီၤလီၤ. သုလါထီၣ်သီအမူးတဖၣ်, သုမုၢ်အိၣ်ဘှံးအနံၤတဖၣ်ဒီးသုတၢ်ဘူၣ်တၢ်ဘါ အတၢ်ရ့လိာ်မုာ်လိာ်တဖၣ်, ယတူၢ်အီၤတပှဲၤဘၣ်. သုတၢ်ဒဲးဘးတၣ်မၤဟးဂီၤကွံာ်တၢ်န့ၣ်တဖၣ်ခဲလၢာ်လီၤ.

လံာ်တၢ်ဘူၣ်ထီၣ်ဘါထီၣ် 23:21

ဒီးလၢမုၢ်တနံၤဃီဒၣ်ဝဲန့ၣ်အပူၤမၤမုၢ်ဆ့ၣ်မုၢ်ဂီၤအတၢ်မၤနီ တမံၤတဂ့ၤ. မ့မ့ၢ်ပာ်ဖှိၣ်သုသးလၢတၢ်ဘူၣ်တၢ်ဘါအဂီၢ်တက့ၢ်. သုစၢၤသုသွဲၣ်တဖၣ်ကဘၣ်တိၢ်န့ၢ်တၢ်သိၣ်တၢ်ဘျၢအံၤတဘိ ယူၢ်ဃီဖဲအအိၣ်တပူၤလၢ်လၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:35

မုၢ်နံၤအခီၣ်ထံးကတၢၢ်တနံၤလၢဘူၣ်ဒဲအကတီၢ်အံၤန့ၣ်ဟဲသကိး လၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးသုတမၤမုၢ်ဆ့ၣ်မုၢ်ဂီၤအတၢ် မၤနီတမံၤတဂ့ၤ.

လံာ်တၢ်ဂံၢ် 28:18

လၢမူးဖးဒိၣ်အခီၣ်ထံးကတၢၢ်တသီန့ၣ်သုကဘၣ်ပာ်ဖှိၣ်ထီၣ်သုသး လၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးတၢ်ဖံးတၢ်မၤတဘၣ်တၢ်မၤအီၤ နီတမံၤဘၣ်.

လံာ်တၢ်ဂံၢ် 28:25

ထံၣ်လိာ်သုသးလၢနွံသီတသီအနံၤန့ၣ်ဒီးမၤတၢ်မၤနီတမံၤ တဂ့ၤ.

လံာ်တၢ်ဂံၢ် 28:26

လၢတၢ်ကူးဘုမူးဖးဒိၣ်အကတီၢ်အဆိကတၢၢ်တသီဖဲ သုဟ့ၣ်ထီၣ်ဘုဧိၤဟုဧိၤအသီဆူယွၤအအိၣ်န့ၣ်, သုကဘၣ်ပာ်ဖှိၣ်ထီၣ်သုသးလၢတၢ်ဘူၣ်တၢ်ဘါအဂီၢ်, ဒီးပှၤတဘၣ်မၤတၢ်မၤနီတဂၤဘၣ်.

လံာ်တၢ်ဂံၢ် 29:1

လၢနွံလါတလါထီၣ်အခီၣ်ထံးကတၢၢ်တသီန့ၣ်, သုကဘၣ်ပာ်ဖှိၣ်ထီၣ် သုသးလၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးတၢ်မၤတဘၣ် တၢ်မၤအီၤနီတမံၤဘၣ်. လၢနံၤအဝဲန့ၣ်, န့ၣ်ကွဲၤတဖၣ်ကဘၣ်တၢ်အူထီၣ်အီၤလီၤ.

လံာ်တၢ်ဂံၢ် 29:12

လၢလါနွံလါတလါထီၣ်တဆံယဲၢ်သီန့ၣ်ပာ်ဖှိၣ်ထီၣ်သုသးလၢတၢ် ဘူၣ်ထီၣ်ဘါထီၣ်ယွၤအဂီၢ်တက့ၢ်. မၤမူးဖးဒိၣ်အံၤလၢတၢ်မၤလၤကပီၤယွၤအဂီၢ်လၢနွံသီအတီၢ် ပူၤဒီးမၤတၢ်မၤနီတမံၤတဂ့ၤ.

လံာ်ယိၤဟၣ် 19:31

အန့ၣ်ဝံၤဒီး, ပှၤယူဒၤဖိအခိၣ်အနၢ်တဖၣ်ဃ့စီၤပံၤလး အခွဲးလၢကပျဲအဝဲသ့ၣ်တီၢ်ကၢ်ကွံာ်ပှၤလၢတၢ်မၤသံအီၤလၢ ထူၣ်စုညါအလိၤတဖၣ်အခီၣ်, ဒီးကစိာ်လီၤကွံာ်အစိၣ်လၢထူၣ်စုညါတဖၣ်အလိၤအဂီၢ် န့ၣ်လီၤ. အဝဲသ့ၣ်ဃ့တၢ်အံၤမ့ၢ်လၢမုၢ်နံၤတခီမ့ၢ်မုၢ်ယဲၢ် နံၤ, ဒီးအဝဲသ့ၣ်တသးအိၣ်လၢပှၤအစိၣ်တဖၣ်အံၤ ကအိၣ်စဲထီအသးလၢထူၣ်စုညါအလိၤတုၤလၢပှၤ ယူဒၤဖိအမုၢ်အိၣ်ဘှံးနံၤန့ၣ်ဘၣ်. အဂ့ၢ်ဒ်အံၤ, အဝဲသ့ၣ်အမုၢ်အိၣ်ဘှံးနံၤလၢအကဟဲအံၤမ့ၢ်နံၤလၢ အစီဆှံလီၤဆီဝဲအဃိန့ၣ်လီၤ.

လံာ်သိၣ်လီၤသီလီၤတၢ် 16:8

မၤကဒီးဆူညါဃုသီန့ၣ်သုဘၣ်အီၣ်ကိၣ်လၢတဘၣ်တၢ်မၤအီၤဒီး ကိၣ်မံၣ်ဘၣ်န့ၣ်လီၤ. ဒီးလၢနွံသီတသီန့ၣ်အိၣ်ဖှိၣ်ရိဖှိၣ်လၢတၢ်ဘူၣ်ထီၣ်ဘါထီၣ် ယွၤသုကစၢ်ယွၤအဂီၢ်, ဒီးတၢ်လၢမုၢ်နံၤအဝဲန့ၣ်မၤတၢ်နီတမံၤတဂ့ၤ.