လံာ်တၢ်ဟးထီၣ်ကွံာ် 12:15 - Sgaw Karen Common Bible

¹⁵ ဒီးယွၤစံးဝဲဒၣ်, “လၢနွံသီအတီၢ်ပူၤန့ၣ်သုတဘၣ်အီၣ်ကိၣ် လၢအဘၣ်တၢ်မၤအီၤလၢကိၣ်မံၣ်နီတမံၤဘၣ်. အီၣ်ထဲကိၣ်လၢတအိၣ်ဘၣ်ဒီးကိၣ်မံၣ်န့ၣ်တက့ၢ်. လၢအခီၣ်ထံးတသီန့ၣ်သုကဘၣ်စူးကွံာ်ကိၣ်မံၣ်ခဲလၢာ် လၢသုဟံၣ်အပူၤတဖၣ်န့ၣ်လီၤ. အဂ့ၢ်ဒ်အံၤ, ပှၤတဂၤလၢ်လၢ်မ့ၢ်အီၣ်ဘၣ်ကိၣ်လၢတၢ်မၤအီၤလၢကိၣ် မံၣ်, လၢနွံသီအတီၢ်ပူၤန့ၣ်ကဘၣ်တၢ်ညိကွံာ်အီၤလၢယပှၤဂီၢ်မုၢ် အကျါန့ၣ်လီၤ.

လံာ်တၢ်ဟးထီၣ်ကွံာ် 12:15 Iomraidhean Croise

လံာ်တၢ်ကဲထီၣ်အခီၣ်ထံး 17:14

ပှၤပိာ်ခွါတဂၤလၢ်လၢ်လၢအတဒိးဘၣ်တၢ်ကူးတရံးန့ၣ်တဘၣ်တၢ်ပာ် အီၤလၢအမ့ၢ်ပှၤတဂၤလၢယပှၤဂီၢ်မုၢ်အကျါလၢၤဘၣ်န့ၣ်လီၤ. အဂ့ၢ်ဒ်အံၤ, အဝဲတဟံးဃာ်တၢ်အၢၣ်လီၤအီလီၤဒီးယၤအဃိန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 30:21

လၢနွံသီအတီၢ်ပူၤပှၤဂီၢ်မုၢ်လၢအပာ်ဖှိၣ်အသးလၢဝ့ၢ်ယရူၤ ၡလ့ၣ်အပူၤ, ဒီးမၤဘူၣ်တအိၣ်ဘၣ်ဒီးကိၣ်မံၣ်လၢတၢ်သူၣ်ခုသးခုဖးဒိၣ် အပူၤန့ၣ်လီၤ. တနံၤဘၣ်တနံၤန့ၣ်, ပှၤလ့ၤဝံဖိတဖၣ်ဒီးပှၤလုၢ်တၢ်အခိၣ်တဖၣ် စံးထီၣ်ပတြၢၤယွၤလၢအဂံၢ်အဘါခဲလၢာ်န့ၣ်လီၤ.

လံာ်စီၤဧ့စြၤ 6:22

လၢနွံသီအတီၢ်ပူၤန့ၣ်, အဝဲသ့ၣ်မၤတၢ်သ့ၣ်နီၣ်မၤလၤကပီၤဘူၣ် တအိၣ်ဘၣ်ဒီးကိၣ်မံၣ်လၢတၢ်သူၣ်ခုသးခုအပူၤန့ၣ်လီၤ. အဝဲသ့ၣ်ပှဲၤဒီးတၢ်သူၣ်ခုသးခုမ့ၢ်လၢယွၤထိးဘၣ်တ့ၢ်ကီၢ်အၤ ၡူၢ်အစီၤပၤဖးဒိၣ်အသးလၢကကွၢ်မဲာ်အဝဲသ့ၣ်, တုၤဒၣ်လဲာ်မၤစၢၤအဝဲသ့ၣ်လၢအတၢ်ဖံးတၢ်မၤလၢတၢ်သူၣ်ထီၣ်ကဒါ က့ၤပှၤအံၣ်စရ့လးဖိအကစၢ်ယွၤအတၢ်လုၢ်ဟံၣ်အပူၤအဃိန့ၣ်လီၤ.

လံာ်တၢ်ဟးထီၣ်ကွံာ် 12:8

ဒီးလၢမုၢ်နၤအဝဲန့ၣ်တၢ်ဖံးတၢ်ညၣ်ကဘၣ်တၢ်ကၣ်မံအီၤဒီးအီၣ် အီၤဃုာ်ဒီးကိၣ်လၢတအိၣ်ဘၣ်ဒီးကိၣ်မံၣ်ဒီးတၢ်ဒီးတၢ်လၣ်အခၣ်န့ၣ်လီၤ.

လံာ်တၢ်ဟးထီၣ်ကွံာ် 13:3

ဒီးစီၤမိၤၡ့စံးဘၣ်ပှၤဂီၢ်မုၢ်, “သ့ၣ်နီၣ်ထီၣ်မုၢ်တနံၤအံၤ, မုၢ်တနံၤလၢသုဟးထီၣ်လၢကီၢ်အဲၤကူပတူး, တၢ်လီၢ်လၢသုကဲတ့ၢ်ကုၢ်န့ၣ်တက့ၢ်. တၢ်အံၤမ့ၢ်မုၢ်တနံၤလၢယွၤထုးထီၣ်ကွံာ်သုလၢအစိကမီၤဖးဒိၣ်န့ၣ်လီၤ. ကိၣ်လၢတၢ်မၤအီၤလၢကိၣ်မံၣ်န့ၣ်အီၣ်အီၤတဂ့ၤ.

လံာ်တၢ်ဟးထီၣ်ကွံာ် 23:15

လၢလါအၤဘံာ်, လါလၢသုဟးထီၣ်ကွံာ်လၢကီၢ်အဲၤကူပတူးအပူၤ န့ၣ်မၤဘူၣ်ကိၣ်တအိၣ်ဘၣ်ဒီးကိၣ်မံၣ်အမူးဒ်ယမၤလိာ်တ့ၢ်သု အသိးန့ၣ်တက့ၢ်. ဖဲဘူၣ်အံၤအဆၢကတီၢ်နွံသီအတီၢ်ပူၤန့ၣ်သု တဘၣ်အီၣ်ကိၣ်လၢဘၣ်တၢ်မၤအီၤလၢကိၣ်မံၣ်န့ၣ်, နီတစဲးဘၣ်. သုမ့ၢ်တဟဲစိာ်တၢ်မၤဘူၣ်တမံၤဘၣ်ဒီးဟဲဘါထီၣ်ယၤနီတစုတဂ့ၤ.

လံာ်တၢ်ဟးထီၣ်ကွံာ် 30:33

ပှၤတဂၤလၢ်လၢ်လၢအမၤဒိးအီၤမ့ၢ်ဂ့ၤ, သူအီၤတနီၤနီၤလၢပှၤ လၢတမ့ၢ်ဘၣ်ပှၤလုၢ်တၢ်အခိၣ်အဖီခိၣ်မ့ၢ်ဂ့ၤဒီး, ကဘၣ်တၢ်ပာ်အီၤဒ်အတမ့ၢ်လၢၤဘၣ်ပှၤတဂၤလၢယပှၤဂီၢ်မုၢ်အကျါဘၣ်န့ၣ်လီၤ.”

လံာ်တၢ်ဟးထီၣ်ကွံာ် 30:38

ပှၤတဂၤမ့ၢ်မၤဒိးတၢ်အံၤတမံၤမံၤလၢကသူဝဲဒ်သိနၢမူအသိးဒီး, အဝဲတဘၣ်တၢ်ပာ်လၢၤအီၤဒ်ပှၤလၢယပှၤဂီၢ်မုၢ်အကျါတဂၤအသိးလၢၤဘၣ်န့ၣ်လီၤ.”

လံာ်တၢ်ဟးထီၣ်ကွံာ် 31:14

သုဘၣ်ပာ်စီဆှံမုၢ်အိၣ်ဘှံးအနံၤလီၤ. အဂ့ၢ်ဒ်အံၤ, စီဆှံဝဲလီၤ. ပှၤတဂၤလၢ်လၢ်လၢအတပာ်စီဆှံအီၤ, ဒီးမၤတၢ်လၢမုၢ်တနံၤန့ၣ်, ကဘၣ်တၢ်မၤသံအီၤန့ၣ်လီၤ.

လံာ်တၢ်ဟးထီၣ်ကွံာ် 34:18

တိၢ်န့ၣ်ဘူၣ်ကိၣ်တအိၣ်ဘၣ်ဒီးကိၣ်မံၣ်အမူးတက့ၢ်. ဒ်ယမၤလိာ်တ့ၢ်သုအသိးန့ၣ်အီၣ်ကိၣ်လၢတအိၣ်ဘၣ်ဒီးကိၣ်မံၣ်လၢ နွံသီအတီၢ်ပူၤဖဲလါအၤဘံာ်အပူၤန့ၣ်တက့ၢ်. အဂ့ၢ်ဒ်အံၤ, အဝဲန့ၣ်မ့ၢ်လါတလါလၢသုဟးထီၣ်လၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 34:25

ဖဲသုလုၢ်ထီၣ်ဆၣ်ဖိကီၢ်ဖိတဒုဆူယအိၣ်န့ၣ်လုၢ်ထီၣ်ကိၣ်လၢအအိၣ်ဒီးကိၣ်မံၤတဂ့ၤ. ဆၣ်ဖိကီၢ်ဖိလၢဘၣ်တၢ်မၤသံအီၤဖဲဘူၣ်လဲၤကပာ်အနံၤန့ၣ်ပာ် ဃးအဖံးအညၣ်တုၤမုၢ်ဆ့ၣ်ထီၣ်တနံၤနီတမံၤတဂ့ၤ.

လံာ်တၢ်ဘူၣ်ထီၣ်ဘါထီၣ် 17:10

ဒီးပှၤအံၣ်စရ့လးဖိတဂၤလၢ်လၢ်မ့ၢ်ဂ့ၤ, ပှၤတခီဘီမုၢ်ဖိအိၣ်လၢအကျါတဂၤလၢ်လၢ်မ့ၢ်ဂ့ၤမ့ၢ်အီၣ်ဘၣ်တၢ် ညၣ်လၢအအိၣ်ဒီးတၢ်သွံၣ်န့ၣ်, ယွၤကညိကွံာ်အီၤ, ဒီးတမ့ၢ်လၢၤဘၣ်ပှၤတဂၤလၢယွၤအပှၤဂီၢ်မုၢ် အကျါလၢၤဘၣ်.

လံာ်တၢ်ဘူၣ်ထီၣ်ဘါထီၣ် 17:14

တၢ်ကိးမံၤဒဲးလၢအမူဝဲန့ၣ်အသးသမူအိၣ်လၢတၢ်သွံၣ်အပူၤလီၤ. မၤသးဒ်န့ၣ်ဒီးယွၤမၤလိာ်အံၣ်စရ့လးအပှၤဂီၢ်မုၢ်လၢအသုတအီၣ် တၢ်ညၣ်လၢအအိၣ်ဒီးတၢ်သွံၣ်တဂ့ၤန့ၣ်လီၤ. ပှၤတဂၤလၢ်လၢ်လၢအအီၣ်ဝဲန့ၣ်တမ့ၢ်လၢၤဘၣ်ပှၤတဂၤလၢယွၤအပှၤဂီၢ်မုၢ်အကျါလၢၤဘၣ်.

လံာ်မၤလကံ 2:12

မ်ယွၤသုးကွံာ်ပှၤလၢအမၤတၢ်ဒ်သိးအံၤလၢပှၤအံၣ်စရ့လးဖိ အတၢ်ကရၢကရိအပူၤ, ဒီးအသုတပျဲအမၤသကိးတၢ်ဒီးပပှၤကလုာ်လၢအတၢ်ဟဲစိာ်တၢ်လုၢ် ဆူယွၤသ့တၢ်လၢာ်အအိၣ်နီတဘျီလၢၤတဂ့ၤ.

လံာ်တၢ်ဂံၢ် 28:17

လၢတဆံယဲၢ်သီတသီန့ၣ်, တၢ်ဘူၣ်တၢ်ဘါအမူးဖးဒိၣ်တခါစးထီၣ် ဒီးယံာ်ဝဲနွံသီန့ၣ်လီၤ. အကတီၢ်ဖဲအံၤန့ၣ်တၢ်ကဘၣ်အီၣ်ထဲဒၣ်ကိၣ်လၢဘၣ်တၢ်ကတဲာ် ကတီၤအီၤတအိၣ်ဘၣ်ဒီးကိၣ်မံၣ်န့ၣ်လီၤ.

လံာ်တၢ်ဂံၢ် 9:13

ဘၣ်ဆၣ်ဒီးပှၤတဂၤလၢ်လၢ်လၢအကဆှီဝဲဒ်တၢ်ဘူၣ်တၢ်ဘါအလုၢ် အလၢ်အိၣ်ဝဲအသိးဒီးတအိၣ်ယံၤဘၣ်လၢတၢ်လဲၤတၢ်က့ၤ အဃိဘၣ်ဒီးမ့ၢ်ပှၤလၢတတိၢ်န့ၢ်ဘၣ်ဘူၣ်လဲၤကပာ်န့ၣ်တဘၣ် တၢ်ပာ်အီၤဒ်ပှၤတဂၤလၢယပှၤဂီၢ်မုၢ်အကျါလၢၤဘၣ်, မ့ၢ်လၢအဝဲတလုၢ်ထီၣ်ဘၣ်တၢ်လုၢ်မၤဘူၣ်ဆူယအိၣ်ဘၣ်ဖဲဆၢ ကတီၢ်လၢအဘၣ်တၢ်ပာ်လီၤအီၤဘၣ်အဃိန့ၣ်လီၤ. အဝဲကဘၣ်တူၢ်တၢ်ဒ်အကြၢးဝဲဘၣ်ဝဲဒီးအတၢ်ဒဲးဘးအသိးန့ၣ် လီၤ.

လံာ်မးသဲ 16:12

တုၤနုၤတစုအပျဲၢ်အဘီၣ်တဖၣ်နၢ်ပၢၢ်ဝဲလၢ, တၢ်လၢယ့ၣ်ၡူးတဲပလီၢ်အဝဲသ့ၣ်လၢအကတဒီတဒါအသးန့ၣ်, တမ့ၢ်ဘၣ်ကိၣ်မံၣ်လၢတၢ်သူအီၤပှၤမၤကိၣ်န့ၣ်ဘၣ်. မ့မ့ၢ်, မ့ၢ်လၢပှၤဖၤရံၤၡဲဒီးပှၤစးဒူၤကဲတဖၣ်အတၢ်သိၣ်လီၤသီလီၤန့ၣ်လီၤ.

လံာ်လူၤကၣ် 12:1

ဖဲပှၤဂီၢ်မုၢ်လၢအကထိတဖၣ်ပာ်ဖှိၣ်ထီၣ်အသးပှဲၤကတံာ်မး တုၤဒၣ်လဲာ်ယီၢ်လိာ်ဘၣ်အသးတဂၤဒီးတဂၤအဆၢကတီၢ်န့ၣ်, ယ့ၣ်ၡူးစံးဘၣ်ဆိအပျဲၢ်အဘီၣ်တဖၣ်, “ပလီၢ်သုသးလၢပှၤဖၤရံၤၡဲတဖၣ်အကိၣ်မံၣ်လၢ အမ့ၢ်အဝဲသ့ၣ်အတၢ်ပာ်မၤအသးန့ၣ်တက့ၢ်.

လံာ်လူၤကၣ် 2:43

ဖဲဘူၣ်လဲၤကပာ်ဝံၤဝဲန့ၣ်, အဝဲသ့ၣ်က့ၤဝဲ, ဘၣ်ဆၣ်ဖိသၣ်ယ့ၣ်ၡူးအိၣ်တ့ၢ်ဝဲဖဲဝ့ၢ်ယရူၤရှလ့ၣ်လီၤ. တၢ်အံၤန့ၣ်, အမိၢ်အပၢ်တသ့ၣ်ညါဘၣ်.

မၤတၢ် 12:3

ဖဲအဝဲဒၣ်ထံၣ်ဘၣ်လၢတၢ်မၤတမံၤအံၤဘၣ်သူၣ်ဘၣ်သးပှၤယူဒၤဖိ တဖၣ်န့ၣ်, အဝဲဟ့ၣ်လီၤကဒီးအကလုၢ်လၢပှၤကဖီၣ်ဃာ်စီၤပ့းတရူး စ့ၢ်ကီးန့ၣ်လီၤ. (တၢ်မၤတမံၤအံၤန့ၣ်, မ့ၢ်ဝဲဒၣ်ဖဲဘူၣ်ကိၣ်တအိၣ်ဘၣ်ဒီးကိၣ်မံၣ်အဆၢကတီၢ်န့ၣ်လီၤ.)

ကလၤတံ 5:12

ယဆၢလၢပှၤလၢအမၤတံာ်တာ်သုတဖၣ်ကမၤတၢ်တုၤလၢ အကတၢၢ်ဒီးအကစၢ်ဒၣ်ဝဲကဒုးကဲထီၣ်အသးလၢပှၤဒ့ဒံၣ်ဖိ တဖၣ်လီၤ.

လံာ်သိၣ်လီၤသီလီၤတၢ် 16:3

ဖဲသုအီၣ်တၢ်အီၣ်အံၤန့ၣ်, အီၣ်ကိၣ်လၢအဘၣ်တၢ်မၤအီၤဒီးကိၣ်မံၣ်န့ၣ်တဂ့ၤ. လၢနွံသီအတီၢ်ပူၤန့ၣ်သုကဘၣ်အီၣ်ကိၣ်လၢတၢ်တမၤ အီၤဒီးကိၣ်မံၣ်ဘၣ်, ဒ်သုမၤအီၤဖဲသုဟးထီၣ်လၢကီၢ်အဲၤကူပတူး အပူၤချ့ဒံးချ့ဒူးအသိးန့ၣ်လီၤ. အီၣ်ကိၣ်အံၤတက့ၢ်. တၢ်န့ၣ်ကဘၣ်တၢ်ကိးအီၤလၢတၢ်နးတၢ်ဖှီၣ်အကိၣ်, ဒ်သိးဒီးဖဲသုအိၣ်မူအဆၢကတီၢ်န့ၣ်သုကသ့ၣ်နီၣ်ထီၣ်က့ၤမုၢ် တနံၤဖဲသုဟးထီၣ်လၢကီၢ်အဲၤကူပတူးအပူၤ, လၢအမ့ၢ်တၢ်နးတၢ်ဖှီၣ်အလီၢ်န့ၣ်လီၤ.

လံာ်သိၣ်လီၤသီလီၤတၢ် 16:5

မၤသံဘူၣ်လဲၤကပာ်အဆၣ်ဖိကီၢ်ဖိတဖၣ်ဖဲဒၣ်တၢ်ဘူၣ်ထီၣ်ဘါထီၣ် အလီၢ်တတီၤဧိၤဒီးတမ့ၢ်ဘၣ်လၢတၢ်လီၢ်အဂၤ, လၢကီၢ်လၢယွၤ, သုကစၢ်ယွၤဟ့ၣ်လီၤသုန့ၣ်ဘၣ်.

လံာ်သိၣ်လီၤသီလီၤတၢ် 16:8

မၤကဒီးဆူညါဃုသီန့ၣ်သုဘၣ်အီၣ်ကိၣ်လၢတဘၣ်တၢ်မၤအီၤဒီး ကိၣ်မံၣ်ဘၣ်န့ၣ်လီၤ. ဒီးလၢနွံသီတသီန့ၣ်အိၣ်ဖှိၣ်ရိဖှိၣ်လၢတၢ်ဘူၣ်ထီၣ်ဘါထီၣ် ယွၤသုကစၢ်ယွၤအဂီၢ်, ဒီးတၢ်လၢမုၢ်နံၤအဝဲန့ၣ်မၤတၢ်နီတမံၤတဂ့ၤ.