လံာ်တၢ်ဟးထီၣ်ကွံာ် 11:8 - Sgaw Karen Common Bible

⁸ စီၤမိၤၡ့မၤကတၢၢ်အတၢ်ကတိၤစံးဝဲဒၣ်, “နပဒိၣ်ပပှၢ်ခဲလၢာ် ကဟဲဆူယအိၣ်ဒီးတီၤလီၤလၢယမဲာ်ညါဒီးအဝဲသ့ၣ်ကဃ့ကညး ယၤဒ်သိးယကဟးထီၣ်ကွံာ်ဒီးယပှၤဂီၢ်မုၢ်ခဲလၢာ်န့ၣ်လီၤ. ဒီးတၢ်န့ၣ်အလီၢ်ခံယကဟးထီၣ်ကွံာ်န့ၣ်လီၤ.” အန့ၣ်ဝံၤဒီးစီၤမိၤၡ့ဟးထီၣ်လၢစီၤပၤအအိၣ်လၢတၢ်သးထီၣ် အပူၤန့ၣ်လီၤ.

လံာ်တၢ်ဟးထီၣ်ကွံာ် 11:8 Iomraidhean Croise

လံာ်စီၤပၤအခီၣ်ထံးတဘ့ၣ် 20:10

လၢစီၤပၤဘ့ၣ်ဟဒးအအိၣ်စံးဝဲ, “ယကဟဲကိးပှၤလၢလၢလီၣ်လီၣ် လၢကမၤဟးဂီၤသုဝ့ၢ်အံၤတုၤအစိာ်ထီၣ်ကွံာ်ဒၣ်လဲာ်လၢၢ်အက့ အခီတဖၣ်လၢအစုပူၤန့ၣ်လီၤ. ယမ့ၢ်တမၤဒ်န့ၣ်ဘၣ်ဒီးမ်ကစၢ်တဖၣ်တီၢ်ယၤလၢတၢ်သံတက့ၢ်.”

လံာ်စီၤပၤခံဘ့ၣ်တဘ့ၣ် 3:9

လၢတၢ်န့ၣ်အဃိစီၤပၤယဟိရၣ်ဒီးကီၢ်ယူဒၤအစီၤပၤဒီးကီၢ် အဒိၣ်အစီၤပၤတဖၣ်ဟးထီၣ်ဝဲဒၣ်လီၤ. ဖဲအဝဲသ့ၣ်လဲၤတၢ်နွံသီဝံၤအလီၢ်ခံန့ၣ်, အဝဲသ့ၣ်အထံလၢာ်ကွံာ်န့ၢ်အီၤ, ဒီးထံတအိၣ်တီၢ်နီတစဲးလၢပှၤ ကညီအဂီၢ်မ့ၢ်ဂ့ၤလၢဆၣ်ဖိကီၢ်ဖိတဖၣ်လၢအလဲၤတၢ်ဒီးအဝဲသ့ၣ် အဂီၢ်မ့ၢ်ဂ့ၤန့ၣ်ဘၣ်.

လံာ်စီၤနဃ့မယၤ 5:6

ဒီးတုၤယနၢ်ဟူအဝဲသ့ၣ်အတၢ်ပာ်ဒ့ၣ်ပာ်ကမၣ်သ့ၣ်တဖၣ်န့ၣ်ဒီး ယသးဒိၣ်ထီၣ်လီၤ.

စံးထီၣ်ပတြၢၤ 6:1

ယွၤဧၢ, သိၣ်ဃီၣ်ယၤလၢနတၢ်သးဒိၣ်အပူၤတဂ့ၤ, ဒီးစံၣ်ညီၣ်ဃၣ်ယၤလၢနတၢ်သးကဲၤထီၣ် အပူၤန့ၣ်တဂ့ၤ.

လံာ်တၢ်ဟးထီၣ်ကွံာ် 10:29

စီၤမိၤၡ့စံးဆၢအီၤ, “ဒ်နစံးတ့ၢ်နဲအသိးနတထံၣ်ဘၣ်ယၤနီတစုလၢၤဘၣ်.”

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်ယၡါယၤ 49:26

ပှၤလၢအမၤအၢမၤသီသုတဖၣ်န့ၣ်ယကပျဲအမၤသံလိာ်အသးတဂၤဒီး တဂၤလီၤ. ဒ်ပှၤအီမူၤသံးအသိးန့ၣ်, အဝဲသ့ၣ်ကမူၤလၢတၢ်မၤသံတၢ်ဒီးတၢ် သူၣ်ဒိၣ်သးဖျိးလီၤ. အန့ၣ်ဒီးပှၤဟီၣ်ခိၣ်ဖိခဲလၢာ်ကသ့ၣ်ညါလၢယမ့ၢ်ယွၤ, ပှၤတဂၤလၢအအုၣ်က့ၤခီၣ်က့ၤသုဒီးမၤထူၣ်ဖျဲးသုလီၤ. အဝဲသ့ၣ်ကသ့ၣ်ညါဝဲလၢယမ့ၢ်အံၣ်စရ့လးအကစၢ်ယွၤလၢအအိၣ်ဒီး အစိကမီၤန့ၣ်လီၤ.”

လံာ်ယဃ့းစက့လး 3:14

ယွၤအစိကမီၤလီၤဘၣ်လၢ ယလိၤအိၣ်ဒီး အသဟီၣ်ဆူၣ်ဒိၣ်မး, ဒီးဖဲအသး စိာ်ဆှၢကွံာ်ယၤန့ၣ်, ယသးခၣ်ဒီးယသးထီၣ်ယဲလီၤ.

လံာ်ဒၤနံးယ့လး 3:19

တုၤနုၤတစုစီၤပၤနဘူၤကးန့စၢ်အသးဖျိးထီၣ်ဝဲဒိၣ်ဒိၣ်ကလဲာ် ဒီးအမဲာ်သၣ်ထီၣ်ဂီၤဝဲဒၣ်လၢတၢ်သးဒိၣ်ဘၣ်စီၤၡၤဒရး, စီၤမ့ၤၡး, ဒီးစီၤဧဘ့ၤဒနကိၤအဃိန့ၣ်လီၤ. ဒီးဟ့ၣ်လီၤအကလုၢ်လၢဖၣ်က ပူၤမ့ၣ်အူကဘၣ်တၢ်မၤကဲၤထီၣ်အီၤအါန့ၢ်ဒံးအလီၢ်နွံစးန့ၣ်လီၤ.

လံာ်တၢ်ဂံၢ် 12:3

(စီၤမိၤၡ့မ့ၢ်ပှၤဆီၣ်လီၤအသးတဂၤဒီးဆီၣ်လီၤအသးဒိၣ်န့ၢ် ဒံးကယဲၢ်ပှၤတဂၤလၢ်လၢ်လၢဟီၣ်ခိၣ်ချၢအံၤန့ၣ်လီၤ.)

လံာ်မၢ်ကူး 3:5

ယ့ၣ်ၡူးကွၢ်ဃီၤပှၤတဖၣ်လၢအအိၣ်ဝးတရံးအီၤဒီး အသးဒိၣ်ဘၣ်အဝဲသ့ၣ်လီၤ. ဘၣ်ဆၣ်ဒီးတဘျီဃီဖဲန့ၣ်အသးအုးဝဲလၢအဝဲသ့ၣ်တဖၣ်ပာ်ကိၤ အသးဒိၣ်ဒိၣ်ကလဲာ်ဒီးအတၢ်ပာ်သးကမၣ်အဃိလီၤ. အန့ၣ်ဝံၤစံးဘၣ်ပှၤတဂၤန့ၣ်, “ယူာ်ထီၣ်နစုတက့ၢ်.” အဝဲဒၣ်ယူာ်ထီၣ်အစုဒီးအစုန့ၣ်ဂ့ၤထီၣ်က့ၤဝဲဒၣ်လီၤ.

လံာ်သိၣ်လီၤသီလီၤတၢ် 29:24

အန့ၣ်ဒီး, ဟီၣ်ခိၣ်ဒီဘ့ၣ်ကသံကွၢ်ဝဲ, ယွၤမၤတၢ်ဒ်သိးအံၤဆူ အဝဲသ့ၣ်အထံအကီၢ်ဘၣ်မနုၤအဃိလဲၣ်. အဝဲအတၢ်သးဒိၣ်ကဲၤကပျီၤဝဲလၢတၢ်ဂ့ၢ်မနုၤအဃိလဲၣ်.

လံာ်သိၣ်လီၤသီလီၤတၢ် 32:24

အဝဲသ့ၣ်ကသံဝဲလၢတၢ်သၣ်ဝံၤလီၤဒိဒီးတၢ်လိၤကိၢ်အဃိ, အဝဲသ့ၣ်ကသံဝဲလၢတၢ်ဆူးတၢ်ဆါတဖၣ်လၢအလီၤပျံၤလီၤဖုးအဃိ န့ၣ်လီၤ. ယကမၢလီၤဆၣ်ဖိကီၢ်ဖိအမံၤတဖၣ်လၢကဟဲထီၣ်အ့ၣ်ဖှီအဝဲသ့ၣ်, ဒီးဂုၢ်တဖၣ်လၢအစုၣ်အၢန့ၣ်ကအ့ၣ်အဝဲသ့ၣ်လီၤ.

ဧ့ၤဘြံၤ 11:27

လၢတၢ်စူၢ်တၢ်နာ်န့ၣ် စီၤမိၤၡ့ဟးထီၣ်ကွံာ်လၢအဲၤကူပတူး အပူၤဒီးတပျံၤဘၣ်စီၤပၤအတၢ်သးဒိၣ်ထီၣ်န့ၣ်ဘၣ်. အဝဲအိၣ်ဂၢၢ်ဆိးကျၢၤဒီးတက့ၤကဒါက့ၤဝဲဘၣ်န့ၣ်, မၤအသးဒ်အထံၣ်ဘၣ်ကစၢ်ယွၤလၢတၢ်ထံၣ်အီၤတသ့ဘၣ် တဂၤအသိးန့ၣ်လီၤ.

လံာ်လီၣ်ဖျါ 3:9

ဒိကနၣ်တက့ၢ်. မ့မ့ၢ်ပှၤတဖုတကရၢလၢအဘၣ်ထွဲဒီးမုၣ် ကီၤလံၢ်, ပှၤလီတၢ်သ့ၣ်တဖၣ်လၢအစံးလီၤအသးလၢအမ့ၢ် ပှၤယူဒၤဖိဘၣ်ဆၣ်တမ့ၢ်ဘၣ်တဖၣ်န့ၣ်, ယကမၤဒ်သိးအဝဲသ့ၣ်ကဟဲဒီးချံးခီၣ်တီၤလီၤလၢသုခီၣ်ထံး န့ၣ်လီၤ. အဝဲသ့ၣ်ကိးဂၤဒဲးကသ့ၣ်ညါလၢယအဲၣ်သုလီၤ.

လံာ်ပှၤစံၣ်ညီၣ်ကွီၢ် 4:10

လၢတၢ်န့ၣ်အဃိစီၤဘါရးကိးန့ၢ်ပှၤစဘူလိၣ်အဒူၣ်, ဒီးပှၤနးသၤလံအဒူၣ်တဖၣ်ဆူက့ဒ့ၣ် ဒီးပှၤပိာ်ခွါအဂၤတကလးပိာ်ထီၣ်အခံလီၤ. ဒီးနီၢ်ဒဘိရၤလဲၤဃုာ်ဒီးအီၤန့ၣ်လီၤ.

လံာ်ပှၤစံၣ်ညီၣ်ကွီၢ် 8:5

ဒီးတုၤအဝဲသ့ၣ်တုၤဃီၤဖဲဝ့ၢ်စူးကိၤသးန့ၣ်စီၤကံးဒဧိၣ် စံးဘၣ်ပှၤအိၣ်လၢဝ့ၢ်ပူၤတဖၣ်န့ၣ်, “ဝံသးစူၤဟ့ၣ်ယပှၤတဖၣ်လၢကိၣ်အလိၣ်တနီၤတက့ၢ်. အဝဲသ့ၣ်လီၤဘှံးလီၤတီၤဒီးယလူၤဖီၣ်ဒံး ပှၤမံးဒယၣ်ဖိအစီၤပၤတဖၣ်လၢအမ့ၢ်စီၤစ့ဘၤဒီးစီၤစးလမူနၤန့ၣ်လီၤ.”