လံာ်တၢ်ဟးထီၣ်ကွံာ် 11:6 - Sgaw Karen Common Bible

⁶ ဒီးတၢ်ဟီၣ်တၢ်ယၢၤဖးဒိၣ်ကအိၣ်လၢကီၢ်အဲၤကူပတူးဒီဘ့ၣ်ညါ အပူၤလီၤ. တၢ်ဒ်န့ၣ်အသိးအံၤတအိၣ်တ့ၢ်နီတဘျီဒီးတအိၣ်လၢၤနီ တဘျီလၢၤဘၣ်.

လံာ်တၢ်ဟးထီၣ်ကွံာ် 11:6 Iomraidhean Croise

လံာ်တၢ်ဟးထီၣ်ကွံာ် 11:7

ဘၣ်ဆၣ်ထွံၣ်တဒုဒၣ်လဲာ်တမ့ၢ်ကမီၤပှၤအံၣ်စရ့လးဖိမ့ၢ်ဂ့ၤ, အဆၣ်ဖိကီၢ်ဖိမ့ၢ်ဂ့ၤန့ၣ်ဘၣ်. အန့ၣ်တစုသုကသ့ၣ်ညါလၢယၤ, ယွၤအံၤယမၤလီၤဆီပှၤအဲၤကူပတူးဖိဒီးပှၤအံၣ်စရ့လးဖိ န့ၣ်လီၤ.”

လံာ်တၢ်ဟးထီၣ်ကွံာ် 12:30

လၢမုၢ်နၤအဝဲန့ၣ်, စီၤပၤ, အဝဲအခ့အပှၤတဖၣ်ဒီးကယဲၢ်ပှၤအဲၤကူပတူးဖိခဲလၢာ်ဖုးပၢၢ်ထီၣ်ဝဲဒၣ်လီၤ. ဒီးတၢ်ဟီၣ်ကိးပသူဖးဒိၣ်အိၣ်ထီၣ်ဝဲဒၣ်လၢကီၢ်အဲၤကူပတူး ဒီဘ့ၣ်ညါအပူၤမ့ၢ်လၢဖိဝဲၢ်ကိတဖၣ်သံဝဲဒၣ်လၢဟံၣ်ကိးဖျၢၣ် ဒဲးအပူၤအဃိန့ၣ်လီၤ.

လံာ်တၢ်ဟးထီၣ်ကွံာ် 3:7

တုၤနုၤတစုယွၤစံးဝဲဒၣ်, “ယထံၣ်တ့ၢ်လံယပှၤဂီၢ်မုၢ်တဖၣ်ဘၣ် တၢ်မၤအၢမၤနးအီၤလၢကီၢ်အဲၤကူပတူးအပူၤန့ၣ်လီၤ. ယနၢ်ဟူတ့ၢ်အဝဲသ့ၣ်ကိးထီၣ်တၢ်မၤပူၤဖျဲးအီၤလၢကုၢ်ကစၢ်တဖၣ် အစုပူၤန့ၣ်လီၤ. ယသ့ၣ်ညါအဝဲသ့ၣ်အတၢ်တူၢ်ဘၣ်ခီၣ်ဘၣ်ခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 9:18

ခဲဂီၤကိာ်လၢအကတီၢ်ဒ်အံၤန့ၣ်ယကဒုးစူၤလီၤသူၣ်နးနးကလဲာ် လၢကီၢ်အဲၤကူပတူးတသ့ၣ်ညါတ့ၢ်ဘၣ်လၢအတၢ်စံၣ်စိၤတဲစိၤအပူၤ နီတစုဘၣ်န့ၣ်လီၤ.

တၢ်ကတိၤဒိ. 21:13

နမ့ၢ်ဂ့ၢ်လိာ်လၢနကဒိကနၣ်ပှၤအဖှီၣ်အယာ်အတၢ်ကိးထီၣ်ဒီး, နတၢ်ကိးထီၣ်ဒၣ်နဲလၢတၢ်မၤစၢၤအဂီၢ်စ့ၢ်ကီးတၢ်တနၢ်ဟူ ဘၣ်အီၤဘၣ်န့ၣ်လီၤ.

လံာ်ယၡါယၤ 15:8

ဖဲမိၤအးအကီၢ်ဆၢတၢ်လီၢ်ကိးပူၤဒဲးန့ၣ်, တၢ်နၢ်ဟူဘၣ်တၢ် ဟီၣ်တၢ်ယၢၤအသီၣ်လီၤ. တၢ်နၢ်ဟူအီၤလၢဝ့ၢ်အ့ကလံၣ် ဒီးဝ့ၢ်ဘ့ၣ်အ့လံၣ်တဖၣ်လီၤ.

လံာ်ယၡါယၤ 19:16

တၢ်ဆၢကတီၢ်ဟဲဝဲဖဲပှၤအဲၤကူပတူးဖိတဖၣ်ကပျံၤတၢ်ဒ်ပိာ် မုၣ်တဖၣ်အသိးလီၤ. အဝဲသ့ၣ်ကကနိးကစုာ်လၢတၢ်ပျံၤတၢ် ဖုးဖးဒိၣ်အပူၤဖဲအဝဲသ့ၣ်ထံၣ်ဝဲလၢယွၤသ့တၢ်လၢာ်ကစၢ်ယူာ် ထီၣ်အစုလၢကစံၣ်ညီၣ်အဝဲသ့ၣ်အဂီၢ်အခါန့ၣ်လီၤ.

လံာ်ယံးရမံယၤ 31:15

ယွၤစံးဝဲဒၣ်, “တၢ်ကလုၢ်သီၣ်ထီၣ်ဝဲလၢ ဝ့ၢ်ရၤမါအပူၤ, မ့ၢ်တၢ်ဟီၣ်ပသူဟီၣ်ပသီထီၣ် အတၢ်သီၣ်န့ၣ်လီၤ. နီၢ်ရၤဃ့လး ဟီၣ်ဝဲလၢ အဖိတဖၣ်အဃိန့ၣ်လီၤ. အဖိတဖၣ် လီၤမၢ်ကွံာ်လၢာ်လံ. ဒီးအဝဲတတူၢ်လိာ်ဘၣ်တၢ်ကမၤမုာ်ထီၣ်က့ၤအီၤဘၣ်.

လံာ်သးသယုၢ်တၢ် 3:8

ယကိးပသူထီၣ်ဖးဒိၣ်လၢတၢ်မၤစၢၤအဂီၢ်ဘၣ်ဆၣ်ဒီးကစၢ်ယွၤဂ့ၢ် လိာ်လၢကဒိကနၣ်ယၤအဂီၢ်န့ၣ်လီၤ.

လံာ်ဧၤမိၣ် 5:17

လၢကယဲၢ်စပံးလီၢ်ခဲလၢာ်အပူၤန့ၣ်တၢ်ဟီၣ်ပသူကအိၣ်ဝဲလီၤ. တၢ်ခဲလၢာ်အံၤကမၤအသးမ့ၢ်လၢယဟဲဒ်သိးယကဟဲစံၣ်ညီၣ်သု အဃိန့ၣ်လီၤ. ယွၤစံးတ့ၢ်ဝဲဒၣ်လီၤ.

လံာ်စဖါနယၤ 1:10

ဒီးယွၤစံးဝဲဒၣ်, “လၢမုၢ်နံၤအဝဲန့ၣ်တၢ်ကမၤအသးလၢတၢ်ကိးပသူထီၣ်ကသီၣ်ထီၣ် ဝဲလၢဝ့ၢ်ယရူၤၡလ့ၣ်အတြဲၤညၣ်န့ၣ်လီၤ. ဒီးသုကနၢ်ဟူတၢ်ဟီၣ်တၢ်ယၢၤလၢတၢ်လီၢ်အသီတတီၤလၢဝ့ၢ်အပူၤ ဒီးတၢ်လီၤပှီၢ်အသီၣ်ဖးဒိၣ်တမံၤလၢတၢ်လူၢ်ခိၣ်တဖၣ်အဒီခိၣ်န့ၣ်လီၤ.

လံာ်လူၤကၣ် 13:28

တုၤသုထံၣ်ဘၣ်စီၤအၤဘြၤဟၣ်, စီၤအံၤစဲး, ဒီးစီၤယၤကိာ်ဒီးဝံခဲလၢာ် အိၣ်လၢကစၢ်ယွၤအဘီအမုၢ်အပူၤ, ဖဲသုဝဲတခီသုဘၣ်တၢ်ညိကွံာ်သုလၢတၢ်ချၢန့ၣ်, သုကအိၣ်ဒီးတၢ်ဟီၣ်တၢ်ယၢၤ, ဒီးတၢ်မဲအ့ၣ်တဃံးဆံးဒိၣ်လဲၣ်.