လံာ်တၢ်ဟးထီၣ်ကွံာ် 11:5 - Sgaw Karen Common Bible

⁵ ဒီးကယဲၢ်ဖိခွါဝဲၢ်ကိလၢကီၢ်အဲၤကူပတူးအပူၤကသံဝဲ, စးထီၣ်လၢစီၤပၤအဖိခွါဝဲၢ်ကိလၢအကထီၣ်က့ၤစီၤပၤအလီၢ်, တုၤလီၤလၢကုၢ်ပိာ်မုၣ်လၢအဂံာ်ဘုအဖိခွါဝဲၢ်ကိ, ဒီးဆၣ်ဖိကီၢ်ဖိအဖိဝဲၢ်ကိခဲလၢာ်ဒၣ်လဲာ်န့ၣ်လီၤ.

လံာ်တၢ်ဟးထီၣ်ကွံာ် 11:5 Iomraidhean Croise

စံးထီၣ်ပတြၢၤ 105:36

အဝဲမၤသံကွံာ်ကယဲၢ်ကီၢ်အဲၤကူပတူးအဟံၣ်ဒူၣ်ဃီထၢတဖၣ်, အဖိခွါဝဲၢ်ကိခဲလၢာ်န့ၣ်လီၤ.

စံးထီၣ်ပတြၢၤ 135:8

အဝဲဒၣ်န့ၣ်မ့ၢ်ပှၤလၢအကျီသံကွံာ် ပှၤအဲၤကူပတူးအဖိဝဲၢ်ကိ, ဒီးဆၣ်ဖိကီၢ်ဖိဝဲၢ်ကိစ့ၢ်ကီးန့ၣ်လီၤ.

စံးထီၣ်ပတြၢၤ 136:10

အဝဲကျီသံကွံာ်ပှၤအဲၤကူပတူးဖိအဖိဝဲၢ်ကိလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 78:51

အဝဲမၤသံကယဲၢ်ဖိခွါဝဲၢ်ကိတဖၣ်လၢ ကီၢ်အဲၤကူပတူးအဟံၣ်ဖိဃီဖိအကျါန့ၣ်လီၤ.

လံာ်တၢ်ဟးထီၣ်ကွံာ် 12:12

လၢမုၢ်နၤအဝဲန့ၣ်ယကလဲၤခီဂာ်ကီၢ်အဲၤကူပတူးဒီးမၤသံကွံာ် ကယဲၢ်တၢ်အဝဲၢ်ကိအပိာ်ခွါမ့တမ့ၢ်အဖါလၢကီၢ်အဲၤကူပတူးအပူၤ လၢပှၤကညီတုၤလၢဆၣ်ဖိကီၢ်ဖိဒီးစံၣ်ညီၣ်ကီၢ်အဲၤကူပတူး အကစၢ်ခဲလၢာ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်တၢ်ဟးထီၣ်ကွံာ် 12:29

လၢဖးဖီမုၢ်န့ၣ်ယွၤမၤသံကွံာ်ကယဲၢ်ဖိခွါဝဲၢ်ကိတဖၣ်လၢ ကီၢ်အဲၤကူပတူးအပူၤ, စးထီၣ်လၢစီၤပၤအဖိခွါလၢအကထီၣ်က့ၤနီ, တုၤလၢပှၤဘၣ်တၢ်စၢဃာ်လၢဃိာ်ပူၤတဖၣ်အဖိဝဲၢ်ကိန့ၣ်လီၤ. ကယဲၢ်ဆၣ်ဖိကီၢ်ဖိအဖိဝဲၢ်ကိတဖၣ်စ့ၢ်ကီးဘၣ်တၢ်မၤသံ အီၤန့ၣ်လီၤ.

လံာ်တၢ်ဟးထီၣ်ကွံာ် 13:15

ဒီးဖဲပှၤအဲၤကူပတူးဖိအစီၤပၤမၤကိၤအသးဒီးဂ့ၢ်လိာ်ဝဲလၢအကပျဲ ပဟးထီၣ်န့ၣ်, ယွၤမၤသံကယဲၢ်ပှၤကညီဒီးဆၣ်ဖိကီၢ်ဖိအဖိဝဲၢ် ကိခဲလၢာ်လၢကီၢ်အဲၤကူပတူးအပူၤန့ၣ်လီၤ. မၤသးဒ်န့ၣ်ဒီးပလုၢ်ထီၣ်ကယဲၢ်ဆၣ်ဖိကီၢ်ဖိအဖိဝဲၢ်ကိခဲလၢာ် ဆူယွၤအအိၣ်န့ၣ်လီၤ. မ့မ့ၢ်ပဖိဝဲၢ်ကိပိာ်ခွါတဖၣ်န့ၣ်ပပှ့ၤကဒါက့ၤအီၤန့ၣ်လီၤ.

လံာ်တၢ်ဟးထီၣ်ကွံာ် 4:23

ဒီးယစံးဘၣ်နၤပျဲယဖိခွါလဲၤတၢ်, ဒ်သိးအကဘူၣ်ထီၣ်ဘါထီၣ် ယၤ, ဘၣ်ဆၣ်ဒီးနဂ့ၢ်လိာ်နဲလီၤ. ခဲအံၤယကမၤသံနဖိဝဲၢ်ကိတဖၣ်လီၤ.’ ”

လံာ်ယၡါယၤ 47:2

တြံးဆၢၣ်ဂူာ်လၢၢ်ဒီးဂံာ်ကိၣ်ကမူၣ်တက့ၢ်. ပဲကွံာ်နီၣ်ကျၢၢ်ဘၢမဲာ်ဒီးဘ့ၣ်ကွံာ်နကူနကၤအဂ့ၤတဖၣ်တက့ၢ်. ထဲးထီၣ်နဆ့ကၤဆူအဖီခိၣ်လၢနကခီထံကျိအဂီၢ်တက့ၢ်.

လံာ်သးသယုၢ်တၢ် 5:13

ပပှၤသးစၢ်ပိာ်ခွါတဖၣ်ဘၣ်တၢ်မၢဆူၣ်အီၤလၢကဂံာ်ဘုဒ်ကုၢ်တဖၣ် အသိး, ဒီးဖိသၣ်ပိာ်ခွါတဖၣ်လဲၤကနူၤနူၤကပၤပၤလၢ တၢ်ဝံသ့ၣ်မုၣ်ဃၢမးအဃိန့ၣ်လီၤ.

လံာ်မးသဲ 24:41

ပိာ်မုၣ်ခံဂၤကဂံာ်သကိးဘုလီၤ. တဂၤကဘၣ်တၢ်စိာ်ထီၣ်ကွံာ်အီၤလီၤ. မ့မ့ၢ်အတဂၤကဘၣ်တၢ်ပာ်တ့ၢ်ကွံာ်အီၤလီၤ.

ဧ့ၤဘြံၤ 11:28

လၢတၢ်စူၢ်တၢ်နာ်အဝဲဒုးအိၣ်ထီၣ်ဘူၣ်လဲၤကပာ်ဒီးဟ့ၣ် လီၤအကလုၢ်လၢပှၤကဘၣ်ဖှံတြဲၤအထူၣ်တဖၣ်လၢတၢ် သွံၣ်, ဒ်သိးတၢ်သံအကလူးအသုတမၤသံဘၣ်အံၣ်စရ့လး အဖိဝဲၢ်ကိတဖၣ်တဂ့ၤအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 16:21

ပှၤဖလ့ၡသးဖိတဖၣ်ဖီၣ်န့ၢ်အီၤဒီးထုးထီၣ်ကွံာ်အမဲာ်ချံလီၤ. ဒီးအဝဲသ့ၣ်လဲၤစိာ်အီၤဆူဝ့ၢ်ဂါစၤ, စၢအီၤလၢထးသွဲတိၢ်ဘီတဖၣ်ဒီးမၢအဂူာ်ဆၢၣ်ဂူာ်လၢဃိာ်ပူၤန့ၣ်လီၤ.