လံာ်တၢ်ဟးထီၣ်ကွံာ် 11:3 - Sgaw Karen Common Bible

³ ယွၤမၤဒ်သိးပှၤအဲၤကူပတူးဖိတဖၣ်ကပာ်ကဲပှၤအံၣ်စရ့လးဖိ တဖၣ်အဂီၢ်န့ၣ်လီၤ. ပဒိၣ်ပပှၢ်တဖၣ်ဒီးကယဲၢ်ပှၤဂီၢ်မုၢ်ခဲလၢာ်ပာ် စီၤမိၤၡ့ဒ်ပှၤဖးဒိၣ်တဂၤနီၢ်နီၢ်အသိးန့ၣ်လီၤ.

လံာ်တၢ်ဟးထီၣ်ကွံာ် 11:3 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 39:21

ဘၣ်ဆၣ်ယွၤအိၣ်ဒီးစီၤယိၤသးဒီးဆိၣ်ဂ့ၤအီၤလီၤ. ဒီးဃိာ်ဒိၣ်ဘၣ်သူၣ်ဘၣ်သးအီၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:9

ယအိၣ်တ့ၢ်ဒီးနၤဖဲနလဲၤတၢ်တပူၤလၢ်လၢ်ဒီးယမၤနၢၤတ့ၢ်ကယဲၢ် နဒုၣ်နဒါခဲလၢာ်ဖဲနလဲၤထီၣ်ဒုးတၢ်န့ၣ်လီၤ. ယကဒုးမံၤဟူသၣ်ဖျါနၤထဲသိးခိၣ်နၢ်အဒိၣ်ကတၢၢ်တဖၣ် လၢဟီၣ်ခိၣ်ချၢန့ၣ်လီၤ.

လံာ်နီၢ်အ့ၤစတၢ် 9:4

ဒီးစီၤမၢ်ဒကဲၤဘၣ်တၢ်သ့ၣ်ညါအီၤလၢဘီမုၢ်သကုၤဆးဒး အပူၤဂ့ၤဂ့ၤကလဲာ်ဒ်အမ့ၢ်ပှၤဒိၣ်စိဒိၣ်ကမီၤတဂၤလၢနီပူၤဒီး အစိကမီၤဒံးယံာ်ဒံးအါထီၣ်န့ၣ်လီၤ.

စံးထီၣ်ပတြၢၤ 106:46

အဝဲထိးဘၣ်ပှၤမၤနးမၤဖှီၣ် အဝဲသ့ၣ်တဖၣ်အသး ဒ်သိးကသးကညီၤက့ၤအဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 12:35

ပှၤအံၣ်စရ့လးဖိတဖၣ်မၤဝဲဒ်စီၤမိၤၡ့စံးဘၣ်တ့ၢ်အီၤအသိး, ဒီးဃ့ဝဲပှၤအဲၤကူပတူးဖိတဖၣ်လၢအတၢ်ကယၢကယဲထူဒီးစ့တဖၣ် ဒီးတၢ်ကူတၢ်သိးတဖၣ်န့ၣ်လီၤ.

လံာ်တၢ်ဟးထီၣ်ကွံာ် 12:36

ဒီးယွၤမၤဝဲဒ်သိးပှၤအဲၤကူပတူးဖိတဖၣ်ကပာ်ကဲပှၤဂီၢ်မုၢ် ဒီးဟ့ၣ်တၢ်လၢအဝဲသ့ၣ်ဃ့ဝဲတဖၣ်န့ၣ်လီၤ. လၢကျဲဒ်အံၤန့ၣ်, ပှၤအံၣ်စရ့လးဖိတဖၣ်ဟံးန့ၢ်ကွံာ်ပှၤအဲၤကူပတူးဖိတဖၣ် အတၢ်ထူးတၢ်တီၤန့ၣ်လီၤ.

လံာ်တၢ်ဟးထီၣ်ကွံာ် 3:21

ဒီးယကမၤတုၤပှၤအဲၤကူပတူးဖိတဖၣ်ပာ်ဒိၣ်ပာ်ကဲသုဒ်သိးတုၤ ယပှၤဂီၢ်မုၢ်ဟးထီၣ်ကွံာ်န့ၣ်ဒီးအသုတဟးထီၣ်ဘၣ်ဝဲထဲအစု ယၢ်ခီတဂ့ၤန့ၣ်လီၤ.

လံာ်ယၡါယၤ 60:14

ပှၤလၢအမၤအၢမၤနးနၤအဖိခွါတဖၣ်ကဟဲဝဲ ဒီးသကူးဖုၣ်လီၤအသးဒ်သိးကဒုးနဲၣ်အဝဲသ့ၣ်အ တၢ်ယူးယီၣ်ပာ်ကဲနၤအဂီၢ်လီၤ. ကယဲၢ်ပှၤလၢတဘျီ, အသးဘၣ်အၢတ့ၢ်နၤ ကဘူၣ်ထီၣ်ဘါထီၣ်တၢ်လၢနခီၣ်ထံးလီၤ. အဝဲသ့ၣ်ကကိးနၤလၢ, ယွၤအမူအဝ့ၢ်, ဝ့ၢ်စံယိၣ်, ပှၤအံၣ်စရ့လးဖိအကစၢ်ယွၤစီဆှံအခူအဝ့ၢ်န့ၣ်လီၤ.

မၤတၢ် 7:22

အဝဲဒၣ်ဘၣ်တၢ်သိၣ်လိမၤယုၤအီၤလၢကယဲၢ်ပှၤ အဲၤကူပတူးဖိတဖၣ်အတၢ်ကူၣ်သ့ကူၣ်ဘၣ်ခဲလၢာ်, ဒီးကဲထီၣ်ဝဲပှၤဖးဒိၣ်တဂၤလၢအတၢ်စံးတၢ်ကတိၤဒီး အတၢ်ဖံးတၢ်မၤအပူၤန့ၣ်လီၤ.

လံာ်သိၣ်လီၤသီလီၤတၢ် 34:10

လၢကီၢ်အံၣ်စရ့လးအပူၤဝံတဂၤဒ်စီၤမိၤၡ့အသိးလၢယွၤကတိၤ တၢ်ဒီးအီၤမဲာ်သကိးမဲာ်န့ၣ်တအိၣ်ဘၣ်နီတစုနီတဂၤဘၣ်.

လံာ်သိၣ်လီၤသီလီၤတၢ် 34:11

တၢ်လီၤလိၢ်လီၤလးတဖၣ်ဒီးတၢ်လီၤကမၢကမၣ်တဖၣ်ဒ်သိးယွၤဆှၢ လီၤစီၤမိၤၡ့ဒီးမၢအမၤဖျါဝဲထီဒါကီၢ်အဲၤကူပတူးအစီၤပၤ, အဝဲအပဒိၣ်ပပှၢ်တဖၣ်ဒီးထံကီၢ်ဒီတဘ့ၣ်ညါန့ၣ်, ဝံအဂၤတမၤတ့ၢ်ဘၣ်အီၤနီတစုနီတဂၤဘၣ်.

လံာ်စီၤယိၤၡူ 4:14

ဒီးလၢနံၤအဝဲန့ၣ်, ယွၤယူာ်ထီၣ်ထီစီၤယိၤၡူလၢအံၣ်စရ့လးခဲလၢာ်အမဲာ်ညါဒီးဒ် အဝဲသ့ၣ်, ပျံၤစီၤမိၤၡ့အသိးန့ၣ်, ပျံၤစ့ၢ်ကီးစီၤယိၤၡူတစိၤဒၣ်အီၤန့ၣ်လီၤ.

လံာ်လီၣ်ဖျါ 3:9

ဒိကနၣ်တက့ၢ်. မ့မ့ၢ်ပှၤတဖုတကရၢလၢအဘၣ်ထွဲဒီးမုၣ် ကီၤလံၢ်, ပှၤလီတၢ်သ့ၣ်တဖၣ်လၢအစံးလီၤအသးလၢအမ့ၢ် ပှၤယူဒၤဖိဘၣ်ဆၣ်တမ့ၢ်ဘၣ်တဖၣ်န့ၣ်, ယကမၤဒ်သိးအဝဲသ့ၣ်ကဟဲဒီးချံးခီၣ်တီၤလီၤလၢသုခီၣ်ထံး န့ၣ်လီၤ. အဝဲသ့ၣ်ကိးဂၤဒဲးကသ့ၣ်ညါလၢယအဲၣ်သုလီၤ.