လံာ်တၢ်ဟးထီၣ်ကွံာ် 11:1 - Sgaw Karen Common Bible

¹ ဒီးယွၤစံးဘၣ်စီၤမိၤၡ့ဒီးစံးဝဲဒၣ်, “ယကဒုးဘၣ်ဒံးကီၢ် အဲၤကူပတူးအစီၤပၤဒီးအပှၤဂီၢ်မုၢ်လၢတၢ်နးတၢ်ဖှီၣ်တမံၤဒံးလီၤ. အဝဲန့ၣ်ဝံၤအလီၢ်ခံအဝဲကပျၢ်သုလီၤ. သပှၢ်ကတၢၢ်အဝဲကဟီ ထီၣ်ကွံာ်သုခဲလၢာ်ဖဲအံၤလီၤ.

လံာ်တၢ်ဟးထီၣ်ကွံာ် 11:1 Iomraidhean Croise

လံာ်တၢ်ကဲထီၣ်အခီၣ်ထံး 15:14

ဘၣ်ဆၣ်ဒီး, ယကစံၣ်ညီၣ်ပှၤတကလုာ်လၢအမၢကဲကုၢ်အဝဲသ့ၣ်, ဒီးတုၤအဝဲသ့ၣ်ဟးထီၣ်ကွံာ်လၢပှၤထံပှၤကီၢ်န့ၣ်အဝဲသ့ၣ်ကစိာ် ဃုာ်တၢ်ထူးတၢ်တီၤအါအါဂီၢ်ဂီၢ်န့ၣ်လီၤ.

လံာ်စီၤယိၤဘး 10:17

နအိၣ်ဒီးပှၤအုၣ်အသးထီဒါယၤထီဘိ, နတၢ်သးထီၣ်ယၤဒိၣ် ထီၣ်ဒီးနကူၣ်ထီဒါယၤထီဘိန့ၣ်လီၤ.

လံာ်တၢ်ဟးထီၣ်ကွံာ် 12:29

လၢဖးဖီမုၢ်န့ၣ်ယွၤမၤသံကွံာ်ကယဲၢ်ဖိခွါဝဲၢ်ကိတဖၣ်လၢ ကီၢ်အဲၤကူပတူးအပူၤ, စးထီၣ်လၢစီၤပၤအဖိခွါလၢအကထီၣ်က့ၤနီ, တုၤလၢပှၤဘၣ်တၢ်စၢဃာ်လၢဃိာ်ပူၤတဖၣ်အဖိဝဲၢ်ကိန့ၣ်လီၤ. ကယဲၢ်ဆၣ်ဖိကီၢ်ဖိအဖိဝဲၢ်ကိတဖၣ်စ့ၢ်ကီးဘၣ်တၢ်မၤသံ အီၤန့ၣ်လီၤ.

လံာ်တၢ်ဟးထီၣ်ကွံာ် 3:20

ဘၣ်ဆၣ်ဒီးယကယူာ်ထီၣ်ယစုဒီးစံၣ်ညီၣ်ပှၤအဲၤကူပတူးဖိလၢတၢ် လီၤပျံၤလီၤဖုးတဖၣ်ဖဲန့ၣ်လီၤ. ဒီးတၢ်တဖၣ်န့ၣ်ဝံၤအလီၢ်ခံ အဝဲသ့ၣ်ကပျဲသုဟးထီၣ်လီၤ.

လံာ်တၢ်ဟးထီၣ်ကွံာ် 6:1

ဒီးယွၤစံးဘၣ်စီၤမိၤၡ့, “ခဲကနံၣ်အံၤနကထံၣ်ဘၣ်တၢ်လၢ ယကမၤကီၢ်အဲၤကူပတူးအစီၤပၤဒ်လဲၣ်န့ၣ်လီၤ. အဂ့ၢ်ဒ်အံၤ, ယကမၢဆူၣ်အီၤဒ်သိးကပျၢ်ယပှၤဂီၢ်မုၢ်လီၤ. ယကမၢဆူၣ်အီၤဒ်သိးကဟီထီၣ်ကွံာ်အဝဲသ့ၣ်လၢ အကီၢ်ပူၤသပှၢ်ကတၢၢ်န့ၣ်လီၤ.”

လံာ်တၢ်ဟးထီၣ်ကွံာ် 9:14

အအံၤတစုယတစံၣ်ညီၣ်ထဲနပဒိၣ်ပပှၢ်ဒီးနပှၤဂီၢ်မုၢ်န့ၣ်ဘၣ်. မ့မ့ၢ်ယကစံၣ်ညီၣ်စ့ၢ်ကီးနၤဒ်သိးနကသ့ၣ်ညါလၢပှၤဒ်သိးယၤ တအိၣ်ဘၣ်လၢဟီၣ်ခိၣ်ချၢနီတဂၤဘၣ်, န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:21

သုမ့ၢ်ထီဒါဒံးယၤဒီးတဒိကနၣ်ဘၣ်ယၤန့ၣ်, ယကမၤအါထီၣ်ကဒီးတၢ်စံၣ်ညီၣ်နွံဘျီန့ၣ်လီၤ.

လံာ်သိၣ်လီၤသီလီၤတၢ် 4:34

ဒ်ယွၤ, သုကစၢ်ယွၤမၤတ့ၢ်တၢ်လၢသုဂီၢ်လၢကီၢ်အဲၤကူပတူး အပူၤအသိးန့ၣ်, မ့ၢ်ကစၢ်လၢအလဲၤဒီးထုးထီၣ်ကွံာ်ပှၤဂီၢ်မုၢ်တဖုလၢပှၤအဂၤ တကလုာ်အကျါဒီးဒုးကဲထီၣ်အီၤလၢအတၢ်ဒၣ်ဝဲဘူၣ်န့ၣ်ကအိၣ်တဂၤ ဂၤဧါ. သုထံၣ်ဘၣ်အဝဲသူတ့ၢ်အတၢ်စိတၢ်ကမီၤဒီးတၢ်ဂံၢ်တၢ်ဘါဖးဒိၣ် လၢသုမဲာ်ချံဒၣ်သုဝဲလီၤ. အဝဲဒုးလီၤဘၣ်တၢ်ဆါသံသတြိာ်ဒီးတၢ်ဒုးတၢ်ယၤ, မၤတ့ၢ်တၢ်လီၤလးတဖၣ်ဒီးတၢ်လီၤကမၢကမၣ်တဖၣ်ဒီးဒုးအိၣ်ထီၣ် တၢ်လီၤပျံၤလီၤဖုးတဖၣ်လၢကမၤအသးန့ၣ်လီၤ.

လံာ်လီၣ်ဖျါ 16:9

အဝဲသ့ၣ်ဘၣ်တၢ်မၤကိၢ်ဃိာ်အီၤလၢတၢ်ကိၢ်လၢအဆူၣ် နးမးတမံၤအံၤ, ဒီးအဝဲသ့ၣ်ဆိၣ်အၢကစၢ်ယွၤလၢအအိၣ်ဒီး တၢ်စိတၢ်ကမီၤလၢတၢ်သံသတြိာ်တဖၣ်အံၤအလိၤတဂၤန့ၣ် အမံၤလီၤ. ဒီးအဝဲသ့ၣ်တဃၣ်ကွံာ်လၢအတၢ်ဒဲးဘးတဖၣ်ဒီး တစံးထီၣ်ပတြၢၤကစၢ်ယွၤအတၢ်ဒိၣ်တၢ်မုၢ်န့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 6:4

ပှၤဂီၢ်မုၢ်သံကွၢ်ဝဲ, “ပကဘၣ်ဆှၢလီၤတၢ်ဟ့ၣ်ကနၢၤမနုၤလဲၣ်.” ဒီးအဝဲသ့ၣ်စံးဆၢဝဲဒၣ်, “တၢ်အချံထီၣ်ဒီးညိးအဂီၤသိအသး လၢထူယဲၢ်ခါဒီးယုၢ်ဖိသိအသးလၢထူအဂီၤယဲၢ်ဒု, တခါစုာ်စုာ်န့ၣ်လၢပှၤဖလ့ၡသးဖိအစီၤပၤတဂၤစုာ်စုာ်အဂီၢ်လီၤ. တၢ်ဆါသံသတြိာ်တမံၤဃီန့ၣ်ဘၣ်တၢ်ဒုးလီၤဘၣ်အီၤလၢစီၤပၤ ယဲၢ်ဂၤအလိၤလီၤ.