လံာ်တၢ်ဟးထီၣ်ကွံာ် 10:9 - Sgaw Karen Common Bible

⁹ စီၤမိၤၡ့စံးဆၢဝဲဒၣ်, “ပကလဲၤဒီးပဖိဒံဖိသၣ်, ပပှၤသူၣ်က့သးပှၢ်တဖၣ်, ပဖိခွါတဖၣ်ဒီးပဖိမုၣ်တဖၣ်, ပသိ, ပမဲာ်တဲးလဲးဒီးပဂီၤဘုၣ်ဂီၤဖံးတဖၣ်န့ၣ်လီၤ. အဂ့ၢ်ဒ်အံၤပကဘၣ်မၤမူးလၢတၢ်မၤလၤကပီၤယွၤအဂီၢ်န့ၣ်လီၤ.”

လံာ်တၢ်ဟးထီၣ်ကွံာ် 10:9 Iomraidhean Croise

လံာ်တၢ်ကဲထီၣ်အခီၣ်ထံး 50:8

အဝဲအဒူၣ်ဖိထၢဖိ, အဒီပုၢ်ဝဲၢ်ခွါတဖၣ်, ဒီးအပၢ်အဒူၣ်ဖိထၢ ဖိအဂၤတဖၣ်ခဲလၢာ်, လဲၤဃုာ်တၢ်ဒီးအီၤလီၤ. ထဲဒၣ်အဖိဆံးတဖၣ်, အသိတဖၣ်, မဲာ်တဲးလဲးတဖၣ်ဒီးအဂီၤဘုၣ် ဂီၤဖံးန့ၣ်အိၣ်တ့ၢ်ဝဲလၢကီၢ်ကိၡ့ၣ်အလီၢ်ကဝီၤပူၤန့ၣ်လီၤ.

လံာ်တၢ်ဟးထီၣ်ကွံာ် 10:10

ဒီးစီၤပၤစံးဝဲဒၣ်, “ယဆိၣ်လီၤယသးလၢယွၤလၢယတပျဲသုလဲၤ ကိးပှၤပိာ်မုၣ်တဖၣ်ဒီးဖိဒံဖိသၣ်သ့ၣ်တဖၣ်န့ၣ်ဘၣ်. သုအိၣ်ဒီးတၢ်ကူၣ်လၢသုကပူထီၣ်တၢ်လီၤ.

လံာ်တၢ်ဟးထီၣ်ကွံာ် 10:26

ပပာ်တ့ၢ်အီၤတသ့ဘၣ်. ပကဘၣ်လဲၤစိာ်ပဆၣ်ဖိကီၢ်ဖိတဖၣ်ဃုာ်ဒီး ပှၤလီၤ. တဘၣ်အိၣ်လီၤတဲာ်တ့ၢ်နီတဒုဘၣ်. ဆၣ်ဖိကီၢ်ဖိတဖၣ်လၢပကလုၢ်ထီၣ်ယွၤ, ပကစၢ်ယွၤအဂီၢ်န့ၣ်, ပကဘၣ်ဃုထၢအီၤလၢပကစၢ်ဒၣ်ပဝဲန့ၣ်လီၤ. ဒီးတချုးဒံးဘၣ်လၢပတုၤဃီၤဖဲန့ၣ်န့ၣ်, ပကဘၣ်လုၢ်ထီၣ်ပာ်ထီၣ် ဆၣ်ဖိကီၢ်ဖိမတၤဆူယွၤအအိၣ်န့ၣ်ပသ့ၣ်ညါတသ့ဒံးဘၣ်.”

လံာ်တၢ်ဟးထီၣ်ကွံာ် 12:32

ဟံးန့ၢ်သုသိတဖၣ်, မဲာ်တဲးလဲးတဖၣ်ဒီးဂီၤဖံးတဖၣ်ဒီးဟးထီၣ်ကွံာ်တက့ၢ်. ဒီးဃ့ဘါထုကဖၣ်န့ၢ်စ့ၢ်ကီးလၢယတၢ်ဆိၣ်ဂ့ၤတမံၤအဂီၢ်တက့ၢ်.”

လံာ်တၢ်ဟးထီၣ်ကွံာ် 12:37

ပှၤအံၣ်စရ့လးဖိတဖၣ်ဟးထီၣ်ဝဲလၢအခီၣ်စးထီၣ်လၢဝ့ၢ်ရၤမစ့ တုၤဆူဝ့ၢ်စူးကိၤသးန့ၣ်လီၤ. ပှၤပိာ်ခွါအိၣ်ဝဲဒၣ်အဂၤဃုကလီၢ်ဃၣ် ဃၣ်ဒီးပိာ်မုၣ်တဖၣ်ဒီးဖိသၣ်တဖၣ်တဘၣ်တၢ်ဂံၢ်ဃုာ်အီၤဘၣ်.

လံာ်တၢ်ဟးထီၣ်ကွံာ် 12:38

ပှၤဂီၢ်မုၢ်အဂၤဂီၢ်မုၢ်ဂီၢ်ပၤ, သိတဖၣ်မဲာ်တဲးလဲးတဖၣ်, ဒီးဂီၤဖံးအါအါဂီၢ်ဂီၢ်လဲၤဃုာ်တၢ်ဒီးအဝဲသ့ၣ်စ့ၢ်ကီးလီၤ.

လံာ်တၢ်ဟးထီၣ်ကွံာ် 13:6

သုကဘၣ်အီၣ်ကိၣ်လၢအတအိၣ်ဒီးကိၣ်မံၣ်န့ၣ်နွံသီဒီးလၢနွံ နံၤတနံၤန့ၣ်, သုကဘၣ်မၤမူးတမူးလၢတၢ်မၤလၤကပီၤယွၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 3:18

ယပှၤဂီၢ်မုၢ်အသူၣ်က့သးပှၢ်တဖၣ်ကဒိကနၣ်တၢ်လၢနစံးဘၣ်အဝဲသ့ၣ် န့ၣ်လီၤ. ဒီးနကဘၣ်လဲၤဃုာ်တၢ်ဒီးပှၤအံၣ်စရ့လးအသူၣ်က့သးပှၢ်တဖၣ်ဆူ ကီၢ်အဲၤကူပတူးအစီၤပၤအအိၣ်ဒီးစံးဘၣ်အီၤ, ‘ယွၤ, ပှၤဧ့ၤဘြံၤဖိတဖၣ်အကစၢ်ယွၤလီၣ်ဖျါထီၣ်တ့ၢ်လံအသးလၢပှၤလီၤ. ခဲကနံၣ်အံၤပျဲလၢ်ပှၤဒ်သိးပကလဲၤတၢ်သၢသီကျဲဆူပှၢ်မုၢ်ကနၢ အပူၤဒ်သိးပကလုၢ်ထီၣ်တၢ်လုၢ်တၢ်ပာ်တဖၣ်ဆူယွၤ, ပကစၢ်ယွၤအအိၣ်န့ၣ်တက့ၢ်.’

လံာ်တၢ်ဟးထီၣ်ကွံာ် 5:1

ဒီးစီၤမိၤၡ့ဒီးစီၤအၤဟရိၣ်လဲၤဆူကီၢ်အဲၤကူပတူးစီၤပၤ အအိၣ်, ဒီးစံးဘၣ်အီၤ, “ယွၤ, ပှၤအံၣ်စရ့လးဖိအကစၢ်ယွၤစံးဒ်အံၤ, ပျၢ်ယပှၤဂီၢ်မုၢ်, ဒ်သိးအကလဲၤမၤဘူၣ်လၢပှၢ်မုၢ်ကနၢလၢတၢ်မၤလၤကပီၤယၤအဂီၢ်န့ၣ်တက့ၢ်.”

လံာ်တၢ်ဟးထီၣ်ကွံာ် 5:3

ဒီးစီၤမိၤၡ့ဒီးစီၤအၤဟရိၣ်စံးဝဲဒၣ်, “ပှၤဧ့ၤဘြံၤဖိအကစၢ်ယွၤလီၣ်ဖျါထီၣ်အသးလၢပှၤလံ. ဒုးလဲၤလၢ်ပှၤသၢနံၤကျဲဆူပှၢ်မုၢ်ကနၢဒ်သိးပကလုၢ်တၢ်ပာ်တၢ်ဆူယွၤ, ပကစၢ်ယွၤအအိၣ်တက့ၢ်. ပမ့ၢ်တမၤဘၣ်ဒ်န့ၣ်ဒီးအဝဲကမၤသံပှၤလၢတၢ်ဆူးတၢ်ဆါဒီးတၢ်ဒုးတၢ်ယၤန့ၣ်လီၤ.”

တၢ်ကတိၤဒိ. 3:9

မၤလၤကပီၤယွၤလၢနတၢ်လုၢ်ထီၣ်ပာ်ထီၣ်တမံၤ, လၢအမ့ၢ်တၢ်အဂ့ၤကတၢၢ်လၢတၢ်လၢနဟီၣ်ခိၣ်အတၤသၣ်အကျါတက့ၢ်.

လံာ်ပှၤစံၣ်တဲၤတဲလီၤတၢ် 12:1

တချုးဒံးဘၣ်လၢမုၢ်နံၤတဖၣ်ဒီးနံၣ်တဖၣ်လၢအမၤသးအုးတၢ်ဟဲ ဒီးဖဲနကစံး, “ယအိၣ်မူတမုာ်တလၤဘၣ်ယၤဘၣ်” န့ၣ်, သ့ၣ်နီၣ်ထီၣ်က့ၤနတၢ်ဘၣ်တ့အကစၢ်ဖဲနသးစၢ်ဒံးအကတီၢ် အံၤန့ၣ်တက့ၢ်.

လံာ်တၢ်ဂံၢ် 29:12

လၢလါနွံလါတလါထီၣ်တဆံယဲၢ်သီန့ၣ်ပာ်ဖှိၣ်ထီၣ်သုသးလၢတၢ် ဘူၣ်ထီၣ်ဘါထီၣ်ယွၤအဂီၢ်တက့ၢ်. မၤမူးဖးဒိၣ်အံၤလၢတၢ်မၤလၤကပီၤယွၤအဂီၢ်လၢနွံသီအတီၢ် ပူၤဒီးမၤတၢ်မၤနီတမံၤတဂ့ၤ.

အ့းဖ့းစူး 6:4

မိၢ်ပၢ်သ့ၣ်ဧၢ, တဘၣ်မၤတုၤဒၣ်လဲာ်သုဖိကသးဒိၣ်ထီၣ်တဂ့ၤ. မ့မ့ၢ်လုၢ်ဒိၣ်ထီၣ်အဝဲသ့ၣ်လၢကစၢ်အတၢ်သိၣ်တၢ်သီဒီးအကျဲ အကပိၤအပူၤန့ၣ်တက့ၢ်.

လံာ်စီၤယိၤၡူ 24:15

သုမ့ၢ်တသးအိၣ်မၤအတၢ်ဘၣ်ဒီး, ဃုထၢလၢမုၢ်မဆါတနံၤအံၤပှၤ လၢသုကမၤအတၢ်န့ၣ်တက့ၢ်. သုကဃုထၢကစၢ်တဖၣ်လၢသုမိၢ်ပၢ်ဖံဖုလၢပျၢၤတဖၣ်မၤအတၢ်လၢ ထံမိၢ်ပှၢ်ဝၢ်ဘးခီ, မ့တမ့ၢ်ပှၤအမိၢ်ဖိလၢသုအိၣ်သုဆိး လၢအကီၢ်ပူၤအကစၢ်တဖၣ်ဧါ. မ့မ့ၢ်ယဲဒၣ်အံၤဒီးယပှၤဟံၣ်ဖိ, ပကမၤယွၤအတၢ်လီၤ.”